சூறாவளி ஏற்படக்கூடிய சாத்தியம்..

தென்கிழக்கு வங்காள விரிகுடா கடற்பரப்புகளிலும் அண்மையாகவுள்ள கடற்பரப்புகளிலும் விருத்தியடைந்த“AMPHAN” என்ற சூறாவளி, பாரிய சூறாவளியாக விருத்தியடைந்து இன்று அதிகாலை 02.30 மணிக்கு திருகோணமலைக்கு வடகிழக்காக மையம் கொண்டுள்ளது.

இது அடுத்த 12 மணித்தியாலங்களில் ஒரு மிகப்பாரிய சூறாவளியாக வலுவடையக்கூடிய சாத்தியம் உள்ளதாக வானிலை மையம் எதிர்வுகூறியுள்ளது. இது அடுத்த 24 மணித்தியாலங்களில் வடக்கு திசையில் நகர்ந்து பின்னர் வடக்கு – வடகிழக்குதிசையில் திரும்பிமே 20ஆம் திகதியளவில் மேற்கு வங்காள கரையை நோக்கி நகரக்கூடும்.

இதன் தாக்கம் காரணமாக நாடுமுழுவதும்,குறிப்பாக நாட்டின் தென்மேற்கு பகுதியில் தற்போது நிலவும் மழையுடனான வானிலை தொடரும் என எதிர்பார்க்கப்படுகின்றது. சில இடங்களில் 150மி.மீக்கும் அதிகமான மிகப்பலத்த மழைவீழ்ச்சி எதிர்பார்க்கப்படுகின்றது.

நாடு முழுவதும் காற்றின் வேகமானது அவ்வப்போது மணித்தியாலத்துக்கு 50-60 கிலோ மீற்றர் வரை அதிகரிக்கக் கூடிய சாத்தியம் காணப்படுகின்றது. தென்,மேல், சப்ரகமுவ,மத்திய மற்றும் வடமேல்மாகாணங்களில் அடுத்த 12 மணித்தியாலங்களில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

சில இடங்களில் 150மி.மீ க்கும்அதிகமான மிகப்பலத்த மழைவீழ்ச்சி எதிர்பார்க்கப்படுகின்றது. வடமத்திய மற்றும் ஊவா மாகாணங்களிலும் மன்னார மாவட்டத்திலும் பல இடங்களில் மழையோ அல்லது இடியுடன் கூடிய மழையோ பெய்யக் கூடிய சாத்தியம் காணப்படுகின்றது.

இடியுடன் கூடிய மழை பெய்யும் வேளைகளில் அப்பிரதேசங்களில் தற்காலிகமாக பலத்த காற்றும் வீசக்கூடும் என்றும் வானிலை மையம் அறிவித்துள்ளது.

கொரோனாவால்..

கொரோனா வைரஸ் பரவல் காரணமாக நாட்டில் தொடர்ந்தும் ஒரு மாதத்திற்கு மேலாக ஊரடங்குச் சட்டம் அமுலில் இருந்து வரும் நிலையில் காற்று மாசுப்படுவது குறைந்துள்ளதாக தெரியவந்துள்ளது.

ஊரடங்குச் சட்டம் காரணமாக வாகனங்கள் பயன்படுத்தப்படுவது குறைந்தமை மற்றும் தொழிற்சாலைகளின் செயற்பாடுகள் குறைந்தமை காரணமாக வளிமண்டலத்தில் மாசு குறைந்துள்ளது என புவிசரிதவியல் மற்றும் தேசிய கட்டிட ஆராய்ச்சி நிறுவனம் தெரிவித்துள்ளது.

இதனடிப்படையில் கொழும்பு மாவட்டத்தில் வளிமண்டலத்தில் 50 வீதமாக மாசு குறைந்துள்ளது என அந்த நிறுவனத்தின் சிரேஷ்ட அறிவியலாளர் சரத் பிரேமசிறி கூறியுள்ளார். கொரோனா வைரஸ் பரவல் காரணமாக எடுக்கப்பட்ட நடவடிக்கைகள் காரணமாக உலக வளிமண்டலத்தில் மாசு மற்றும் காபன்டை ஓக்சைட்டின் அளவு குறைந்துள்ளது.

கடந்த வருடத்துடன் ஒப்பிடும் போது, வளிமண்டலத்தில் வெளிவிடப்படும் காபன்டை ஒக்சைட்டின் அளவு 50 வீதமாக குறைந்துள்ளதாக அமெரிக்காவின் நியூயோர்க்கை சேர்ந்த ஆராய்ச்சியாளர்கள் தெரிவித்துள்ளனர்.

யாழில்..

யாழ்ப்பாணம் கந்தரேடை பகுதியில் இளைஞர் ஒருவர் விபரீத முடிவினால் உயிரிழந்துள்ளார். குறித்த இளைஞர் நீண்டகாலமாக யுவதி ஒருவரை உயிருக்கு உயிராக காதலித்து வந்துள்ளார்.

அந்த யுவதி சில காலத்துக்கு முன்னர் த ற்கொ லை செய்து உயிரிழந்துள்ளார் . அதன் பின்னர் குறித்த இளைஞர் மனமுடைந்து வாழ்ந்து வந்ததாக அப்பகுதி மக்கள் தெரிவிக்கின்றனர்.

இன்நிலையில் நேற்று காலை 7 மணியளவில் குறித்த இளைஞர் வீட்டில் த ற்கொ லை செய்து உயிரிழந்துள்ளார். யாழ் கந்தரோடையைச் சேர்ந்த பாலசிங்கம் சசிகரன் (வயது 26) என்ற இளைஞரே இவ்வாறு உயிரிழந்தவராவார். இச்சம்பவம் தொடர்பாக சுண்ணாகம் பொலிஸார் விசாரனைகளை மேற்கொண்டு வருகின்றனர்

யாழ்ப்பாணத்தில்..

யாழ்ப்பாணத்தில் கணவன் – மனைவிக்கு இடையில் ஏற்பட்ட ச ண்டையில் ம னைவியின் த ங்கையின் மீ து க த்திக் கு த்து மேற்கொள்ளப்பட்டுள்ளது. இந்த சம்பவம் தென்மராட்சி – கொடிகாமம், வெள்ளாம்போக்கட்டி பகுதியில் நேற்று மாலை 6.30 மணியளவில் இடம்பெற்றுள்ளது.

கணவன் – மனைவி இடையிலான வா க்குவாதம் முற்றிய நிலையில் அதனை அவதானித்த மனைவியின் த ங்கை அங்கு சென்று சமரசத்துக்கு முயன்றுள்ளார். அதனை அடுத்து சகோதரியின் கணவன் தான் வைத்திருந்த க த்தியால் கு றித்த பெ ண்ணை கு த்தியுள்ளார்.

சம்பவத்தில் 23 வயதான கந்தசாமி சசிகலா என்ற பெ ண்ணே ப டுகாய மடைந்துள்ளார். கா யம் அடைந்த பெண் யாழ். போதனா வைத்தியசாலையில் அனுமதிக்கப்பட்டுள்ளார்.

அரச மற்றும் தனியார் துறை..

இலங்கையில் கடந்த வாரம் போன்று அடுத்த வாரமும் அரச மற்றும் தனியார் துறைகளின் பணி தொடரும் என அறிவிக்கப்பட்டுள்ளது.

நாளையதினம் முதல் பணிக்காக செல்வதற்கு கோரிக்கைகள் அதிகரித்துள்ளமையினால் அலுவலக ரயில்கள் 19 வரை அதிகரித்துள்ளதாக ரயில்வே திணைக்களம் தெரிவித்துள்ளது.

அவ்வாறான சூழலில் ரயில் ஆசனங்களை ஒதுக்கிக் கொள்வதற்காக விண்ணப்பித்துள்ள பயணிகளின் எண்ணிக்கை 11500 வரை அதிகரித்துள்ளது.

ஊரடங்கு சட்டம் காரணமாக சேவை வழங்குவதனை நிறுத்தியிருந்த மோட்டார் வாகன போக்குவரத்து திணைக்களம், சில கட்டுப்பாடுகளுடன் எதிர்வரும் மே மாதம் 20ஆம் திகதி முதல் மீண்டும் ஆரம்பிக்கவுள்ளதாக இலங்கை போக்குவரத்து திணைக்களம் அறிக்கை ஒன்றை வெளியிட்டுள்ளது.

அதற்கமைய வார நாட்களில் காலை 9 மணி முதல் மாலை 4 மணி வரையிலான காலப்பகுதியினுள் சேவை பெற்றுக் கொள்வதற்காக தொலைபேசியில் அழைத்து நேரம் ஒன்றை ஒதுக்கிக் கொள்ளுமாறு அறிவிக்கப்பட்டுள்ளது.

இன்றைய தினம் நாடு முழுவதும் ஊரடங்கு சட்டம் அமுல்படுத்தப்பட்டுள்ள நிலையில் நாளை காலை 5 மணிக்கு மீண்டும் தளர்த்தப்படவுள்ளமை குறிப்பிடத்தக்கது.

செல்லமணி தனுஷ்சன்..

யாழ்ப்பாணம், உடுவில் மல்வம் பகுதியைச் சேர்ந்த 35 வயதுடைய செல்லமணி தனுஷ்சன் பிரான்சில் அகால மரணமடைந்துள்ளார்.

மதிய உணவை உண்டுவிட்டு, வேலைத்தளம் நோக்கி துவிச்சக்கர வண்டியில் சென்று கொண்டிருந்த நிலையில், பாலத்தில் தவறுதலாக அடிபட்டு வீழ்ந்து உயிரிழந்துள்ளதாக தெரிவிக்கப்படுகிறது.

உயிரிழந்த தனுஷ்சனுக்கு ஒன்பது மாத வயதினையுடைய பெண் குழந்தை ஒன்றும் உள்ளது. மேலதிக விசாரணைகளைப் பொலிஸார் மேற்கொண்டு வருகின்றனர்.

சுரேந்திரன் தம்பிராஜா..

கனடாவில் ஏற்பட்ட விபத்தில் சாரதிக்கு உதவி செய்ய சென்ற யாழ்ப்பாணத்தை சேர்ந்த நபர் பரிதாபமான உயிரிழந்துள்ளார். ஒட்டோவா நகரில் உள்ள Smiths நீர்வீழ்ச்சிக்கு அருகில் விபத்துக்குள்ளாகியிருந்த சாரதி ஒருவருக்கு உதவி செய்ய சென்ற நிலையில் குறித்த இளைஞன் உயிரிழந்துள்ளார்.

Smiths நீர்வீழ்ச்சிக்கு அருகில் வாகனம் மோதுண்டு விபத்துக்குள்ளாகியிருந்த சாரதிக்கு உதவ சென்ற வேளையில் இரும்பு கம்பத்தில் மோதுண்டு கீழே விழுந்து உயிரழந்துள்ளார்.

நேற்று மாலை 5.30 மணியளவில் நெடுஞ்சாலை வீதியில் மூன்று வாகனங்கள் மோதுண்டு விபத்துக்குள்ளாகியுள்ளது. இந்த விபத்தில் சுரேந்திரன் தம்பிராஜா, என்ற 52 வயதுடைய நபரே உயிரிழந்துள்ளார் என ஒன்டாரியோ பொலிஸார் தெரிவித்துள்ளனர்.

தம்பிராஜா விபத்து இடம்பெற்ற வீதியில் பயணித்துள்ளார். இதன் போது விபத்தை அவதானித்து அவர் வாகனத்தை நிறுத்தியுள்ளார். காயமடைந்திருந்த சாரதி ஒருவருக்கு உதவ முயன்ற போதே அவர் உயிரிழந்துள்ளதாக பொலிஸார் குறிப்பிட்டுள்ளார்.

முதலில் விபத்துக்குள்ளாகி காயமடைந்திருந்த சாரதி வைத்தியசாலைக்கு கொண்டு செல்லப்பட்டுள்ளார். விபத்தில் ஒன்றோடு ஒன்று மோதிக் கொண்ட 3 வாகனங்கள் சேதமடைந்துள்ளது. விபத்து தொடர்பில் பொலிஸார் மேலதிக விசாரணைகளை ஆரம்பித்துள்ளதாக குறிப்பிடப்படுகின்றது.

ஒட்டாவா சுரேஷ் என எல்லோராலும் அறியப்பட்ட 5 பிள்ளைகளின் தந்தையான சுரேஷ், யாழ்ப்பாணம் புத்தூரை பிறப்பிடமாகவும், கடந்த 30 வருடங்களுக்கு மேலாக ஒட்டாவாவில் வசித்து வந்தமை குறிப்பிடத்தக்கது.

யாழில்..

வடமராட்சி நெல்லியடியில் திருமணம் செய்து இரண்டு மாதங்களான இளம் பெண் ஒருவர் விபரீத முடிவால் பலியாகியுள்ளதாக தெரியவருகின்றது.

கரவெட்டி நெல்லியடி பகுதியில் ரூபன் கிருஷ்ணசாந்தி என்ற 17 வயது யுவதியே இன்று விபரீத முடிவு எடுத்து உயிரிழந்தார். திருமணம் செய்து இரண்டு மாதங்களாக கணவனுடன் முரண்பட்டுக் கொண்டு இருந்த நிலையில் இந்த விபரீதமான முடிவு எடுத்து உயிரை விட்டுள்ளார் என தெரிகின்றது.

பருத்தித்துறை ஆதார வைத்தியசாலையில் மரண விசாரனைகள் இடம்பெற்றுள்ளது மேலதிக விசாரனைகளை நெல்லியடி பொலிஸார் மேற்கொண்டு வருகின்றனர்.

சிறு விடயங்களுக்கும் விபரீத முடிவுகளை எடுத்து உயிரிழக்கும் சம்பவங்கள் தமிழ் பிரதேசங்களில் தொடர்ச்சியாக இடம் பெற்று வருகின்றமை குறிப்பிடத்தக்கது.