தொடர் வலுவிழப்பைச் சந்தித்து வரும் இலங்கை ரூபா இன்றும் சரிவு : மத்திய வங்கியின் அறிவிப்பு!!

இலங்கை மத்திய வங்கி (CBSL) வெளியிட்டுள்ள தினசரி நாணய மாற்று விகிதங்களின்படி, அமெரிக்க டொலரின் விற்பனை விலை 334 ரூபாயைத் தாண்டியுள்ளது.

இதன்படி, இன்றைய தினம் (29) அமெரிக்க டொலர் ஒன்றின் கொள்வனவு விலை (Buying Rate) 324.45 ரூபாயாகவும், விற்பனை விலை (Selling Rate) 334.24 ரூபாயாகவும் பதிவாகியுள்ளது.

அதனுடன் ஒப்பிடுகையில், கடந்த புதன்கிழமை (27) மத்திய வங்கி வெளியிட்ட நாணய மாற்று விகிதங்களின்படி, அமெரிக்க டொலரின் கொள்வனவு விலை 320.40 ரூபாயாகவும், விற்பனை விலை 330.81 ரூபாயாகவும் பதிவாகியிருந்தமை குறிப்பிடத்தக்கது.