கொரோனா..

ஹொரணை மருத்துவமனையில் சேவையாற்றும் இரண்டு தாதிமாருக்கு கொரோனா வைரஸ் தொற்றியுள்ளது கண்டறியப்பட்டுள்ளது. இதன் காரணமாக அந்த மருத்துவமனையின் 5 மற்றும் 9 ஆம் விடுதிகள் தற்காலிகமாக மூடப்பட்டுள்ளன.

இந்த இரண்டு தாதியரில் ஒருவரின் கணவர் மினுவங்கொடை ஆடைத் தொழிற்சாலையில் சேவையாற்றும் நபர் எனவும் அவருக்கு, அவரது குடும்பத்தை சேர்ந்த மற்றுமொரு நபருக்கும் கொரோனா வைரஸ் தொற்றியுள்ளது என ஹொரணை மருத்துவமனையின் பேச்சாளர் ஒருவர் தெரிவித்துள்ளார்.

கொரோனா வைரஸ் தொற்றாளர்கள் என அடையாளம் காணப்பட்டு தாதியர் உட்பட நால்வரும் நெவில் பெர்னாண்டோ மருத்துவமனை மற்றும் ஐ.டி.எச் மருத்துவமனை ஆகியவற்றில் அனுமதிக்கப்பட்டுள்ளனர்.

கொரோனா..

கொழும்பு – பொரள்ளை றிஜ்வே சிறுவர் மருத்துவமனையில் சிகிச்சை பெற்று வந்த 10 மாத குழந்தைக்கு கொரோனா வைரஸ் தொற்றி இருப்பது உறுதிப்படுத்தப்பட்டுள்ளது.

குழந்தைக்கு கொரோனா வைரஸ் தொற்றி இருப்பது நேற்றிரவு உறுதிப்படுத்தப்பட்டதாக மருத்துவமனையின் பணிப்பாளர் மருத்துவர் ஜீ.வி.ஜெயசூரிய தெரிவித்துள்ளார்.

மினுவங்கொடையை சேர்ந்த குழந்தைக்கு இவ்வாறு கொரோனா தொற்றியுள்ளது. குழந்தை தற்போது ஐ.டி.எச் மருத்துவமனைக்கு மாற்றப்பட்டுள்ளதாகவும் அவர் கூறியுள்ளார்.

குழந்தையின் தாய் மற்றும் தந்தை ஆகியோர் PCR பரிசோதனைக்கு உட்படுத்தப்பட உள்ளதாகவும் மருத்துவமனையின் பணிப்பாளர் குறிப்பிட்டுள்ளார்.

கொரோனா..

கொரோனா வைரஸ் மூலம் ஆண்களின் விந்தணுக்களின் கரு உற்பத்தியை பாதிக்கும் ஆபத்து ஏற்பட்டுள்ளதுடன் அவர்கள் மலட்டுத்தனமாக மாறக்கூடும் என புதிய ஆய்வொன்றில் தெரியவந்துள்ளது.

கொரோனா வைரஸ் தொற்றியவர்களிடம் நடத்தப்பட்ட பரிசோதனைகளில் அவர்களில் 13 வீதமானவர்களில் விந்தணுக்களில் கொரோனா வைரஸ் இருந்துள்ளமை கண்டுபிடிக்கப்பட்டுள்ளது என ஆய்வுகளை மேற்கொண்ட இஸ்ரேலின் டெல் அவிவ் நகரில் உள்ள உயிரியல் மருத்துவ ஆராய்ச்சி நிலையத்தின் மருத்துவர் டேன் ஹெடர்கா தலைமையிலான மருத்துவக் குழுவினர் தெரிவித்துள்ளனர்.

கொரோனா வைரஸ் காரணமாக விந்தணுக்களின் அளவு, செறிவு மற்றும் இயக்கம் என்பன 50 வீதம் குறைந்துள்ளதாக ஆய்வில் தெரியவந்துள்ளது.

அத்துடன் கொரோனா வைரஸ் தொற்றிய ஆண்கள் அடையாளம் காணப்பட்டு 30 நாட்களில் இந்த 50 வீத குறைவு ஏற்பட்டுள்ளது. கொரோனா வைரஸ் நோயின் மென்மையான தொற்றுக்கு உள்ளானாலும் இந்த ஆபத்து காணப்படுவதாகவும் மருத்துவ ஆய்வாளர்கள் கூறியுள்ளனர்.

இறுதியாக இந்த ஆய்வில் உயிரிழந்த கொரோனா நோயாளிகள் 12 பேரின் பிரேதப் பரிசோதனையில் விந்தணு மற்றும் டெஸ்டோஸ்டேரோனை உற்பத்தி செய்யும் விதைகளிலும் பெரிய மாற்றங்கள் ஏற்பட்டுள்ளமையும் கண்டறியப்பட்டுள்ளது.

முக்கிய அறிவிப்பு…

இலங்கையில் கொரோனா வைரஸ் தொற்று தீவிரம் அடைந்துள்ள நிலையில், பொது மக்கள் பொறுபற்ற வகையில் செயற்படுவதாக சுகாதார பிரிவு எச்சரித்துள்ளது.

கொரோனா வைரஸ் தொடர்ந்தும் பரவுவதனை கட்டுப்படுத்துவதற்காக முகக் கவசம் அணிவது உட்பட உரிய சுகாதார நடைமுறையை கட்டாயம் பின்பற்றுமாறு சுகாதார பிரிவு பொது மக்களிடம் கேட்டுள்ளது.

எனினும் நேற்றைய தினமும் சுகாதார வழிமுறைகளை பின்பற்றாத வகையில் பலர் பொறுப்பற்ற வகையில் செயற்பட்டதை காண முடிந்ததாக தெரிவிக்கப்பட்டுள்ளது.

வீட்டை விட்டு வெளியே செல்வதென்றால் முகக் கவசம் அணிவது கட்டாயமாகும் என குறிப்பிடப்பட்டுள்ளது. கொரோனா தொற்றியவர் இருந்தால் அவரால் இன்னும் ஒருவருக்கு கொரோனா தொற்றாத வகையில் பாதுகாப்பதற்கு முகக் கவசம் அணிவது கட்டாயமாகும் என சுகாதார பிரவு குறிப்பிட்டுள்ளது.

ஒவ்வொருவரும் ஒரு மீற்றர் தூர இடைவெளியை பின்பற்றுவது அவசியமாகும். வைரஸிடம் இருந்து பாதுகாத்துக்கொள்வதற்கு கைகளை சுத்தமாக வைத்திருப்பதற்காக ஒவ்வாரு முறையும் சவர்க்காரம் அல்லது சென்டைஸர் பயன்படுத்தி கழுவுமாறு பொது மக்களிடம் சுகாதார பிரிவு கேட்டுக்கொண்டுள்ளது.

இதற்கு மேலதிகமாக அடிக்கடி கைகளை கண்களில், மூக்கில் அல்லது வாயில் வைப்பதனை தவிர்க்குமாறு கேட்டுக்கொள்ளப்பட்டுள்ளது.

மொனராகலை மெதகம பிரதேசத்தில்…

கொரோனா நோயாளியுடன் பேருந்தில் புதல்வி பயணித்ததால், சந்தேகத்தின் பேரில் மொனராகலை மெதகம பிரதேசத்தில் உள்ள தனது வீட்டில் தனிமைப்படுத்தப்பட்டிருந்த ஒருவர் நேற்று உ யிரிழந்து ள்ளதாக தெரியவருகிறது.

மொனராகலை பொல்கல்ல -வல்கொல்ல பிரதேசத்தை சேர்ந்த 70 வயதான நபரே இவ்வாறு உ யிரிழந்து ள்ளதாக மொனராகலை மருத்துவமனை பொலிஸார் தெரிவித்துள்ளனர்.

கொழும்பில் இருந்து மொனராகலை வரை தனியார் பேருந்தில் பயணித்த பெண்ணொருவருக்கு கொரோனா வைரஸ் தொற்றி இருப்பது கடந்த 4 ஆம் திகதி அடையாளம் காணப்பட்டது.

உ யிரிழந்த நபரின் புதல்வியும் இதே பேருந்தில் பயணித்துள்ளதாக கண்டறியப்பட்டதுடன் பின்னர் சுகாதார அதிகாரிகள், முழு குடும்பத்தையும் அவர்களின் வீட்டில் சுய தனிமைப்படுத்தலுக்கு உட்படுத்தி இருந்தனர்.

இந்த நிலையில் வீட்டில் தனிமைப்பட்டிருந்த 70 வயதான நபருக்கு நேற்றிரவு 7 மணியளவில் திடீர் சுகவீனம் ஏற்பட்டுள்ளதுடன் அவர் மொனராகலை மருத்துவமனையில் அனுமதிக்கப்பட்ட பின்னர் உ யிரிழந்து ள்ளார்.

உ யிரிழ ந்த நபரின் உடலை காலி கராப்பிட்டிய மருத்துவமனைக்கு மாற்ற மொனராகலை மருத்துமனை அதிகாரிகள் தீர்மானித்துள்ளனர். உ யிரிழந்த நபருக்கு கொரோனா வைரஸ் தொற்றியுள்ளதா என்பதை கண்டறிய PCR பரிசோதனை நடத்தவே உடல் காரப்பிட்டிய மருத்துவமனைக்கு கொண்டு செல்லப்பட்டுள்ளது.

கொரோனா வைரஸ்..

இலங்கையில் பண பரிவர்த்தனையின் போது மக்கள் மிகுந்த அவதானத்துடன் செயற்பட வேண்டும் என பிரதி பொலிஸ் மா அதிபர் அஜித் ரோஹன தெரிவித்துள்ளார்.

பண பரிவர்த்தனையின் போது கொரோனா வைரஸ் தொற்று நோய் பரவும் அவதானம் காணப்படுவதாக அவர் சுட்டிக்காட்டியுள்ளார். நாட்டில் தற்போது குறித்த சில பகுதிகளில் கொரோனா வைரஸ் பரவல் அதிகமாக காணப்பட்டாலும், அது அனைத்து மாவட்டங்களுக்கும் பரவும் அபாய நிலை ஏற்பட்டுள்ளதாக பிரதி பொலிஸ் மா அதிபர் குறிப்பிட்டுள்ளார்.

இதேவேளை, கொரோனா தொற்று ஏற்பட்டுள்ளதாக எவருக்கும் சந்தேகம் இருந்தால், அச்சம் கொள்ளாமல் உடனடியாக சுகாதார பிரிவினருக்கு அறிவிக்குமாறு கொரோனா வைரஸ் தொற்று நோய் விஞ்ஞான பிரிவின் விசேட வைத்திய நிபுணர் தெரிவித்துள்ளார்.