அர்ஜீன் மகள் ஐஸ்வர்யாவுக்கு முதல் படம் வெளியாவதற்கு முன்னதாகவே அடுத்தடுத்த படத்திற்கான வாய்ப்புகள் குவிந்த வண்ணம் உள்ளன.
அர்ஜீன் மகள் ஐஸ்வர்யா அறிமுகமாகும் படம் பட்டத்து யானை. இதில் அவர் விஷாலுக்கு ஜோடியாக நடித்துள்ளார்.
இந்தப் படம் குறித்து நல்ல கருத்துகள் பரவியிருப்பதால், முதல் படத்திலேயே எதிர்ப்பார்ப்புக்குரிய நாயகியாகிவிட்டார் ஐஸ்வர்யா.
இதில் படத்தின் ப்ளஸ் பாய்ண்டாக ஐஸ்வர்யாவின் அழகும் நடிப்பும் முக்கியமானவை என்று கூறப்படுவதால் அவரை ஒப்பந்தம் செய்ய இரு நிறுவனங்கள் முனைப்பு காட்டி வருகின்றன.
ஆனால் அர்ஜீனோ படம் வெளியான பிறகு புதிய படங்கள் குறித்து பேச்சுவார்த்தை நடத்தலாம் என தெரிவித்துள்ளார். இதனைத் தொடர்ந்து அர்ஜீனின் நெருக்கமான நண்பர்கள் உள்ள தெலுங்குப் பட உலகிலும் ஐஸ்வர்யாவுக்கு வாய்ப்புகள் குவிந்துள்ளன.
இந்நிலையில் ஐஸ்வர்யாவுக்கு கிடைத்துள்ள இந்த முக்கியத்துவமானது கொலிவுட்டின் மற்ற நாயகிகளுக்கு கொஞ்சம் கலக்கத்தை உண்டாக்கியுள்ளது. ஐஸ்வர்யா நடித்துள்ள பட்டத்து யானை வருகின்ற வெள்ளிக்கிழமை வெளியாகின்றது.
