பன்றிகளின் உடல் உறுப்புக்களை மனிதர்களுக்கு பொருத்துவது தொடர்பாக நடந்த தொடர் ஆய்வில் பல ஆண்டுகளுக்குப் பிறகு ஆய்வாளர்கள் புதிய மைல்கல் சாதனை படைத்துள்ளனர்.

உடல் உறுப்பு மாற்று அறுவை சிகிச்சைக்காக உலகம் முழுவதும் இலட்சக்கணக்கானோர் காத்துக் கொண்டிருக்கின்றனர்.

உடல் உறுப்புக்கள் தட்டுப்பாடு காரணமாக, பன்றிகளின் உடல் உறுப்புக்களை மனிதர்களுக்கு பொருத்தலாமா என்ற ஆய்வில் பல ஆண்டுகளாக ஆய்வாளர்கள் ஈடுபட்டுள்ளனர்.

அதன் பலனாக பன்றியின் சிறுநீரகம், இதயம் போன்ற உறுப்புகளை மனிதர்களுக்கு பொருத்த முடியும். ஆனால் நோய் தொற்று ஏற்பட்டு உயிரிழப்பு ஏற்படும் என்ற நிலை இருந்தது.

எனவே பன்றியின் உடல் உறுப்புக்களில் உள்ள மரபணுக்களில் செயல்படாமல் இருக்கும் ‘பெர்வ்’ எனப்படும் வைரஸ்களை அகற்றும் ஆய்வில் ஈடுபட்டனர், தற்போது அவற்றை அகற்றி வெற்றி பெற்றுள்ளனர்.

ஹாவர்ட; பல்கலைக்கழகத்தைச் சேர்ந்த மரபியல் நிபுணர்கள் ஜார்ஜ் சர்ச் மற்றும் லுகான் யங் ஆகியோர் இந்த ஆய்வில் ஈடுபட்டு வெற்றி கண்டுள்ளனர். இதுவரை 37 பன்றி உறுப்புக்களில் பெர்வ் வைரஸ் தொற்றுகள் அகற்றப்பட்டுள்ளன.

இது ஒரு மிகப்பெரிய சாதனையாக கருதப்படுகிறது, எதிர்காலத்தில் இத்தகைய தொடர் ஆய்வுகளின் மூலம் பன்றிகளின் உடல் உறுப்புக்களை உடல் உறுப்பு மாற்று அறுவைசிகிச்சை மூலம் மனிதர்களுக்கு பயன்படுத்த முடியும் என விஞ்ஞானிகள் நம்பிக்கை தெரிவித்துள்ளனர்

உலகின் மிக வயதான மனிதர் என்ற கின்னஸ் சாதனை படைத்த இஸ்ரேல் நாட்டை சேர்ந்த கிரிஸ்டல் சமீபத்தில் மரணம் அடைந்தார்.

114 வயதான இவர் உலகின் மிக வயதான மனிதர் என்ற கின்னஸ் சாதனை படைத்தவர். இவர் சமீபத்தில் மரணம் அடைந்தார்.

இவர் கடந்த 1903-ம் ஆண்டு போலந்தில் உள்ள ஷார்நவ் என்ற நகரில் பிறந்தார். யூத மதத்தை சேர்ந்த இவர் தனது வாழ் நாளில் 2 உலகப் போர்களை கண்டவர்.

முதல் உலகப் போரின் போது தனது பெற்றோரை இழந்து அனாதையாக ஆனார். பின்னர் வாழ்க்கையில் கடும் சோதனைகளை சந்தித்தார். இவருக்கு முதல் மனைவி மூலம் குழந்தைகள் பிறந்தனர்.

போலந்தில் ஹாலோ காஸ்ட்டில் ஹிட்லரின் நாஜிப் படைகள் யூதர்களை கொன்று குவித்தனர்.

அதில் அவரது மனைவி மற்றும் குழந்தைகள் கொல்லப்பட்டனர். பின்னர் வேறு பெண்ணை திருமணம் செய்து இஸ்ரேல் வந்த அவர் வர்த்தகர் ஆனார். இவருக்கு 2 குழந்தைகள் பிறந்தனர். அவர்கள் மூலம் பல பேரக் குழந்தைகள் மற்றும் கொள்ளு பேரக் குழந்தைகள் உள்ளனர்.

ஆப்கானிஸ்தானில் ஆதிக்கம் செலுத்தி வருகிற ஐ.எஸ். பயங்கரவாத இயக்கத்தினர் சமீப காலமாக தொடர்ந்து வீழ்ச்சியை சந்தித்து வருகின்றனர்.

ஆப்கானிஸ்தானில் அந்த இயக்கத்தை தலைமை தாங்கி நடத்தி வந்த அபு சயீத், கடந்த மாதம் குணார் மாகாணத்தில் நடந்த வான்தாக்குதலில் கொல்லப்பட்டார்.

இந்த நிலையில், அந்த இயக்கத்தின் மத்திய ஆசிய பிரிவை சேர்ந்த தளபதிகள், ஆப்கானிஸ்தானில் அமெரிக்கா நடத்திய வான்தாக்குதலில் பலியாகி உள்ளனர். இந்த தகவலை அமெரிக்க ராணுவ அதிகாரிகள் நேற்று வெளியிட்டனர்.

இது பற்றி அவர்கள் கூறுகையில், “10-ந் தேதி கிழக்கு குணார் மாகாணத்தில் நடந்த தாக்குதலில் ஐ.எஸ். அமைப்பின் முக்கிய தளபதிகளில் ஒருவரான அப்துல் ரகுமான் கொல்லப்பட்டார். அவருடன் அந்த இயக்கத்தின் மூத்த தளபதிகள் 3 பேரும் உயிரிழந்தனர்” என்றனர்.

இது பற்றி ஆப்கானிஸ்தானில் உள்ள அமெரிக்க மூத்த தளபதி ஜான் நிக்கல்சன் கூறுகையில்,

“அமெரிக்க வான் தாக்குதலில் அப்துல் ரகுமான் கொல்லப்பட்டிருப்பது, ஐ.எஸ். இயக்கத்துக்கு விழுந்த பலத்த அடியாக அமைந்துள்ளது” என்று குறிப்பிட்டார்.

மேலும், நங்கர்ஹார் மாகாணத்தில், அமெரிக்கா நடத்திய வான் தாக்குதலில் சிக்கி பெண்கள், குழந்தைகள் உள்பட 16 சிவிலியன்கள் உயிரிழந்து விட்டதாக ஆப்கானிஸ்தான் அதிகாரிகள் நேற்று முன்தினம் தெரிவித்தனர்.

வடகொரியா வைத்துள்ள அணு ஆயுதங்கள் மற்றும் ஏவுகணைகள் சக்தி வாய்ந்தவைகள் கிடையாது எனவும் அனைத்தும் போலிகளாக இருக்க வாய்ப்புண்டு எனவும் நிபுணர்கள் கூறியுள்ளனர்.

வடகொரியா மற்றும் அமெரிக்கா இடையே நிலவி வரும் அசாதாரண சூழல் நாளுக்கு நாள் வலுவடைந்து வருகிறது.

அமெரிக்காவின் குவாம் தீவை ஏவுகணை கொண்டு தாக்குவோம் என வட கொரியா அறிவித்த நிலையில், அமெரிக்காவின் மோசமான தாக்குதல்களை வட கொரியா சந்திக்க நேரிடும் என டிரம்ப் எச்சரித்தார்.

இப்படி அமெரிக்கா மற்றும் உலக நாடுகளை கிம் ஜாங்கின் வட கொரியா அரசு பயமுறுத்தி வரும் நிலையில் அந்நாடு வைத்துள்ள அணு ஆயுதங்கள் மற்றும் ஏவுகணைகள் எல்லாம் அதிக சக்தியில்லாத போலியானவை என தகவல் வெளியாகியுள்ளது. அணு ஆயுதங்கள் மற்றும் ஏவுகணை நிபுணர்கள் இவ்வாறு கூறியுள்ளனர்.

North Korea’s Not Quite ICBM Can’t Hit the Lower 48 States என்ற தலைப்பில் Ted Postol, Markus Schiller மற்றும் Robert Schmucker ஆகிய மூன்று நிபுணர்களும் ஒரு கட்டுரை எழுதியுள்ளனர்.

அதில் வட கொரியாவிடம் உள்ள ஏவுகணைகள் மற்றும் ரொக்கெட்கள் அவ்வளவு சக்தி வாய்ந்தவைகள் கிடையாது. உலகின் பயங்கர ஏவுகணையான ICBM ஐ தயார் நிலையில் வைத்திருப்பதாக அவர்கள் கூறுவது ஏமாற்று வேலை. அது போலியானதாக இருக்கவே வாய்ப்புள்ளது என குறிப்பிட்டுள்ளனர்.

வட கொரியா ஏவுகணை அமெரிக்கவை தாக்கினால் குறைந்தது 493 000 பேர் உயிரிழப்பார்கள் என கூறப்பட்ட நிலையில் வட கொரியா ஏமாற்று வேலை செய்வதாக வெளியாகியுள்ள தகவல் பரபரப்பை ஏற்படுத்தியுள்ளது.

சிறுவனுக்கு சாதாரண வைரஸ் தொற்று தான் என மருத்துவர்கள் பெற்றோரிடம் கூறிய நிலையில் நோய் பாதிப்பு அதிகமாகி சிறுவன் உயிரிழந்துள்ளான்.

பிரித்தானியாவின் மான்செஸ்டரில் உள்ள Wigan நகரை சேர்ந்தவர் Thomas (38), இவர் மனைவி Joanne (34), இவர்களின் மகன் Connor Horridge (6). Connor-க்கு திடீரென கடுமையான காது வலியும், உடல்நலக் கோளாறும் ஏற்பட்டுள்ளது.

இதையடுத்து பெற்றோர் Connor-ஐ தனியார் மருத்துவமனைக்கு அழைத்து செல்ல அவனை பரிசோதித்த மருத்துவர்கள் இது வைரஸ் தொற்று தான், இதுகுறித்து பெரிதாக நீங்கள் கவலையடைய தேவையில்லை என கூறியுள்ளனர்.

சில மாத்திரைகளையும் எழுதி கொடுத்து, அதை தொடர்ந்து சாப்பிட சொல்லியுள்ளனர், இது போலவே இரண்டாம் பரிசோதனையின் போதும் மருத்துவர்கள் கூறியுள்ளனர்.

சில நாட்கள் கழித்து Connor திடீரென அம்மா என கத்தி கொண்டே வீட்டு வாசலில் மயங்கி விழுந்துள்ளான்.

இதையடுத்து உடனடியாக மருத்துவமனைக்கு சிறுவன் கொண்டு செல்லப்பட அங்கு தீவிர சிகிச்சையளிக்கப்பட்டும் Connor பரிதாபமாக கடந்த டிசம்பரில் உயிரிந்துள்ளான்.

காதில் அதிகளவில் புண் ஏற்பட்டு அது சீழ்ப்பிடிப்பாக மாறி அதன் காரணமாக ரத்த ஓட்டத்தில் ஏற்பட்ட வீக்கம் காரணமாக Connor உயிரிழந்தது தெரியவந்தது.

Connor-ன் பெற்றோர் கூறுகையில், எங்கள் மகனை ஆரம்பத்திலேயே மருத்துவர்கள் சரியாக ரத்த மாதிரியை எடுத்து பரிசோதித்திருந்தால் இது நடக்காமல் இருந்திருக்க வாய்ப்புண்டு என கூறியுள்ளனர்.

Connor உடலை பிரேத பரிசோதனை செய்த மருத்துவர் கூறுகையில், ஆரம்பத்தில் சாதாரணமாக இருந்த தொற்று இப்படி திடீரென பெரிய விளைவுகளை ஏற்படுத்தும் என யாரும் எதிர்ப்பார்க்கவில்லை என கூறியுள்ளார்.

வடகொரியா மீது போர் தொடுக்க தயாராகி வரும் அமெரிக்காவிற்கு சீனா அதிபர் கடுமையான எச்சரிக்கையை விடுத்துள்ளார்.

அமெரிக்கா மீது ஏவுகணை தாக்குதல் நடத்தப்போவதாக வடகொரியா அறிவித்ததை தொடர்ந்து இரு நாடுகளுக்கு மத்தியில் போர் சூழும் அபாயம் ஏற்பட்டுள்ளது.

நியூ ஜெர்ஸி மாகாணத்தில் விடுமுறையை கழித்து வரும் டொனால்டு டிரம்ப் அண்மையில் டுவிட்டரில் பதிவு ஒன்றை வெளியிட்டுள்ளார்.

அதில், அமெரிக்காவிற்கு தொடர்ந்து அச்சுறுத்தலை ஏற்படுத்தி வரும் வடகொரியா மீது எந்த நேரத்திலும் போர் தொடுப்போம்.

அமெரிக்க ராணுவம் தயாராகவே உள்ளது, வடகொரியா தனது செயல்பாடுகளை நிறுத்தாவிட்டால் உலகம் இதுவரை சந்திக்காத அழிவை வட கொரியா சந்திக்கும்’ என எச்சரிக்கை விடுத்துள்ளார்.

டொனால்டு டிரம்பின் இந்த பதிலடிக்கு சீனா அதிபரான ஸீ ஜின்பிங் கடும் கண்டனங்களை தெரிவித்துள்ளார்.

‘வடகொரியா அணு ஆயுத சோதனைகளை நிறுத்த வேண்டும் என்ற அமெரிக்காவின் வலிறுத்தலை ஏற்றுக்கொள்கிறேன்.

ஆனால் டொனால்டு டிரம்ப் தனது வார்த்தைகளை கட்டுப்படுத்த வேண்டும். இச்சூழல் தொடர்ந்து கொரியா தீபகற்பத்திற்கு பெரும் ஆபத்து ஏற்படும்’ என ஸீ ஜின்பிங் எச்சரிக்கை விடுத்துள்ளார்.

அமெரிக்கா மற்றும் வட கொரியா ஆகிய இரு நாடுகளுக்கு இடையில் யுத்தம் ஏற்பட்டால் அது மூன்றாம் உலக போரை தொடங்கி வைக்கும் அபாயம் உள்ளதாக உலக நாடுகள் அச்சத்தில் உறைந்துள்ளது குறிப்பிடத்தக்கது.