அல்-கொய்தா தீவிரவாத அமைப்பில் வெடிகுண்டு தயாரிக்கும் நிபுனராக கருதப்படுபவன், இப்ராகிம் அல்-அசிரி.
விமான நிலைய ஸ்கேனர்களின் பார்வையில் இருந்து தப்பிக்கும் வகையில் நவீனரக வெடி குண்டுகளை இவன் தயாரித்துள்ளதாக இங்கிலாந்து உளவுத்துறை போலீசாருக்கு ரகசிய தகவல் கிடைத்துள்ளது.
பெண்கள் ஆபரேஷன் மூலமாக அமைத்துக் கொள்ளும் செயற்கை மார்பகத்தின் உள்ளே வெடிகுண்டுகளை பொருத்தி லண்டன் ஹித்ரோ விமான நிலையத்தின் மீது தாக்குதல் நடத்த பெண் தீவிரவாதிகளை அல்-கொய்தா களமிறக்கியுள்ளதாக லண்டனில் இருந்து வெளியாகும் பத்திரிகையும் செய்தி வெளியிட்டுள்ளது.
இதனையடுத்து, ஹித்ரோ மற்றும் லண்டன் நகருக்கு வெளிப்புற பகுதியில் உள்ள முக்கிய விமான நிலையங்களுக்கு பாதுகாப்பு ஏற்பாடுகள் பலப்படுத்தப்பட்டுள்ளது.
உடலில் பொருத்தப்பட்ட செயற்கை மார்பகங்களின் உள்ளே வெடிகுண்டையும் சேர்த்து பொருத்தி பெண் தீவிரவாதிகள் தாக்குதல் நடத்தலாம் என்பதால் பெண் பயணிகளை அதி தீவிரமாக கண்காணிக்கும்படி தங்களுக்கு உத்தரவிடப்பட்டுள்ளதாக ஹித்ரோ விமான நிலைய பாதுகாப்பு அதிகாரிகள் தெரிவித்தனர்.
