புதுச்சேரியில்..

புதுச்சேரியில் வீட்டில் தூங்கிகொண்டிருந் போது ஆட்டோ ஓட்டுநரின் மனைவி மற்றும் மகள் மீது தீப்பிடித்து எரிந்ததில், சிகிச்சை பலனின்றி மகள் உயிரிழந்த சம்பவம் சோகத்தை ஏற்படுத்தியுள்ளது.

புதுச்சேரி உழவர்கரை கான்வென்ட் வீதியை சேர்ந்தவர் ஆட்டோ ஓட்டுநர் ஆரோக்கியநாதன் (53). இவரது மனைவி மரிய லூர்தியா (52). இவர்களது மகன் பிரான்கோ (28), மகள் லூர்துமேரி (16). இவர் தனியார் பள்ளியில் பிளஸ்-2 படித்து வந்தார்.

இதற்கிடையே வீட்டில் உறங்கிக்கொண்டிருந்த மரியலூர்தியா, லூர்துமேரி ஆகியோர் உடலில் திடீரென தீப்பற்றி எரிந்து அலறித்துடித்தனர். அப்போது வீட்டில் மற்றொரு அறையில் இருந்த ஆரோக்கியநாதன், பிரான்கோ ஆகியோர் ஓடிவந்து அவர்களை அக்கம் பக்கத்தினர் உதவியுடன் மீட்டனர்.

அவர்களை சிகிச்சைக்காக கதிர்காமம் அரசு மருத்துவமனைக்கு அனுப்பி வைத்தனர். அங்கு அவர்களுக்கு முதலுதவி அளிக்கப்பட்டது. பின்னர் மேல் சிகிச்சைக்காக மரியலூர்தியா, லூர்துமேரி ஆகியார் புதுச்சேரி அரசு மருத்துவமனைக்கு அனுப்பி வைக்கப்பட்டனர். அங்கு இருவருக்கும் தீவிர சிகிச்சை அளித்து வந்தனர்.

இதற்கிடையே லூர்துமேரி சிகிச்சை பலனின்றி பரிதாபமாக உயிரிழந்தார். மரியலூர்தியாவுக்கு தொடர்ந்து சிகிச்சை அளிக்கப்பட்டு வருகிறது. இச்சம்பவம் குறித்து ரெட்டியார்பாளையம் போலிஸார் நடத்திய முதற்கட்ட விசாரணையில், வீட்டில் கொசுபத்தி கொளுத்தியபோது ஏற்பட்ட தீயில் உயிரிழந்ததாக தெரிகிறது.

இருந்தபோதிலும் கணவன்-மனைவிக்கு இடையே குடும்ப பிரச்சினை இருந்து வந்ததாக கூறப்பட்டு வரும் நிலையில், ஆரோக்கியநாதன், மனைவியை கொலை செய்யும் நோக்கில் செயல்பட்டிருக்கலாம் என்ற கோணத்திலும் போலிஸார் விசாரணை நடத்தி வருகிறார்கள்.

தற்போது இலங்கையில் நடப்பது என்ன| கப்பல் மற்றும் விமான தளங்களுக்கு அதிஉயர் பாதுகாப்புடன் சென்றது யார்

நாமக்கல் அருகே..

நாமக்கல் அருகே கந்துவட்டி கொடுமையால் பா‌ஜக நிர்வாகி மனைவியுடன் விஷமருந்தி தற்கொலை முயற்சி செய்த சம்பவம் அங்கு அதிர்ச்சியை ஏற்படுத்தியுள்ளது.

நாமக்கல் மாவட்டம் பரமத்திவேலூர் பொத்தனூர் அண்ணாநகர் பகுதியில் வசித்து வருபவர் ஜெயசூர்யா (26). இவருக்கு திருமணமாகி மோகனபிரியா என்ற மனைவி உள்ளார். ஜெயசூர்யா பரமத்திவேலூரில் இருச்சக்கர வாகனம் பழுது நீக்கும் பட்டறை ஒன்றை நடத்தி வருகிறார்.

மேலும் ஜெயசூர்யா பாஜக மாவட்ட இளைஞரணி செயலாளராகவும் உள்ளார். இவர்களுக்கு 2 மாதங்களுக்கு முன்னர் பிறந்த ஆண் குழந்தை ரத்த புற்றுநோயால் பாதிக்கப்பட்டு உயிரிழந்து விட்டது.

இந்நிலையில் இவர் இன்று தனது மனைவியுடன் விஷமருந்தி தற்கொலைக்கு முயற்றுள்ளார். இதனை அறிந்த அக்கம்பக்கத்தினர் இருவரையும் மீட்டு பரமத்திவேலூர் அரசு மருத்துவமனையில் சிகிச்சைக்காக அனுமதித்தனர்.

பின்னர் அங்கிருந்து மேல் சிகிச்சைக்காக நாமக்கல் தலைமை அரசு மருத்துவக்கல்லூரி மருத்துவமனைக்கு அனுப்பி வைத்தனர். சம்பவம் குறித்து வழக்கு பதிவு செய்த பரமத்திவேலூர் போலீசார் விசாரணை மேற்கொண்டதில் இருவரும் கந்துவட்டி கொடுமையால் தான் விஷமருந்தி தற்கொலை முயற்சியில் ஈடுபட்டது தெரியவந்தது.

மேலும் அவர்கள் வீட்டில் மேற்கொண்ட சோதனையில் தற்கொலை முயற்சிக்கு முன்னதாக ஜெயசூர்யா ஒரு உருக்கமான கடிதம் ஒன்றை எழுதி வைத்துவிட்டு விஷமருந்தியது தெரியவந்துள்ளது.

மேலும் அந்த கடிதத்தில், ரத்த புற்றுநோயால் பாதிக்கப்பட்ட குழந்தையின் மருத்துவ செலவிற்காக ஜெயசூர்யா – மோகன் பிரியா தம்பதியினர் தெற்குநல்லியம்பாளையத்தை சேர்ந்த கவிதா, சரஸ்வதி, அப்துல், சங்கர் உள்ளிட்டோரிடமும் மைக்ரோ பைனான்ஸ்கள் (அரைஸ் லோன், கிராமின் கூட்டா, கிராமவிடியல்) ஆகியோரிடமும் பல லட்சங்கள் கடன் வாங்கி மருத்துவ செலவு செய்துள்ளார்.

இதில் கடன் வாங்கிய சிலர் அதிக வட்டி கேட்டு மிரட்டுவதாக கடந்த சில நாட்களுக்கு முன்பு பரமத்திவேலூர் காவல்நிலையத்தில் கந்துவட்டி தொடர்பாக புகார் ஒன்றை அளித்துள்ளதாகவும் ஆனால் இதுவரை எந்த வித நடவடிக்கையும் எடுக்கவில்லை எனவும் குறிப்பிட்டிருந்தனர்.

மேலும் புகார் அளித்த அனைவரின் மீது நடவடிக்கை எடுக்கப்படும் எனவும் தங்களின் குடும்பத்தாரை தொந்தரவு செய்ய வேண்டாம் எனவும் பாஜக மாநில தலைவர் அண்ணாமலை அவர்கள் இதற்கு ஒரு நல்ல நடவடிக்கை எடுக்க வேண்டும் எனவும் இதனை ஒரு அடிமட்ட தொண்டனாக கேட்டுக்கொள்கிறேன் எனவும் உருக்கமான கடிதம் எழுதி வைத்துள்ளார். இதுதொடர்பாக பரமத்திவேலூர் போலீசார் தொடர்ந்து விசாரணை மேற்கொண்டு வருகின்றனர்.

தற்போது இலங்கையில் நடப்பது என்ன| கப்பல் மற்றும் விமான தளங்களுக்கு அதிஉயர் பாதுகாப்புடன் சென்றது யார்

பள்ளி மாணவி..

15 வயது பள்ளி மாணவியை கூட்டு பாலியல் பலாத்காரம் செய்த பத்தாம் வகுப்பு மாணவர்கள் போக்சோ வழக்கில் கைது செய்யப்பட்டனர்.

கடலூர் மாவட்டம் திட்டக்குடி அடுத்த ஆவினங்குடியில் அரசு மேல்நிலை பள்ளி உள்ளது. இதில் 6ஆம் வகுப்பு முதல் 12 ஆம் வகுப்பு வரை இருபாலரும் பயின்று வருகின்றனர். இந்நிலையில் அந்த பள்ளியில் பத்தாம் வகுப்பு பயின்று வரும் 15 வயது மாணவி கடந்த 22-05-2022 அன்று அதே பள்ளியில் இந்த ஆண்டு 12 ஆம் வகுப்பு முடித்த மாணவனின் பிறந்தநாள் நிகழ்ச்சிக்கு சென்றுள்ளார்.

அப்போது பிறந்தநாள் நிகழ்ச்சியில் சில மாணவர்களும் கலந்து கொண்டனர் பிறந்தநாள் நிகழ்ச்சியில் அந்த மாணவனுடன் மாணவி புகைப்படம் எடுத்துள்ளார். இந்த புகைப்படத்தை பிறந்தநாள் கொண்டாடிய மாணவன் தன் சக நண்பர்களிடம் பகிர்ந்துள்ளான்.

இந்த நிலையில் கடந்த 1ஆம் தேதி பள்ளி மதிய உனவு இடைவெளியின் போது அந்த மாணவியை சக மாணவன் (வயது 15) உன்னுடைய புகைப்படம் என்னிடம் உள்ளது. என்னுடன் வா என்று அவருடைய வீட்டிற்கு அழைத்து சென்றுள்ளார்.

அப்போது வீட்டிற்கு உள்ளே மாணவி சென்றவுடன் வீட்டின் கதவை தாழ்ப்பாள் போட்டுள்ளான். அப்போது அந்த வீட்டின் உள்ளே மேலும் தன்னுடன் படிக்கும் மாணவன் இருவர் இருப்பதை பார்த்து அதிர்ச்சி அடைந்துள்ளார். மூன்று பேரும் சேர்ந்து அந்த மாணவியை கூட்டு பாலியல் பலாத்காரம் செய்து அதனை வீடியோவும் எடுத்துள்ளனர்.

அதனை அந்த வீடியோவை முன்னாள் மாணவனான நண்பனுக்கும் (வயது 17) அனுப்பியுள்ளனர். இந்த நிலையில் மாணவி பள்ளிக்கு செல்ல மாட்டேன் என்று தாயிடம் கூறியுள்ளார். அதற்கு அவருடைய தாய் காரணம் கேட்டதற்கு நடந்த சம்பவத்தை தாயிடம் கூறியுள்ளார். இதனை அடுத்து அவரது தாய் ஆவினங்குடி காவல் நிலையத்தில் புகார் அளித்துள்ளார்.

அதன் பேரில் மாவட்ட காவல் கண்காணிப்பாளர் சக்திகணேசன் நேரில் சென்று மாணவியிடம் விசாரணை நடத்தி மூன்று பேரையும் போக்சோ சட்டத்தில் கைது செய்தனர். புகைப்படத்தை அனுப்பிய முன்னால் மாணவனையும் போக்சோ வழக்கில் கைது செய்தனர். இரண்டு பேரும் வெவ்வேறு சமுதாயத்தை சேர்ந்தவர்கள் என்பதால் இப்பகுதியில் பதற்றம் ஏற்படாமல் இருக்க போலீசார் குவிக்கப்பட்டுள்ளனர்.

தற்போது இலங்கையில் நடப்பது என்ன| கப்பல் மற்றும் விமான தளங்களுக்கு அதிஉயர் பாதுகாப்புடன் சென்றது யார்

உத்தரகாண்ட் மாநிலத்தில்..

இந்தியாவின் உத்தரகாண்ட் மாநிலத்தில் வெள்ளத்தில் அடித்துச் செல்லப்பட்ட காரில் 9 பேர் பலியான நிலையில், ஒரு சிறுமி மட்டும் உயிருடன் மீட்கப்பட்டார்.

உத்தரகாண்ட்டின் ராம்நகரில் உள்ள தேலா ஆற்றில் கனமழை காரணமாக வெள்ளப்பெருக்கு ஏற்பட்டது. பஞ்சாபை சேர்ந்த குடும்பத்தார் 10 பேர் சென்ற கார், திடீரென கட்டுப்பாட்டை இழந்ததால் தேலா ஆற்றில் கவிழ்ந்து விபத்துக்குள்ளானது.

வெள்ளத்தில் கார் அடித்துச் செல்லப்பட்ட நிலையில், அதில் இருந்தவர்களில் 9 பேர் இறந்தனர். இதுகுறித்து தகவல் அறிந்த மீட்புப் படையினர் சம்பவ இடத்திற்கு, காரில் இருந்த சிறுமியை உயிருடன் மீட்டனர்.

அதனைத் தொடர்ந்து மருத்துவமனையில் அனுமதிக்கப்பட்ட குறித்த சிறுமிக்கு தீவிர சிகிச்சை அளிக்கப்பட்டு வருகிறது. மேலும் ஆற்றில் கவிழ்ந்த கார் கிரேன் உதவியுடன் வெளியே எடுக்கப்பட்டது.

உயிரிழந்தவர்களில் 6 பேர் பெண்கள் என்றும், 3 பேர் ஆண்கள் என்றும் தெரிய வந்துள்ளது. இந்த விபத்து குறித்து வழக்குப்பதிவு செய்துள்ள பொலிசார் விசாரணை மேற்கொண்டுள்ளனர்.

முகேஷ் அம்பானி..

உலகமே பிரம்மித்து பார்க்கும் உச்சத்தில் இருப்பவர் தான் முகேஷ் அம்பானி! இந்தியாவின் மிகப்பெரிய கோடீஸ்வரர்களில் முதன்மை வரிசையில் இருப்பவர்.

இவருக்கு கடந்த 1985ஆம் ஆண்டு நீடா என்ற பெண்ணுடன் திருமணம் நடைபெற்றது. சாதாரண வீட்டில் பிறந்த நீடா மிகச்சிறந்த நாட்டியக் கலைஞர். மும்பையில் ஒரு நவராத்திரி விழாவின்போது நீடாவின் நடனத்தைக் கண்டு பிரமித்துப் போனார் முகேஷின் தந்தை திருபாய் அம்பானி.

தன் மூத்த மகனுக்குப் பொருத்தமாக இருப்பார் என்று நீடா குறித்து மனதுக்குள் எண்ணிக்கொண்டார். நீடாவை அழைத்த திருபாய், நாளை என்னை அலுவலகத்தில் வந்து சந்திக்க முடியுமா என்றார்.

எவ்வளவு பெரிய ஆள், நம்மை அலுவலகத்துக்குக் கூப்பிடுகிறாரே என்று பயந்து போனார் நீடா. எனினும், அடுத்த நாள் திருபாயை அலுவலகத்தில் சென்று சந்தித்தார். முதலில், நீடாவின் பொழுதுபோக்கு, அவருக்குப் பிடித்த விஷயங்கள் குறித்து கேட்டறிந்து கொண்ட திருபாய் அம்பானி, நேரடியாக விஷயத்துக்கு வந்தார். ‘என் மூத்த மகன் குறித்து உங்களுடன் பேச வேண்டும். அவனை சந்திக்க உங்களுக்கு விருப்பமா என்று கேட்டார்.

நீடா பயமறியாத பெண். ‘அதிலென்ன இருக்கிறது!’ என்று முகேஷை அவரின் வீட்டில் போய் சந்தித்தார். தொடர்ந்து பலமுறை சந்திப்பு நடந்தது. முகேஷ் அம்பானியின் சொகுசு வாழ்க்கையை சோதனைக்குட்படுத்தியுள்ளார் நீடா.

அதற்காக அவரை மும்பை நகரின் பல்வேறு பகுதிகளுக்கு பேருந்தில் அழைத்துச் சென்றிருக்கிறார். ரோட்டு கடைகளில் உணவருந்த வைத்திருக்கிறார். அங்கெல்லாம் தான் இருவருக்குமான பிணைப்பு அதிகரித்துள்ளது.

ஒருநாள் காரில் செல்லும்போது திருமணம் செய்து கொள்ளலாமா என முகேஷ் அம்பானி கேட்டார். நீடா எதுவும் சொல்லாமல் மௌனம் காக்கவே, பதில் சொன்னால் தான் வண்டியை எடுப்பேன் என்று கூறினார். பின்னர் நீடா ஒப்புக்கொள்ள, கடந்த 1985-ம் ஆண்டு நீடா இந்தியாவின் பணக்கார வீட்டுக்கு மருமகள் ஆனார்.

புதுக்கோட்டையில்..

திருமணம் செய்து கொள்வதாக ஆசை வாரத்தை கூறி உறவுக்கார இளம்பெண்ணை கர்ப்பமாக்கிய இளைஞர், நீதிமன்ற வளாகத்திலேயே அந்த பெண்ணை திருமணம் செய்துகொண்ட நிகழ்வு நெகிழ்ச்சியை ஏற்படுத்தியுள்ளது.

புதுக்கோட்டை மாவட்டம் கீரனூர் அருகே உள்ள வடுகப்பட்டியை சேர்ந்த பாலுவின் மகன் அஜித் (23). இவர் அதே கிராமத்தைச் சேர்ந்த தனது உறவுக்கார பெண்ணான சத்யா என்ற இளம் பெண்ணுடன், கடந்த இரண்டு ஆண்டுகளாக பழகி வந்துள்ளார்.

மேலும் திருமணம் செய்து கொள்வதாக ஆசை வார்த்தை கூறி கடந்த ஒன்றரை ஆண்டுகளுக்கு முன்பு சத்யாவுடன் பாலியல் உறவிலும் ஈடுபட்டுள்ளார். இதில் சத்யா கர்ப்பமாகி கடந்த மே மாதம் கபிலன் என்ற ஆண் குழந்தையையும் பெற்றெடுத்தார்.

அவர் நிறைமாத கர்ப்பிணியாக இருக்கும்போதே அஜித் சத்யாவை திருமணம் செய்து கொள்ள மறுத்ததால், இது குறித்து சத்தியா கீரனூர் அனைத்து மகளிர் காவல் நிலையத்தில் கடந்த ஏப்ரல் மாதம் புகார் அளித்தார்.

இந்த புகாரின் அடிப்படையில் அஜித்தை கைது செய்த காவல்துறையினர் அஜித்தை நீதிமன்றத்தில் ஆஜர்படுத்தி சிறையில் அடைத்தனர். கடந்த மூன்று மாதத்துக்கு மேலாக சிறையில் இருக்கும் அஜித் தனக்கு ஜாமீன் வேண்டி புதுக்கோட்டை மாவட்டம் முதன்மை நீதிமன்றத்தில் மனு தாக்கல் செய்தார்.

இரண்டு முறை இவரது ஜாமீன் மனுவை ரத்து செய்த நீதிபதி, இன்று மீண்டும் ஜாமீனுக்கு அவர் மனு தாக்கல் செய்தபோது ஏமாற்றிய பெண்ணை திருமணம் செய்து கொண்டு கைக்குழந்தையையும் ஏற்றுக் கொண்டால் ஜாமீன் தருவதாக தெரிவித்துள்ளார்.

அதற்கு சம்மதம் தெரிவித்த அஜித் மற்றும் அவரது குடும்பத்தினர் புதுக்கோட்டை நீதிமன்ற வளாகத்தில் உள்ள விநாயகர் கோயிலில் நீதிபதி அனுப்பி வைத்த வழக்கறிஞர்கள் மற்றும் சத்யாவின் குடும்பத்தினர் முன்னிலையில் தாலி கட்டி திருமணம் செய்து கொண்டார்.

இரண்டு மாதம் கைக்குழந்தையுடன் இருந்த சத்யாவை அஜித் திருமணம் செய்து கொண்ட நிகழ்வு காண்போருக்கு வியப்பை ஏற்படுத்தியது.