கிரிக்கெட் என்னை ஒரு சிறந்த மனிதராக உருவாக்கியுள்ளது என இந்திய அணியின் முன்னாள் அணித்தலைவர் ராகுல் டிராவிட் தெரிவித்துள்ளார்.
இந்தியாவின் கோவாவில் உள்ள பிர்லா கல்வி நிறுவனத்தில் நடந்த பட்டமளிப்பு விழா நிகழ்ச்சியில் கலந்து கொண்டு பேசுகையிலேயே இவ்வாறு தெரிவித்துள்ளார்.
மேலும் அவர் கிரிக்கெட்டிலிருந்து ஓய்வு பெற்ற ஒன்றரை வருடங்களுக்கு பிறகு கிரிக்கெட் என்னை ஒரு சிறந்த மனிதனாக உருவாக்கியிருக்கிறது என்பதை நான் உணர்ந்து இருக்கிறேன்.
நான் கிரிக்கெட் விளையாடியபோது பல வெற்றிகளையும், தோல்விகளையும் சந்தித்தேன். இது வாழ்க்கையை பற்றி நிறைய கற்றுக்கொடுத்தது.
தற்போது நான் எனது தந்தையின் ஸ்டூடியோவில் அமர்ந்து கொண்டு ஒரு குழந்தையை போல் கிரிக்கெட் அறிவிப்புகளை கவனித்து வருகிறேன்.
வாழ்க்கையில் வெற்றிபெற பல லட்சக்கணக்கான வழிகள் இருக்கின்றன. உலகத்தில் முதல் நபராக நீங்கள் இருக்க வேண்டியதில்லை. ஆனால் உங்கள் குறிக்கோளை அடைய நீங்கள் கடுமையாக உழைக்க வேண்டும் என்று பேசினார்.
