தரமிறக்கப்பட்டது இலங்கை : மத்திய வங்கி வெளியிட்டுள்ள அவசர அறிக்கை!!

மத்திய வங்கி..

ஃபிட்ச் மதிப்பீடுகளின் (Fitch Ratings)அவசர மதிப்பீடு நடவடிக்கையை அரசாங்கம் கடுமையாக மறுத்துள்ளது. இலங்கை மத்திய வங்கி வெளியிட்டுள்ள அறிக்கை ஒன்றில் இந்த விடயம் தெரிவிக்கப்பட்டுள்ளது.

ஃபிட்ச் மதிப்பீடுகள் ஒரு அவசரமான நடவடிக்கையில், 17 டிசம்பர் 2021 அன்று இலங்கையின் சர்வதேச இறையாண்மை மதிப்பீட்டை தரமிறக்கியது, முழு உலகமும் கோவிட் அலைகளுடன் போராடிக்கொண்டிருக்கும் சூழலில், இலங்கையில் நடக்கும் சாதகமான முன்னேற்றங்களை அங்கீகரிக்கத் தவறிவிட்டது.

இந்த நடவடிக்கையானது, 2020ம் ஆண்டு தேசிய வரவு செலவுத் திட்ட அறிவிப்புக்கு சில நாட்களுக்கு முன்பு மூடிஸ் இன்வெஸ்டர்ஸ் சர்வீஸ் செய்த தேவையற்ற தரமிறக்குதலை ஒத்திருக்கிறது. சர்வதேச ரீதியில் அங்கீகரிக்கப்பட்ட தரமதிப்பீட்டு நிறுவனம் இலங்கையை தரமிறக்குவதற்கான அவசர உணர்வு சிந்திக்க முடியாதது.

குறிப்பாக பொருளாதாரத்தின் அனைத்து துறைகளிலும் சமீபத்திய முன்னேற்றங்கள் மற்றும் உடனடி அந்நிய செலாவணி வரவுகள் குறித்து இலங்கை அதிகாரிகளால் தொடர்ந்து புதுப்பிக்கப்பட்டு வருவதாக தெரிவிக்கப்பட்டுள்ளது.

இதேவேளை, சர்வதேச நிதி தரமதிப்பீட்டு நிறுவனமான ஃபிட்ச் ரேட்டிங்ஸ் (Fitch Ratings) மூலம் இலங்கை மேலும் தரமிறக்கப்பட்டுள்ளது. ஃபிட்ச் மதிப்பீடுகளின் சமீபத்திய தரவரிசைகளின்படி, இலங்கை CC இலிருந்து CCC ஆக தரமிறக்கப்பட்டுள்ளமை குறிப்பிடத்தக்கது.

வவுனியாவில் தனி நபரால் 500 ஏக்கர் அரச காணி ஆக்கிரமிப்பு : மழைக்கு மத்தியிலும் மக்கள் ஆர்ப்பாட்டம்!!

ஆர்ப்பாட்டம்..

வவுனியா, பறநாட்டாங்கல் கிராம அலுவலர் பிரிவில் தனிநபர் ஒருவரால் 500 ஏக்கர் அரச காணி ஆக்கிரமிக்கப்பட்டுள்ளதாக தெரிவித்து அப் பகுதி மக்கள் ஆர்ப்பாட்டம் ஒன்றை முன்னெடுத்திருந்தனர். கொட்டும் மழைக்கு மத்தியிலும் ஏ9 வீதி பறநாட்டாங்கல் சந்தியில் குறித்த ஆர்ப்பாட்டம் இன்று (18.12) இடம்பெற்றது.

ஆர்ப்பாட்டத்தில் ஈடுபட்ட மக்கள், பறநாட்டாங்கல் கிராமத்தில் பல குடும்பங்கள் வாழ்வாதாரத்திற்காக விவசாய நிலங்கள் அற்றவர்களாகவும், தொழில் வாய்ப்பு அற்றவர்களாகவும் வாழ்ந்து வரும் நிலையில் எமது கிராமத்தில் தனிநபர் ஒருவர் 500 ஏக்கர் காணியை ஆக்கிரமித்து வைத்துள்ளதுடன், அதனை விற்பனை செய்தும் வருகின்றார்.

எனவே அதனை தடுத்து நிறுத்தி அக் கிராமத்தில் வாழ்வாதாரத்திற்காக காணிகளற்ற மக்களுக்கு அதனை வழங்க அதிகாரிகளும், மக்கள் பிரதிநிதிகளும் நடவடிக்கை எடுக்க வேண்டும் எனத் தெரிவித்தனர்.

போரராட்டத்தில் ஈடுபட்டவர்கள், ‘ 500 ஏக்கர் காணி அபகரிப்பு நியாயமா, அரசே எங்கள் தாய் நிலங்களை மீட்டுத் தா, நிலம் எங்கள் உரிமை, அரசே கொள்ளையர்கள் பக்கம் நிற்காதே, அரசின் நீதி நியாயமானதா?

ஏழை விவசாயிகளை வாழவிடு, பணம் படைத்த ஒருவனுக்கு 500 ஏக்கர் நிலம் சொந்தம் – ஏழை மக்களுக்கு எது சொந்தம்’ என எழுதப்பட்ட சுலோக அட்டைகளையும் ஏந்தியவாறு அமைதியான முறையில் ஆர்ப்பாட்டத்தில் ஈடுபட்டனர்.

ஆர்ப்பாட்டம் இடம்பெற்ற இடத்திற்கு வன்னி மாவட்ட நாடாளுமன்ற உறுப்பினரும், அபிவிருத்திக் குழுத் தலைவருமான கு.திலீபன், வன்னி மாவட்ட நாடாளுமன்ற உறுப்பினர் கே.கே.மஸ்தான்,

வவுனியா பிரதேச செயலாளர் நா.கமலதாசன் ஆகியோர் சென்று, மக்களது கோரிக்கைகள் தொடர்பில் கேட்டறிந்து கொண்டதுடன், குறித்த காணிகளை மீளப் பெற்று அதனை மக்களுக்கு வழங்க நடவடிக்கை எடுப்பதாக உறுதியளித்தனர்.

அத்துடன், வன்னி மாவட்ட அபிவிருத்திக் குழுத் தலைவரும், வன்னி நாடாளுமன்ற உறுப்பினருமான கு.திலீபன் குறித்த 500 ஏக்கர் காணியினை அக் கிராம மக்களுடன் இணைந்து பார்வையிட்டதுடன்,

ஆவணங்கள் அற்ற அரச காணிகளை உடனடியாக மீளப்பெற்று அதனை காணிகளற்ற மக்களுக்கு பகிர்ந்தளிக்க உடன் நடவடிக்கை எடுக்குமாறும் பிரதேச செயலாளருக்கு வலியுறுத்தி இருந்துடன், குறித்த தனிநபரால் மேற்கொள்ளப்பட்ட காணி ஆக்கிரமிப்பு தொடர்பில் பொலிசாருக்கும் அறிவுறுத்தல் வழங்கியிருந்தார்.

வவுனியாவில் தொட்டில் கயிறு சிக்கி நான்கு வயது பெண் குழந்தை பரிதாபமாக பலி!!

பரமேஸ்வரன் அருட்சிகா..

வவுனியா அண்ணாநகர் பகுதியில் ஏணைக் கயிறு கழுத்தில் இறுகி நான்கு வயது பெண் குழந்தை ஒன்று பலியாகியுள்ளது. குறித்த குழந்தை ஏணையில் விளையாடிக்கொண்டிருந்த போது தவறுதலாக அதன் கயிறு கழுத்தில் இறுகியதில் குறித்த அசம்பாவிதம் இடம்பெற்றுள்ளது.

ஆயினும் குழந்தை உடனடியாக மீட்கப்பட்டு வவுனியா வைத்தியசாலையில் சிகிச்சைக்காக அனுமதிக்கப்பட்டது. எனினும் சிகிச்சை பலனின்றி இன்றையதினம் மரணமடைந்துள்ளது

சம்பவத்தில் பரமேஸ்வரன் அருட்சிகா என்ற நான்குவயது குழந்தையே மரணமடைந்துள்ளமை குறிப்பிடத்தக்கது. சம்பவம் தொடர்பாக வவுனியா பொலிசார் விசாரணைகளை முன்னெடுத்து வருகின்றனர்.

படிக்கச் சென்ற பள்ளி மாணவியிடம் கணவனும் மனைவியும் சேர்ந்து செய்து வந்த மோசமான செயல்!!

கோவை..

கோவை சூலூர் ஆரஞ்ச் அவென்யூ பகுதியை சேர்ந்த சதாசிவம் என்பவரது மகன் அக்ஷித், 22. இவர், அதே பகுதியில் ஜிம் பயிற்சியாளராக உள்ளார். இவரது மனைவி கிருபா, 21 என்பவரிடம் கோவையை சேர்ந்த 17 வயது பிளஸ் 2 பயிலும் மாணவி கிருபாவின் வீட்டிற்கு சென்று ‘டியூஷன்’ படித்து வந்துள்ளார்.

அப்போது அந்தப் பள்ளி மாணவிக்கும் கிருபாவின் கணவர் அக்ஷித்துக்கும் இடையே, பழக்கம் ஏற்பட்டுள்ளது. இதனை அறிந்த மாணவியின் பெற்றோர் கடந்த சில நாட்களுக்கு முன்பு, கோத்தகிரியில் உள்ள அவர்களது உறவினர் வீட்டிற்கு அழைத்துவந்து அவர்களது பாதுகாப்பில் விட்டுச் சென்றுள்ளனர்.

தகவல் அறிந்த அக்ஷித், கோத்தகிரிக்கு வந்து அந்த மாணவியை அழைத்து சென்று, கோவை சூலாரில் உள்ள ஒரு வாடகை வீட்டில் இருவரும் தங்கியுள்ளனர்.

மாணவி காணாததால் உறவினர்கள் கோத்தகிரி காவல் நிலையத்தில் புகார் அளித்தனர். அதன்படி, கோத்தகிரி போலீசார் வழக்கு பதிவு செய்து மாணவியை தேடி வந்த நிலையில்,

சூலூரில் அக்ஷித்துடன் மாணவி இருந்தது தெரியவந்தது. இருவரையும் அழைத்து வந்த போலீசார் அனைத்து மகளிர் காவல் நிலையத்திற்கு தகவல் தெரிவித்தனர்.

ஊட்டி மகளிர் காவல் நிலைய இன்ஸ்பெக்டர் கண்மணி விசாரணை செய்தார். மாணவியை கடத்திச்சென்று உறுதியானதை அடுத்து, அக்ஷித் மற்றும் அவருக்கு உடந்தையாக இருந்த அவரது மனைவி கிருபா இருவர் மீதும் போக்சோ சட்டத்தில் வழக்கு பதிந்து கைது செய்தனர்.

திருமணமான மறுநாளே புதுமாப்பிள்ளை செய்த மோசமான செயல் : அதிர்ச்சியில் மணப்பெண்!!

ஆவடி..

ஆவடியை அடுத்த பட்டாபிராம் அம்பேத்கர் தெருவைச் சேர்ந்தவர் நித்திய லட்சுமி (34). இவருக்கும் கோயம்புத்தூரைச் சேர்ந்த விஜயகுமார் (37) என்பவருக்கும் கடந்த 2020-ஆம் ஆண்டு ஏப்ரல் மாதம் இருவீட்டார் சம்மதத்துடன் இரண்டாவது திருமணம் நடந்தது.

அப்போது திருமணத்திற்காக 15 சவரன் நகை மற்றும் ஒரு லட்சம் ரூபாய் பணம் வரதட்சணையாக கொடுக்கப்பட்டது. தற்போது இவர்களுக்கு 8 மாத ஆண் குழந்தை உள்ளது.

இந்நிலையில், கணவர் விஜயகுமார் பணி நிமித்தமாக வெளியூர் செல்வதாக நித்திய லட்சுமியிடம் கூறி சென்ற நிலையில், தொலைபேசி மூலம் அவ்வப்போது வெவ்வேறு எண்களில் நித்திய லட்சுமியுடன் பேசி வந்துள்ளார்.

இந்நிலையில் கடந்த 3 நாட்களுக்கு முன்பு நித்திய லட்சுமி தொலைபேசிக்கு அழைப்பு ஒன்று வந்துள்ளது. அப்போது பேசிய பெண், என் பெயர் நாதஸ்ரீ என்றும் விஜயகுமார் என்பவருடன் கடந்த அக்டோபர் மாதம் 24-ம் தேதி திருமணம் செய்து கொண்டதாக தெரிவித்துள்ளார்.

மேலும் தற்போது தன்னை ஏமாற்றிவிட்டு மற்றொரு பெண்ணுடன் சென்று விட்டதாகவும் கூறியுள்ளார். இது தொடர்பான திருமண பத்திரிகை மற்றும் புகைப்படம் ஆகியவற்றை நித்திய லட்சுமிக்கு வாட்ஸ்அப் மூலம் அனுப்பியுள்ளார்.

இதைக்கேட்டு அதிர்ச்சியடைந்த நித்திய லட்சுமி, விஜயகுமார் குறித்து தீவிரமாக நாத ஸ்ரீயிடம் விசாரித்துள்ளார். அப்போது விஜயகுமார் திருமணமானதை மறைத்து மேட்ரிமோனியில் மணமகள் தேவை என பதிவு செய்து 10க்கும் மேற்பட்ட பெண்களை ஏமாற்றியது தெரியவந்தது.

இந்நிலையில், மீண்டும் மேட்ரிமோனியில் மணமகள் தேவை என பெண்களை குறிவைத்து பணம், நகைக்காக விஜயகுமார் அவரது தங்கை ரேவதி, அப்பா சக்திவேல், அம்மா அம்சவேணி ஆகியோர் கூட்டாக சேர்ந்து திட்டமிட்டு திருமணம் என்ற பெயரில் மோசடி செய்து ஏமாற்றுவதாக நித்திய லட்சுமி கூறுகிறார்.

இதுகுறித்து ஆவடி அனைத்து மகளிர் காவல் நிலையத்தில் நித்ய லட்சுமி புகார் அளித்தார். ஆனால் காவல் துறையினர் இதுவரையில் எந்த நடவடிக்கையும் எடுக்கவில்லை எனக் கூறப்படுகிறது.

இதுபோன்று பல பெண்களை திருமணம் என்ற பெயரில் ஏமாற்ற முயற்சிக்கும் விஜயகுமார் குடும்பத்தினர் மீது தக்க நடவடிக்கை எடுக்க வேண்டும்.

அதேபோல் திருமணத்திற்காக கொடுத்த 15 சவரன் நகை மற்றும் ஒரு லட்சம் ரூபாய் பணம் ஆகியவற்றை மீட்டுத்தர வேண்டும் என நித்திய லட்சுமி கோரிக்கை விடுத்துள்ளார்.

கணவனின் பிறப்புறுப்பை துண்டித்த இளம் மனைவி : நெஞ்சை உலுக்கும் சம்பவம்!!

இந்தியாவில்..

மனைவி தனது பிறப்புறுப்பை துண்டித்து விட்டதாக மருத்துவமனையில் அறுவை சிகிச்சை முடிந்த கணவர் போலீஸ் நிலையத்தில் புகார் அளித்த பின்னர் தான் அந்த கொடூரச் செயல் வெளிச்சத்துக்கு வந்துள்ளது.

டிசம்பர் 7ம் தேதியன்று நடைபெற்ற இச்சம்பவம் குறித்து மிகவும் தாமதமாகவே கணவர் புகார் அளித்திருக்கிறார். மத்திய பிரதேச மாநிலம் திகம்நகர் மாவட்டம் ராம்நகர் பகுதியில் வசித்து வரும் இளம் தம்பதியருக்குள் ஏற்பட்ட பிரச்னை தான் இந்த அளவுக்கு சென்றிருக்கிறது.

24 வயதாகும் அந்த பெண், 24 வயதாகும் தனது கணவரை கடந்த 2019ம் ஆண்டு திருமணம் செய்துள்ளார். ஆனால் இருவருக்குள்ளும் ஏற்பட்ட மனக்கசப்பால் இருவரும் சில காலம் தனித்தனியாக வாழ்ந்து வந்திருக்கின்றனர்.

பின்னர் பெரியவர்கள் சமாதானம் செய்து வைத்த நிலையில் இருவரும் ஒன்றாக வசித்து வந்திருக்கின்றனர். இந்த நிலையில் கடந்த டிசம்பர் 7ம் தேதியன்று மனைவியுடன் ஒன்றாக இருக்க கணவர் முயன்ற நிலையில் இதில் மனைவிக்கு விருப்பம் இல்லாமல் இருந்துள்ளது.

இருப்பினும் கணவர் கட்டாயப்படுத்தியதால் ஆத்திரம் அடைந்த அவருடைய மனைவி, கணவரின் பிறப்பு உறுப்பை தனியாக துண்டித்துள்ளார் தற்போது இச்சம்பவம் குறித்து வழக்குப்பதிவு செய்து போலீசார் விசாரித்து வருகின்றனர்.

முன்னதாக கடந்த மார்ச் மாதத்திலும் மத்திய பிரதேசத்தைச் சேர்ந்த பெண் ஒருவர் வீட்டில் தனியாக தனது மகனுடன் இருந்த போது அவரை பாலியல் வன்புணர்வு செய்ய முயன்ற நபரின் பிறப்புறுப்பை தனியாக துண்டித்தது பரபரப்பை ஏற்படுத்தியிருந்தது குறிப்பிடத்தக்கது.

முச்சக்கரவண்டி – கார் விபத்து : இருவர் பலத்த காயம்!!

விபத்து..

சாரதி பயிற்றுவிப்பு பாடசாலை ஒன்றினால் முச்சக்கர வண்டி ஒன்றுக்கான பயிற்சிகள் வழங்கப்பட்டுக் கொண்டிருந்த போது கார் ஒன்று குறித்த முச்சக்கர வண்டியுடன் மோதி விபத்துக்குள்ளாகியுள்ளது.

இதன் போது பயிற்சியில் ஈடுப்பட்டிருந்த முச்சக்கரவண்டியில் பயணித்த இரண்டு ஆண்கள் காயமடைந்து கொட்டகலை வைத்தியசாலையில் அனுமதிக்கப்பட்டுள்ளனர். கொட்டகலை பிரதேச வைத்தியசாலைக்கு அருகாமையில் இன்று (17.12.2021) மாலை இந்த சம்பவம் இடம்பெற்றுள்ளது.

தலவாக்கலையில் இருந்து கொட்டகலை வரை பயிற்சிக்காக பயன்படுத்திய முச்சக்கர வண்டி, கொழும்பு கடுவலையில் இருந்து நுவரெலியா நோக்கி சென்ற கார் ஒன்றின் மீது மோதி விபத்துக்குள்ளாகியுள்ளது.

காரில் மோதுண்ட முச்சக்கர வண்டி பாதையை விட்டு விலகி அருகில் இருந்த பள்ளத்தில் விழுந்துள்ளது. விபத்து தொடர்பில் திம்புள பத்தன பொலிஸார் மேலதிக விசாரணைகளை முன்னெடுத்துள்ளனர்.

தங்கத்தின் விலையில் ஏற்பட்டுள்ள அதிரடி மாற்றம்!!

தங்கத்தின் விலை..

உலக சந்தையில் தங்கத்தின் விலையில் இந்த வாரம் அதிகரிப்பு ஏற்பட்டுள்ளதென வெளிநாட்டு ஊடகங்கள் தகவல் வெளியிட்டுள்ளன. இந்த வாரத்தில் தங்கத்தின் விலை 1.4 சதவீதம் அதிகரித்துள்ளதென ஊடகங்கள் குறிப்பிட்டுள்ளன.

அதற்கமைய, நவம்பர் மாதம் இரண்டாவது வாரத்தின் பின்னர் தங்கத்தின் விலையில் ஏற்பட்ட மிகப்பெரிய அதிகரிப்பு இதுவாகும். தங்கம் ஒரு அவுன்ஸ் தங்கத்தின் விலை 1807 அமெரிக்க டொலராக பதிவாகியுள்ளது.

இதேவேளை, இலங்கை தங்க விற்பனை செய்யும் சந்தையில் பதிவாகிய தங்கத்தின் விலைகள் வெளியாகியுள்ளது. 24 கரட் 117,000 ரூபாயிற்கும், 22 கரட் 107,250.00 ரூபாயிற்கும், 21 கரட் 102,375 ரூபாயிற்கும் 18 கரட் 87,750 ரூபாயிற்கும் விற்பனை செய்யப்படுகின்றமை குறிப்பிடத்தக்கது.

வவுனியா பேராறு நீர்த்தேக்கம் அமைச்சரினால் திறந்து வைப்பு!!

பேராறு நீர்த்தேக்கம்..

வவுனியா நீர் வழங்கல் திட்டத்திற்கான குடிநீர் வழங்கலுக்காகச் சாஸ்திரி கூழாங்குளம் பகுதியில் 1400 மில்லியன் ரூபா செலவில் அமைக்கப்பெற்ற பேராறு நீர்த்தேக்கத்தினை நீர் வழங்கல் அமைச்சர் வாசுதேவ நாணயக்காரவினால் இன்று (17.12.2021) திறந்து வைக்கப்பட்டது.

இதன் போது அமைச்சர் நீர்த்தேக்கத்தினை பார்வையிட்டதுடன், நீர்த்தேக்கத்தின் ஊடாக குடிநீர் வழங்கும் செயற்பாடுகள் தொடர்பாகவும் பார்வையிட்டிருந்தார்.

இந்நிகழ்வில் வன்னி நாடாளுமன்ற உறுப்பினர்களான கே.கே.மஸ்தான், கு.திலீபன் மற்றும் தேசிய நீர்வழங்கள் வடிகாலமைப்பு சபையின் உயர் அதிகாரிகள் எனப் பலரும் கலந்து கொண்டிருந்தனர்.

இந்த நீர்த்தேக்கமானது 3.85 எம்.சி.எம் நீர்க்கொள்ளளவை கொண்டதுடன், இவ் நீர்த்தேக்கம் மூலமாக 23500 பயனாளிகள் பயனடைவது குறிப்பிடத்தக்கது.

வவுனியா நெடுங்கேணியில் பெண் மீது இடம்பெற்ற துப்பாக்கி சூட்டு சம்பவம் தொடர்பில் ஒருவர் கைது!!

நெடுங்கேணி..

வவுனியா, நெடுங்கேணி, சேனைப்புலவு பகுதியில் பெண் ஒருவர் மீது துப்பாக்கி பிரயோகம் செய்து அவரை கொலை செய்தமை தொடர்பில் இளைஞர் ஒருவர் நெடுங்கேணி பொலிசாரால் கைது செய்யப்பட்டுள்ளார்.

வவுனியா, நெடுங்கேணி, சேனைப்புலவு பகுதியில் கடந்த புதன்கிழமை மோட்டர் சைக்கிளில் சென்ற பெண் மீது இடம்பெற்ற துப்பாக்கி சூட்டு சம்பவத்தில் 31 வயதான சத்தியகலா என்ற பெண் மரணமடைந்தார்.

இது தொடர்பில் விசாரணைகளை மேற்கொண்ட நெடுங்கேணி பொலிசார் குறித்த சம்பவம் தொடர்பில் மரணமடைந்த பெண்ணின் உறவினரான 31 வயது இளைஞர் ஒருவரை அப் பகுதியில் உள்ள தோட்டம் ஒன்றில் கைது செய்தனர்.

பொலிசார் குறித்த இளைஞரை கைது செய்ய முற்பட்ட போது அவர் நஞ்சு மருந்தை அருந்தியுள்ளார். இதனையடுத்து அவர் உடனடியாக நோயாளர் காவு மூலம் பொலிஸ் பாதுகாப்புடன் வவுனியா வைத்தியசாலைக்கு கொண்டு செல்லப்பட்டு சிகிச்சைக்காக அனுமதிக்கப்பட்டுள்ளார்.

அத்துடன், குறித்த இளைஞனை தோட்டத்தில் மறைந்து இருப்பதற்கு உதவிய குற்றச்சாட்டில் இருவர் பொலிசாரால் தடுத்து வைக்கப்பட்டு அவர்களிடம் விசாரணைகளை முன்னெடுக்கப்பட்டுள்ளன. பொலிசார் இச் சம்பவங்கள் தொடர்பில் மேலதிக விசாரணைகளை முன்னெடுத்துள்ளனர்.

இலங்கையில் வெளிநாட்டவர்களின் மோசமான செயலால் ஏற்பட்டுள்ள ஆபத்து!!

வெளிநாட்டவர்கள்..

இலங்கை வந்துள்ள வெளிநாட்டு சுற்றுலா பயணிகள் சுகாதார வழிகாட்டல்களை பின்பற்றாமல் செயற்படுவதன் காரணமாக ஆபத்தான நிலை ஏற்பட்டுள்ளதாக எச்சரிக்கப்பட்டுள்ளது.

வெலிகம, மிரிஸ்ஸ பகுதிகளில் இந்த ஆபத்தான நிலைமை ஏற்பட்டுள்ளது. மிரிஸ்ஸ நகரிலிருந்து வெலிகம நகரத்திற்கு வரும் வெளிநாட்டவர்கள் பேருந்துகளில் முகம் கவசம் அணியாமல் பயணிக்கின்றனர்.

அத்துடன் முகக் கவசமின்றி வெலிகம முழுவதும் சுற்றி திரிகின்றனர். வர்த்தக நிலையங்கள் மற்றும் மக்கள் அதிகம் நடமாடும் இடங்களில் முகக் கவசமின்றி வெளிநாட்டவர்கள் சுற்றி திரிவதனால் பாரிய அபாயமிக்க நிலைமை ஏற்பட்டுள்ளது.

வங்கிகள் உட்பட அவர்கள் முகக் கவசம் அணிவதில்லை என அதிகாரிகள் குற்றம் சுமத்தியுள்ளனர். அத்துடன் முகக் கவசம் அணியாமல் பயணிக்கும் வெளிநாட்டவர்களை பொலிஸார் அவதானித்தாலும் கண்டுகொள்ளாமல் செல்வதாக பொது மக்கள் குற்றம் சுமத்தியுள்ளனர்.

இந்த நிலையில் நேற்று முன்தினம் காலி – மாத்தறை பேருந்து ஒன்றில் வெளிநாட்டவர்கள் முகக் கவசமின்றி நுழைய முயற்சித்த போது பயணிகள் கடும் எதிர்ப்பு வெளியிட்டுள்ளனர்.

எனினும் அதனை கண்டுகொள்ளாமல் அவர்கள் பேருந்திற்குள் நுழைய முயற்சித்துள்ளனர். வெளிநாட்டவர்களை முகக் கவசம் அணிந்து வருமாறு கூறும் தங்களுக்கு அவர்களின் மொழி தெரியாதென வெலிகம வர்த்தகர்கள் தெரிவித்துள்ளனார்.

“11 நாட்களுக்கு சிரிக்கக் கூடாது” : கடும் உத்தரவை பிறப்பித்துள்ள நாடு!!

வடகொரிய அரசாங்கம்

நாட்டு மக்கள் அடுத்த 11 நாட்களுக்கு சிரிக்கக்கூடாது, ம.து அருந்தக்கூடாது என வடகொரிய அரசாங்கம் கட்டுப்பாடுகளை விதித்துள்ளது. 1994-ம் ஆண்டு வடகொரியாவை ஆட்சி செய்த கிம் ஜோங் இல், நாட்டை 17 ஆண்டுகள் ஆட்சி செய்த நிலையில் கடந்த 2011-ம் ஆண்டு டிசம்பர் 17ஆம் திகதி காலமானார்.

இதனையடுத்து, அவருடைய கடைசி மகனான கிம் ஜோங் உன் அதிபராகி, தற்போது வரையில் 3-வது தலைமுறையாக ஆட்சி செய்து வருகிறார். இந்தநிலையில் தமது தந்தையின் நினைவுத்தினத்தை நினைவுக்கூரும் முகமாக வடகொரிய நாட்டு மக்கள் அடுத்த 11 நாட்களுக்கு சிரிக்கக்கூடாது,

ம.து அருந்தக்கூடாது, பிறந்தநாள் விழாக்களை கொண்டாடக்கூடாது என வடகொரிய அதிபர் கட்டுப்பாடுகளை விதித்துள்ளார். கிம் ஜோங் இல் இறந்த நாளான இன்று, ஒவ்வொரு ஆண்டும் இதே நடைமுறை வடகொரியாவில் கடைபிடிக்கப்பட்டு வருகிறது.

வழமையாக இந்த துக்கம் 10 நாட்களுக்கு கடைபிடிக்கபடும். எனினும் இது கிம் ஜோங் இல் இ.றந்து 10 – வது நினைவு ஆண்டு என்பதால் இந்த ஆண்டு 11 நாட்கள் துக்கம் கடைபிடிக்கப்படும் என்று வடகொரிய அரசாங்கம் தெரிவித்துள்ளது.

மேலும் இந்த துக்க அனுசரிப்பின் போது பொதுமக்கள் மற்றும் தொழில்நிறுவனங்கள் தாங்கள் இருக்கும் பகுதியில் உள்ள பிச்சைக்காரர்களுக்கு உணவளிக்க வேண்டும் எனவும் உத்தரவிடப்பட்டுள்ளது.

மகாவலி ஆற்றில் குதித்த இளைஞன், யுவதி!!

மகாவலி ஆற்றில்..

மஹியங்கனை பாலத்தில் இருந்து ஆண் ஒருவரும் பெண் ஒருவரும் மகாவலி ஆற்றில் குதித்துள்ளதாக தெரிவிக்கப்படுகின்றது. இந்நிலையில், ஆற்றில் குதித்த நபர் நீந்தி கரைக்கு வந்துள்ளதாகவும், அவரை சிகிச்சைக்காக வைத்தியசாலையில் அனுமதித்துள்ளதாகவும் தெரிவிக்கப்படுகின்றது.

இதனையடுத்து மஹியங்கனை பொலிஸார் சம்பவ இடத்திற்கு விரைந்து காணாமல் போன யுவதியை தேடும் பணியில் ஈடுபட்டனர். காணாமல் போனவர் ரிதீமாலியத்த பிரதேசத்தில் வசிக்கும் 19 வயதுடைய யுவதி என பொலிஸார் தெரிவிக்கின்றனர்.

இவர் நேற்று காலை பயிற்சி வகுப்பில் கலந்து கொள்வதாக கூறி வீட்டிலிருந்து வந்துள்ளனர். யுவதி ஆற்றில் குதித்ததாகவும், அந்த நபரும் ஆற்றில் குதித்ததாகவும் நேரில் கண்ட சாட்சி ஒருவர் தெரிவித்தார்.

குற்றத்தை ஒப்புக்கொண்ட நடிகை : நீதிமன்றம் விதித்த அபராதம்!!

நடிகை சேமினி இத்தமல்கொட..

அனுமதிப் பத்திரமின்றி பாதுகாப்பு சேவை நிலையம் ஒன்றை நடத்தி வந்த குற்றத்தை ஒப்புக்கொண்ட பிரபல சிங்கள நடிகை சேமினி இத்தமல்கொடவுக்கு 15 ஆயிரம் ரூபாய் அபராதம் செலுத்துமாறு கொழும்பு பதில் நீதவான் பீ.டி.பெரேரா உத்தரவிட்டுள்ளார்.

இது சம்பந்தமான முறைப்பாட்டை கிராண்ட்பாஸ் பொலிஸார் நீதிமன்றத்தில் முன்வைத்திருந்தனர். முறைப்பாடு தொடர்பான வழக்கு விசாரணை நடைபெற்ற போது, நீதிமன்றத்தில் முன்னிலையாகவில்லை என்பதால், நீதிமன்றம் சேமினியை கைது செய்ய பிடியாணை பிறப்பித்திருந்தது.

இந்த நிலையில், நேற்று அவர் நீதிமன்றத்தில் முன்னிலையாகியதுடன் பிடியாணை திரும்ப பெற நீதிமன்றம் தீர்மானித்தது. குற்றச்சாட்டு தொடர்பான அறிக்கையை கிராண்ட்பாஸ் பொலிஸார் நீதிமன்றத்தில் தாக்கல் செய்த பின்னர்,

பதில் நீதவான், அதனை குற்றம் சுமத்தப்பட்டுள்ள நடிகை சேமினிக்கு மொழிப்பெயர்த்து விளக்குமாறு மொழிப்பெயர்ப்பாளர் சிந்தக உஹனோவிவுக்கு பணிப்புரை விடுத்தார்.

இதனையடுத்து அறிக்கையில் சுமத்தப்பட்டுள்ள குற்றச்சாட்டை நடிகை ஒப்புக்கொண்டார். இதனடிப்படையில் குற்றச்சாட்டை ஒப்புக்கொண்ட குற்றவாளிக்கு 15 ஆயிரம் ரூபாய் அபராதம் விதித்து நீதவான் உத்தரவிட்டுள்ளார்.

நாட்டை முடக்க வேண்டிய நிலை ஏற்படும் : வெளியான அறிவிப்பு!!

வெளியான அறிவிப்பு..

மக்கள் பூஸ்டர் தடுப்பூசியை உரிய காலப்பகுதிக்குள் பெறாவிட்டால் நாட்டில் நாளாந்தச் செயற்பாடுகள் மீண்டும் முடங்கக்கூடும் என்று சுகாதார சேவைகள் பணிப்பாளர் நாயகம் விசேட வைத்திய நிபுணர் அசேல குணவர்தன தெரிவித்துள்ளார்.

இது தொடர்பில் செய்தியாளர்களிடம் கருத்து தெரிவிக்கையில்,
நாட்டில் தற்போது பூஸ்டர் தடுப்பூசி ஏற்றப்பட்டு வருகின்றது. ஆனால், நாம் எதிர்ப்பார்த்தளவு அதனைப் பெற்றுக்கொள்வதற்கு மக்கள் ஆர்வம் காட்டவில்லை.

தற்போது வைரஸ் பரவல் ஓரளவு கட்டுப்பாட்டுக்குள் இருப்பதற்கு நாம் இரண்டு தடுப்பூசிகளையும் ஏற்றும் திட்டத்தை வெற்றிகரமாக முன்னெடுத்ததே காரணம் என குறிப்பிட்டுள்ளார்.

தப்பிச் செல்ல முயற்சித்த சாரதி : பொலிஸ் அதிகாரியின் அதிரடி நடவடிக்கை!!

புறக்கோட்டை பிரதான வீதியில்..

மோட்டார் சைக்கிளில் தொங்கிய நிலையில் சென்று சந்தேக நபரை போக்குவரத்து பொலிஸ் அதிகாரி ஒருவர் கைது செய்துள்ளார்.
புறக்கோட்டை பிரதான வீதியில் கடமையாற்றும் பொலிஸ் உத்தியோகத்தர் ஒருவரே இந்த நடவடிக்கையில் ஈடுபட்டுள்ளார் என கொழும்பு சிங்கள ஊடகம் ஒன்று செய்தி வெளியிட்டுள்ளது.

வாகனம் நிறுத்துவதற்கு தடை விதிக்கப்பட்ட பகுதியில் நிறுத்தி வைக்கப்பட்டிருந்த மோட்டார் சைக்கிள் தொடர்பில் வினவிய போது அதன் உரிமையாளர் தப்பிச் செல்ல முற்பட்டுள்ளார்.

இதன்போது பொலிஸ் உத்தியோகத்தருடன் வீதியில் இழுத்துக்கொண்டு சாரதி தப்பிச் செல்ல முயற்சித்துள்ளார். எனினும், சுமார் எழுபது மீற்றர் தூரத்திற்கு பின் மோட்டார் சைக்கிள் மற்றுமொரு முச்சக்கர வண்டியுடன் மோதி கவிழ்ந்தது.

சம்பவத்தில் பொலிஸ் உத்தியோகத்தர் படுகாயமடைந்துள்ளதுடன், கைது செய்யப்பட்ட சந்தேகநபருக்கு எதிராக மேலதிக நடவடிக்கை எடுக்கப்பட்டு வருகின்றது.

1...1,1101,1111,112...4,743Page 1,111 of 4,743