போர்ப்ஸ் பத்திரிகையின் 2016ம் ஆண்டுக்கான உலகப் பணக்காரர்கள் பட்டியலில் தொடர்ந்து 3வது ஆண்டாக மைக்ரோசொப்ட் நிறுவனர் பில்கேட்ஸ் முதலிடம் பிடித்துள்ளார்.

2016ம் ஆண்டுக்கான உலகப் பணக்காரர்கள் பட்டியலை போர்ப்ஸ் பத்திரிகை வெளியிட்டுள்ளது. இப்பட்டியலில் கடந்த ஆண்டு 1,826 பேர் இடம் பெற்றிருந்த நிலையில், இந்த ஆண்டு 1,810 பேர் மட்டுமே இடம் பெற்றுள்ளனர்.

இப்பட்டியலில் தொடர்ந்து 3 ஆவது ஆண்டாக மைக்ரோசொப்ட் நிறுவனர் பில்கேட்ஸ்(75 பில்லியன் டொலர்கள்) முதலிடம் பிடித்துள்ளார். இவரது சொத்து மதிப்பு கடந்த ஆண்டுடன் ஒப்பிடுகையில் 4.2 பில்லியன் டொலர் குறைந்துள்ளது. இவர் கடந்த 22 ஆண்டுகளில் 17வது முறையாக முதலிடம் பிடித்துள்ளது குறிப்பிடத்தக்கது.

இவரைத் தொடர்ந்து 2 ஆவது மற்றும் 3 ஆவது இடங்கள் முறையே அமென்சியோ ஒர்டேகோ, வொரன் பவட்டும் இடம் பிடித்துள்ளனர். கடந்த ஆண்டு 16 ஆவது இடம் வகித்த பேஸ்புக் நிறுவனர் மார்க் சக்கர் பேர்க், இந்த ஆண்டு 6 ஆவது இடத்துக்கு முன்னேறியுள்ளார்.

அல்கைதா தலைவர் பின்லேடன், கடந்த 2011ம் ஆண்டு பாகிஸ்தானில் வைத்து அமெரிக்க சிறப்பு அதிரடிப் படையினரால் சுட்டுக் கொல்லப்பட்டார்.

அப்போது, அந்த இடத்தில் இருந்த 113 முக்கிய ஆவணங்கள் கைப்பற்றப்பட்டு அமெரிக்காவுக்கு கொண்டு செல்லப்பட்டன. அராபிய மொழியில் இருந்த அந்த ஆவணங்கள், ஆங்கிலத்தில் மொழி பெயர்க்கப்பட்டுள்ளன. அவற்றில் முக்கியமான சில ஆவணங்களை அமெரிக்க உளவு அமைப்புகள் தற்போது வெளியிட்டுள்ளன.

சூடான் நாட்டில் தான் விட்டுச்சென்ற 29 மில்லியன் டொலரை தனது இறப்புக்கு பிறகு எப்படி பிரித்துக் கொள்ள வேண்டும் என்பது பற்றி பின்லேடன் எழுதிய ஆவணத்தில் குறிப்பிடப்பட்டுள்ளது.

சூடானில் தனது சொத்தில் ஒரு சதவீத பணத்தை அல்கைதா மூத்த தலைவர் மபூஸ் அவுல்ட் அல்-வாலித்துக்கு கொடுக்க வேண்டும் அதில் என்று கூறப்பட்டுள்ளது.

ஏற்கனவே 20 லட்சம்வரை அல்-வாலித்துக்கு கொடுக்கப்பட்டு விட்டதாகவும், சூடானில் உள்ள பணத்தை மீட்டுக் கொண்டு வந்தால், அவருக்கு பரிசு கொடுப்பதாக, தான் வாக்குறுதி அளித்திருப்பதாகவும் பின்லேடன் அதில் எழுதி உள்ளார்.

இன்னொரு சதவீத பணத்தை மற்றொரு நண்பரான என்ஜினீயர் அபு இப்ராகிம் அல்-இராகி சாத்துக்கு கொடுக்க வேண்டும் என்று பின்லேடன் கூறியுள்ளார். அந்த நபர், சூடானில் பின்லேடனின் முதலாவது நிறுவனத்தை நிறுவ உதவியவர் ஆவார்.

குறிப்பிட்ட அளவு சவுதி ரியால் பணத்தையும், தங்கத்தையும் தனது தாயார், மகன், மகள், சித்தப்பா, சித்தப்பாவின் பிள்ளைகள், தாயாரின் சகோதரிகள் ஆகியோர் பகிர்ந்து கொள்ள வேண்டும் என்று பின்லேடன் கூறியுள்ளார்.

மீதி பணம் முழுவதையும், புனித போருக்காக பயன்படுத்துமாறு பின்லேடன் கேட்டுக்கொண்டுள்ளார். தனது விருப்பத்தை நிறைவேற்றுமாறு குடும்பத்தினரை வலியுறுத்தி உள்ளார்.

கடந்த 2008ம் ஆண்டு ஆகஸ்ட் 15ம் திகதி பின்லேடன் எழுதிய மற்றொரு கடிதமும் வெளியிடப்பட்டுள்ளது. அதில், தந்தைக்கு முன்பே, தான் இறந்து விட்டால், தன்னுடைய மனைவியையும், பிள்ளைகளையும் தந்தை நன்றாக கவனித்துக் கொள்ள வேண்டும் என்று பின்லேடன் கூறியுள்ளார்.

‘உங்களுக்கு பிடிக்காததை நான் செய்திருந்தால் என்னை மன்னியுங்கள்’ என்று கடிதத்தின் இறுதியில் தந்தையிடம் பின்லேடன் உருக்கமாக தெரிவித்துள்ளார்.

 
மொஸ்கோவில் குழந்தையின் தலையுடன் வீதியில் சுற்றித்திரிந்த பெண்ணினால் பரபரப்பு ஏற்பட்டுள்ளது. குறித்த பெண் உடம்பை மறைத்து நீளமான கறுப்பு நிற ஆடையுடன் மொஸ்கோவில் ஒரு வீதியில் நடந்து சென்றுள்ளார்.

குறித்த பெண்ணின் மீது சந்தேகம் அடைந்த மொஸ்கோ பொலிசார் அந்த பெண்ணை மடக்கி பிடிக்க முயன்றுள்ளனர்.

இந்நிலையில், குறித்த பெண், திடீரென தனது பையில் கை விட்டு ஒரு குழந்தையின் துண்டிக்கப்பட்ட தலையை எடுத்துக்காட்டி, ‘உடனே என்னை விட்டுவிட்டு ஓடுங்கள். நான் ஒரு தீவிரவாதி. என் உடலில் உள்ள வெடிகுண்டுகளை வெடிக்கச் செய்வேன்’ என மிரட்டியதால் பொலிஸார் பயந்து அவ்விடத்தை விட்டு விலகியுள்ளனர்.

இந்நிலையில், துண்டிக்கப்பட்ட குழந்தையின் தலையை கையில் பிடித்தபடி அந்த வீதியில் வலம்வந்த நிலையில் பொலிஸார், மறைந்திருந்து அந்த பெண்ணை கைது செய்தனர்.

கைதுசெய்த பெண்ணுடன் அவரின் வீட்டுக்கு சென்ற பொலிஸார், அவரது வீடு தீப்பற்றி எரிந்துகொண்டிருந்ததை அவதானித்துள்ளனர்.

உடனடியாக தீயை அணைத்துவிட்டு உள்ளே சோதனை செய்தபோது தலையில்லாத அந்த குழந்தையின் உடலை பொலிஸார் கண்டு பிடித்துள்ளனர்.

எதற்காக இந்த கொலையை செய்தார் குறித்த பெண் செய்தார் என்பது குறித்து பொலிஸார் விசாரணைகளை மேற்கொண்டு வருகின்றனர்.