கோச்சடையான் படத்தில் ரஜினியின் தங்கையாக நடிக்கும் ருக்மணி ரகசிய திருமணம் செய்து கொண்டுள்ளார்.
இயக்குனர் பாரதிராஜாவின் பொம்மலாட்டம் படத்தில் ஹீரோயினாக நடித்தவர் ருக்மணி.
இதன் பின்பு ஆனந்த தாண்டவம் படத்திலும் நடித்துவிட்டு பரதநாட்டிய பள்ளியில் அதிக கவனம் செலுத்தி வந்தார்.
இந்நிலையில் தற்போது கோச்சடையான் படத்தில் ரஜினியின் தங்கையாக நடித்து கொண்டிருக்கிறார்.
இதுகுறித்து ருக்மணி கூறுகையில், முதன்முறையாக அனிமேஷன் படத்தில் நடித்த அனுபவம் மிகவும் வித்தியாசமானதாக இருந்தது.
இப்படத்தில் நான் டான்சராக நடிக்கிறேன், நடனம் தெரியும் என்பதால் இதுமாதிரியான வேடங்கள் வருகிறது.
இப்படத்திலும் நடன சீன் ஒன்று உள்ளது, இதில் கமெராக்கள் பொருத்தப்பட்ட உடையை அணிந்து நடித்தது வித்தியாசமானதாக இருந்தது.
ரஜினியுடன் ஒரு மணி நேரம் பணியாற்றிய அனுபவத்தில் அவர் ஒரு சூப்பர் ஸ்டார் அந்தஸ்துக்கு தகுதியானவர் என்பதை அறிந்தேன் என்று தெரிவித்துள்ளார்.
மேலும் ரோஹன் மோகன் என்பவரை தான் திருமணம் செய்து கொண்டுள்ளதாகவும், தன் சொந்த வாழ்க்கை பற்றி பேச விருப்பமில்லை என்றும் தெரிவித்துள்ளார்.
