இந்திய அணிக்கு வெற்றி – விராட் கோஹ்லி சதம்..!

சிம்பாப்வே அணிக்கு எதிரான முதல் ஒரு நாள் போட்டியில் விராட் கோஹ்லி சதம் கடந்து கைகொடுக்க, இந்திய அணி 6 விக்கெட் வித்தியாசத்தில் வெற்றி பெற்றது.

சிம்பாப்வே சென்றுள்ள இந்திய அணி, 5 ஒருநாள் போட்டிகள் கொண்ட தொடரில் பங்கேற்கிறது. முதல் போட்டி ஹராரேவில் உள்ள ஸ்போர்ட்ஸ் கிளப் மைதானத்தில் இன்று நடக்கிறது. இதில் நாணயசுழற்சியில்  வென்ற இந்தியஅணித்தலைவர் கோஹ்லி முதலில் பந்துவீச்சை தேர்வு செய்தார்.

சிம்பாப்வே அணி 50 ஓவரில் 7 விக்கெட்டுக்கு 228 ரன்கள் எடுத்தது. சிம்பாப்வே அணியின் சார்பாக சிக்கந்தர் 82 ஓட்டங்களையும் சிகும்புரா 43 ஓட்டங்களையும் பெற்றனர். இந்திய அணி சார்பில் அதிகபட்சமாக அமித் மிஸ்ரா 3 விக்கெட் வீழ்த்தினார்.

பதிலுக்குத் துடுப்பெடுத்தாடிய இந்திய அணி 44.5 ஓவரில் 4 விக்கெட்டுக்கு 230 ரன்கள் எடுத்து வெற்றி பெற்றது. இந்திய அணி சார்பாக விராட்  கோஹ்லி தனது 15வது சதம் கடந்து 115 ஓட்டங்களைப் பெற்றார். அம்பட்டி ராயுடு ஆட்டமிழக்காது 63 ஓட்டங்களைப் பெற்றார்.

இந்த வெற்றி மூலம் ஐந்து போட்டிகள் கொண்ட ஒருநாள் தொடரில் 1-0 என்ற கணக்கில் இந்திய அணி முன்னிலை வகிக்கிறது.