ஆர்கே நகரில் ஓட்டுக்கு 20 ஆயிரம் ரூபாய் கொடுத்து டிடிவி தினகரன் வெற்றி பெற்றுள்ளதாக நடிகர் கமல்ஹாசன் குற்றஞ்சாட்டியுள்ளார்.
சென்னை ஆர்கே நகர் தொகுதி இடைத்தேர்தலில் சுயேட்சை வேட்பாளர் டிடிவி தினகரன் அபார வெற்றி பெற்றார். வாக்கு எண்ணிக்கை நடந்து 10 நாட்கள் ஆகிவிட்ட நிலையில் இதுகுறித்து நடிகர் கமல்ஹாசன் தனியார் வார இதழில் கருத்து தெரிவித்துள்ளார்.
அதில் சுயேட்சையாக போட்டியிட்ட வேட்பாளர் 20 ஆயிரம் ரூபாய் வரை கொடுத்ததாகவும், ஆர்கே நகர் மக்கள் 20 ரூபாய் டோக்கன்களுக்கு விலை போய்விட்டதாகவும் வேதனை தெரிவித்துள்ளார்.
அதே போல ஆளும் கட்சி சார்பில் ஆர்கே நகர் வாக்காளர்களுக்கு தலா 6 ஆயிரம் ரூபாய் கொடுக்கப்பட்டதாக தெரிவித்துள்ளார்.
பணம் பெற்று வாக்களிப்பது என்பது பிச்சை பெறுவது போன்றது என்றும், அதுவும் திருடனிடம் பிச்சை எடுப்பது போன்ற ஒரு கேவலம் எங்கேயாவது உண்டா என்றும் விமர்சித்துள்ளார்.
