வவுனியா – விளக்கு வைத்த குளம், ஏ9 வீதியில் இடம்பெற்ற வாகன விபத்தில் ஒருவர் படுகாயமடைந்துள்ளார். குறித்த சம்பவமானது, நேற்று (21.08.2024) இடம்பெற்றுள்ளது.
ஹயஸ் ரக வாகனம் ஒன்றும், முச்சக்கர வண்டி ஒன்றும் மோதியதிலேயே இந்த விபத்து ஏற்பட்டுள்ளது.
இச்சம்பத்தின் போது, வவுனியாவில் இருந்து யாழ்ப்பாணம் நோக்கி பயணித்த முச்சக்கர வண்டி மீது, அதே திசையில் பயணித்த ஹயஸ் ரக வாகனம் மோதியுள்ளது.
இதன்போது, முச்சக்கர வண்டியின் சாரதி படுகாயமடைந்த நிலையில் வைத்தியசாலையில் அனுமதிக்கப்பட்டுள்ளார். மேலும், சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.
