இலங்கை மற்றும் தென்னாபிரிக்க அணிகள் மோதும் இரண்டாவது ஒருநாள் போட்டி இன்று நடைபெறவுள்ளது.ஆர். பிரேமதாஸ மைதானத்தில் பகல் இரவு ஆட்டமாக இடம்பெறவுள்ள இந்தப் போட்டி பிற்பகல் 2.30 அளவில் ஆரம்பமாகவுள்ளது.
இலங்கைக்கு கிரிக்கெட் சுற்றுப் பயணம் மேற்கொண்டுள்ள தென்னாபிரிக்க அணி ஐந்து ஒருநாள் போட்டிகளில் விளையாடவுள்ளது.
இரு அணிகளுக்கும் இடையே கடந்த 20ம் திகதி இடம்பெற்ற முதலாவது போட்டியில் இலங்கை அணி 180 ஒட்டங்களால் தென்னாபிரிக்காவை வீழ்த்தி வெற்றியுடன் தொடரை ஆரம்பித்தது.
இதன்படி இன்று இரண்டாவது போட்டியில் இரு அணிகளிலும் பலப்பரிட்சை நடத்தவுள்ளன.
இன்றைய போட்டியிலும் இலங்கை அணையை சந்திமல் தலைமை தாங்குகிறார். கடந்த போட்டியில் காயம் காரணமாக விளையாடாது இருந்த தென்னாபிரிக்க அணியின் துடுப்பாட்ட வீரர் ஹசிம் அம்லா இன்றைய போட்டியில் விளையாடுவாரென எதிர்பார்க்கப்படுகிறது.
கடந்த சிலதினங்களாக கொழும்பில் சீரற்ற காலநிலை நிலவிவருகிறது. இன்றும் கூட அதிகாலை முதல் மழை பெய்து வருவதினால் இன்றைய போட்டிக்கு மழை சவால் விடலாமென எதிர்பார்க்கப்படுகிறது.
