கிறிஸ்மஸ் கொண்டாட்டம்
வவுனியா வைத்தியசாலையில் கிறிஸ்மஸ் தின நிகழ்வுகள் இன்று (19.12.2019) நடைபெற்றது. வவுனியா நாற்சதுர சுவிசேச சபை மற்றும் வைத்தியசாலை கிறிஸ்தவ ஐக்கிய அமைப்பு ஆகியன இணைந்து கிறிஸ்மஸ் நிகழ்வுகளை நடாத்தியிருந்தன.
வவுனியா வைத்தியசாலையில் ஒவ்வொரு நோயாளர் விடுதிகளாக சென்ற கிறிஸ்தவ ஊழியக்கார்கள், கிறிஸ்தவ பாடல்களை பாடி அங்கிருந்தவர்களின் நோய்கள் குணமாக விசேட ஜெபத்தில் ஈடுபட்டனர்.
அத்துடன் நோயாளர்களுக்கு சிற்றுண்டிகள் வழங்கப்பட்டதுடன், சிறுவர் விடுதிக்குச் சென்று அங்கு கிறிஸ்மஸ் பாடல்கள் இசைத்து சிறுவர்களுக்கு கிறிஸ்மஸ் பரிசில்களும் வழங்கி வைக்கப்ட்டது.
வைத்தியர்கள் மற்றும் தாதியர் வைத்தியசாலை ஊழியர்களுக்கும் அவர்களின் நலன் வேண்டி சிறப்பு பிராத்தனைகள் இடம்பெற்றது.
