வவுனியாவில் இரு விலைகளில் விற்பனை செய்யப்படும் கோதுமை மா : அசமந்தபோக்காக செயற்படும் பாவனையாளர் அலுவல்கள் அதிகார சபை!!

கோதுமை மா..

வவுனியா மாவட்டத்தில் 100 ரூபா மற்றும் 115 ரூபா என இரு விலைகளில் கோதுமை மா விற்பனை செய்யப்படுகின்ற போதிலும் மாவட்ட பாவனையாளர் அலுவல்கள் அதிகார சபையினர் எவ்வித நடவடிக்கையும் எடுக்கவில்லை என பொதுமக்கள் விசனம் தெரிவித்துள்ளனர்.

இரு விலைக்கு விற்பனை செய்யப்படும் கோதுமை மா பையில் ஒரே பொதியில் இலக்கம் மற்றும் ஒரு பொதியில் 100 ரூபா என அச்சிடப்பட்டுள்ளது. மா பையில் 100 ரூபா என்பதனை அழித்து 115 என எழுதப்பட்டுள்ளது.

வவுனியா பஜார் வீதியிலிருந்து மக்களுக்கு கோதுமை மா விநியோகம் செய்யும் குறித்த நிறுவனத்தினாலேயே இவ்வாறான விலை மாற்றம் செய்து சிறிய வர்த்தக நிலையங்களுக்கு விநியோகம் செய்யப்படுகின்றது.

மாவட்ட பாவனையாளர் அலுவல்கள் அதிகார சபையினர் உயர் அதிகாரிகளின் அழுத்தம் காரணமாகவா இவற்றினை கண்டும் காணாதும் செயற்படுகின்றனர் என பொதுமக்கள் விசனம் தெரிவித்தனர்.