நடப்பு உலக சாம்பியனான இலங்கை கிரிக்கெட் அணியின் வேகப்பந்து வீச்சாளர் லசித் மலிங்க உலக கிண்ணத் தொடரிலிருந்து நீக்கப்பட்டுள்ளதாக ஸ்ரீலங்கா கிரிக்கெட் சற்று முன்னர் அறிவித்துள்ளது.
உபாதைகளால் அவதிப்பட்டுவந்த லசித் மலிங்க, ஏற்கனவே அறிவிக்கப்பட்ட இலங்கையின் உலக கிண்ண அணியில் 15 வது வீரராக இடம்பிடித்தார்.
ஆயினும் தொடர்ந்தும் அவரது உபாதை குணமடையாத நிலையில் அவரை அணியிலிருந்து நீக்குவதற்கு ஸ்ரீலங்கா கிரிக்கெட் முடிவெடுத்துள்ளது. இதுவரையில் இவருக்கு பதிலாக மாற்று வீரர் அறிவிக்கப்படவில்லை.
இரண்டு பிரதான வேகப்பந்து வீச்சாளர்களான நுவான் குலசேகர மற்றும் துஸ்மந்த சமீர ஆகியோர் அணியில் இடம்பிடித்துள்ளனர். மூன்றாமவராக அணியில் இடம்பிடித்துள்ளார்.
அவர்களோடு அணித்தலைவர் மத்தியுஸ் , திசர பெரேரா ஆகியோரும் வேகபந்து வீசக்கூடியவர்கள் எனும் அடிப்படையில் மேலதிக வேகப்பந்து வீச்சாளரை தவிர்த்து ஒரு சுழல் பந்து வீச்சாளர் அணிக்கு தேர்வாவதற்கான வாய்ப்புக்களும் அதிகம் இருக்கிறது.
எது எப்படியோ இலங்கை அணியின் துல்லியமான வேகப்பந்து வீச்சாளரான மலிங்கவின் இழப்பு இலங்கை கிரிக்கெட் அணிக்கு மிகப்பெரும் இழப்பாகவே இருக்கப்போகிறது.
