அவுஸ்திரேலிய கிரிக்கெட் அணியின் முன்னாள் சுழற்பந்து வீச்சாளரான ஷேன் வோன் 2007–ம் ஆண்டுடன் சர்வதேச போட்டியில் இருந்து ஓய்வு பெற்றார்.
இருப்பினும் அவர் முதலாவது ஐ.பி.எல். போட்டியில் விளையாடினார்.
அவுஸ்திரேலியாவில் நடைபெறும் பிக் பாஷ் லீக் போட்டியில் வோன் தொடர்ந்து விளையாடி வந்தார். அந்த போட்டியில் இருந்து விடைபெறுவதாக ஷேன் வோன் நேற்று அறிவித்துள்ளார்.
தான் விடைபெற இதுவே சரியான தருணம் என்று தெரிவித்துள்ள அவர் தொழில் மற்றும் வர்ணனையாளர் பணியை கவனித்து கொண்டு விளையாடுவது கடினம் என்பதால் இந்த முடிவை எடுத்துள்ளேன் என்று கூறினார்.
43 வயதான ஷேன் வோன் 145 டெஸ்டில் விளையாடி 708 விக்கெட்டும், 194 ஒருநாள் போட்டியில் ஆடி 293 விக்கெட்டும் வீழ்த்தியவர் என்பது குறிப்பிடத்தக்கது
