உலகின் சக்தி வாய்ந்த ராணுவத்தை கொண்ட நாடுகளின் பட்டியல் வெளியானது!!

உலக அளவில் சக்தி வாய்ந்த ராணுவத்தைக் கொண்ட நாடுகளின் பட்டியலை ‘Global Firepower List 2017′ வெளியிட்டுள்ளது.

ராணுவ வளங்கள், இயற்கை வளங்கள், தொழில் மற்றும் புவியியல் சார்ந்த அம்சங்கள், கிடைக்கக் கூடிய வகையிலான மனிதசக்தி, நிலம், காற்று மற்றும் வான்வழி உட்பட 50 அம்சங்களின் அடிப்படையில் 133 நாடுகளை ஆய்வுக்கு உட்படுத்தி பட்டியல் வெளியாகியுள்ளது.

இந்த பட்டியலில் முதலிடத்தில் அமெரிக்காவும், இரண்டாவது இடத்தில் ரஷ்யாவும், மூன்றாவது இடத்தில் சீனாவும் உள்ளன.

4வது மற்றும் 5வது இடங்களை இந்தியா, பிரான்ஸ் நாடுகள் பிடித்துள்ளன. பிரித்தானியா, ஜப்பான், துருக்கி, ஜேர்மனி மற்றும் எகிப்து ஆகிய நாடுகள் முறையே 6 முதல் 10 இடங்களைப் பிடித்துள்ளன.

இந்த பட்டியல் குறித்து, Global Firepwer தனது அறிக்கையில் கூறுகையில், ‘எங்களது சூத்திரம் சிறியதாக இருந்தாலும், தொழில்நுட்ப ரீதியாக மேம்பட்ட பெரிய நாடுகள், சிறிய வளர்ச்சியுடனான நாடுகளுடன் போட்டி போடுவதற்கு அனுமதிக்கும் வகையில் உள்ளது என தெரிவித்துள்ளார்.