கொரோனா..

வவுனியா கண்டி வீதியில் அமைந்துள்ள பிரபல ஆடைத்தொழிற்சாலையில் பணியாற்றுபவர்கள் உட்பட 8 பேருக்கு இன்று (11.03) இரவு கொரோனா தொற்று உறுதி செய்யப்பட்டுள்ளது.

குறித்த ஆடைத்தொழிற்சாலையில் பணியாற்றும் சிலர் கடந்த சில நாட்களாக கொரோனா தொற்றாளர்களாக அடையாளம் காணப்பட்டதையடுத்து அவர்களுடன் தொடர்புடையவர்களிடம் மேற்கொள்ளப்பட்ட பி.சீ.ஆர் பரிசோதனையின் முடிவுகள் சில இன்று (11.03) இரவு வெளியாகிய நிலையில் 07 பேருக்கு கொரோனா தொற்று உறுதி செய்யப்பட்டுள்ளது.

அத்துடன், வவுனியா புதிய பேரூந்து நிலையத்தில் உள்ள உணவகம் ஒன்றில் பணியாற்றுபவருக்கும் பி.சீ.ஆர். பரிசோதனையில் கொரோனா தொற்று உறுதி செய்யப்பட்டுள்ளது. இதன்படி வவுனியாவில் இன்று (11.03) 08 பேர் கொரோனா தொற்றாளர்களாக அடையாளங் காணப்பட்டுள்ளனர்.

இதேவேளை, வவுனியா கண்டி வீதியில் உள்ள ஆடைத் தொழிற்சாலையயை சேர்ந்த 14 பேர் இதுவரை கொரோனா தொற்றுக்குள்ளாகியுள்ளமை குறிப்பிடத்தக்கது.

காட்டுத் தீ..

வவுனியா சிதம்பரபுரம் பழைய கற்குளம் கிராமத்திற்கு அருகேயுள்ள வனப்பகுதியில் காட்டுத்தீ பரவியதனையடுத்து தீயினை கட்டுப்படுத்தும் முயற்சியில் தீயணைப்பு பிரிவினர் ஈடுபட்டுள்ளனர்.

குறித்த வனப் பகுதியிலிருந்து புகை வருவதனை அவதானித்த அயலவர்கள் அருகே சென்று பார்வையிட்ட சமயத்தில் வனப்பகுதி தீப்பற்றி ஏரிந்து கொண்டிருந்துள்ளது.

அதனையடுத்து உடனடியாக செயற்பட்ட பொதுமக்கள் வவுனியா நகரசபை தீயணைப்பு பிரிவினருக்கு தகவல் வழங்கியதனையடுத்து குறித்த பகுதிக்கு சென்ற தீயணைப்பு பிரிவினர் தீயிணை கட்டுப்படுத்தும் நடவடிக்கையில் ஈடுபட்டுள்ளனர்.

மேலும் வவுனியாவில் நிலவிவருகின்ற வெப்பநிலையினால் காட்டுத்தீப் பரவல் ஏற்பட்டிருக்கலாம் என பொலிஸார் சந்தேகம் வெளியிட்டுள்ளனர்.

விபத்து..

வவுனியா கண்டி வீதியில் (ஏ9) தெற்கு வலயக்கல்வி அலுவலத்திற்கு முன்பாக இன்று (11.03.2021) மதியம் 2.20 மணியளவில் இடம்பெற்ற பட்டா – மோட்டார் சைக்கிள் விபத்தில் பெண்ணொருவர் காயமடைந்த நிலையில் வைத்தியசாலையில் அனுமதிக்கப்பட்டுள்ளார்.

இவ் விபத்துச் சம்பவம் தொடர்பில் மேலும் தெரியவருகையில்,
வவுனியா நகரிலிருந்து கண்டி வீதியூடாக பயணித்துக்கொண்டிருந்த மோட்டார் சைக்கிள்,

தெற்கு வலயக்கல்வி அலுவலத்திற்கு முன்பாக வீதியின் மறுபக்கம் திரும்ப முற்பட்ட சமயத்தில் மோட்டார் சைக்கிலின் பின்புறமாக வந்த பட்டா ரக வாகனம் மோட்டார் சைக்கிளை மோதித்தள்ளியுள்ளது.

இவ் விபத்தில் மோட்டார் சைக்கிளை செலுத்திவந்த 25 வயது மதிக்கத்தக்க பெண் காயமடைந்த நிலையில் வவுனியா மாவட்ட பொது வைத்தியசாலையில் அனுமதிக்கப்பட்டுள்ளதுடன் விபத்து தொடர்பான மேலதிக விசாரணைகளை வவுனியா போக்குவரத்து பொலிஸார் மேற்கொண்டு வருகின்றனர்.

மோட்டார் சைக்கிளின் சாரதி போக்குவரத்து வீதி விதிமுறைகளை மீறி (முன்னால் திருப்பத் தடை) மோட்டார் சைக்கிலை வீதியின் மறுபக்கம் மாற முற்பட்டமையே விபத்துக்கு காரணமென வவுனியா போக்குவரத்து பொலிஸாரின் ஆரம்ப கட்ட விசாரணையில் தெரியவந்துள்ளது.

சிவராத்திரி..

வவுனியாவில் இடம்பெறும் சிவராத்திரி பூஜை வழிபாடுகளில் கலந்து கொள்பவர்கள் சுகாதார நடைமுறைகளை பின்பற்றுமாறும், மீறுவோர் மீது சட்ட நடவடிக்கை எடுப்பதற்காக கண்காணிப்பு நடவடிக்கையில் சுகாதார பரிசோதர்களும், பொலிசாரும் ஈடுபடுபட்டுள்ளனர் என சுகாதாரப் பிரிவினர் தெரிவித்துள்ளனர்.

நாட்டில் ஏற்பட்டுள்ள கொவிட் – 19 அச்சுறுத்தல் முழுமையாக கட்டுப்பாட்டிற்குள் வரவில்லை. வவுனியாவிலும் கடந்த சில நாட்களாக புதிய கொவிட் 19 தொற்றாளர்கள் இனங்காணப்பட்டுள்ளனர்.

இதன் காரணமாக மக்கள் அதிகளவில் ஒன்று கூடுவதை தவிர்க்குமாறு சுகாதாரப் பிரிவினர் மக்களை கோரியுள்ளதுடன், சிவராத்திரி பூஜை வழிபாடுகளில் கலந்து கொள்ளும் போது இறுக்கமான சுகாதார நடைமுறைகளைப் பின்பற்றுமாறும் கோரியுள்ளனர்.

குறிப்பாக கைகளை கழுவுதல், முககவசம் அணிதல், உடல் வெப்பம் பரிசோதித்தல், சமூக இடைவெளியைப் பேணுதல் போன்றவற்றை பின்பற்றுமாறு கோரியுள்ளதுடன், குறித்த நடவடிக்கைகளை கண்காணிக்க,

ஆலயங்களில் சுகாதார பரிசோதகர்களும், பொலிசாரும் கடமையில் ஈடுபடுத்தப்பட்டுள்ளதுடன் சுகாதார நடைமுறைகளைப் பின்பற்றாதோருக்கு எதிராக சட்ட நடவடிக்கை எடுக்கப்படும் எனவும் சுகாதாராப் பிரிவினர் தெரிவித்துள்ளனர்.

வவுனியா வைத்தியசாலையில்

வவுனியா பொது வைத்தியசாலையில் கடந்த 14.12.2020 அன்று ம.ரணித்த கு.ழந்தை தொடர்பான வழக்கு வவுனியா நீதிமன்றில் நேற்று (10.03) அழைக்கப்பட்ட நிலையில் எதிர்வரும் 07.07.2021 திகதிக்கு திகதியிடப்பட்டது.

குறித்த கு.ழந்தை கடந்த 14.12.2020 அன்று நண்பகல் 12 மணியளவில் பிறந்து அதே தினம் மலை 4.45 மணியளவில் ம.ரணித்திருந்தது. குழந்தையின் தாய்க்கு சத்திர சிகிச்சையின் மூலமே கு.ழந்தையை பிரசவிக்க முடியும் என மகப்பேற்று வைத்தியர் கூறிய நிலையில்,

வைத்தியசாலையில் இருந்த வைத்தியர்களால் சாதாரண பிரசவத்தின் மூலம் கு.ழந்தையை பிரசவிக்க முயன்றுள்ளதாக தாய் கு.ற்றச்சாட்டு தெரிவித்திருந்தார்.

ஏழு மணி நேரத்தின் பின்னர் பிறந்த கு.ழந்தை சில மணி நேரத்திலேயே இ.றந்துவிட்டது. தனக்கு சத்திர சிகிச்சை மூலமே கு.ழந்தை பிரசவிக்கப்பட வேண்டும் என மகப்பேற்று வைத்தியர் பரிந்துரைத்திருந்ததாக சம்பவதினமான அன்று வைத்தியசாலையில் கடமையில் இருந்த வைத்தியரிடம் தான் தெரிவித்த போதும், அவர் அதனை கண்டுகொள்ளவில்லை என தாய் தெரிவித்துள்ளார்.

வைத்தியர்களின் அலட்சியத்தாலேயே தனது கு.ழந்தை ம.ரணித்தது என பெற்றோர்கள் ச.ந்தேகித்த காரணத்தால் பெற்றோரின் வேண்டுதலின் பேரில் கடந்த 16.12.2020 அன்று கு.ழந்தையின் உ.டல் சட்டவைத்திய ப.ரிசோதனைக்கு உட்படுத்தப்பட்டது.

ம.ரண ப.ரிசோதனை அறிக்கையில் Fetal distress following obstructed labor due to clinically diagnosed shoulder dystocia காரணமாக பிள்ளைக்கு மரணம் ஏற்ப்பட்டதாக குறிப்பிடப்பட்டுள்ளது.

குறித்த குழந்தையின் வழக்கு தொடர்பான வி.சாரணைகள் வவுனியா நீதிமன்றில் நேற்றையதினம் விசாரணைக்கு எடுத்துக் கொள்ளப்பட்ட நிலையில், வழக்கு எதிர்வரும் 07.07.2021 திகதிக்கு தவணையிடப்பட்டுள்ளதாக கு.ழந்தையின் தாயார் தெரிவித்துள்ளார்.

மேலும் கு.ழந்தையின் பெற்றோரால் கு.ழந்தையின் ம.ரணம் குறித்து வடமாகாண ஆளுநர், பிராந்திய சுகாதார சேவைகள் பணிப்பாளர் ஆகியோருக்கும் மு.றைப்பாடு செய்யப்பட்டுள்ளது.

கொரோனா..

வவுனியாவில் மேலும் நால்வருக்கு கொரோனா தொற்று உறுதி செய்யப்பட்டுள்ளது. வவுனியா, வைத்தியசாலையில் சிகிச்சைக்காக அனுமதிக்கப்பட்டவர்களிடம் மேற்கொள்ளப்பட்ட பி.சீ.ஆர் பரிசோதனை முடிவுகள் நேற்று (10.03) இரவு வெளியாகிய நிலையில் ஓமந்தை அரச வீட்டுத் திட்டத்தைச் சேர்ந்த மூவருக்கு கொரோனா தொற்று ஏற்பட்டமை உறுதி செய்யப்பட்டுள்ளது.

அத்துடன், வவுனியா வைத்தியசாலையில் காய்ச்சல் காரணமாக அனுமதிக்கப்பட்ட ஈரப்பெரியகுளம், நொச்சிகுளம் பகுதியைச் சேர்ந்த ஒருவருக்கும் கொரோனா தொற்று ஏற்பட்டமை இன்று (11.03) காலை உறுதி செய்யப்பட்டுள்ளது.

இவ்வாறு கொரோனா தொற்று ஏற்பட்ட நான்கு பேருடனும் தொடர்புகளைப் பேணியவர்களை சுய தனிமைப்படுத்துவதற்கான நடவடிக்கைகளை சுகாதாரப் பிரிவினர் முன்னெடுத்துள்ளனர்.

பரீட்சை நிலையங்களைச் சுற்றி..

வவுனியாவில் க.பொ.த. சாதாரண தர பரீட்சை நடைபெற்ற நிலையங்களை சுற்றி பொலிசார் விசேட கடமைகளில் ஈடுபடுத்தப்பட்டிருந்தனர்.

2020ஆம் ஆண்டுக்கான க.பொ.த சாதாரண தரப் பரீட்சை கடந்த முதலாம் திகதி ஆரம்பமாகி இன்றுடன் நிறைவடைந்தது. அந்தவகையில் பரீட்சை நிறைவடைந்ததும் பரீட்சை நிலையத்திலோ அல்லது வளாகத்திலோ,

கலகத்தில் ஈடுபடும் பரீட்சார்த்திகளின் பெறுபேறுகள் ரத்து செய்யப்பட்டு, கடுமையான நடவடிக்கைகள் எடுக்கப்படும் என்று பரீட்சைகள் திணைக்களம் நேற்று அறிவித்திருந்தது.

அதனடிப்படையில் இன்று பிற்பகல் பரீட்சை முடிவடைந்த நிலையில் வவுனியாவில் அமைந்துள்ள அனைத்து பரீட்சை நிலையங்களிலும் பொலிசார் விசேட கண்காணிப்பு நடவடிக்கைகளில் ஈடுபட்டிருந்ததுடன், பரீட்சை நிலையத்திற்கு முன்பாக ஒன்று கூடிய மாணவர்களை வீட்டிற்கு செல்லுமாறு பணித்திருந்தனர்.

செட்டிகுளம் பகுதியில்..

வவுனியாவில் இளைஞரொருவரை ஹெ.ரோ.யி.ன் போ.தை.ப்.பொ.ருளுடன் கை.து செய்துள்ளதாக செட்டிகுளம் பொலிஸார் தெரிவித்துள்ளனர். வவுனியா – செட்டிகுளம் – ஆண்டியாபுளியங்குளம் விசேட அதிரடி ப.டையினருக்கு இது தொடர்பில் இ.ர.கசிய தகவல் கிடைத்துள்ளது.

இந்த நிலையில் நேற்று வவுனியா – செட்டிகுளம் பகுதியில் தனிமையில் நின்ற இளைஞரிடம் சோ.தனை நடவடிக்கை முன்னெடுக்கப்பட்டுள்ளது. இதன்போது அவரிடமிருந்து 800 மில்லிக்கிராம் ஹெ.ரோ.யி.ன் போ.தை.ப்.பொ.ரு.ள் கை.ப்.ப.ற்றப்பட்டுள்ளது.

சம்பவம் தொடர்பில் 26 வயது இளைஞரொருவரே கைது செய்யப்பட்டு செட்டிகுளம் பொலிஸில் ஒப்படைக்கப்பட்டுள்ளார். கைது செய்யப்பட்ட இளைஞரிடம் மேலதிக வி.சாரணைகள் மேற்கொள்ளப்பட்டு வருகின்றதாகவும், வி.சாரணைகளின் பின் நீதிமன்றத்தில் முற்படுத்த நடவடிக்கை மேற்கொள்ளப்பட்டு வருவதாகவும் தெரியவருகிறது.