உத்திரப்பிரதேச மாநிலத்தில் குழந்தை இல்லாத தம்பதியொன்று, தங்களது சொத்துக்களை அவர்களது செல்லப்பிராணியான குரங்கு பெயரில் உயிலாக எழுதி வைத்துள்ளனர்.

உத்திரப்பிரதேசம் ரேபரேலியைச் சேர்ந்த இந்தத் தம்பதிக்கு மில்லியன் கணக்கில் சொத்துக்கள் உள்ளது. ஆனால், அவற்றிற்கு உரிமைக் கோர குழந்தைகள் எதுவும் இல்லை. இதனால், குரங்கு ஒன்றை அவர்கள் செல்லப் பிராணியாக வளர்த்து வருகின்றனர்.

தங்களின் மறைவுக்குப் பின்னால் அந்தக் குரங்கு ஆதரவு இல்லாமல் அவதிப்படக் கூடாது என நினைத்த அத்தம்பதி, தங்களது சொத்துக்கள் முழுவதையும் அக்குரங்கின் பெயருக்கே எழுதி வைத்துள்ளனர்.

இந்திய ராஜஸ்தானில் கழிவறைக்குள் பிறந்த குழந்தை தண்டவாளத்தில் விழுந்து உயிர் பிழைத்துள்ளது.

ராஜஸ்தான் மாநிலத்தை சேர்ந்த பவுரி பல்பி (32) என்ற நிறைமாத கர்ப்பிணி தனது கணவர், தாயாருடன் சூரத்காரில் இருந்து ஹனுமன்காருக்குய் ரயிலில் பயணம் செய்துள்ளார்.

ஹனுமன்கார் ரயில்வே நிலையத்திற்கு 13 கிலோமீற்றர் தூரத்திற்கு முன்னால், பல்பிக்கு பிரசவ வலி ஏற்பட்டுள்ளது. உடனடியாக ரயிலில் உள்ள கழிவறைக்கு சென்ற அவருக்கு, பெண் குழந்தை பிறந்துள்ளது.

பல்பி மயக்க நிலையில் இருந்ததால் குழந்தை கழிவறை தொட்டியின் வழியே ஓடும் ரயிலில் இருந்து தண்டவாளத்தில் விழுந்து விட்டது. ரயிலும் ஹனுமன்கார் ரயில் நிலையம் வந்து சேர்ந்தது.

நீண்ட நேரம் ஆகியும் மனைவி கழிவறையில் இருந்து வெளியே வராததால் அவரது கணவர் ரயில்வே காவல்துறையினருக்கு தகவல் கொடுத்துள்ளார்.

உடனடியாக காவல்துறையினர் கழிவறையின் கதவை திறந்து, மயங்கி கிடந்த பல்வியை உடனடியாக மருத்துவமனையில் அனுமதித்தனர்.

இந்நிலையில் தண்டவாளத்தில் குழந்தையின் அழுகுரல் கேட்டு அந்த பகுதியில் இருந்தவர்கள் சென்றுள்ளனர்.

அப்போது அங்கிருந்த பச்சிளம் குழந்தையை மீட்டு உடனடியாக மருத்துவமனையில் சேர்த்தனர், தற்போது தாயும், சேயும் நலமாக உள்ளனர்.

கடந்த மாதம் இந்தியா வந்திருந்த அமெரிக்க அதிபர் ஒபாமாவுடனான சந்திப்பின்போது பிரதமர் மோடி அணிந்திருந்த கோட் ஏலத்திற்கு விடப்பட்டுள்ளது.

இந்திய குடியரசு தினவிழாவை முன்னிட்டு அமெரிக்க அதிபர் ஒபாமா இந்தியா வந்திருந்தார். அப்போது, அவருடனான சந்திப்பின்போது, மோடி 10 லட்சம் மதிப்புள்ள கோட்டை அணிந்திருந்தார்.

அதில் அவருடைய பெயர் சிறிய எழுத்துகளால் பொறிக்கப்பட்டிருந்தன.
இதுகுறித்த எதிர்க்கட்சிகள் கண்டம் தெரிவித்தன.

இந்நிலையில், பிரதமர் நரேந்திர மோடி அணிந்திருந்த சர்ச்சைக்குரிய “கோட்’ குஜராத் மாநிலத்தில் இன்று ஏலம் விடப்படுகிறது.

இதுகுறித்து சூரத் மாநகராட்சி ஆணையர் மிலிந்த் தோராவனே பிடிஐ செய்தியாளரிடம் கூறியதாவது, ஒபாமா வருகையின் போது மோடி அணிந்திருந்த கோட், அத்துடன் கடந்த 9 மாதங்களில் மோடி தனது ஆட்சியில் பெற்ற 455 பரிசுப் பொருள்களும் புதன்கிழமை முதல் ஏலம் விடப்படும்.

இந்த ஏலத்தில் திரட்டப்படும் நிதி “கங்கையை தூய்மைப்படுத்தும்’ திட்டத்துக்கு பயன்படுத்தப்படும்.

இந்த ஏலம் எஸ்எம்சியின் அறிவியல் மாநாட்டு மையத்தில் நடைபெறும். சூரத்தில் இந்த ஏலத்தை நடத்த பிரதமர் அலுவலகம் அனுமதி வழங்கியுள்ளது என்று கூறியுள்ளார்.

நடிகர் பவர்ஸ்டார் சீனிவாசன், தமிழ் மாநில கட்சியில் இணைந்துள்ளார். சென்னை உயர் நீதிமன்ற வழக்கறிஞர்கள் சங்க தலைவர் பால்கனகராஜ் தொடங்கிய தமிழ் மாநில கட்சியின் 2ம் ஆண்டு தொடக்க விழா பொதுக்கூட்டம் தண்டையார்பேட்டை நேற்றிரவு நடைபெற்றது.

இதில் சிறப்பு அழைப்பாளராக தமிழக காங்கிரஸ் கட்சித் தலைவர் ஈ.வி.கே.எஸ்.இளங்கோவன் கலந்து கொண்டார்.

இந்த கூட்டத்தில் திடீரென மேடை ஏறிய நடிகர் பவர் ஸ்டார் சீனிவாசன், தான் தமிழ் மாநில கட்சியில் இணைவதாக அறிவித்தார். உடனே அவருக்கு கட்சி நிறுவனர் பால்கனகராஜ் சால்வை அணிவித்து வாழ்த்து தெரிவித்தார்.

தமிழ் மாநில கட்சியின் தேர்தல் சின்னமாக ‘சங்கு’ சின்னத்தை தேர்ந்தெடுத்துள்ளதாக அறிவித்து பால்கனகராஜ் பேசியதாவது, 2ம் ஆண்டில் அடியெடுத்து வைக்கும் தமிழ் மாநில கட்சி எழுச்சியுடன் வீறுநடை போடுகிறது.

ஏராளமான இளைஞர்கள், படித்தவர்கள் தமிழ் மாநில கட்சியில் சேர்ந்த வண்ணம் உள்ளனர்.

தமிழ்நாட்டில் ஜாதி மத பேதமின்றி அனைத்து மக்களும் முன்னேற வேண்டும். மக்களுக்கு அரசு இலவசங்களை தருவதை நிறுத்தி விட்டு கல்வியை இலவசமாக வழங்க முன்வர வேண்டும்.

67ம் ஆண்டு முதல் திராவிட கட்சிகள் தான் மாறி மாறி ஆட்சிக்கு வருகிறது, இந்த நிலை மாற வேண்டும் என்று கூறியுள்ளார்.