செல்ஃபி எடுத்தபோது ராட்சத அலையில் சிக்கி நண்பர்கள் 4 பேர் பரிதாபமாக பலி!!

ஆந்திர மாநிலம், ஸ்ரீகாகுளம் கடற்கரைப் பகுதியில் தசரா பண்டிகை விடுமுறையைக் கொண்டாடச் சென்ற மாணவ-மாணவிகள் 4 பேர் கடல் அலையில் அடித்துச் செல்லப்பட்டு உயிரிழந்தனர்.

ஸ்ரீகாகுளம் மாவட்டம் கோத்த-ரோட்டில் உள்ள சந்தைப்படுத்துதல் பயிற்சி மையத்தில் 125 மாணவ-மாணவிகள் பயிற்சி பெற்று வருகின்றனர். தசரா விடுமுறையை ஒட்டி பெரும்பாலோர் ஊருக்குச் சென்ற நிலையில், விடுதியில் தங்கியிருந்த 25 மாணவ-மாணவிகள் ஸ்ரீகாகுளம் கிராமப்புற மண்டலத்தில் உள்ள பெத்த கனகல்லவனிப்பேட்டை கடற்கரைக்குச் சென்றுள்ளனர்.

நாகாவலி ஆறு கடலில் சங்கமிக்கும் இப்பகுதியில் சேறு அதிகமாக இருப்பதால், இது பாதுகாப்பு கருதித் தடை செய்யப்பட்ட பகுதியாக அறிவிக்கப்பட்டு எச்சரிக்கை பலகையும் வைக்கப்பட்டுள்ளது.

விஜயநகர மாவட்டம் கெங்குவ கிராமத்தைச் சேர்ந்த மாதவி (19), கொல்லப்பள்ளி பவானி (19) மற்றும் பார்வதிபுரம் மன்யம் மாவட்டத்தைச் சேர்ந்த மர்ரி மஹி (18) ஆகிய மூவரும் அப்பகுதியில் செல்பி எடுத்துள்ளனர். அப்போது எதிர்பாராதவிதமாக அவர்கள் சேற்றில் சிக்கிக் கொண்ட நிலையில், திடீரென வந்த ராட்சத அலை மூவரையும் கடலுக்குள் இழுத்துச் சென்றது.

இதைக் கண்டு அதிர்ச்சியடைந்த சக மாணவரான விக்ரம், அவர்களை மீட்க முயன்றார். துரதிர்ஷ்டவசமாக அவரும் ராட்சத அலையில் சிக்கிக் கடலுக்குள் இழுத்துச் செல்லப்பட்டார். தகவலறிந்து விரைந்து வந்த தீயணைப்புத்துறையினர் மற்றும் காவல்துறையினர் நீண்ட நேரம் போராடி மர்ரி மஹி, பவானி ஆகியோரின் உடல்களை மீட்டுள்ளனர்.

அதனைத் தொடர்ந்து, குண்டு வாணி பேட்டை கடற்கரை பகுதியில் விக்ரம் மற்றும் மாதவி ஆகியோரின் உடல்களும் சடலங்களாக மீட்கப்பட்டன. இப்பகுதியில் மாணவர்கள் கடலில் இறங்கி செல்பி எடுக்க முயன்றபோது நேர்ந்த இச்சம்பவம் அப்பகுதியில் பெரும் சோகத்தை ஏற்படுத்தியுள்ளது.

திருமணமான 4 மாதங்களில் புதுமணப்பெண் விபரீத முடிவு : கணவர் கைது!!

சென்னை தாம்பரம் அடுத்த படப்பை பகுதியில், திருமணமான நான்கே மாதங்களில் புதுமணப்பெண் ஒருவர் தற்கொலை செய்து கொண்ட சம்பவம் தொடர்பாகக் கணவரை மணிமங்கலம் காவல்துறையினர் கைது செய்துள்ளனர்.

காஞ்சிபுரம் மாவட்டம் ஸ்ரீபெரும்புதூர் அடுத்த எச்சூர் பகுதியைச் சேர்ந்த ராஜேஸ்வரி (27) என்பவருக்கும், தாம்பரம் அடுத்த படப்பை அழகூரைச் சேர்ந்த தீபக் (27) என்பவருக்கும் கடந்த நான்கு மாதங்களுக்கு முன்பு இருவீட்டாரின் சம்மதத்துடன் காதல் திருமணம் நடைபெற்றுள்ளது.

திருமணத்திற்குப் பிறகு தனது மனைவி ராஜேஸ்வரியின் நடத்தை மீது கணவர் தீபக் அடிக்கடி சந்தேகம் கொண்டுள்ளார். மேலும், அவரது செல்போனைத் தொடர்ந்து சோதனை செய்து, யாரிடம் பேசினார் எனக் கேட்டு கடுமையான வார்த்தைகளால் திட்டி வந்துள்ளார்.

கணவரின் தொடர் மனரீதியான சந்தேகத்தினாலும் கொடுமையாலும் கடும் மன உளைச்சலுக்கு ஆளான ராஜேஸ்வரி, கடந்த ஞாயிற்றுக்கிழமை (அக்.18) அன்று வீட்டில் யாரும் இல்லாத நேரத்தில் தூக்கிட்டுத் தற்கொலை செய்து கொண்டார்.

இச்சம்பவம் குறித்து வழக்குப்பதிவு செய்த மணிமங்கலம் காவல்துறையினர், ராஜேஸ்வரியைத் தற்கொலைக்குத் தூண்டியதாகவும் மனரீதியான கொடுமை இழைத்ததாகவும் கூறி அவரது கணவர் தீபக்கைக் கைது செய்தனர். மேலும், திருமணமாகி குறுகிய காலமே ஆவதால், இதில் வரதட்சணை கொடுமை ஏதேனும் உள்ளதா என்பது குறித்து ஸ்ரீபெரும்புதூர் வருவாய் கோட்டாட்சியர் (RDO) தீவிர விசாரணை நடத்தி வருகிறார்.

காதலி இறந்த சோகத்தில் இளைஞன் எடுத்த விபரீத முடிவு!!

சேலம் மாவட்டம், ஏற்காடு அருகே காதலி இறந்த துக்கத்தில் 19 வயது வாலிபர் தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

தலைச்சோலை கிராமத்தைச் சேர்ந்த பாபுவின் மகன் ஸ்ரீகாந்த் (19). இவர் ஏற்காட்டில் உள்ள பெட்ரோல் பங்கில் வேலை செய்து வந்தார். கடந்த 2 வாரங்களுக்கு முன்பு இவரது காதலி உயிரிழந்தார். இதனால் மனவேதனையில் இருந்த ஸ்ரீகாந்த், கடந்த சில நாட்களாக சோகத்தில் இருந்ததாகக் கூறப்படுகிறது.

இந்த நிலையில், நேற்று மதியம் தனது தாயார் புஷ்பராணியிடம் சோடா வாங்கி வருமாறு கூறி கடைக்கு அனுப்பியுள்ளார். அவர் திரும்பி வருவதற்குள் ஸ்ரீகாந்த் தனது அறையில் தற்கொலை செய்து கொண்டார்.

இதுகுறித்து தகவல் அறிந்த ஏற்காடு போலீசார், அவரது உடலை மீட்டு பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். சம்பவம் குறித்து வழக்குப்பதிவு செய்து விசாரணை நடத்தி வருகின்றனர்.

சட்டவிரோத லண்டன் பயணம் : இந்தியா செல்ல முயன்ற 3 இலங்கையர்கள் கைது!!

இலங்கையில் இருந்து கடல் வழியாகச் சட்டவிரோதமான முறையில் இந்தியாவுக்குள் நுழைய முற்பட்ட இலங்கையர்கள் மூவர் உட்பட நால்வர் இன்று(23.10.2026) அதிகாலை தமிழகக் கியூ பிரிவுப் பொலிஸாரால் கைது செய்யப்பட்டுள்ளனர்.

டெல்லிக்குச் செல்லும் நோக்கில் கடல் வழியாக இரகசியப் பயணத்தை மேற்கொண்டு, தமிழக பாம்பன் கடற்கரையை அடைந்தபோதே இவர்கள் கைது செய்யப்பட்டுள்ளனர். இலங்கையின் மட்டக்களப்பு, திருகோணமலை மற்றும் கண்டி மாவட்டங்களைச் சேர்ந்த மூவர் தரை வழியாக மன்னாரைச் சென்றடைந்துள்ளனர்.

மன்னாரில் இருந்து தமிழகத்தைச் சேர்ந்த படகோட்டி ஒருவருக்கு ஜி.பி.எஸ். நேரலை இருப்பிடத் தகவலை அனுப்பியுள்ளனர்.

அந்த ஜி.பி.எஸ். தகவலை மையமாகக் கொண்டு தமிழகத்தில் இருந்து வந்த படகு, இலங்கையர்கள் மூவரையும் ஏற்றிச் சென்றுள்ளது. படகு இன்று அதிகாலை இராமேஸ்வரம் பாம்பன் கடற்கரையிலிருந்து சுமார் ஒரு கிலோமீற்றர் தொலைவை அண்மித்தபோது, கியூ பிரிவு பொலிஸாரால் சுற்றிவளைக்கப்பட்டு அனைவரும் கைது செய்யப்பட்டனர்.

கைது செய்யப்பட்ட இலங்கையர்கள் மூவரும் இந்தியாவில் டெல்லிக்குச் சென்று, அங்கு நபர் ஒருவரின் உதவியுடன் கடவுச்சீட்டுகளைப் பெற்று லண்டன் பயணிக்கும் நோக்கிலேயே இந்தத் திருட்டுத்தனமான பயணத்தை மேற்கொண்டனர் என்று தமிழகப் பொலிஸ் வட்டாரங்கள் தெரிவிக்கின்றன.

கைது செய்யப்பட்ட அனைவரும் கியூ பிரிவினரால் மரைன் பொலிஸாரிடம் ஒப்படைக்கப்பட்டு, நீதிமன்றத்தில் முன்னிலைப்படுத்துவதற்கான நடவடிக்கைகள் முன்னெடுக்கப்பட்டு வருகின்றன.

 

மீற்றர் வட்டி வசூலிப்பு மற்றும் பொதுமக்களை அச்சுறுத்தும் நடவடிக்கை : யாழில் 6 பேர் அதிரடியாக கைது!!

யாழ்ப்பாணத்தில் மீற்றர் வட்டி வசூலித்தமை, பொதுமக்களை அச்சுறுத்தும் வகையில் செயற்பட்டமை உள்ளிட்ட குற்றச்சாட்டுக்களில் 6 பேர் கைது செய்யப்பட்டுள்ளனர். யாழ். நகரை அண்டிய பகுதிகளில் வசிக்கும் வன்முறை கும்பலை சேர்ந்த குறித்த 6 பேரில் இருவருக்கு நீதிமன்றினால் திறந்த பிடியாணை பிறப்பிக்கப்பட்டு இருந்த நிலையிலையே இவர்கள் கைது செய்யப்பட்டுள்ளனர்.

யாழ். நகரை அண்டிய பகுதிகளை சேர்ந்த இளைஞர்கள் சிலர் குழுவாக இயங்கி வன்முறைகளில் ஈடுபட்டு வருவதாகவும், அடாவடியாக மீற்றர் வட்டி வசூலிக்கும் தொழிலில் ஈடுபட்டு வந்ததாகவும்,

எரிபொருள் நிரப்பு நிலையங்களில் கியூ.ஆர் முறைமைகளை மீறி, ஊழியர்களை அச்சுறுத்தி தமது மோட்டார் சைக்கிள், கார் என்பவற்றுக்கு எரிபொருள் நிரப்பி செல்வதாகவும் பொலிஸாருக்கு பல்வேறு முறைப்பாடுகள் கிடைக்கப்பெற்று வந்துள்ளன.

இவ்வாறான நிலையில் இன்றைய தினம் (23.10.2026) பொலிஸார் மேற்கொண்ட விசேட நடவடிக்கையில் குறித்த இளைஞர் கும்பலை சேர்ந்த 6 பேரை கைது செய்துள்ளனர்.

அவர்களில் இருவருக்கு எதிராக நீதிமன்றங்களில் வழக்கு விசாரணைகளை நிலுவையில் உள்ள நிலையில் அவர்கள் வழக்கு விசாரணைக்கு சமூகமளிக்காததால், நீதிமன்றினால் திறந்த பிடியாணை பிறப்பிக்கப்பட்டு இருந்ததாகவும் பொலிஸார் தெரிவித்தனர்.

கைது செய்யப்பட்ட 6 நபர்களையும் யாழ்ப்பாண பொலிஸ் நிலையத்தில் தடுத்து வைத்து பொலிஸார் விசாரணைகளை முன்னெடுத்து வந்துள்ளனர்.

அதேவேளை குறித்த கும்பலின் தலைவர் என சந்தேகிக்கப்படும் நபர் உள்ளிட்ட 9 பேர் கார் மற்றும் மோட்டார் சைக்கிளில் பயணித்துக் கொண்டிருந்த வேளை கடந்த மாதம் பெருந்தொகை பணத்துடன் கைது செய்யப்பட்டமையும் குறிப்பிடத்தக்கது.

 

இத்தாலியில் ஆபத்தான நிலையில் இலங்கை இளைஞர் : வெளியான காரணம்!!

இத்தாலியில் வசிக்கும் இலங்கை இளைஞர் ஒருவர், மிலான் (Milan) நகரிலிருந்து வெரோனா (Verona) நகரம் வரை ஏறக்குறைய 160 கிலோமீட்டர் தூரம் உணவு மற்றும் தண்ணீர் இன்றி நடந்து சென்று உடல்நிலை மோசமடைந்த நிலையில் அவசர சிகிச்சைப் பிரிவில் (ICU) அனுமதிக்கப்பட்டுள்ளார்.

ஒக்டோபர் 18, 2026 அன்று, அதிகாலை சுமார் 2:40 மணியளவில், இத்தாலியின் பிரெஷியா மாகாணத்தில் உள்ள கொன்செசியோ நகரில் வீதியில் விழுந்து கிடந்த நிலையில் அவ்வழியே சென்ற ஒருவரின் அவசர அழைப்பின் விளைவாக மீட்கப்பட்டுள்ளார்.

இவர் ஏற்கனவே கடுமையான நீரிழப்பு மற்றும் ஊட்டச்சத்துக் குறைபாட்டால் பாதிக்கப்பட்டிருந்ததாகவும், கோமா நிலைக்கு அருகில் இருந்ததாகவும் கூறப்படுகின்றது. அவரது தோல் வெளிறி, உதடுகள் வறண்டு, நிற்கக்கூட முடியாத அளவுக்கு பலவீனமாக இருந்ததாகவும் இத்தாலிய ஊடக அறிக்கைகள் தெரிவிக்கின்றன.

இத்தாலியில் சட்டப்பூர்வமாக வசிப்பதற்கான அனுமதி பெற்றுள்ள, எந்தவொரு குற்றப்பதிவும் இல்லாத இந்த இளைஞன் வேலை தேடி அந்நாட்டிற்கு வந்துள்ளார்.  அவர் சமீபத்தில் இலங்கையிலிருந்து மிலான் விமான நிலையம் வழியாக இத்தாலிக்கு வந்துள்ளார்.

வேலை இல்லாததால் கையில் பணமின்றி வெரோனா நகரில் வசிக்கும் தனது காதலியைப் பார்க்கும் நோக்கத்தில் மிலனிலிருந்து இந்த கடினமான பயணத்தை தொடங்கியுள்ளார்.

ஒக்டோபர் 16 ஆம் திகதி காலையில் புறப்பட்டு, 24 மணி நேரத்திற்கும் மேலாக உணவு அல்லது தண்ணீர் இல்லாமல் இருந்ததாகக் குறிப்பிடுகின்றன. மற்றொரு அறிக்கை, அவர் தனது பயணத்தின் முதல் நாளிலேயே நோய்வாய்ப்பட்டதாகக் கூறுகிறது.

இருப்பினும், இத்தாலிய ஊடகங்கள் இதை ஒரு “காதல் பயணம்” என்று பரவலாக செய்தி வெளியிட்டுள்ளன.

இருப்பினும், காதலியும் இலங்கையை சேர்ந்த பெண் என்பதை அந்நாட்டில் உள்ள இலங்கை சமூகம் தற்போது வெளிப்படுத்தியுள்ளது. அந்நாட்டில் உள்ள இலங்கையர்கள் இளைஞனுக்கு உதவ அந்நாட்டு மக்கள் பெருமளவில் முன்வந்துள்ளனர்.

1.83 கோடி மதிப்புள்ள தங்க பசை கடத்திய இலங்கையர் விமான நிலையத்தில் கைது!!

ரூ.1.83 கோடி மதிப்புள்ள தங்க பசை கடத்திய இலங்கையர் மும்பை விமான நிலையத்தில் கைது செய்யப்பட்டுள்ளார். மும்பை சர்வதேச விமான நிலையத்தில், உளவுத்தகவலின் அடிப்படையில் மத்திய தொழில்துறை பாதுகாப்புப் படை (CISF) சோதனை நடத்தியது.

புதன்கிழமை நடைபெற்ற இந்த சோதனையில், போர்டிங் கேட் எண் 65-க்கு அருகிலுள்ள லிஃப்டில் விமான நிறுவன ஊழியர் ஒருவரிடம் தங்கப் பசை உள்ள 3 நீள்வட்ட வடிவ பொட்டலத்தைக் கொடுத்த இலங்கை பயணி ஒருவரை CISF அலுவலர்கள் இடைமறித்தனர்.

இருவரும் கைது செய்யப்பட்டு, மேலதிக விசாரணைக்காக சுங்கத்துறை மற்றும் விமான நிலைய புலனாய்வுப் பிரிவிடம் (AIU) ஒப்படைக்கப்பட்டனர்.

மீட்கப்பட்ட தங்கக் பசை சுமார் 1,490 கிராம் எடையுடையதாகவும், அதில் 24 காரட் தங்கத்தின் 3 துண்டுகள் அடங்கியிருந்ததாகவும், அதன் மதிப்பிடப்பட்ட மதிப்பு ரூ. 1.83 கோடி என்றும் கண்டறியப்பட்டது.

கணவர் வீட்டிற்கு 3 மணி நேரம் நடந்து சென்ற புதுமணப்பெண் : காரணம் இதுதான்!!

இந்தியாவின் உத்தரகாண்ட் மாநிலம் புல்ஹார் என்ற கிராமத்தில் கடந்த 20 ஆம் திகதி ஷர்மிளா என்ற இளம்பெண்ணுக்கு அனில் என்பவருடன் திருமணம் நடந்தது. இவர் தனது திருமணத்திற்கு பிறகு கணவர் வீடு அமைந்துள்ள உண்டாவா என்ற கிராமத்திற்கு உறவினர்களுடன் சென்றபோது வழித்தடம் சரியான வீதி வசதி இல்லாமல் கரடு முரடாக இருந்தது.

இதன் காரணமாக மணப்பெண் மற்றும் உறவினர்கள் சுமார் 18 கிலோமீட்டர் தூரத்தில் அமைந்துள்ள கிராமத்திற்கு நடந்தே செல்லும் நிலை ஏற்பட்டது. அப்போது அவர்கள் தங்கள் கிராமத்தில் இருந்து உண்டாவா கிராமத்திற்கு சுமார் இரண்டரை மணி நேரம் நடந்து சென்றனர்.

இதையடுத்து சரியான வீதி வசதி இல்லாமல் சிரமப்படும் கிராமவாசிகளுக்கு முறையான வீதி வசதி ஏற்படுத்தி தருமாறு உத்தரகாண்ட் முதலமைச்சர் புஷ்கர் சிங் தாமிக்கு மணப்பெண் ஷர்மிளா கோரிக்கை வைத்துள்ளார்.

உத்தரகாண்டில் உண்டாவா கிராமம் உள்ளிட்ட பல மலை கிராமங்களில் சரியான வீதி வசதி இல்லாததால், அத்தியாவசிய தேவைக்கு கிராம மக்கள் நடந்தே செல்கின்றனர். அந்த பகுதி கிராம மக்கள் அடிப்படை தேவையான வைத்திய சிகிச்சை பெறுவதற்கும் மற்றும் கல்வி நிலையங்களுக்கு செல்வதற்கும் போதுமான வீதி வசதி இல்லாமல் சிரமப்பட்டு வருகின்றனர்.

இதையடுத்து திருமண கோலத்தில் இளம்பெண் நடந்து செல்லும் வீடியோ இணையத்தில் வைரலாகி பயனர்களிடம் கவனத்தை பெற்றுள்ளது.

இளம் செய்திவாசிப்பாளர் எடுத்த விபரீத முடிவு!!

தமிழகத்தின் பிரபல தனியா தொலைக்காட்சியின் இளம் செய்திவாசிப்பாளர் பிரியவதனா விபரீத முடிவால் உயிரிழந்த சம்பவம் அதிர்ச்சியை ஏற்படுத்தியுள்ளது.

சென்னை, சைதாபேட்டையில் தன் பெற்றோருடன் வசித்துவந்த அவர், வழக்கம்போல நேறு முன் தினம் (21) அலுவலகம் சென்றவர், மதியம் வீட்டுக்கு வந்த பிரியவதனா , உணவுக்குப் பிறகு தூங்கச் சென்றுவிட்டார்.

மாலை நெடுநேரம் ஆகியும் அவர் கதவைத் திறக்காதநிலையில், அதிர்ச்சியான பெற்றோர் கதவை உடைத்துப் பார்த்தபோது தூக்கிட்டு தற்கொலை செய்தமை கண்டு அதிர்ச்சியடைந்துள்ளனர்.

தகவல் அறிந்து உடலைக் கைப்பற்றிய காவல்துறையினர், கூராய்வுக்காக அனுப்பிவைத்ததுடன் மேலதிக விசாரணைகளை முன்னெடுத்துள்ளனர். பிரியா வதனா , கடந்தவாரம் தனது 24 ஆவது பிறந்த நாளை கோடாடிய நிலையில் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது.

எனது ஆத்மா யாரையும் சும்மாவிடாது : உயிரை மாய்ப்பதற்கு முன் இளைஞர் வெளியிட்ட வீடியோவால் பரபரப்பு!!

சென்னை பாடி பகுதியை சேர்ந்த தனியார் நிறுவனத்தில் வேலை பார்த்து வந்த இளைஞன் திடீரென வீட்டில் தூக்குப் போட்டு தற்கொலை செய்து கொண்டார். இதுகுறித்து கொரட்டூர் போலீசார் வழக்குப்பதிவு செய்து விசாரணை நடத்தினர்.

நிலத்தை அபகரித்து ஆள்மாறாட்டம் செய்து விற்றதால் ஏற்பட்ட மனவேதனையில் வைரமுத்து தற்கொலை செய்து இருப்பது தெரிந்தது. இதில் எந்த நடவடிக்கையும் எடுக்கவில்லை என்று கூறப்படுகிறது. இதையடுத்து வழக்கு தொடரப்பட்டது.

இதற்கிடையே இளைஞனின் தம்பிக்கு சிறுநீரகம் பாதித்து உடல் நலம் பாதிக்கப்பட்டார். இதனால் மன உளைச்சலில் இருந்த இளைஞன் தற்கொலை செய்திருப்பது தெரிந்தது.

இந்த நிலையில் தற்கொலை செய்வதற்கு முன்பு வீடியோ ஒன்று பதிவிட்டுள்ளார். மேலும் 2 பக்க கடிதமும் எழுதி இருக்கிறார். தற்போது இந்த வீடியோ, கடிதம் வெளியாகி பரபரப்பை ஏற்படுத்தி உள்ளது.

அந்த வீடியோவில் வைரமுத்து பேசியிருப்பதாவது:- இந்த வீடியோவை நீங்கள் பார்க்கும் போது நான் உயிருடன் இருக்க மாட்டேன். எனது சாவுக்கு காரணம் எங்களுடைய நிலத்தை ஆள்மாறாட்டம் செய்து போலி ஆவணம் மூலம் அபகரித்து விற்று உள்ளனர்.

எங்களது நிலத்தை விற்ற அனைவரின் மீதும் நடவடிக்கை எடுத்து கடுமையான தண்டனை கொடுக்க வேண்டும். கெஞ்சி கேட்டுக் கொள்கிறேன். நீங்கள் சும்மா விட்டாலும், எனது ஆத்மா சும்மா விடாது. நிலத்தில் சம்பந்தப்பட்ட ஒருவரையும் சும்மா விடமாட்டேன்.

தான் இறந்த பிறகு என்னுடைய 2 சிறுநீரகத்தை எடுத்து எனது தம்பிக்கு வைக்க வேண்டும். நான் இறந்துவிட்டாலும் என்னுடைய உடல் உறுப்புகள் தம்பியின் உடலில் உயிர் வாழ வேண்டும் என்று ஆசைப்படுகி இதுவே என்னுடைய கடைசி ஆசை என அவர் கூறி உள்ளார்.

கொழும்பில் இருந்து சென்ற பேருந்து கோர விபத்து : இருவர் பலி, பலர் காயம்!!

கொழும்பில் இருந்து சென்ற பேருந்து புத்தளம் – அநுராதபுரம் பிரதான வீதியின் சாலியவெவ 19ஆவது மைல்கல் பகுதியில் கோர விபத்தில் சிக்கியதில் இருவர் உயிரிழந்துள்ளதுடன், 15க்கும் மேற்பட்டோர் காயமடைந்துள்ளனர்.

நேற்று (22) மாலைஇடம்பெற்ற கொழும்பில் இருந்து புத்தளம் ஊடாக மன்னார் நோக்கிப் பயணித்த அதி சொகுசு பேருந்து ஒன்றே விபத்துக்குள்ளாகியுள்ளதாக சாலியவெவ பொலிஸார் தெரிவித்தனர்.

பிரதான வீதியில் பயணித்துக் கொண்டிருந்த மோட்டார் சைக்கிளை முந்திச் செல்ல முற்பட்ட வேளையில், கட்டுப்பாட்டை இழந்த பேருந்து வீதியோரத்தில் இருந்த பாலத்தில் மோதி, வீதியை விட்டு விலகிச் சென்று சுமார் 200 மீற்றர் தூரம் வரை இழுத்துச் செல்லப்பட்டு, அதி உயர் அழுத்த மின் கம்பத்துடன் மோதி கவிழ்ந்துள்ளது.

விபத்து நடந்த சமயத்தில் பேருந்தில் சுமார் 50 பயணிகள் பயணித்துள்ளனர். விபத்தையடுத்து சாலியவெவ பொலிஸாரும் அப்பகுதி மக்களும் இணைந்து காயமடைந்தவர்களை மீட்டு வைத்தியசாலைகளில் அனுமதிப்பதற்கான நடவடிக்கைகளை மேற்கொண்டனர்.

இந்த விபத்தில் மோட்டார் சைக்கிளில் பயணித்த நபரும், பேருந்தில் பயணித்த பெண் ஒருவரும் உயிரிழந்துள்ளதாக பொலிஸார் உறுதிப்படுத்தியுள்ளனர். மேலும், படுகாயமடைந்த பேருந்தின் சாரதியின் நிலைமை கவலைக்கிடமாக உள்ளதாகவும் பொலிஸார் தெரிவிக்கின்றனர்.

பேருந்து மோதியதில் அதி உயர் அழுத்த மின் கம்பம் பலத்த சேதமடைந்ததைத் தொடர்ந்து அப்பகுதியில் மின்சார விநியோகம் தடைப்பட்டது. இன்னிலையில் விபத்து சம்பவம் தொடர்பில் சாலியவெவ பொலிஸார் மேலதிக விசாரணைகளை முன்னெடுத்து வருகின்றனர்.

கனமழை மற்றும் மண்சரிவு எச்சரிக்கை : சுற்றுலாப் பயணங்களை தவிருங்கள்: அனர்த்த முகாமைத்துவ மையம் வேண்டுகோள்!!

இலங்கையின் மத்திய மலைநாடு உள்ளிட்ட மழைப் பாதிப்புள்ள பகுதிகளுக்குத் திட்டமிடப்பட்டுள்ள சுற்றுலா மற்றும் பயணங்களை மறுபரிசீலனை செய்யுமாறும், தேவையற்ற பயணங்களைத் தவிர்க்குமாறும் பொதுமக்களுக்கு அனர்த்த முகாமைத்துவ மையம் (DMC) அவசர கோரிக்கை விடுத்துள்ளது.

மத்திய மாகாணம், குருநாகல், மேல் மாகாணம் மற்றும் இரத்தினபுரி ஆகிய பகுதிகளில் தற்போது பலத்த மழை பெய்து வருகிறது.

இந்த நிலையில், பதுளை, கண்டி, கேகாலை, குருநாகல், நுவரெலியா மற்றும் இரத்தினபுரி உள்ளிட்ட இடங்களில் மலைப்பாங்கான வீதிகளில் பயணிக்கும் வாகன ஓட்டிகள் பாறைச் சரிவுகள் மற்றும் மண் சரிவுகள் குறித்து அவதானத்துடன் இருக்குமாறு கேட்டுக்கொள்ளப்படுகிறார்கள்.

அத்துடன், பயணங்களை மேற்கொள்வதற்கு முன்னர் வீதி நிலவரங்களை அறிய அனர்த்த முகாமைத்துவ மையத்தின் 117 என்ற இலவச உடனடி அழைப்பு இலக்கத்தைத் தொடர்புகொள்ளுமாறு அறிவுறுத்தப்பட்டுள்ளது.

வளிமண்டலவியல் திணைக்களத்தின் கணிப்பின்படி, 2026, அக்டோபர் 25 வரை மழைக்காலநிலை மேலும் தீவிரமடையக்கூடும் என எதிர்பார்க்கப்படுகிறது.

 

குவைத்தில் இரண்டு இலங்கை பெண்கள் மர்மமான முறையில் மரணம்!!

குவைத்தின் Ali Sabah Al-Salem மற்றும் Al-Nahda ஆகிய பகுதிகளில் இரு வேறு சம்பவங்களில் இரண்டு இலங்கை பெண்கள் உயிரிழந்துள்ளனர். இந்த சம்பவம் தொடர்பில் அந்நாட்டு அதிகாரிகள் விசாரணைகளை முன்னெடுத்துள்ளனர்.

இந்த 2 சம்பவங்களும் சந்தேகத்திற்கிடமான மரணங்களாக பதிவு செய்யப்பட்டுள்ளன. முதலாவது சம்பவத்தில், Ali Sabah Al-Salem பகுதியில் உள்ள வீடொன்றின் கூரைமேலுள்ள சேமிப்பு அறையில் இலங்கை பெண் ஒருவர் சடலமாக கண்டுபிடிக்கப்பட்டுள்ளார்.

குவைத் நாட்டுப் பிரஜை ஒருவர் பொலிஸாருக்கு வழங்கிய தகவலுக்கமைய, இந்த சடலம் கண்டுபிடிக்கப்பட்டுள்ளது. இந்த சம்பவத்தில் உயிரிழந்தவர் 1988ஆம் ஆண்டு பிறந்தவர் என தெரியவந்துள்ளது.

இச்சம்பவத்தை சந்தேகத்திற்கிடமான மரணமாக பதிவு செய்யுமாறும், சடலத்தை சட்ட மருத்துவ பிரிவிற்கு அனுப்புமாறும் உத்தரவிடப்பட்டது. அத்துடன், குறித்த பெண்ணின் மரணத்திற்கான காரணங்கள் தொடர்பில் விசாரிக்க குற்றப் புலனாய்வுத் துறையினருக்கு உத்தரவிடப்பட்டுள்ளது.

மற்றொரு சம்பவமாக, Al-Nahda பகுதியில் மற்றுமொரு இலங்கை பெண்ணின் சடலம் கண்டுபிடிக்கப்பட்டுள்ளது. 1999 ஆம் ஆண்டு பிறந்த இலங்கை பெண்ணே இவ்வாறு உயிரிழந்துள்ளார். மரணத்திற்கான காரணத்தைக் கண்டறிவதற்கும் சம்பவத்தின் பின்னணியை உறுதிப்படுத்துவதற்கும் சடலம் சட்ட மருத்துவ பிரவிற்கு அனுப்பப்பட்டுள்ளது.

இந்த இரண்டாவது சம்பவம் குறித்து பிரஜை ஒருவரிடமிருந்து அவசர உதவி கட்டுப்பாட்டு அறைக்குத் தகவல் கிடைத்துள்ளது. இதனையடுத்து, தேவையான சட்ட நடைமுறைகளை மேற்கொள்ளவும் விசாரணைகளை நடத்தவும் தடயவியல் நிபுணர்கள், மருத்துவ பரிசோதகர்கள் மற்றும் புலனாய்வாளர்கள் நியமிக்கப்பட்டுள்ளனர்.

முடங்கிய தேசிய மின்கட்டமைப்பு நாட்டுக்கு சுமார் 200 பில்லியன் ரூபா இழப்பு!!

அரசின் அலட்சியப் போக்கு காரணமாக தேசிய மின்சாரக் கட்டமைப்பு மீண்டும் ஒருமுறை செயலிழந்தமையால், நாட்டின் பொருளாதாரத்துக்கும் மக்களின் வாழ்வாதாரத்துக்கும் பாரிய பாதிப்பு ஏற்பட்டுள்ளது என்று ஐக்கிய மக்கள் சக்தி குற்றம் சாட்டியுள்ளது.

எதுல்கோட்டேயிலுள்ள ஐக்கிய மக்கள் சக்தியின் தலைமை அலுவலகத்தில் நேற்று (22.10.2026) நடைபெற்ற ஊடகவியலாளர் சந்திப்பில் கலந்து கொண்டு கருத்துத் தெரிவித்த ஐக்கிய மக்கள் சக்தியின் திவுலப்பிட்டிய இணை அமைப்பாளர் சங்க அபயவர்தன இதனைக் குறிப்பிட்டுள்ளார்.

அவர் மேலும் தெரிவிக்கையில், கடந்த ஆண்டு பெப்ரவரி மாதம் 9ஆம் திகதி ஏற்பட்ட மின்சாரத் தடை காரணமாக நாட்டுக்கு 8.4 பில்லியன் ரூபா இழப்பு ஏற்பட்ட நிலையில், அது குறித்து இலஞ்ச, ஊழல் ஆணைக்குழுவில் முறைப்பாடு செய்யப்பட்டுள்ளது.

எனினும், முறிவுகளைத் தடுப்பதற்கு உரிய நடவடிக்கைகள் எடுக்கப்படாததால், கடந்த சனிக்கிழமையும் மீண்டும் மின்சாரக் கட்டமைப்பு செயலிழந்துள்ளது.

தேசிய முறைமை மேலாளரால் வழங்கப்பட்ட பரிந்துரைகளை அரசு முற்றிலும் புறக்கணித்துள்ளது. டீசல் மாபியாவைத் தொடர்வதற்காகவே மின்சாரக் கட்டமைப்பு முறிவடைய அனுமதிக்கப்பட்டதா என்ற சந்தேகம் எழுந்துள்ளது. தற்போதைய அரசு தரமற்ற நிலக்கரியை இறக்குமதி செய்ததால் நாட்டுக்கு மில்லியன் கணக்கான டொலர்கள் இழப்பு ஏற்பட்டுள்ளது.

தற்போது அதிக செலவில் டீசல் மூலம் மின்சாரம் உற்பத்தி செய்யப்படுகின்றது. தினசரி டீசல் மூலம் பெறப்படும் மின்சாரத்தின் அளவு 30 வீதம் முதல் 35 வீதம் வரை அதிகரித்துள்ளது. நுரைச்சோலை நிலக்கரி மின்நிலையத்தின் 187 மெகாவாட் திறனில் இயங்கிய முதலாவது டர்பைன் செயலிழந்ததே இந்த முறிவுக்கு உண்மையான காரணம் எனத் தெரியவந்துள்ளது.

குறைந்த விலையில் சூரிய மின்சாரத்தைப் பெற முடியும் என்ற போதிலும், அதிக விலையில் டீசல் மின்சாரத்தைப் பெறுவதற்கு அரசு நடவடிக்கை எடுத்துள்ளதால்,

தேசிய பொருளாதாரத்துக்கு ஏற்பட்ட ஒட்டுமொத்த இழப்பு 200 பில்லியன் ரூபாவைத் தாண்டியுள்ளது. மின்சாரக் கட்டணத்தை 1/3 பங்கினால் குறைப்பதாக அளித்த வாக்குறுதியை மீறி அரசு கட்டணத்தை உயர்த்தியுள்ளது.

அடுத்த ஆண்டின் முதல் காலாண்டில் எதிர்பார்க்கப்படும் எல்நினோ வறண்ட காலநிலையைப் பயன்படுத்தி அவசர மின் கொள்முதல் மூலம் முறைகேடுகளில் ஈடுபட அரசு தயாராகி வருகின்றது. எனவே, நாட்டின் மின்சாரக் கட்டமைப்பைப் பலிகொடுப்பதை உடனடியாக நிறுத்த வேண்டும். சூரிய மின்சக்தி திட்டங்களை முடக்கும் நடவடிக்கைகளைக் கைவிட வேண்டும் என்றார்.

மோட்டார் சைக்கிளில் சென்ற தோழிகள் பேருந்து மோதி பலியான சோகம்!!

கேரள மாநிலம் கோட்டயம் அருகே பாம்பாடியில் நடைபெற்ற பயங்கர சாலை விபத்தில், ஸ்கூட்டரில் சென்ற இரண்டு இளம்பெண்கள் தனியார் பேருந்து அடியில் சிக்கி சம்பவ இடத்திலேயே பரிதாபமாக உயிரிழந்தனர்.

கோட்டயம் அருகே உள்ள பாம்பாடியில் நேற்று காலை கிருபா மெரின் குரியன் மற்றும் ஆஷ்லி ஆன் தாமஸ் ஆகிய இரண்டு நெருங்கிய தோழிகள் இருவரும் ஒரே ஸ்கூட்டரில் சென்று கொண்டிருந்தனர். அவர்கள் சென்று கொண்டிருந்த போது, அவர்களுக்கு முன்னால் சென்ற கார் ஒன்று எதிர்பாராத விதமாக திடீரென பிரேக் போட்டுள்ளது.

இதனால் நிலைதடுமாறிய இவர்களது ஸ்கூட்டர் திடீரெனச் சறுக்கிச் சாலையில் விழுந்துள்ளது. அப்போது அதே திசையில் கோட்டயத்தை நோக்கி வந்த தனியார் பேருந்து ஒன்று எதிர்பாராதவிதமாக அவர்கள் மீது மோதியதுடன், பேருந்தின் அடியிலும் சிக்கிக் கொண்டது.

இச்சம்பவத்தில் படுகாயமடைந்த கிருபா மெரின் குரியன் மற்றும் ஆஷ்லி ஆன் தாமஸ் ஆகிய இருவரும் சம்பவ இடத்திலேயே பரிதாபமாக உயிரிழந்தனர்.

வெளிநாடு செல்ல அனைத்து ஏற்பாடுகளையும் செய்து அதற்கான திட்டமிடலில் இருந்த இந்த இளம் தோழிகள் இருவரும் விபத்தில் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. இச்சம்பவம் குறித்துக் காவல்துறையினர் வழக்குப் பதிவு செய்து தீவிர விசாரணை நடத்தி வருகின்றனர்.

தாய் குணமடைய வேண்டுதல் : 8000 கிமீ தூரம் ஓடும் 19 வயது மகன்!!

தாய் குணமடைந்த நிலையில் அவரது 19 வயது மகன், 12 ஜோதிர்லிங்கத்தை தரிசிக்க வேண்டும் என்ற வேண்டுதல் நிறைவேற்ற தற்போது வரை 8000 கிமீ ஓடி 5 ஜோதிர்லிங்கத்தை தரிசித்துள்ளார்.

பீகார் மாநிலம் அராரியா மாவட்டத்தைச் சேர்ந்தவர் 19 வயதான மோனு மேதுர்பாலா(Monu Meturbala). இவரின் தாய் நோய்வாய்பட்டிருந்த போது, சிவபெருமானிடம் தன் தாய் குணமடைய வேண்டும் என வேண்டிய அவர், தாய் குணமடைந்தால் 12 ஜோதிர்லிங்கங்களை ஓடி வந்து தரிசனம் செய்வதாக வாக்குறுதி அளித்தார்.

அவரது தாய் நோயிலிருந்து குணமடைந்த நிலையில், அளித்த வாக்குறுதிப்படி நாட்டில் உள்ள 12 ஜோதிர்லிங்கங்களையும் தரிசிக்க ஓட தொடங்கியுள்ளார். கடந்த மார்ச் 15, 2026 அன்று, நோய்களை குணப்படுத்தும் ஆற்றலுக்கு அறியப்படும் ஜார்க்கண்ட்டில் உள்ள பைத்யநாத் கோவிலிருந்து தனது வேண்டுதலை தொடங்கினார்.

இதுவரை சுமார் 8,000 கிலோமீட்டர் தூரம் ஓடி, 12 புனித ஜோதிர்லிங்கங்களில் 5 தரிசித்துள்ளதாகக் கூறப்படுகிறது. இவர், தினமும் சுமார் 50 கிலோமீட்டர் தூரம் ஓடுவதாக கூறப்படுகிறது. மகாராஷ்டிராவிற்கு வருகை தந்த போது, சிவசேனாவை சேர்ந்த எம்எல்ஏவான சந்தோஷ் பங்கர் அவருடன் சிறிது தூரம் ஓடினார்.

சிறிது தூரம் பல்டி அடித்தபடி கடப்பது, பின்னோக்கி ஓடுவது என தனது பயணத்தை தொடர்ந்து வருகிறார். பல பகுதிகளில் காவல்துறையினர் அவருக்கு ஆதரவு அளித்து வருகின்றனர். 19 வயதில் தனது தாய்க்காக அவர் இவ்வளவு பெரிய முயற்சியை மேற்கொண்டது பலருக்கும் வியப்பை ஏற்படுத்தியுள்ளது.

மேலும், அவர் தன்னுடைய இந்த வேண்டுதல் பயணத்தை இன்ஸ்டாகிராமில் பதிவிட்டு வருகிறார். அந்த பயணத்தில் பொதுமக்கள் பலரும் அவருக்கு தங்களது ஆதரவை தெரிவித்து வருகின்றனர்.

இந்தியாவில் உள்ள 12 ஜோதிர்லிங்கங்கள்

குஜராத்தில் சோமநாத்

ஆந்திராவில் ஸ்ரீசைலத்தில் மல்லிகார்ஜுனா

மத்தியப் பிரதேச மாநிலம் உஜ்ஜைனில் உள்ள மஹாகாலேஷ்வர்

மத்தியப் பிரதேசத்தில் உள்ள ஓம்காரேஷ்வர்

உத்தரகாண்டில் உள்ள கேதார்நாத்

மகாராஷ்டிராவில் பீமாசங்கர்

உத்தரபிரதேச மாநிலம் வாரணாசியில் உள்ள காசி விஸ்வநாத்

மகாராஷ்டிர மாநிலம் நாசிக் அருகே உள்ள திரிம்பகேஷ்வர் வைத்தியநாத்,

ஜார்க்கண்டில் உள்ள பைத்யநாத்

குஜராத்தில் துவாரகா அருகே நாகேஷ்வர்

தமிழ்நாட்டில் உள்ள ராமேஸ்வரம்

மகாராஷ்டிராவில் உள்ள எல்லோரா அருகே கிரிஷ்ணேஷ்வர்

123...4,734Page 1 of 4,734