இலங்கை, தென்னாபிரிக்க அணிகள் மோதும் முதல் T20 போட்டி, கொழும்பு பிரேமதாசா மைதானத்தில் இன்று நடைபெறவுள்ளது.
சுற்றுலா தென்னாபிரிக்க அணி, இலங்கை அணிக்கு எதிராக ஒருநாள் மற்றும் T20 தொடர்களில் விளையாடுகிறது. முதலில் 5 போட்டிகள் கொண்ட ஒருநாள் தொடர் நடைபெற்றது.
இதில் இலங்கை அணி 4 -1 என்ற கணக்கில் அபாரமாக வென்றது.
கொழும்பு மைதானத்தில் நேற்று முன்தினம் இரவு நடந்த கடைசி ஒருநாள் போட்டியிலும், தென்னாபிரிக்க அணி 128 ஓட்டங்கள் வித்தியாசத்தில் தோல்வி கண்டது.
இரு அணிகளுக்குமிடையில் மூன்று T20 போட்டித்தொடர் நடைபெறவுள்ளது. அதன் முதல் போட்டியில் இலங்கை, தென்னாபிரிக்க அணிகள் இன்று மோதுகின்றன.
இன்றைய போட்டி கொழும்பு பிரேமதாசா மைதானத்தில் இரவு 7.00 மணிக்கு ஆரம்பமாகும்.
இலங்கை அணியின் விபரம்
டினேஷ் சந்திமால் (தலைவர்),லசித் மலிங்க, குஷால் ஜனித் பெரேரா, திலகரட்ண டில்ஷான், குமார் சங்கக்கார, மஹேல ஜெயவர்தன, அஞ்சலோ மத்தியூஸ், லஹிரு திரிமன்ன, அஞ்சலோ பெரேரா, ஜீவன் மென்டிஸ், திஸர பெரேரா, நுவான் குலசேகர, சுரங்க லக்மால், சச்சித்திர சேனநாயக்க, அஜந்த மென்டிஸ்.
