இந்திய தலைநகர் டெல்லியில் உள்ள பவான பகுதியில் பாடசாலை ஆசிரியர் ஒருவர் துப்பாக்கியால் கொல்லப்பட்ட நிலையில், டெல்லி பொலிசார் குற்றவாளிகளை கைது செய்துள்ளனர்.

கொல்லப்பட்ட ஆசிரியரின் கணவர் 38 வயதான மண்ஜித் மற்றும் அவரது காதலியும் பிரபல மொடலுமான ஏஞ்சல் குப்தா என்பவர்களே கைதானவர்கள்.

டெல்லியில் செயல்பட்டுவரும் பிரபல மொடலான ஏஞ்சல் குப்தாவை திருமணம் செய்துகொள்ளும் பொருட்டே மண்ஜித் தமது மனைவியை கொலை செய்துள்ளதாக பொலிஸ் தரப்பு தெரிவித்துள்ளது.

மட்டுமின்றி ஏஞ்சலுடன் தமது கணவருக்கு ஏற்பட்டிருந்த உறவுக்கு ஆசிரியை சுனிதா எதிர்ப்பு தெரிவித்ததே இந்த கொலைக்கு முக்கிய காரணம் எனவும் கூறப்படுகிறது.

ஹரியானா மாநிலத்தில் உள்ள சோனிபத் பகுதியில் துவக்கப்பள்ளி ஆசிரியராக பணியாற்றி வந்தவர் சுனிதா. கடந்த திங்களன்று தமது இருசக்கர வாகனத்தில் சென்றுகொண்டிருந்த அவரை மர்ம நபர்கள் துப்பாக்கியால் சுட்டுள்ளனர்.

சுனிதாவை யார் கொலை செய்தார்கள் என்பது தொடர்பில் விசாரணை நடைபெற்று வருகிறது. பெரும்பாலும் வாடகை கொலைகாரர்கள் இந்த விவகாரத்தில் ஈடுபட்டிருக்கலாம் என பொலிசார் சந்தேகிக்கின்றனர்.

நினைவிழந்த நிலையில் மீட்கப்பட்ட சுனிதாவை மீட்டு பொலிசார் மருத்துவமனையில் சேர்ப்பித்துள்ளனர். ஆனால் சிகிச்சை பலனின்றி அவர் மரணமடைந்துள்ளார். சம்பவப்பகுதியில் இருந்து சுனிதாவின் மொபைலும் பணம் இருந்த பை ஒன்றையும் பொலிசார் கைப்பற்றியுள்ளனர்.

இதனிடையே சுனிதா எழுதியதாக கருதப்படும் கடிதம் தொடர்பில் அவரது மகள் பொலிசாருக்கு தகவல் தெரிவித்துள்ளார். மேலும் மண்ஜித் மற்றும் ஏஞ்சல் தொடர்பான உறவு குறித்து சுனிதாவின் பெற்றோரே பொலிசாருக்கு தகவல் அளித்துள்ளனர்.

தமிழகத்தில் திருமணம் நிச்சயம் ஆன பெண்ணை கொலை செய்த உறவுக்கார இளைஞர் பொலிசில் பரபரப்பு வாக்குமூலம் அளித்துள்ளார்.

திருவிடைமருதூரில் தனியார் பள்ளி ஆசிரியர் வசந்தபிரியா நேற்று மாலை கழுத்து அறுபட்ட நிலையில் சாலையில் பிணமாக கிடந்தார்.

இதையடுத்து நடத்தப்பட்ட விசாரணையில், பள்ளி முடிந்ததும் வசந்தபிரியா ஒருவரது பைக்கில் உட்கார்ந்து போனார் என சிலர் தகவல் தெரிவித்தனர்.

இதையடுத்து பொலிசார் விசாரணை நடத்தி சிசிடிவி காட்சிகளில் பதிவாகி இருந்த இளைஞரை ஆசிரியை குடும்பத்தில் காட்டி, இளைஞரை யார் என்று கேட்டனர்.

அதற்கு அந்த இளைஞர் உறவினர் தான் என்றும், வசந்தபிரியாவின் அத்தை மகன் நந்தகுமார் என்றும் சொன்னார்கள்.மேலும், நந்தகுமாரும், வசந்தபிரியாவும் காதலித்து வந்ததும் தெரியவந்தது.

இதையடுத்து செல்போன் சிக்னலை வைத்து நந்தகுமாரை பொலிசார் கைது செய்தனர். அவர் அளித்த வாக்குமூலத்தில், நாங்கள் இருவரும் பல ஆண்டுகளாக காதலித்தோம்.

எனக்கு சரியான வேலை அமையாததால் என்னிடம் பழக கூடாது என அவள் வீட்டில் தடை போட்டார்கள். ஆனாலும், வசந்தபிரியா என்னிடம், நம்மை யாரும் பிரிக்க முடியாது, நாம் கல்யாணம் கண்டிப்பா செய்துக்கலாம் என்றாள்.

அவள் சொன்னது அனைத்தையும் நம்பினேன். ஆனால் கொஞச நாளாகவே என்னை விட்டு ஒதுங்க ஆரம்பித்தாள். என்னால் அதை தாங்கவே முடியவில்லை. இதனிடையே அவளுக்கு வீட்டில் வேறு ஒரு இடத்தில் நிச்சயமும் ஆகிவிட்டதை கேள்விப்பட்டேன்.

அதனால் வசந்த பிரியாவிடம் பேச வேண்டும் என்று சொல்லி அவளை தனியாக பைக்கில் அழைத்து சென்றேன். காவிரிக்கரையில் உட்கார்ந்து பேசிக் கொண்டிருந்தோம்.

நீ இல்லாமல் இருக்க முடியாது,கல்யாணம் செய்துக்கலாம் என்றேன். அதற்கு அவள் மறுத்துவிட்டாள். அந்த கோபத்தில்தான் கையிலிருந்த கத்தியால் அவளை அறுத்து கொன்றேன் என கூறியுள்ளார்.

இந்தியாவில் மொத்த குடும்பத்தையும் கொடூரமாக கொலை செய்த நபரை பொலிசார் கைது செய்துள்ளனர். புதுடெல்லியை சேர்ந்தவர் பிரகாஷ். இவர் மனைவி சாதனா, தம்பதிக்கு சுபன் என்ற மகனும், நையினா என்ற மகளும் உள்ளனர்.

இந்நிலையில் நையினா கடந்த 2016 ஜூலை மாதம் அங்குள்ள நதி ஓரம் சடலமாக கண்டெடுக்கப்பட்டார். இது குறித்து விசாரணை நடத்திய பொலிசார் பிரகாஷ், சாதனா, சுபன் ஆகியோர் மாயமானதை கண்டுப்பிடித்தனர்.

இதைவைத்து நையினாவை மூவரும் சேர்ந்து கெளரவ கொலை செய்துவிட்டு தப்பியிருக்கலாம் என கருதிய பொலிசார் அதன் அடிப்படையிலேயே வழக்குப்பதிவு செய்தனர்.

இந்நிலையில் இவ்வழக்கில் திடீர் திருப்பமாக அந்த குடும்பத்தை சேர்ந்த நால்வரையும் அபிஷேக் என்ற தனி நபர் கொலை செய்துள்ளது தற்போது தெரியவந்துள்ளது.

அதாவது, அபிஷேக்கின் கூட்டாளியான 16 வயது சிறுவன் சமீபத்தில் விபத்தில் இறந்தான். இறப்பதற்கு முன்னர் குடிபோதையில் தன்னுடன் இருந்தவர்களிடம் இது பற்றி அவன் கூறியுள்ளான்.

இதையடுத்து இது பொலிசாருக்கு தெரியவந்தது. இதன் பின்னர் கொலையாளி அபிஷேக்கை பொலிசார் உத்தரபிரதேசத்தில் வைத்து கைது செய்துள்ளனர். அவரிடம் நடத்திய விசாரணையில் பல திடுக்கிடும் தகவல்கள் கிடைத்துள்ளது.

பொலிசார் கூறுகையில், கடந்த 2015-ல் அபிஷேக் மற்றும் பிரகாஷின் பொது நண்பர் ஒருவருக்கு பிரகாஷ் ரூ.4 லட்சம் கடன் கொடுத்தார், இந்த பணத்துக்கு அபிஷேக் உத்தரவாதம் அளித்து இருந்தார்.

கடன் தொகையின் வட்டி ஏறி ரூ.8 லட்சம் ஆனது. ஆனால் அவரால் அதை திரும்ப தரமுடியவில்லை. இதையடுத்து அபிஷேக் மற்றும் அவர் நண்பரிடம் பிரகாஷ் பணத்தை திரும்பி கேட்டுள்ளார்.

இதையடுத்து அபிஷேக், அந்த நண்பர், மற்றும் அவர்களின் நண்பரான 16 வயது சிறுவன் ஆகியோர் சேர்ந்து அபிஷேக்கை கொல்ல முடிவெடுத்தனர். அதன்படி காரில் அபிஷேக்கை அழைத்து சென்று சென்று மூவரும் கழுத்தை நெரித்து கொன்றுள்ளனர்.

இதை அபிஷேக்கின் மனைவி மற்றும் பிள்ளைகள் பார்த்துவிட்டதால் அவர்களையும் கொன்றுள்ளார்கள். பின்னர் நால்வரின் சடலத்தையும் அங்குள்ள நதியில் போட்டுள்ளார்கள், இதில் நையினாவின் சடலம் மட்டும் கிடைத்துள்ளது. மற்ற மூவரின் சடலங்கள் இன்னும் கிடைக்கவில்லை என கூறியுள்ளனர்

தமிழகத்தில் இரண்டு குழந்தைகளில் சாவில் மர்மம் இருப்பதாக கருதும் பொலிசார் அவர்களது தாயை தீவிரமாக தேடி வருகின்றனர்.

கடலூரின் பண்ருட்டி அருகே கட்டமுத்துப்பாளையத்தை சேர்ந்தவர் சிலம்பரசன், இவரது மனைவி ஜெயசித்ரா. இவர்களுக்கு மிதுன்(வயது 4), லட்சன்(8 மாதம்) என இரு குழந்தைகள் உள்ளனர்.

கடந்த இரு மாதங்களுக்கு முன்னர் லட்சன், அண்டாவில் இருந்து சடலமாக மீட்கப்பட்டார். இதுதொடர்பான விசாரணையில் தன்னுடைய குழந்தை தவறி அண்டாவில் விழுந்து விட்டதாக கதறி அழுதார் ஜெயசித்ரா. இதனை தொடர்ந்து குடும்பத்துடன் விழுப்புரத்தில் உள்ள பனங்குப்பத்தில் வீடு வாடகைக்கு எடுத்து தங்கினர்.

இந்நிலையில் நேற்று முன்தினம் சிலம்பரசன் வேலைக்கு சென்று விட்ட நிலையில், மிதுனும் தண்ணீர் தொட்டியில் பிணமாக மிதந்தான். மகனை பார்த்து அதிர்ச்சியடைந்த சிலம்பரசன் பொலிசில் புகார் அளித்தார்.

இதற்கிடையே ஜெயசித்ராவும் தலைமறைவாகிவிட பொலிசுக்கு சந்தேகம் வலுத்தது, எனவே தனிப்படை அமைத்து அவரை தேடி வருகின்றனர்.

மேலும் ஜெயசித்ராவின் செல்போனை ஆய்வு செய்தும் வருகின்றனர், கண்காணிப்பு கமெராவும் சோதனை செய்து வருவதால் விரைவில் ஜெயசித்ரா சிக்குவார் என நம்பப்படுகிறது.

ஆந்திரப் பிரதேச மாநிலத்தில் காதலை ஏற்க மறுத்த மாணவியின் கழுத்தை ஆசிரியரே அறுத்து கொலை செய்ய முயற்சித்துள்ள சம்பவம் பரபரப்பை ஏற்படுத்தியுள்ளது.

ஆந்திரப்பிரதேச மாநிலம் குர்நூல் மாவட்டத்தில் உள்ள தனியார் பள்ளி ஒன்றில் இந்தி ஆசிரியராக பணியாற்றி வருபவர் சங்கர். இவர் அதே பள்ளியில் படித்த 9ம் வகுப்பு மாணவியை ஒருதலையாக காதலித்ததாக தெரிகிறது. ஆனால் அந்த மாணவி ஆசிரியரின் காதலுக்கு மறுப்பு தெரிவித்துள்ளார்.

இதனால் ஆத்திரமடைந்த சங்கர் இன்று காலை, மது போதையில் மாணவியின் வீட்டிற்கு சென்றுள்ளார். அங்கு தனியாக இருந்த மாணவியின் கழுத்தை கத்தியை கொண்டு அறுத்துள்ளார்.

அலறல் சத்தம் கேட்டு ஓடிவந்த உறவினர்கள் வேகமாக மாணவியை மீட்டு மருத்துவமனைக்கு அனுப்பி வைத்தனர். அதேசமயம் அங்கிருந்து தப்ப முயன்ற குற்றவாளி சங்கரை பிடித்து கட்டி வைத்து அடித்துள்ளனர்.

இதற்கிடையில் சம்பவம் அறிந்து வந்த பொலிஸார் குற்றவாளியை கைது செய்து விசாரணை மேற்கொள்ள ஆரம்பித்துள்ளனர். தற்போது மருத்துவமனையில் அனுமதிக்கப்பட்டிருக்கும் மாணவிக்கு தீவிர சிகிச்சை அளிக்கப்பட்டு வருகிறது.

இந்தியாவின் உத்தரபிரதேச மாநிலத்தில் காதலித்த இளம்பெண்ணுடன் வீட்டை விட்டு வெளியேறிய இளைஞரை பெண்ணின் வீட்டார் உயிருடன் நெருப்பு வைத்து கொளுத்திய கொடூர சம்பவம் அதிர்வலைகளை ஏற்படுத்தியுள்ளது. குறித்த கொலை முயற்சியில் அந்த இளைஞர் படுகாயங்களுடன் மீட்கப்பட்டு மருத்துவமனையில் சிகிச்சை பெற்றுவருகிறார்.

திருமண வயது எட்டாத இளம்பெண்ணை காதலித்து அவருடன் வீட்டை விட்டு வெளியேறிய அந்த இளைஞரை, திருமணம் குறித்து கலந்தாலோசிக்க பெண்ணின் வீட்டார் அழைப்பு விடுத்துள்ளனர்.

இதனை நம்பி வந்த இளைஞரை பெண்ணின் வீட்டார் உயிருடன் குளுத்தியதாக கூறப்படுகிறது. எத்வா மாவட்டத்தில் நடந்த இச்சம்பவத்தில் நரேந்திர ஷாக்கியா என்ற இளைஞரையே குறித்த பெண் வீட்டார் கொலை செய்ய முயன்றுள்ளனர். இந்த விவகாரம் தொடர்பில் பெண் வீட்டாரை பொலிசார் கைது செய்து வழக்குப் பதிந்துள்ளனர்.

கடந்த இரண்டு தினங்களுக்கு முன்னர் 22 வயதான நரேந்திர ஷாக்கியாவும் அவரது காதலியும் மாயமானதாக தெரியவந்தது.
இதனையடுத்து பெண்ணின் வீட்டார் அவரை தொலைபேசியில் தொடர்புகொண்டு, இருவரும் திரும்பி வந்தால் திருமணம் நடத்துவது தொடர்பில் கலந்தாலோசிக்கலாம் என தெரிவித்துள்ளனர்.

தொடர்ந்து நேற்று மாலை பெண்ணின் குடியிருப்புக்கு நரேந்திரா தனியாக சென்றுள்ளார். ஒருகட்டத்தில் பெண்ணுக்கு திருமண வயது எட்டவில்லை எனவும், உடனையே அவரை வீட்டுக்கு திருப்பி அனுப்ப வேண்டும் எனவும் குடும்பத்தினர் கோரிக்கை வைத்துள்ளனர்.

திருமணம் செய்து தருவதில் உறுதியான முடிவு எட்டும்வரை பெண்ணை திருப்பி அனுப்ப முடியாது என நரேந்திரா அப்போது தெரிவித்துள்ளார். இதனால் ஆத்திரமடைந்த பெண்ணின் உறவினர்கள் நரேந்திராவை சரமாரியாக தாக்கியுள்ளனர்.

பெண்ணை எங்கே ஒளித்து வைத்திருக்கிறாய் என கேட்டு தாக்கிய நிலையில், அவர் அதை வெளிப்படுத்த மறுத்துள்ளார்.
இந்த நிலையில் இளைஞர் மீது மண்ணெண்ணெய் ஊற்றி தீ வைத்துள்ளனர். இதனையடுத்து உடல் முழுவதும் தீ எரிய அங்கிருந்து வெளியேறி தெருவில் ஓடிய இளைஞரை அப்பகுதி மக்கள் மீட்டுள்ளனர்.

பின்னர் பொலிசாருக்கும் தகவல் தெரிவித்துள்ளனர். குற்றுயிராக மீட்கப்பட்ட இளைஞர் மருத்துவமனையில் தீவிர சிகிச்சையில் இருந்து வருகிறார்.

ஒரு ஆணை இரண்டு ஆண்டுகள் உயிருக்கு உயிராக காதலித்து, தற்போது அந்த காதல் கைகூடிய சந்தோஷத்தில் இருக்கிறார் திருநங்கை ஶ்ரீஜா.

மூர்த்தி என்ற பெயருடன் ஆணாக வலம் வந்த எனக்கு, என்னுடைய சின்ன வயசிலேயே உடலில் ஏற்பட்ட மாற்றத்தை உணரமுடிந்தது. அம்மாதான் கஷ்டப்பட்டு என்னையும் என் தம்பியையும் படிக்கவச்சாங்க. என் நடவடிக்கையைப் பார்த்து எனது பள்ளியில் அனைவரும் என்னை கிண்டல் செய்தார்கள்.

சொந்தக்காரங்க `நீ ஏன் உசுரோடு இருக்கே. செத்துருனு சொன்னாங்க. ஆனால், அந்த நேரத்திலும் என் அம்மா எனக்கு ஆதரவாக இருந்தார். என் அம்மாகிட்ட `நான் பொண்ணா மாறணும்மா. என்னைப் புரிஞ்சுக்கோனு சொன்னேன். பன்னிரண்டாம் வகுப்பு முடிஞ்சதும், அம்மாவே எனக்கு அறுவை சிகிச்சைக்கு செய்வதற்கு உதவி செய்தார்.

அறுவை சிகிச்சைக்கு பின்னர், ஶ்ரீஜா என எனது பெயரை மாற்றிக்கொண்டேன். ஒரு நாள் குலசை திருவிழாவுக்கு எனது தோழியுடன் சேர்ந்து போயிருந்தேன். அங்கே என்னோடு படிச்ச விஜய், என்னை அடையாளம் கண்டுபிடிச்சுப் பேசினான். அப்போது, விஜய்யின் பக்கத்தில் நின்றுகொண்டிருந்த அவனது நண்பன் அருண், நீங்க பொண்ணு மாதிரி அழகாய் இருக்கீங்க என கூறினார். நான் சிரித்துக்கொண்டே வந்துவிட்டேன்.

அன்று தான் அருணை நான் முதன் முதலாக பார்த்தது. பிறகு, எனது நண்பர் விஜய்யின் கடைதிறப்பு விழாவுக்கு சென்றேன், அப்போது அங்கு அருணும் இருந்தார். மீண்டும் சந்தித்தபோது ஒருவருக்கொருவர் நன்றாக பேசினோம். அன்றிலிருந்து நண்பர்களாக பழகினோம்.

ஒருநாள், `உன்னை நான் கல்யாணம் பண்ணிக்கிறேன்னு சொன்னார். என்னால் நம்பவே முடியலை. என்னை ஏமாற்றுகிறார் என நினைத்தேன். நீ ஒழுங்காப் படி. நான் உன்னைக் கல்யாணம் பண்ணிக்கிறேன்னு சொன்னார். நானும் அப்படியே நடந்துக்கிட்டேன். அலைஞ்சு திரிஞ்சு போராடி என் சான்றிதழ்களில் திருநங்கைன்னு மாத்தினோம்.

தற்போது, தனியார் கல்லூரியில் படித்து வருகிறேன். அருணின் வீட்டில் எங்கள் காதலுக்கு எதிர்ப்பு தெரிவித்தனர். எனக்கு நீதான் முக்கியம். உன்னைவிட்டுப் போகமாட்டேன்னு சொன்னார். என்னாலும் அவர் இல்லாம இருக்க முடியாது. ரெண்டு பேரும் பேசி திருமணம் செஞ்சுக்க முடிவு பண்ணி பல போராட்டங்களுக்கு பிறகு பதிவு திருமணம் செய்துகொண்டோம்.

இனியாவது என் மாமா வீட்டுல எங்களை ஏத்துப்பாங்கன்னு நம்பறேன். எங்களுக்குக் குழந்தை வேணும்னு தோணுச்சுன்னா, மாமாவின் சொந்தத்தில் குழந்தையைத் தத்தெடுத்து வளர்ப்போம். இல்லைன்னா, அவருக்கு நான் குழந்தை எனக்கு அவர் குழந்தைன்னு மகிழ்ச்சியாக இருப்போம் என கூறுகிறார் ஶ்ரீஜா.

ஆந்திராவில் மாநிலம் ஹைதராபாத்தை சேர்ந்தவர் ஜெயஸ்ரீ. தாழ்த்தப்பட்ட வகுப்பை சேர்ந்தவர் இவரை பெற்றோர்கள் டாக்டருக்கு படிக்க வைத்தார்கள். மேலும் சீனாவுக்கு மேற்படிப்புக்காகவும் அனுப்பி வைத்தார்கள். படிக்க போன இடத்தில் கார்த்திக் என்பவரை காதல் செய்து கடந்த 2015ம் ஆண்டும் திருமணம் செய்துக்கொண்டனர்.

ஆசை கணவனுடன் வாழ்ந்து வந்த ஜெயஸ்ரீ, இரு தினங்களுக்கு முன்பு நிறைய தூக்க மாத்திரைகளை சாப்பிட்டு தற்கொலை செய்து கொண்டார். இவர் தற்கொலை குறித்து பொலிசார் விசாரணயை தொடர்ந்தனர்.

இது குறித்த அந்த பெண்ணின் தந்தை தனியார் தொலைக்காட்சி ஒன்றிக்கு அளித்த பேட்டியில், அதில், “லவ் பண்றேன்னு வந்து நின்னப்பவோ நாங்க ஒத்துக்கல… வேண்டாம்னு சொன்னோம். ஆனாலும் ஜெயஸ்ரீ பிடிவாதமாகவே இருந்ததால், அவள் ஆசைக்கு விட்டுவிட்டோம். வரதட்சணையாக 25 லட்சம் ரூபாய், 45 கிலோ தங்கம், 2 கிலோ வெள்ளி என அள்ளி கொடுத்தோம்.
போன வருஷம் வரை ரெண்டு பேரும் நல்லாதான் இருந்தாங்க.

ஆடம்பர வாழ்க்கைக்கு ஆசைப்பட்ட கார்த்திக் திரும்பவும் வரதட்சணை பணம் கேட்டு என்கிட்டே மகளை அனுப்பி வைச்சுட்டே இருப்பார். நானும் முடிந்தவரை கேட்ட பணத்தை கொடுத்திட்டேதான் இருந்தேன். ஒரு கட்டத்தில் என்னால் பணம் தர முடியாமல் நிறுத்திவிடவும் அப்போதான் பிரச்சனை ஆரம்பிச்சிருக்கு. இதில் மாமியாரும் சேர்ந்து கொண்டுள்ளார்.

வெடிக்கும்போதெல்லாம் சாதி பெயரை சொல்லி மகளை அதிகமாக துன்புறுத்தி இருக்காங்க.. இதுபற்றி பொலிசாரிடம் வரதட்சணை கொடுமை, சாதியக் கொடுமை அடிப்படையில் புகார் அளித்தேன்” என்றார். தந்தை அளித்த புகாரின்பேரில் பொலிசார் உடனடியாக கார்த்திக்கை கைது செய்து இருக்கிறார்கள்.