யாழில்..

யாழ்ப்பாணத்தில் கொட்டும் மழையினையும் பொருட்படுத்தாது ம துபானத்தை கொள்வனவு செய்ய பொதுமக்கள் காத்திருந்தனர்.

நாட்டில் ஏற்பட்டுள்ள அசாதாரண சூழ்நிலையின் காரணமாக அனைத்து மதுபான நிலையங்களும் மறு அறிவித்தல் வரை மூடுமாறு உத்தரவிடப்பட்டிருந்தது. இந்நிலையில் நேற்று காலை அரசாங்கத்தினால் ம துபானசாலைகள் திறப்பதற்கு அனுமதி அளிக்கப்பட்டது.

இதனையடுத்து, யாழ். குடாநாட்டில் உள்ள ம துபான நிலையங்களில் ம து பிரியர்கள் ம துபானத்தை கொள்வனவு செய்வதற்காக நீண்ட வரிசையில் காத்திருந்தனர்.

சமூக இடைவெளியினை பின்பற்றி ம துபானத்தை கொள்வனவு செய்வதற்காக ம து பிரியர்கள் நீண்ட வரிசையில் வீதிகளில் நின்று மழைக்கு மத்தியிலும் தமக்கு தேவையான ம துபானத்தினை கொள்வனவு செய்தனர்.

ம துபான நிலையங்களுக்குள் ஒருவர் மட்டுமே சென்று ம துபானத்தை கொள்வனவு செய்ய அனுமதிக்கப்பட்டது. எனினும் ம துப் பிரியர்கள் நீண்ட வரிசையில் காத்திருந்து ம துபானத்தை கொள்வனவு செய்தனர்.

இலங்கை மக்கள்..

உலகின் ஏனைய நாடுகளுக்கு முன்னுதாரணமாக விளங்கும் இலங்கை மக்களின் உபசரிப்பு குறித்து இஸ்ரேலிய பிரஜையான பிரபல ஒளிப்பதிவாளர் Nuseir Yassin காணொளி மூலம் தெரியப்படுத்தியுள்ளார்.

உலகை அ ச்சுறுத்தும் கொரோனா வைரஸ் பரவலிலிருந்து விடுபட முயற்சிக்கும் நாடாக இலங்கை மாறியுள்ளதாக அவர் குறிப்பிட்டுள்ளார். வைரஸ் தாக்கம் காரணமாக முழு இலங்கையும் ஸ்தம்பிதம் அடைந்திருந்தது. இதன் காரணமாக இலங்கை வந்த பெருமளவு சுற்றுலா பயணிகள் பெரிதும் பாதிக்கப்பட்டிருந்தனர்.

பிரபல சுற்றுலா தளமான எல்ல நகரில் பெருமளவு சுற்றுலா பயணிகள் சிக்கியிருந்தனர். அவர் தமது அடிப்படை தேவைகளை கூட பூர்த்தி செய்ய முடியாத நிலை காணப்பட்டது.

எனினும் சுற்றுலா பயணிகள் எதிர்கொள்ளும் சிரமங்கள் குறித்தும் அவற்றை நிவர்த்திக்க எல்ல மக்கள் எடுக்கும் முயற்சிகள் குறித்து Nuseir Yassin பாராட்டியுள்ளார்.

உலகம் வழமைக்கு திரும்பிய பின்னர் இலங்கையர்கள் நன்றியுடன் நினைவுக்கூறப்பட வேண்டும் என அவர் தனது காணொளியின் மூலம் உலகுக்கு செய்தி ஒன்றை வழங்கியுள்ளார்.

இலங்கைக்கு அதிக அளவிலான சுற்றுலா பயணிகள் வருவதன் மூலமாகவே அந்த நன்றி கடனை செலுத்த முடியும் எனவும் அவர் கேட்டுக்கொண்டுள்ளார்.

கடந்த 50 நாட்களுக்கு மேலாக இலங்கை ஸ்தம்பிதம் அடைந்துள்ள நிலையில், சுற்றுலா துறை பெரிதும் பாதிக்கப்பட்டுள்ளமை குறிப்பிடத்தக்கது.

மக்களின் செயற்பாடு..

கொழும்பு மற்றும் கம்பஹா மாவட்ட மக்களின் செய்பாடு வருத்தமளிப்பதாக பிரதி பொலிஸ் மா அதிபர் அஜித் ரோஹன தெரிவித்துள்ளார்.

இரண்டு மாவட்ட மக்களின் வாழ்க்கையை இயல்பு நிலைக்கு கொண்டு வர அறிமுகம் செய்யப்பட்ட வேலைத்திட்டத்தை சரிவர முன்னெடுக்கவில்லை என அவர் சுட்டிக்காட்டியுள்ளார்.

வழங்கப்பட்டுள்ள பரிந்துரைக்கு எதிராக சிலர் செயற்படுவதனை கடந்த சில நாட்களாக காண முடிவதாக அவர் குறிப்பிட்டுள்ளார். தொலைக்காட்சி நிகழ்ச்சி ஒன்றில் கலந்து கொண்டு கருத்து வெளியிடும் போதே அவர் இவ்வாறு குறிப்பிட்டுள்ளார்.

கொரோனா வைரஸ் பரவலை கட்டுப்படுத்துவதற்காக புதிய சட்டத்திட்டங்கள் வர்த்தமானியில் வெளியிடுவதற்கான நடவடிக்கைகள் மேற்கொள்ளப்பட்டுள்ளதாக அவர் மேலும் தெரிவித்துள்ளார்.

இதேவேளை, நாட்டில் கொரோனா வைரஸ் தொற்றினை கட்டுப்படுத்துவதற்கு பின்பற்ற வேண்டிய பல்வேறு ஆலோசனைகள் தயாரிக்கப்பட்டுள்ளதாக குறித்த நிகழ்ச்சியில் கலந்து கொண்ட அரச வைத்திய அதிகாரிகள் சங்கத்தின் தலைவர் அனுருத்த பாதெனியா தெரிவித்துள்ளார்.

-தமிழ்வின்-

ஸ்ரீலங்கன் விமான சேவைகள்..

ஸ்ரீலங்கன் விமான சேவை நிறுவனம் தமது பயணிகள் விமானப் போக்குவரத்து சேவைகளை எதிர்வரும் 31 ஆம் திகதி வரை தொடர்ந்தும் இடைநிறுத்தியுள்ளதாக அறிவித்துள்ளது.

உலகம் முழுவதும் பல நாடுகளில் நடைமுறைப்படுத்தப்பட்டுள்ள சுற்றுலாப் பயணத் தடைகளே இதற்கு காரணம் என அந்த நிறுவனம் கூறியுள்ளது.

எனினும் பொருளாதார செயற்பாடுகள் ஆரம்பிக்கப்பட்ட பின்னர், இதுவரை நடைமுறைப்படுத்தப்பட்டிருந்த பயணத் தடைகள் தளர்த்தப்பட்டுள்ளதால், லண்டன்,டோக்கியோ மற்றும் ஹொங்கொங் நகரங்களுக்கு இடையிலான பயணிகள் விமானப் போக்குவரத்து சேவைகளை ஆரம்பித்துள்ளதாகவும் ஸ்ரீலங்கன் விமான சேவை நிறுவனம் தெரிவித்துள்ளது.

சுற்றுலா ஆலோசனைகளின் கீழ் பயணிக்கக் கூடிய பயணிகளுக்கு வசதிகளை வழங்கும் நோக்கில் இதனை மேற்கொண்டுள்ளதாகவும் அந்த நிறுவனம் கூறியுள்ளது.

கொரோனா..

இலங்கையில் கொரோனா தொற்றுக்குள்ளானோரின் எண்ணிக்கை சடுதியாக அதிகரிப்பு ஏற்பட்டுள்ளதாக சுகாதார துறை வெளியிட்டுள்ள புதிய புள்ளிவிபரங்கள் தெரிவிக்கின்றன.

நேற்றிரவு மேலும் 22 கொரோனா நோயாளர்கள் அடையாளம் காணப்பட்டுள்ளனர். இதனையடுத்து மொத்த நோயாளர்களின் எண்ணிக்கை 915 ஆக அதிகரித்துள்ளது.

நேற்றையதினம் மொத்தமாக 26 நோயாளிகள் அடையாளம் காணப்பட்டனர். இவர்கள் அனைவரும் வெலிசர கடற்படை முகாமிலுள்ள சிப்பாய்கள் என இராணுவ தளபதி சவேந்திர சில்வா தெரிவித்துள்ளார்.

தொற்றாளர்களின் எண்ணிக்கையில் சடுதியான அதிகரிப்பு ஏற்பட்டாலும் கொரோனா நோயிலிருந்து குணமடைந்து வீடு செல்பவர்களின் எண்ணிக்கையில் அதிகரிப்பு நிலை ஏற்பட்டுள்ளது.

இதுவரை 382 பேர் பூரண குணமடைந்து வீடுகளுக்கு சென்றுள்ளனர். 533 பேர் தொடர்ந்தும் வைத்தியசாலைகளில் சிகிச்சை பெற்று வருகின்றனர்.

மிதுன்சங்கர்

மட்டக்களப்பு – களுவாஞ்சிகுடி பொலிஸ் பிரிவுக்குட்பட்ட கோட்டைக்கல்லாறில் நேற்று(13.05.2020) இடம்பெற்ற விபத்தில் இளம் ஊடகவியலாளர் ஒருவர் உயிரிழந்துள்ளார்.

மட்டக்களப்பு, கல்முனை பிரதான வீதியில் கோட்டைக்கல்லாறு நாகதம்பிரான் ஆலயத்துக்கு அருகில் இந்த விபத்து இடம்பெற்றுள்ளது.

மோட்டார் சைக்கிள் ஒன்றுடன் உழவு இயந்திரம் மோதியதன் காரணமாக மோட்டார் சைக்கிளில் பின்புறமாக இருந்த ஊடகவியலாளர் உழவு இயந்திரத்தின் சில்லுகளுக்குள் அகப்பட்டு ஸ்தலத்திலேயே உ யிரிழந்துள்ளார்.

வெளிநாட்டு தமிழ் ஊடகம் ஒன்றில் கடமையாற்றிவரும் திருகோணமலை உட்துறைமுக வீதியைச் சேர்ந்த 21 வயதுடைய ஊடகவியலாளர் மிதுன் என்றழைக்கப்படும்
இரகுநாதன் மிதுன்சங்கர் என்பவரே இவ்வாறு உயிரிழந்துள்ளார்.

குறித்த, ஊடகவியலாளர் மற்றும் அவரது நண்பர்களான இரு ஊடகவியலாளர் உட்பட 4 பேர் இரண்டு மோட்டார் சைக்கிளில் மட்டக்களப்பு வந்தாறுமூலையில் இருந்து கோட்டைக்கல்லாறு பகுதிக்கு சென்றுகொண்டிருந்தனர்.

கோட்டைக்கல்லாறு நாகதம்பிரான் ஆலயத்துக்கு அருகில் மோட்டர் சைக்கிள்களை வீதி ஓரத்தில் நிறுத்திய நிலையில் விலாசம் கேட்டுக்கொண்டிருக்கும்போது பின்னால் வந்த உழவு இயந்திரம் மோட்டர் சைக்கிளில் மீது மோதியுள்ளது.

இதன்போது மோட்டார் சைக்கிளின் பின்பக்கமாக இருந்தவர் உழவு இயந்திரத்தின் சில்லுகளுக்குள் சிக்குண்டு உயிரிழந்துள்ளார். இதன்போது உழவு இயந்திர சாரதி கைது செய்யப்பட்டுள்ளதுடன் இது தொடர்பான மேலதிக விசாரணைகளை களுவாஞ்சிக்குடி பொலிஸார் மேற்கொண்டு வருகின்றனர்.

ஹிருனிகா..

முன்னாள் நாடாளுமன்ற உறுப்பினர் ஹிருனிகா பிரேமசந்திர, புற்று நோயாளிகளுக்கு விக் தயாரிப்பதற்காக தனது தலை முடியை வழங்கியுள்ளார். பெண் புற்று நோயாளிகளுக்கு இவ்வாறு தலை முடியைக் கொண்டு விக் தயாரிக்கப்பட்டு வருகின்றமை குறிப்பிடத்தக்கது.

புற்று நோயானது நோயாளிக்கு மட்டுமன்றி அவரது குடும்பத்தினருக்கும் அன்பிற்குரிய அனைவருக்கும் மிகவும் வேதனையை ஏற்படுத்தும் எனவும் அவர்களின் வலி வேதனை போக்க முடியாவிட்டாலும் ஏதேனும் ஓர் வகையில் உதவ முடியும் எனவும் ஹிருனிகா தெரிவித்துள்ளார்.

எனவே தாம் தனது தலை முடியை, புற்று நோயாளிகளுக்கு வழங்குவதற்கு தீர்மானித்ததாகத் தெரிவித்துள்ளார்.

தங்களது தலை முடியை வெட்டும் யுவதிகள் அவற்றை வீசி எறியாது, இவ்வாறு புற்று நோயாளிகளுக்கு வழங்கினால் அது பயனுள்ளதாக அமையும் என அவர் குறிப்பிட்டுள்ளார். ஹிருனிகா தனது முகநூலில் இது தொடர்பில் பதிவொன்றை இட்டுள்ளார் என்பது குறிப்பிடத்தக்கது.

ராஜித சேனாரட்ன கைது..

முன்னாள் அமைச்சர் டொக்டர் ராஜித சேனாரட்ன குற்றப் புலனாய்வுப் பிரிவில் சரணடைந்துள்ளார். வெள்ளைவான் கடத்தல் சம்பவங்கள் தொடர்பில் ஊடகங்களில் தகவல் வெளியிட்டிருந்த சம்பவம் குறித்தே ராஜிதவை குற்றப் புலனாய்வு பிரிவினர் கைது செய்ய அவரது வீட்டிற்கு சென்றிருந்தனர்.

இவ்வாறான ஓர் பின்னணியில் சற்று முன்னர் ராஜித குற்ற விசாரணைப் பிரிவில் சரணடைந்துள்ளார். இவ்வாறு சரணடைந்த முன்னாள் அமைச்சர் ராஜிதவை குற்றப் புலனாய்வுப் பிரிவினர் கைது செய்துள்ளனர்.

கைது செய்யப்பட்ட ராஜித சேனாரட்ன நீதிமன்றில் முன்னிலைப்படுத்தப்பட உள்ளார்.

சுமந்திரனின் உருவ பொம்மை..

தமிழீழ விடுதலைப்புலிகளின் ஆ யுதப் போ ராட்டம் தொடர்பில் சர்ச்சைக்குரிய கருத்தை தெரிவித்துள்ள தமிழ்த் தேசியக் கூட்டமைப்பின் ஊடகப் பேச்சாளர் எம்.ஏ.சுமந்திரனின் உருவ பொம்மை நல்லூரில் அமைந்துள்ள தியாக தீபம் திலீபனின் நினைவு தூபிக்கு அண்மையில் இனம் தெரியாத நபர்களினால் வைக்கப்பட்டுள்ளது.

அவ்வாறு வைக்கப்பட்டுள்ள உருவ பொம்மைக்கு செருப்பு மாலை அணிவிக்கப்பட்டு உள்ளது. ”நான் ஒரு தமிழ் இன துரோகி” என்ற பதாகையை குறித்த உருவ பொம்மையில் தொங்க விடப்பட்டுள்ளது.

கடந்த சில தினங்களுக்கு முன்னர் சிங்கள ஊடகமொன்றுக்கு கருத்துக்களைத் தெரிவித்திருந்த கூட்டமைப்பின் ஊடகப்பேச்சாளர் ஆ யுதப் போ ராட்டம் தொடர்பில் சர்ச்சைக்குரிய கருத்தை தெரிவித்து இருந்தார்.

இதற்கு அவரது கட்சிக்குள்ளும் வெளியிலும் பல எதிர்ப்புக்கள் வெளியாகியிருந்தமை குறிப்பிடத்தக்கது. இந்நிலையில், குறித்த உருவப் பொம்மையினை யாழ்ப்பாணம் பொலிஸார் சற்றுமுன்னர் வைக்கப்பட்டிருந்த இடத்தில் இருந்து அகற்றியுள்ளனர்.