சென்னை தில்லை கங்கா நகரைச் சேர்ந்த 52 வயது சுப்பிரமணியன் என்பவர் வேலைக்குச் செல்லாமல் வீட்டிலேயே இருந்து வந்த நிலையில் அவரது மனைவி 42 வயது நாகலட்சுமி பட்டுப்புடவை வியாபாரம் செய்து குடும்பத்தை நடத்தி வந்துள்ளார்.

இவர்களது இரண்டு மகன்களும் மருத்துவம் மற்றும் பல் மருத்துவம் படித்து வருவதால் வீட்டில் பணத் தேவை அதிகரித்துக் காணப்பட்டதாகக் கூறப்படுகிறது.

கணவரின் பொறுப்பற்ற நடத்தை மற்றும் கடுமையான கடன் சுமை காரணமாக தம்பதி இடையே அடிக்கடி தகராறு ஏற்பட்டு வந்த நிலையில் நேற்று மதியம் மீண்டும் வாக்குவாதம் முற்றியுள்ளது.

ஆத்திரத்தின் உச்சத்திற்குச் சென்ற சுப்பிரமணியன் வெளியில் சென்று அரிவாள் வாங்கி வந்து தனது மனைவி நாகலட்சுமியை கொடூரமாகத் தாக்கியதில் அவர் சம்பவ இடத்திலேயே ரத்த வெள்ளத்தில் உயிரிழந்தார்.

இதனைத் தொடர்ந்து கல்லூரியில் இருந்த தனது மகனுக்கு நாங்கள் இனி இருக்க மாட்டோம் என்று செல்பேசியில் குறுந்தகவல் அனுப்பிய சுப்பிரமணியன் மற்றொரு அறையில் தூக்கிட்டுத் தற்கொலை செய்து கொண்டார்.

வீட்டிற்கு வந்து பார்த்த மகன் தனது தாய் மற்றும் தந்தை இருவரும் பிணமாகக் கிடப்பதைக் கண்டு அதிர்ச்சியில் உறைந்து போனது அந்தப் பகுதியையே சோகத்தில் ஆழ்த்தியுள்ளது.

தகவல் அறிந்து சம்பவ இடத்திற்கு விரைந்து வந்த ஆதம்பாக்கம் போலீசார் இருவரது உடல்களையும் மீட்டுப் பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர்.

முதற்கட்ட விசாரணையில் குடும்பப் பிரச்சினை மற்றும் கடன் அழுத்தமே இந்த விபரீத முடிவுக்குக் காரணம் என்று போலீசார் தரப்பில் தெரிவிக்கப்பட்டுள்ளது.

மகன்களின் எதிர்காலம் கேள்விக்குறியாகி உள்ள நிலையில் இந்தத் துயரச் சம்பவம் குறித்து போலீசார் தொடர்ந்து தீவிர விசாரணை நடத்தி வருகின்றனர்.

கரூர் மாவட்டம் தோகைமலை அருகே உள்ள கழுகூர் ஈஸ்வரன் கோவில் தெருவைச் சேர்ந்த ஆண்டிவேல் என்பவரது 3 வயது மகன் சஞ்சீவ், நேற்று முன்தினம் வீட்டில் விளையாடிக்கொண்டிருந்தான்.

அப்போது தற்செயலாக அங்கு நின்ற காருக்குள் சென்ற சிறுவன், கதவைச் சாத்தியபோது அது தானாகவே லாக் ஆகியுள்ளது. நீண்ட நேரமாகியும் வெளியே வர முடியாமல் காருக்குள்ளேயே சிக்கிய சிறுவன், போதிய காற்றோட்டம் இன்றி மூச்சுத்திணறி மயங்கி விழுந்துள்ளான்.

விளையாடிக்கொண்டிருந்த மகனை நீண்ட நேரமாகக் காணாததால் அதிர்ச்சியடைந்த பெற்றோர், அக்கம் பக்கத்தில் தேடிப் பார்த்தும் கிடைக்காததால் சந்தேகத்தின் பேரில் காரைத் திறந்து பார்த்துள்ளனர்.

அங்கு மயங்கிய நிலையில் கிடந்த சிறுவனை மீட்டு உடனடியாகத் தோகைமலை அரசு ஆரம்ப சுகாதார நிலையத்திற்குச் சிகிச்சைக்காகக் கொண்டு சென்றனர். ஆனால்,

அங்குப் பரிசோதனை செய்த மருத்துவர்கள் சிறுவன் ஏற்கனவே உயிரிழந்துவிட்டதாகத் தெரிவித்ததைக் கேட்டுப் பெற்றோர் கதறி அழுதது காண்போரை கண்கலங்க வைத்தது.

இந்தத் துயரச் சம்பவம் குறித்துத் தகவல் அறிந்த தோகைமலை போலீஸ் சப்-இன்ஸ்பெக்டர் பாலசுப்பிரமணியம், சிறுவனின் உடலைக் கைப்பற்றிக் குளித்தலை அரசு மருத்துவமனைக்குப் பிரேதப் பரிசோதனைக்காக அனுப்பி வைத்தார்.

மேலும் இது தொடர்பாகப் போலீசார் வழக்குப் பதிவு செய்து தீவிர விசாரணை நடத்தி வருகின்றனர். விளையாடச் சென்ற இடத்தில் காருக்குள் சிக்கி 3 வயது சிறுவன் உயிரிழந்த சம்பவம் அந்தப் பகுதியில் ஈடு செய்ய முடியாத பெரும் சோகத்தை ஏற்படுத்தியுள்ளது.

இந்திய மாநிலம் மஹாராஷ்டிராவின் மும்பையில் நான்கு பேர் உயிரிழந்ததற்கு தர்பூசணி காரணம் அல்ல என தெரிய வந்துள்ளது.

மஹாராஷ்டிரா மாநிலம் மும்பையில், கடந்த வாரம் ஒரே குடும்பத்தைச் சேர்ந்த நான்கு பேர் உயிரிழந்ததற்கு தர்பூசணி காரணம் சென்ற குற்றச்சாட்டு எழுந்தது.

இது கோடைகாலத்தில் அதிகம் உட்கொள்ளப்படும் தர்பூசணி தொடர்பாக பாரிய விவாதங்களை தூண்டியது. இந்த நிலையில், உடற்கூராய்வின் முடிவு வெளியாகி புதிய திருப்பத்தை ஏற்படுத்தியுள்ளது.

அதாவது, மார்ஃபின் என்ற வலி நிவாரணி அதிக அளவில் இருந்ததாகவும், உயிரிழந்தவர்களின் மூளை உள்ளிட்ட பாகங்கள் பச்சை நிறமாக மாறி இருந்ததாகவும் மருத்துவர்கள் கூறியுள்ளதாக தகவல் வெளியாகியுள்ளது.

எனவே, தர்பூசணிக்கும் உயிரிழப்பிற்கும் தொடர்பு இல்லை என மகாராஷ்டிரா உணவு மற்றும் மருந்து நிர்வாகம் அறிவித்துள்ளது.

எனினும், இறுதி அறிக்கைகாக காத்திருப்பதாக அதிகாரிகள் கூறுகின்றனர். உயிரிழந்த குடும்பத்தினர் மன அழுத்தத்தில் இருந்தார்களா என்பது குறித்து காவல்துறையினர் விசாரித்து வருகின்றனர்.

இதற்கிடையில், பிரேத பரிசோதனை செய்த மருத்துவர்கள் தங்கள் கருத்தை வெளியிடவில்லை, மேலும் நான்கு பேரின் உடல்களின் உள்ளுறுப்புகள் இரசாயனப் பகுப்பாய்விற்காக அனுப்பப்பட்டுள்ளன.

தெலங்கானா மாநிலம் ஐதராபாத் பகுதியில் சமீபத்தில் திருமணம் செய்து கொண்ட இளம் தம்பதியினர் மர்மமான முறையில் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

கடந்த மார்ச் 8 ம் தேதி யஞ்சலா கார்த்திக் மற்றும் மஞ்சுளா ஆகிய இருவருக்கும் பெரியோர்களால் நிச்சயிக்கப்பட்டு மிகச் சிறப்பாகத் திருமணம் நடைபெற்று முடிந்தது.

கார்த்திக் என்பவருக்கு 28 வயது ஆகும் நிலையிலும் அவரது மனைவி மஞ்சுளாவிற்கு 27 வயது ஆகும் நிலையிலும் தங்களது புதிய வாழ்க்கையை அவர்கள் மகிழ்ச்சியாகத் தொடங்கியிருந்தனர்.

திருமணமாகி சில மாதங்களே ஆன நிலையில் இந்த தம்பதியினருக்கு இடையே எந்தவொரு பெரிய பிரச்சினைகளும் இருந்ததாகத் தெரியவில்லை என உறவினர்கள் தரப்பில் கூறப்படுகிறது.

இந்த நிலையில் கடந்த மே 1 ஆம் தேதி இரவு வழக்கம் போல இவர்கள் இருவரும் தங்களது குடும்பத்தினருடன் சேர்ந்து ஒன்றாக அமர்ந்து மகிழ்ச்சியாக உணவருந்தியுள்ளனர்.

உணவு சாப்பிட்டு முடித்த பின்னர் நீண்ட நேரம் குடும்பத்தினருடன் பேசிக்கொண்டிருந்த அத்தம்பதியினர் இரவு ஓய்வெடுப்பதற்காகத் தங்களது படுக்கை அறைக்குச் சென்றதாகக் கூறப்படுகிறது.

மறுநாள் காலை வெகு நேரமாகியும் கணவன் மற்றும் மனைவி இருவரும் தங்களது அறையை விட்டு வெளியே வராததால் சந்தேகமடைந்த குடும்பத்தினர் கதவைத் தட்டிப் பார்த்துள்ளனர்.

உள்ளே இருந்து எந்தவிதமான பதிலும் வராத காரணத்தால் மிகுந்த பதற்றமடைந்த உறவினர்கள் உடனடியாக அந்த அறையின் கதவை உடைத்து உள்ளே சென்று பார்த்துள்ளனர்.

அறையின் உள்ளே சென்று பார்த்த போது கார்த்திக் தூக்கில் தொங்கிய நிலையிலும் மஞ்சுளா வாயில் நுரை தள்ளியபடியும் சடலமாகக் கிடந்ததைக் கண்டு குடும்பத்தினர் கதறி அழுதனர்.

இது குறித்து உடனடியாக அருகில் உள்ள காவல் நிலையத்திற்குத் தகவல் தெரிவிக்கப்பட்ட நிலையில் சம்பவ இடத்திற்கு விரைந்து வந்த காவல்துறையினர் சடலங்களை மீட்டனர்.

இருவரின் உடல்களையும் பிரேதப் பரிசோதனைக்காக மருத்துவமனைக்கு அனுப்பி வைத்த அதிகாரிகள் இந்த மரணத்திற்கான உண்மையான காரணம் குறித்து தீவிரமாக விசாரித்து வருகின்றனர்.

குடும்பப் பிரச்சினை காரணமாகத் தற்கொலை செய்து கொண்டார்களா அல்லது வேறு ஏதேனும் காரணம் உள்ளதா என்ற பல்வேறு கோணங்களில் காவல்துறையினர் விசாரணையை முடுக்கிவிட்டுள்ளனர்.

இந்தியாவின் ஆந்திர மாநிலம் ஏலூரு மாவட்டத்தில், வாலிபர் ஒருவரைக் கடித்த நாகப்பாம்பு, அவர் சிகிச்சை பெற்று வந்த மருத்துவமனைக்கே தேடி வந்த சம்பவம் பெரும் பரபரப்பை ஏற்படுத்தியுள்ளது.

கொய்யல கவுடேனியைச் சேர்ந்த சிவ சீனிவாஸ் என்பவர் நேற்று காலை நாகப்பாம்பு கடியால் பாதிக்கப்பட்டு, ஜங்கா ரெட்டி குடேம் அரசு மருத்துவமனையில் தீவிர சிகிச்சை பெற்று வந்தார்.

இந்நிலையில், இரவு 10 மணியளவில் அவரை கடித்த அதே நாகப்பாம்பு, அவர் சிகிச்சை பெற்று வந்த வார்டின் முன்பாகத் தோன்றியதைக் கண்டு அங்கிருந்த ஊழியர்களும் உறவினர்களும் அதிர்ச்சியில் உறைந்தனர்.

உடனடியாக மருத்துவமனை ஊழியர்கள் அந்தப் பாம்பை அடித்துக் கொன்றனர். கடித்த பாம்பே நோயாளி இருக்கும் இடம் தேடி வந்த வினோத நிகழ்வு மருத்துவமனை வளாகத்தில் பெரும் அச்சத்தையும் பரபரப்பையும் ஏற்படுத்தியுள்ளது.

வேலூர் மாவட்டத்தில், அன்பால் இணைந்த குடும்பத்தில் ஏற்பட்ட சிறு தகராறு, ஒரு உயிரைப் பறித்ததுடன் ஒரு பெண்ணின் வாழ்க்கையில் ஆறாத வடுவை ஏற்படுத்தியுள்ளது பெரும் சோகத்தையும், உறவினர்களிடையே துயரத்தையும் ஏற்படுத்தியுள்ளது.

வேலூர் மாவட்டத்தைச் சேர்ந்தவர் பார்த்திபன் (30). இவருக்கும் பிரேமகுமாரி (28) என்பவருக்கும் திருமணம் ஆகி வாழ்ந்து வந்தனர். கடந்த செவ்வாய்க்கிழமை இரவு, கணவன்-மனைவி இடையே திடீரென குடும்பத் தகராறு ஏற்பட்டுள்ளது.

இதில் வாக்குவாதம் முற்றியதால் மிகுந்த மனவேதனை அடைந்த பிரேமகுமாரி, தற்கொலை செய்துகொள்ள முடிவெடுத்து வீட்டின் அருகில் இருந்த கிணற்றை நோக்கி ஓடியுள்ளார்.

மனைவி கிணற்றில் குதிப்பதைக் கண்டு அதிர்ச்சியடைந்த பார்த்திபன், அவரை எப்படிக் காப்பாவது என்ற பதற்றத்தில் தானும் கிணற்றுக்குள் குதித்துள்ளார்.

துரதிர்ஷ்டவசமாக, கிணற்றில் இருந்த பாறையின் மீது பார்த்திபனின் தலை பலமாக மோதியது. இதில் நிலைகுலைந்த அவர், தண்ணீரிலேயே மயங்கி மூழ்கி உயிரிழந்தார்.

அக்கம் பக்கத்தினர் ஓடி வந்து தண்ணீரில் தத்தளித்துக் கொண்டிருந்த பிரேமகுமாரியைப் பத்திரமாக மீட்டனர். ஆனால், பார்த்திபன் தண்ணீருக்குள் மூழ்கி விட்டதால் அவரை உடனடியாக மீட்க முடியவில்லை.

இது குறித்த தகவலறிந்து வந்த தீயணைப்புத் துறையினர் மற்றும் போலீசார், நீண்ட போராட்டத்திற்குப் பிறகு பார்த்திபனின் உடலை மீட்டனர்.

பார்த்திபனின் உடல் பிரேதப் பரிசோதனைக்காக அரசு மருத்துவமனைக்கு அனுப்பி வைக்கப்பட்டுள்ளது.

மனைவியைக் காப்பாற்றத் துணிந்த கணவன், அதே முயற்சியில் உயிரை விட்ட சம்பவம் உறவினர்களிடையே பெரும் கதறலை ஏற்படுத்தியுள்ளது. இச்சம்பவம் குறித்து வேலூர் போலீசார் வழக்குப் பதிவு செய்து விசாரணை நடத்தி வருகின்றனர்.