அமெரிக்காவில் 1000 பெண்களுக்கு போதை மருந்து கொடுத்து பாலியல் துஸ்பிரயோகம் செய்த எலும்பு மருத்துவர் காதலியுடன் சேர்த்து கைது செய்யப்பட்டுள்ளார்.
அமெரிக்காவின் கலிபோர்னியா மாகாணத்தை சேர்ந்த எலும்பு முறிவு மருத்துவர் Grant William Robicheaux (38). இவர் அமெரிக்காவின் பல்வேறு ரியாலிட்டி நிகழ்ச்சிகளில் பங்கேற்றவர். இவருக்கு 32 வயதில் Cerissa Laura Riley என்ற காதலி உள்ளார்.
மது பிரியர்களான இருவரும் அதிகமான பார்களுக்கு செல்லும் பழக்கம் உள்ளவர்கள். அங்கு வரும் அழகிய பெண்களிடம் பேச்சின் மூலம் வசியம் செய்து, போதை பொருட்களை கொடுத்து மயக்கி கற்பழிப்பதையே William வழக்கமாக கொண்டிருந்துள்ளார்.
இந்தக்கொடூரமான சம்பவத்திற்கு அவருடைய காதலி Cerissa உடந்தையாக இருந்துள்ளார். இந்த நிலையில் அவரால் பாதிக்கப்பட்ட இரண்டு பெண்கள் பொலிஸாரிடம் புகார் அளித்தனர். அதனடிப்படையில் வழக்கு பதிவு செய்த பொலிஸார், குற்றாவளி William செல்போனை ஆராய்ந்து பார்த்ததில் 1000க்கும் மேற்பட்ட பெண்களுடன் அவர் நெருக்கமாக இருக்கும் வீடியோக்கள் சிக்கின.
இதனை பார்த்து அதிர்ச்சியடைந்த பொலிஸார், William மூலம் பாதிக்கப்பட்ட பெண்கள் அனைவரும் புகார் கொடுக்கலாம். அவர்களை பற்றிய ரகசியம் பாதுகாக்கப்படும் என அறிவிப்பினை வெளியிட்டனர். இதனையடுத்து தற்போது 100-கும் மேற்பட்ட பெண்கள் பொலிஸ் நிலையத்தில் புகார் அளித்துள்ளனர்.
இது குறித்து பொலிஸார் கூறும்பொழுது, வரும் அக்டோபர் 24-ம் தேதியன்று இருவரையும் நீதிமன்றத்தில் ஆஜர்படுத்த உள்ளோம். அங்கு குற்றம் நிரூபிக்கப்பட்டால் William-ற்கு 40 ஆண்டுகள் சிறைத்தண்டனையும், அவருடைய காதலி Cerissa-விற்கு 30 ஆண்டுகள் 8 மாதங்கள் சிறை தண்டனை விதிக்கப்படும் என தெரிவித்துள்ளனர்.
