குத்துப் பாடலுக்கு ஆடுவதற்கு முன்னாள் கனவுக் கன்னிகளை தேடி வருகிறார்களாம் இயக்குனர்கள்.
பாலிவுட்டில் இந்த புதிய பழக்கம் தற்போது புதுக்கதையாகியுள்ளது.
பல பிரபல தயாரிப்பாளர்களும், இயக்குநர்களும் மூத்த நடிகைகளை ஒரு பாட்டுக்கு ஆட வைக்கும் முயற்சிகளில் தீவிரமாகி விட்டனராம்.
ஐஸ்வர்யா ராய் ராம்லீலா படத்தில் ஒரு பாட்டுக்கு ஆடவிருப்பது இந்த புதிய தேடலின் உச்சமாக பார்க்கப்படுகிறது.
சஞ்சய் லீலா பன்சாலியின் ராம்லீலா படத்தில் ஐஸ்வர்யா ராய் ஒரு பாட்டுக்கு ஆடவுள்ளார். இந்த செய்தி சமீபத்தில்தான் உறுதியானது.
இந்த வரிசையில் இப்போது இணையவுள்ளார் கஜோல். இவரும் குத்துப்பாட்டுக்கு ஆடுவதில் ஆர்வமாக இருக்கிறாராம்.
இந்த ஆசையை அவரே வாய் விட்டும் வெளிப்படுத்தியுள்ளார்.
முன்னாள் கனவுக் கன்னியான மாதுரி தீட்சித், தான் கதாநாயகியாக நடித்த படத்திலேயே ஐட்டம் நடனம் ஆடிய அனுபவம் கொண்டவர்.
தற்போது யெ ஜவானி ஹைய் தீவானி படத்தில் காக்ரா என்ற பாடலுக்கு அவர் போட்ட குத்துப் பாட்டு புது ரகமாக அமைந்துள்ளது.
இதுதான் அவர் முதல் முறையாக ஆடிய முழு அளவிலான குத்துப் பாட்டாகும். மாதுரிக்கு வயது 46.
இந்தப் பாடலில் கதாநாயகர் ரன்பீர் கபூருடன் இணைந்து, அவருக்கு இணையாக ஆடி அசத்தியிருப்பார் மாதுரி.
பரினீதா படத்தில் முன்னாள் நாயகி ரேகா ஒரு ஐட்டம் பாட்டுக்கு ஆடினார். கெய்சி பஹலி ஜிந்தாகனி என்ற பாடல் அவரது கவர்ச்சிக்கு இன்னும் மவுசு இருப்பதை உணர்த்தியது.
இன்னும் பல மூத்த நடிகைகள் விரைவில் இந்த வரிசையில் சேருவதற்கு தயாராகி வருகிறார்களாம்.
