இந்தியாவின் தெலுங்கானா மாநிலத்தில் 65 வயது ஷேக்கை 16 வயது சிறுமி திருமணம் செய்து கொண்டது பரபரப்பை ஏற்படுத்தியுள்ளது.
ஐதராபாத் அருகே உள்ள நவாப் சாஹெப் குண்டாவைச் சேர்ந்த சையதா உன்னிசா என்பவரது 16 வயது மகளை ஓமானைச் சேர்ந்த ஷேக் அஹமது(60) என்பவர் விலைக்கு வாங்கி திருமணம் செய்துகொண்டதாக சிறுமியின் தாயார் பொலிசில் புகார் அளித்துள்ளார்.
அவர் அளித்துள்ள புகாரில், இந்த திருமணத்திற்கு நாத்தனார் கவுசியா மற்றும் அவரது கணவர் சிக்கந்தர் உடந்தையாக இருந்துள்ளனர்.
ரம்ஜானிற்கு முன்பு ஐதராபாத் வந்த ஷேக், எனது மகளை திருமணம் செய்துகொள்ள கேட்டார், அதற்கு எனது மகள் மறுத்துவிட்டார்.
பின்பு, ஓமனில் சொகுசான வாழலாம் என்று கூறி சில வீடியோக்களை சிக்கந்தர் எனது மகளிடம் காட்டி அவளை ஏமாற்றியுள்ளார்.
இந்நிலையில் ஐதராபாத் அருகே பர்காசில் உள்ள ஓட்டல் ஒன்றில் சிக்கந்தர் திருமண ஏற்பாடுகளைச் செய்துள்ளார், அவர் ரூ.5 லட்சம் கொடுத்து எனது மகளை வாங்கியுள்ளார்.
திருமணம் முடித்த பின்னர் அவர்கள் இருவரும் ஓமனிற்கு சென்றுள்ளனர். எனது மகளை என்னிடம் ஒப்படைக்குமாறு கேட்டால், கொடுத்த பணத்தை திருப்பி கொடுங்கள் என கூறிகிறார்கள், எனவே எனது மகளை மீட்டுத்தரவேண்டும் என கூறியுள்ளார்.
