கர்நாடக மாநிலம் ஹூப்ளி அருகே உள்ள பெண்டிகிரியை சேர்ந்த அஞ்சலி என்பவரை விஷ்வா என்ற கிரீஷ் நீண்ட நாட்களாக துன்புறுத்தி வந்ததாக கூறப்படுகிறது. மேலும், தனது காதலை ஏற்றுக்கொண்டு திருமணம் செய்ய மறுத்தால் அஞ்சலியை கொன்றுவிடுவதாக கிரீஷ் மிரட்டியதாக கூறப்படுகிறது.

இதுகுறித்து அஞ்சலி போலீசில் புகார் அளித்துள்ளார். கிரிஷால் தனக்கும், தன் குடும்பத்தினருக்கும் கொலை மிரட்டல் விடுத்து வருவதாக அஞ்சலி புகார் அளித்துள்ளார். ஆனால், போலீசார் அலட்சியமாக இருந்ததாக கூறப்படுகிறது.

இந்நிலையில், கடந்த புதன்கிழமை கிரீஷ், அஞ்சலியின் வீட்டுக்குச் சென்று காதலை ஏற்கும்படி வற்புறுத்தியதாகக் கூறப்படுகிறது. ஆனால், அஞ்சலி மறுத்ததால், மறைத்து வைத்திருந்த கத்தியால் அஞ்சலியை கிரீஷ் குத்திவிட்டு ஓடிவிட்டதாகக் கூறப்படுகிறது. ரத்த வெள்ளத்தில் அஞ்சலி பிணமாக கிடப்பதை கண்டு அதிர்ச்சியடைந்த அவரது உறவினர்கள் போலீசில் புகார் அளித்துள்ளனர்.

போலீசார் சம்பவ இடத்திற்கு விரைந்து வந்து அஞ்சலியின் உடலை கைப்பற்றி வழக்கு பதிவு செய்து விசாரணை நடத்தினர். இந்நிலையில் அஞ்சலி கொலை வழக்கில் கிரிஷை போலீசார் 2 நாட்களில் கைது செய்தனர்.

அஞ்சலி தனது உயிருக்கு ஆபத்து இருப்பதாக புகார் அளித்த போதிலும் அலட்சியமாக செயல்பட்டதால் பெண்டிகிரி காவல் ஆய்வாளர் மற்றும் பெண் காவலர் பணியிடை நீக்கம் செய்யப்பட்டதாகவும் போலீஸார் தெரிவித்துள்ளனர்.

மகாராஷ்டிரா மாநிலம் சதாரா மாவட்டம் தஹிவாடியை சேர்ந்தவர் பாபு காலே (18). 12ம் வகுப்பு முடித்து கல்லூரிக்கு செல்ல ஆயத்தமானார். இந்நிலையில், அதே பகுதியை சேர்ந்த 17 வயது இளம்பெண்ணை காதலித்து வந்த நிலையில், பாபுவை உடனடியாக திருமணம் செய்து கொள்ளுமாறு அந்த பெண் கூறியுள்ளார். கல்லூரி படிப்பை முடித்தவுடன் திருமணம் செய்து கொள்ளலாம் என கூறி வந்துள்ளார்.

இந்நிலையில் நேற்று பாபு வீட்டிற்கு சென்ற சிறுமி மீண்டும் தன்னை திருமணம் செய்து கொள்ளுமாறு கூறி தகராறில் ஈடுபட்டுள்ளார். சிறுமியை சமாதானப்படுத்தியும் பாபுவும் அவரது பெற்றோரும் கேட்கவில்லை.

அவர் தன்னை திருமணம் செய்து கொள்ள விரும்புகிறார். இல்லையேல் வீட்டுக்கு செல்லமாட்டேன் என சிறுமி பிடிவாதம் பிடித்துள்ளார். நீண்ட நேர பேச்சுவார்த்தைக்கு பின், சிறுமி அமைதியடைந்து, அவரது வீட்டிற்கு சென்றார்.

இதனால் மனமுடைந்த பாபு வீட்டுக்குள் சென்று பூட்டிக்கொண்டார். பெற்றோர், உறவினர்கள் கதவைத் தட்டி திறக்கும்படி சத்தம் போட்டனர். கதவை உடைத்து உள்ளே சென்று பார்த்தபோது, பாபு தூக்கில் தொங்கியதை கண்டு அதிர்ச்சியடைந்தனர்.

பின்னர் போலீசாருக்கு தகவல் கொடுத்தனர். போலீசார் சம்பவ இடத்துக்கு விரைந்து வந்து உடலை கைப்பற்றி அரசு மருத்துவமனைக்கு அனுப்பி வைத்தனர். தற்கொலைக்கு தூண்டியதாக சிறுமி மீது போலீசார் வழக்குப்பதிவு செய்து விசாரணை நடத்தி வருகின்றனர்.

காதலி கட்டாயப்படுத்தி திருமணம் செய்ய வற்புறுத்தியதால் காதலன் தூக்கிட்டு தற்கொலை செய்து கொண்ட சம்பவம் அதிர்ச்சியை ஏற்படுத்தியுள்ளது.

ரயில் வரும் நேரத்தில் தற்கொலை செய்யும் எண்ணத்தில் இருவரும் கட்டிப்பிடித்து நின்றுள்ளனர். சுற்றியிருந்தவர்கள் எச்சரிக்கை விடுத்தும் கண்ணிமைக்கும் நேரத்தில் ரயில் மோதி உடல் சிதறி இறந்தார்கள்

கேரளாவில் இன்ஸ்டாகிராம் மூலம் ஒரு மாதம் மட்டுமே காதலித்த ஜோடி தற்கொலை செய்த சம்பவம் பெரும் பரபரப்பை ஏற்படுத்தியுள்ளது.

சமூக வலைத்தளங்கள் வந்து விட்ட பிறகு காதல் என்ற விஷயத்தில் பல விபரீத சம்பவங்கள் தொடர்ச்சியாக நடந்து வருகிறது. அப்படி ஒரு சம்பவம் தான் கேரள மாநிலம் கொல்லத்தில் நடைபெற்றுள்ளது.

அங்குள்ள கிளிக்கொல்லூர் பகுதியில் கடந்த 3 நாட்களுக்கு முன்பாக இளம் வயதுடைய ஆணும், பெண்ணும் அந்த வழியாக சென்ற ரயில் முன் பாய்ந்து தற்கொலை செய்துக் கொண்டனர். இந்த சம்பவம் தொடர்பாக கிளிக்கொல்லூர் போலீசார் வழக்குப்பதிவு செய்து உடல்களை கைப்பற்றி அப்பகுதி மக்களிடம் விசாரணை நடத்தினர்.

இதில், ரயில் வரும் நேரத்தில் தற்கொலை செய்யும் எண்ணத்தில் இருவரும் கட்டிப்பிடித்து நின்றதாகவும், சுற்றியிருந்தவர்கள் எச்சரிக்கை விடுத்தும் கண்ணிமைக்கும் நேரத்தில் ரயில் மோதி உடல் சிதறி இறந்தார்கள் என தெரிவித்துள்ளனர்.

இதனை அடிப்படையாக கொண்டு இவர்கள் காதல் ஜோடியாக இருக்கலாம் என போலீசார் கண்டறிந்தனர். ஆனால் அவர்களை அடையாளம் காண முடியாமல் திணறினர்.

இப்படியான நிலையில் இறந்தவர்களில் அந்த இளைஞர் கொல்லம் சந்தனத்தோப்பு பகுதியைச் சேர்ந்த சசிதரன் என்பவரது மகன் அனந்து என்பது, அப்பெண் கொச்சி களமசேரி பகுதியைச் சேர்ந்த மது என்பவரது மகள் மீனாட்சி என்பதும் தெரிய வந்தது. ஆனந்து கல்லூரியில் பி.ஏ. முதலாமாண்டும், மீனாட்சி 12 ஆம் வகுப்பும் படித்து வந்துள்ளனர்.

இதுதொடர்பாக போலீசார் தரப்பில் வெளியான தகவல்படி, இருவருக்கும் கடந்த ஒரு மாதத்துக்கு முன்னால் இன்ஸ்டாகிராம் மூலம் பழக்கம் ஏற்பட்டு காதலாக மாறியுள்ளது.

சம்பவம் நடந்த அன்று சினிமா பார்க்க செல்வதாக கூறிவிட்டு ஆனந்து வீட்டை விட்டு வெளியேறியுள்ளார். அதேபோல் மீனாட்சி பள்ளியில் மதிப்பெண் சான்றிதழ் வாங்க செல்வதாக கூறி வெளியே சென்றுள்ளார். பின்னர் இருவரும் தற்கொலை செய்து கொண்டது தெரிய வந்தது.

காதலை வீட்டில் உள்ளவர்கள் ஏற்றுக்கொள்ள மாட்டார்கள் என்பதால் இருவரும் தற்கொலை செய்து கொண்டிருக்கலாம் என கூறப்படுகிறது. இந்த சம்பவம் கொல்லம் பகுதியில் பெரும் பரபரப்பை ஏற்படுத்தியுள்ளது.

முத்தலாக் கூறி தனது கணவர் பிரிந்து சென்றதால் இரண்டு குழந்தைகளை விட்டு விட்டு இளம்பெண் ஒருவர் மதம் மாறி இந்து இளைஞரை திருமணம் செய்து கொண்ட சம்பவம் உத்தரப்பிரதேசத்தில் பரபரப்பை ஏற்படுத்தியுள்ளது.

உத்தரப்பிரதேச மாநிலம், மதுராவைச் சேர்ந்தவர் ரூபினா. இவரை காதலித்து ஒருவர் திருமணம் செய்து கொண்டார். இவர்களுக்கு 6 மற்றும் 3 வயதில் குழந்தைகள் உள்ளனர். இந்த நிலையில், தனது மனைவியை முத்தலாக் கூறி அவரது கணவர் பிரிந்துள்ளார்.

இந்தியாவில் முத்தலாக் தடை செய்யப்பட்டுள்ளது. ஆனாலும், உத்தரப்பிரதேசத்தில் இதுபோன்ற விவாகரத்துகள் தொடர்ந்து நடைபெற்று வருகிறது.

இந்த நிலையில், மிஸ்டு கால் மூலம் பிரமோத் காஷ்யப் என்ற இளைஞருடன் ரூபினாவுக்கு பழக்கம் ஏற்பட்டது. இதன்பின் இந்த பழக்கம் இன்ஸ்டாகிராமில் வலுப்பெற்றது. இது நாளடைவில் காதலாக மாறியது. இதனால் தனது இரண்டு குழந்தைகளை விட்டு ரூபினா, பிரமோத்தை தேடிச்சென்றார்.

அத்துடன் அவரை திருமணம் செய்ய மதம் மாறினார். ரூபினா என்ற தன் பெயரை ப்ரீத்தி என்று மாற்றிக் கொண்டார். இதையடுத்தும் அவருக்கும், பிரமோத் காஷ்யப்பிற்கும் திருமணம் நடைபெற்றுள்ளது. இதையடுத்து பசுவின் சிறுநீர் மற்றும் கங்கை நீரால் ப்ரீத்தியை கே.கே.சங்கதர் என்ற சாமியார் சுத்தப்படுத்தினார்.

திருமணத்திற்குப் பிறகு பேசிய ப்ரீத்தி, இஸ்லாத்தில் பெண்களுக்கு மரியாதை இல்லை என்று கூறினார். இஸ்லாத்தில் பெண்கள் அடிக்கடி சித்ரவதைகளை எதிர்கொள்கின்றனர் என்றும் குற்றம் சாட்டினார்.

பிரமோத் என்னை இந்து மதத்தை ஏற்க வேண்டும் என்று கட்டாயப்படுத்தவில்லை. என் விருப்பத்தின் பேரில் தான், இந்து மதத்தை ஏற்றுக் கொண்டேன் என்றும் அவர் கூறினார்.

கர்நாடக மாநிலம் விஜயாப்புரா பகுதியில் வசித்து வருபவர் 30 வயது மனோஜ் குமார். அதே பகுதியில் வசித்து வந்த ராக்கி என்ற பெண்ணை காதலித்து வந்த நிலையில் கடந்த 4 மாதங்களுக்கு முன்பாக இருவரும் இருவீட்டார் சம்பந்தத்துடன் திருமணம் செய்து கொண்டனர்.

திருமணமாகி 4 மாதம் ஆன நிலையில் மனோஜ் குமார் தன்னுடைய மனைவி மற்றும் தாயாருடன் வசித்து வந்தார். இந்நிலையில் அவருடைய தாயார் கடந்த சில தினங்களுக்கு முன்பாக ஊருக்கு சென்றுவிட்டார்.
அப்போது மனோஜ்குமார் மற்றும் ராக்கி இருவரும் மட்டும் வீட்டில் தனியாக இருந்தனர்.

நேற்று முன்தினம் இரவு மனோஜ் குமார் மற்றும் ராக்கி இருவரும் தூக்கிட்டு தற்கொலை செய்து கொண்டதாகத் தெரிகிறது. மனோஜ் குமாரின் தாய் நேற்று காலை வீட்டிற்கு வந்தபோது இருவரும் வீட்டில் பிணமாக தொங்குவதை பார்த்து அதிர்ச்சி அடைந்தார்.

கத்தி கூச்சலிட்டதில் அக்கம் பக்கத்தினர் காவல்துறைக்கு தகவல் தெரிவித்தனர். இதன் பேரில் காவல்துறை இருவரின் உடல்களையும் மீட்டு பிரேத பரிசோதனைக்கு அனுப்பி வைத்தது.

காவல்துறையினர் வழக்கு பதிவு செய்து தற்கொலைக்கான காரணம் குறித்து தீவிர விசாரணை நடத்தி வருகின்றனர் இச்சம்பவம் இப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.

காருக்குள் குழந்தையை மறந்து தனியே விட்டு விட்டு பெற்றோர் கீழிறங்கிய நிலையில், காருக்குள்ளே மூச்சுத்திணறி 3 வயது குழந்தை உயிரிழந்த சம்பவம் பெரும் சோகத்தை ஏற்படுத்தியுள்ளது.

ராஜஸ்தான் மாநிலம் கோட்டா மாவட்டத்தில் உள்ள கடோலி பகுதியைச் சேர்ந்த பிரதீப் சாகர், தனது மனைவி மற்றும் இரண்டு மகள்களுடன் நேற்று இரவு திருமண விழாவுக்குச் சென்றுள்ளார். திருமண இடம் வந்ததும் மனைவியும் மூத்த மகளும் காரில் இருந்து இறங்கினர்.

தனது இரண்டாவது மகள் கோர்விகாவும் (வயது 3) இறங்கி விட்டதாக நினைத்து பிரதீப் காரை பார்க்கிங் பகுதிக்கு ஓட்டி சென்று காரை பூட்டிவிட்டு திரும்பி வந்தார்.

இரண்டு குழந்தைகளும் மனைவியுடன் இருப்பதாக நினைத்துக் கொண்டு உள்ளே நுழைந்தார். நீண்ட நேரமாக அவர்களை சந்திக்கவில்லை. உறவினர்களை சந்திப்பதில் மும்முரமாக இருந்தார். அதேபோல், கணவருடன் இருப்பதாக நினைத்த கோர்விகாவின் மனைவி, வேறு பகுதியில் அமர்ந்து உறவினர்களிடம் பேசிக் கொண்டிருந்தார்.

சுமார் 2 மணி நேரம் கழித்து, கணவன்-மனைவி சந்தித்தனர். கோர்விகா எங்கே? ஒருவரையொருவர் விசாரித்ததில், குழந்தையை காணவில்லை என்பது தெரியவந்தது. குழந்தையை தேட ஆரம்பித்தனர். திருமண விழா நடக்கும் பகுதி முழுவதும் தேடிவிட்டு நேராக காருக்கு வந்தனர்.

காரைத் திறந்து பார்த்தபோது, குழந்தை மூச்சுத் திணறி அசையாமல் கிடந்தது. குழந்தை உடனடியாக மருத்துவமனைக்கு கொண்டு செல்லப்பட்டது. ஆனால் குழந்தை ஏற்கனவே இறந்துவிட்டதாக மருத்துவர்கள் தெரிவித்தனர்.

குழந்தைக்கு மூச்சுத்திணறல் ஏற்பட்டு காருக்குள் அடைத்து வைக்கப்பட்டிருந்ததை உணர்ந்த கணவன், மனைவி இருவரும் அலறி துடித்தனர். காடோலி போலீசார் நடத்திய விசாரணையில் மேற்கண்ட தகவல் தெரியவந்தது.

இதுகுறித்து போலீஸ் அதிகாரி ஒருவர் கூறியதாவது, தங்களின் தவறு காரணமாக குழந்தை இறந்ததால், குழந்தையின் உடலை பிரேத பரிசோதனை செய்ய தாங்கள் விரும்பவில்லை என்றும், வழக்கு பதிவு செய்ய விரும்பவில்லை என்றும் பெற்றோர்கள் கூறியுள்ளனர்.