நடிகர்கள் மட்டும்தான் சிக்ஸ்பேக் வைக்க ஆசைப்பட வேண்டுமா? அந்த ஆசை நடிகைகளுக்கு வரக்கூடாதா என்ன? அந்த முயற்சியில் இறங்கியிருக்கிறார் அனுஷ்கா.
தற்போது நடித்துக்கொண்டிருக்கும் ருத்ரம்மாதேவி, மற்றும் பஹுபாலி ஆகிய இரு படங்களிலும் வீர, தீர சாகஸக்காட்சிகளில் நடித்து வரும் அனுஷ்கா, கடுமையான உடற்பயிற்சியில் ஈடுபட்டு வருகிறார்.அப்போதுதான் அவருக்கு சிக்ஸ்பேக் வைக்க வேண்டுமென்ற ஆசை வந்ததாம். உடனே உடற்பயிற்சி ஆசிரியரிடம் ஆலோசனை பெற்றிருக்கிறார்.
ஏற்கனவே யோகா டீச்சராக இருக்கும் அனுஷ்காவிற்கு சிக்ஸ்பேக் வைப்பதெல்லாம் ஒரு பொருட்டே இல்லை என்பதுதான் எல்லோருடைய எண்ணம். இன்னும் சில நாட்களில் சிக்ஸ்பேக் அனுஷ்காவை ரசிகர்கள் பார்க்கலாம்.
