தற்போதைய நிலையில் மக்களால் விரும்பி பார்க்கப்படும் உலாவிகளில் முதலிடம் பிடித்துள்ளது குரோம் உலாவி. ஐந்து ஆண்டுகளுக்கு முன்னர் குரோம் உலாவி அறிமுகமான காலகட்டத்தில் இன்டர்நெட் எக்ஸ்புளோரர் தான் முதலிடத்தில் இருந்தது.
ஆனால் அறிமுகமானதில் இருந்தே குரோம் உலாவியின் வாடிக்கையாளர்களின் எண்ணிக்கை பெருகத் தொடங்கியது.
இதனை தொடர்ந்து பல்வேறு வசதிகளும் அறிமுகப்படுத்தப்பட்டன.
இந்நிலையில் சமீபத்தில் இணைய செயல்பாடுகளை கண்காணித்து வரும் StatCounter குரோம் உலாவி தற்போது முதலிடத்தைப் பிடித்துள்ளதாக அறிவித்துள்ளது.
ஜூன் மாதம் இறுதியாகக் கிடைத்த தகவல்களின் படி குரோம் உலகாளவிய அளவில், 43 சதவிகித இணையப் பயனாளர்களை வாடிக்கையாளர்களாகக் கொண்டுள்ளது.
ஆனால், இன்டர்நெட் எக்ஸ்புளோரர் 25 சதவிகித வாடிக்கையாளர்களையே தன்னிடத்தில் வைத்துள்ளது.
பயர்பொக்ஸ் ஏறத்தாழ 20 சதவிகிதம் பேருக்கே சேவை செய்து வருகிறது. அடுத்த நான்காவது மற்றும் ஐந்தாவது இடங்களில் சபாரி மற்றும் ஒபேரா உலாவிகள் உள்ளன.
