மேற்கிந்திய தீவுகள் அணியைச் சேர்ந்த பிரபல கிரிக்கெட் வீரர் டுவைன் பிராவோ தமிழில் உருவாகும் புதிய படத்தில் நடிக்கிறார்.
தற்போது சென்னை சூப்பர் கிங்ஸ் அணியில் விளையாடி வரும் பிராவோ ரசிகர்கள் மனம் கவர்ந்த வீரராக உள்ளார்.
மைதானத்தில் இவரது உடல் மொழியைக் கவனித்த இயக்குனர் ராஜன் மாதவ் என்பவர் தான் இயக்கும் உலா என்ற படத்தில் சிறப்பு தோற்றத்தில் நடிக்க வைக்க உள்ளார். இவர் இயக்குனர் சேரன் நடித்த முரண் படத்தை இயக்கியவர்.
விரைவில் தனது முதல் தமிழ்ப் படம் குறித்து செய்தியாளர்களைச் சந்தித்து பிராவோ பேட்டியளிக்கப் போகிறார்.
