ஜப்பானின் தென்புறத் தீவான ஒகினாவில் அமெரிக்காவின் ராணுவத் தளம் ஒன்று உள்ளது. அங்கிருந்த கடேனா விமான தளத்திலிருந்து 4 பேர் குழுவினருடன் நேற்று வானில் பறந்த எச்எச்-60 ரக மீட்புப்பணி ஹெலிகொப்டர் ஒன்று கேம்ப் ஹன்சன் பகுதியில் விபத்துக்கு உள்ளானது.
விபத்துக்கான காரணம் சரிவரத் தெரியாத நிலையில் அதில் பயணம் செய்தவர்கள் தப்பித்திருக்க வேண்டும் என்றும் அதில் ஒருவர் மட்டும் மருத்துவமனைக்குக் கொண்டு செல்லப்பட்டிருக்கலாம் என்றும் ஜப்பானிய உள்துறை அமைச்சர் இட்ஸ்சுநோரி ஒனதேரா நேற்று தெரிவித்திருந்தார்.
ஆனால் 4 பேரில் ஒருவரைக் காணவில்லை என்று அமெரிக்க ராணுவத் தலைமையின் தகவல் அறிக்கை பின்னர் வெளியாகி இருந்தது. இத்தகைய விபத்துகள் நடைபெறாமல் தடுக்கும் விதமாக ஜப்பான் அரசு இந்த விபத்துக்கான விசாரணையைத் துவக்கியுள்ளது. அதேபோல்,விபத்துக்கான காரணங்களை முற்றிலும் அறிந்து கொள்ளாமல் இத்தகைய ஹெலிகொப்டர்களை அமெரிக்க ராணுவம் தொடர்ந்து பயன்படுத்த வேண்டாம் என்றும் ஜப்பான் அரசு தெரிவித்துள்ளது.
இந்தக் கருத்தினை அமெரிக்க ராணுவத் தலைமையகத்திற்கு தெரிவித்து விட்டதாக அந்நாட்டின் உள்துறை அமைச்சர் ஒனதேரா இன்று கூறியுள்ளார்.
