கர்ப்பிணி பெண்

வேறு சாதி வாலிபரை திருமணம் செய்ததால் ஆத்திரத்தில் கர்ப்பிணி பெண்ணை கொன்று உடலை கால்வாயில் வீசிய சம்பவம் அதிர்ச்சியை ஏற்படுத்தியுள்ளது.

முத்துராஜ் மற்றும் ஜோதி ஆகிய இருவரும் கடந்த 3 ஆண்டுகளாக காதலித்து வருகின்றனர். இவர்களின் காதல் விவகாரம் ஜோதியின் குடும்பத்தினருக்கு தெரியவந்தது. முத்துராஜ் வேறு சாதியை சேர்ந்தவர் என்பதால் ஜோதியின் குடும்பத்தினர் காதலுக்கு கடும் எதிர்ப்பு தெரிவித்தனர். ஆனாலும் ஜோதி தனது காதலில் உறுதியாக இருந்தார்.

இந்நிலையில், வீட்டை விட்டு வெளியேறிய ஜோதி முத்துராஜை திருமணம் செய்து கொண்டார். இதற்கிடையில் ஜோதி கர்ப்பமானார். இந்த நிலையில் முத்துராஜ் மற்றும் அவரது பெற்றோரும் வீட்டைவிட்டு வெளியே சென்று இருந்தனர். ஜோதி மட்டும் வீட்டில் தனியாக இருந்தார்.

இதுபற்றி அறிந்ததும் ஜோதியின் தந்தை கிருஷ்ணய்யா, தாய் வெங்கடலட்சுமம்மா, தாத்தா கோவிந்தய்யா, பாட்டி திருமம்ம ஆகியோர், முத்துராஜின் வீட்டுக்கு சென்று ஜோதியிடம் தகராறு செய்து அவளை வீட்டிலிருந்து கடத்தி சென்றனர்.

பின்னர், ஜோதியின் கழுத்தை துண்டால் இறுக்கி கொலை செய்தனர். மேலும் அவரது உடலை கால்வாயில் வீசிவிட்டு தப்பி சென்று விட்டனர். இதுகுறித்து முத்துராஜ் அளித்த புகாரின்பேரில் கொள்ளேகால் புறநகர் பொலிசார் வழக்குப்பதிவு செய்து உள்ளனர். மேலும் தலைமறைவாக உள்ள 5 பேரையும் தேடிவருகிறார்கள்.

மணமகனுக்கு நேர்ந்த அதிர்ச்சி

இந்தியாவில் திருமணமாகும் நேரத்தில் மணமகனை மர்ம நபர்கள் துப்பாக்கியால் சுட்ட நிலையில், அந்த காயத்துடனேயே மணப்பெண்ணை அவர் திருமணம் செய்து கொண்டுள்ளார்.

புதுடெல்லியை சேர்ந்தவர் படல் (25). இவருக்கும் இளம் பெண் ஒருவருக்கும் நேற்று முன்தினம் திருமணம் நடத்த ஏற்பாடுகள் நடந்தது. திருமணம் நடைபெறும் இடத்துக்கு அருகில் வரவேற்பு நிகழ்ச்சிகள் நடைபெற்று கொண்டிருந்தன. நிகழ்ச்சி முடிவுக்கு வந்த பின்னர் திருமணம் நடக்கவிருந்தது.

அப்போது அங்குள்ளவர்கள் ஆடிபாடி மகிழ்ச்சியாக இருந்தபோது இரண்டு மர்ம நபர்கள் பைக்கில் வந்தனர். பின்னர் மணமகன் படல் தோள்பட்டையை நோக்கி துப்பாக்கியால் சுட்ட அவர்கள் அங்கிருந்து தப்பினர். இதன் பின்னர் கீழே சுருண்டு விழுந்த படலை அங்கிருந்தவர்கள் உடனடியாக மருத்துவமனைக்கு கொண்டு சென்றனர்.

அங்கு அவருக்கு சிகிச்சையளிக்கப்பட்டு காயத்துக்கு கட்டுபோடப்பட்டது. பின்னர் 3 மணி நேரம் கழித்து மீண்டும் திருமணம் நடைபெறும் இடத்துக்கு படல் வந்த நிலையில் அவருக்கு திருமணம் நடைபெற்றது.

சம்பவம் குறித்து பொலிசார் விசாரித்து வரும் நிலையில் தனிப்பட்ட விரோதம் காரணமாக இச்சம்பவம் நடந்திருக்கலாம் என கூறியுள்ளனர். இதனிடையில் முன்னர் ஒரு கொலை முயற்சி வழக்கில் மணமகன் படல் ஈடுபட்டது தெரியவந்துள்ள நிலையில் பொலிசார் தீவிர விசாரணை நடத்தி வருகின்றனர்.

கதறும் தாய்

தமிழகத்தில் கோரத்தாண்டவம் ஆடிய கஜாப்புயலால் பாதிக்கப்பட்ட பகுதிகளில் மீட்பு பணிகள் தொடர்ந்து நடைபெற்று வருகின்றன. கஜா புயலின் தாக்கத்தால் உயிரிழப்புகள், உடமைகளை இழந்து மக்கள் தவித்து வருகின்றனர். இவர்களுக்கு தேவையான நிதியுதவிகளை தமிழக அரசு, சினிமா பிரபலங்கள் மற்றும் பல அமைப்புகள் செய்து கொடுத்துள்ளன.

புயலால் உயிரிழந்தவர்களின் அதிக தாக்கத்தை ஏற்படுத்தியது 14 வயதான பட்டுக்கோட்டை சிறுமி விஜயலட்சுமி. இவர் பூப்படைந்திருந்த காரணத்தால், தனியாக சிறிய குடிசை அமைக்கப்பட்டு தங்கவைக்கப்பட்டிருந்துள்ளார். ஆனால், கோரத்தாண்டவம் ஆடிய புயலில் பெயரி மரணம் ஒன்று இவரது குடிசையின் மீது விழுந்ததில் சிறுமி பரிதாபமாக உயிரிழந்தார்.

இந்நிலையில், நடந்த சம்பவம் குறித்து விஜயலட்சுமி தாய் பானுமதி பகிர்ந்துள்ளார். என் மக்ளை தனியாக தூங்குவதற்கு நாங்கள் அனுமதித்தது கிடையாது. ஆனால், வயதுக்கு வந்துவிட்டாள் சடங்குகள் செய்வதை வரை நாங்கள் வீட்டுக்குள் அனுமதிக்க மாட்டோம்.

இதனால், எனது மகளுக்கு தனியா குடிசை அமைக்கப்பட்டு, அவள் அதில் தங்கினாள். அவளுக்கு துணையாக நானும் எனது அம்மாவும் அவளுடன் சென்று படுத்துக்கொண்டோம். சம்பவம் நடைபெற்ற அன்று, குடிசை மீது சாய்ந்த மரம் என் மகளின் நெஞ்சு பகுதியில் விழுந்தது.

வாயில் ரத்தத்துடன் நான் செத்திருவேன் மா சொல்லிவிட்டு அவள் இறந்துவிட்டாள். மரம் விழுந்த சமயத்தில் விஜயலட்சுமியின் நெஞ்சில் பலத்த காயம் ஏற்பட்டது. பானுமதியின் இடது கால் மீது மரத்தின் மற்றொரு பாகம் விழுந்ததால் வலி தாங்க முடியாமல் கதறினாள்.

என் அம்மா மட்டும் தப்பித்தார். அவர் சிரமப்பட்டு வெளியேறி தென்னந்தோப்பிற்கு அருகில் இருந்தவர்களை கூட்டிவர சென்றார். என் கணவரும் முடிந்தவரை மரத்தை இழுத்துப்பார்த்தார். முடியாமல் பதறினார். ஆனால், நான் என் மகள் துடிதுடித்து இறப்பதை பார்த்தபடியே ஒரு மணி நேரம் அவளோடு இருந்தேன்.

என் மகளை அடக்கம் செய்வதற்கு முன்பு அவள் முகத்தைக் கூட பார்க்கமுடியவில்லை. இறுதியாக அவள் உயிர் போகும் நேரத்தில் வாயில் ரத்தத்துடன் அம்மா என்று அழைத்ததும், நான் சாகப்போகிறேன்மா என்று சொன்ன வார்த்தைகளும் மட்டுமே என் கண்களில் வந்துபோகின்றன.இந்த நினைவுகளை சுமந்துகொண்டு எப்படி வாழ்வேன் என தெரியவில்லை என கண்ணீர் சிந்துகிறார் பானுமதி.

நாக்கை வெட்டிய கணவன்

இந்தியாவில் வரதட்சணை கேட்ட போது எதிர்த்து பேசியதால் மனைவியின் நாக்கை கணவரே வெட்டிய சம்பவம் அதிர்ச்சியை ஏற்படுத்தியுள்ளது.

உத்திரபிரதேசம் மாநிலம் கான்பூரைச் சேர்ந்தவர் ஆகாஷ். இவர் திருமணமானதில் இருந்து தனது மனைவியை வரதட்சணை கேட்டு துன்புறுத்தி வந்தார். இதனால் பொறுமை இழந்த அவரது மனைவி, கடந்த 6ம் திகதி ஆகாஷுடன் வாக்குவாதத்தில் ஈடுபட்டுள்ளார்.

தனால் ஆத்திரமடைந்த ஆகாஷ், தன்னை எதிர்த்துப் பேசியதாக மனைவியின் நாக்கை வெட்டியுள்ளார். இந்த சம்பவம் வெளியில் தெரிந்து விடாமல் இருக்க, அவரை வீட்டில் வைத்துப் பூட்டியுள்ளார்.

ஒருவழியாக ஆகாஷிடம் இருந்து தப்பி வந்த அவரது மனைவி தனக்கு நேர்ந்த கொடுமை குறித்து தன் பிறந்த வீட்டில் தெரிவித்துள்ளார். பின்னர் பெற்றோர் உதவியுடன் பொலிஸ் புகார் அளித்துள்ளார். ஆனால் ஆகாஷின் தந்தையும் பொலிஸ் அதிகாரி என்பதால் அவர் மீது வழக்கு பதிவு செய்யாமல் அலைகழிக்கப்பட்டனர். இதனால் இந்த விவகாரத்தை மாவட்ட காவல்துறை கண்காணிப்பாளர் கவனத்திற்கு கொண்டு சென்றனர்.

இது தொடர்பாக விரைவில் நடவடிக்கை எடுக்கப்படும் என அவர் உறுதி அளித்திருப்பதாக, பாதிக்கப்பட்ட பெண்ணின் உறவினர்கள் தெரிவித்துள்ளனர்.

இளம்பெண் கொலை

என் மகள் உடம்பெல்லாம் காயங்கள் இருக்கு.. அவள் சாவிலும் மர்மம் உள்ளது” என்று பெண்ணின் தகப்பன் போலீசில் புகார் செய்த சம்பவம் பெரும் பரபரப்பை ஏற்படுத்தியுள்ளது.

காசிமேட்டை சேர்ந்தவர் ஜெகநாதன் என்பவர் தனது மகள் ஜெயஸ்ரீயை பார்த்தசாரதி என்கிற சரவணனுக்கு 2016-ல் கல்யாணம் செய்து கொடுத்துள்ளார். மாப்பிள்ளை சரவணன் ஒரு நகைக்கடையில் வேலை பார்க்கிறார். கல்யாணம் ஆனதிலிருந்தே வரதட்சணை பிரச்சனை ஆரம்பமாகியுள்ளது.

இதனால் ஜெயஸ்ரீ மாமியார் வீட்டில் நிறைய கஷ்டங்களை அனுபவித்ததாக கூறுகிறார்கள். சென்ற வருடம் ஜெயஸ்ரீக்கு ஒரு ஆண் குழந்தை பிறந்து உடனே இறந்தும் விட்டது. இதனால் ஜெயஸ்ரீ கடுமையான மன உளைச்சலுக்கு ஆளாகியுள்ளார்.

ஒரு கட்டத்தில் பொறுக்க முடியாமல் அம்மா வீட்டுக்கு ஜெயஸ்ரீ கிளம்பி வந்துவிட்டார். ஆனாலும் பெற்றோர் அவருக்கு புத்தி சொல்லி, தனிக்குடித்தனத்திற்கு ஏற்பாடு செய்து கொடுத்தனர்.

இந்நிலையில் ஜெயஸ்ரீக்கு 13 நாட்களுக்கு முன்பு மீண்டும் ஒரு ஆண் குழந்தை பிறந்தது. இருப்பினும் ஆனாலும் வரதட்சணை தகராறு வலுத்து கொண்டே சென்றுள்ளது. ஓர் நாள் ஜெயஸ்ரீ தன் அப்பாவிடம் போன் செய்து நடந்தவற்றை கூறி அழுதுள்ளார்.

இதனால் மனம் நொந்த ஜெயஸ்ரீ அப்பா, ஜெயஸ்ரீயை நேரில் பார்த்து, தன்னுடன் வந்துவிடுமாறு கூப்பிட்டார். “எனக்கு சில பிரச்சனைகள் இருக்கு. அதை முடிச்சிட்டு நானே வர்றேன்” என்று சொல்லி திருப்பி அனுப்பி விட்டார் ஜெயஸ்ரீ.

மகள் இப்படி சொல்லிவிட்டால் என்று மறுபடியும் போனில் பேச நினைத்து மகளை அழைத்தார். ஜெயஸ்ரீ செல்போன் சுவிட்ச் ஆப்பில் இருந்தது. அதனால் மாப்பிள்ளைக்கு போன் செய்தார் ஜெயஸ்ரீ அப்பா.

அதற்கு மாப்பிள்ளை, “உங்க பொண்ணு கதவை பூட்டிக்கிட்டு திறக்கவே மாட்டேங்கிறாள், நேத்து தூக்க மாத்திரை நிறைய சாப்பிட்டு விட்டாள்” என்று சொல்லவும் அப்பா பதறி கொண்டு ஓடிவந்தார். வீட்டிற்குள் வந்து பார்த்தால் மகள் தூக்கில் பிணமாக தொங்கி கொண்டு இருந்தார்.

13 நாள் பச்சிளம் சிசு பக்கத்திலேயே அழுதுகொண்டிருந்தது. உடனடியாக மகளை தூக்கிக் கொண்டு ஸ்டான்லி ஆஸ்பத்திரிக்கு கொண்டு போயும், காப்பாற்ற முடியவில்லை. ஜெயஸ்ரீ இறந்துவிடவும் அவரது சொந்தக்காரர்கள் எல்லாம் காசிமேட்டு போலீஸ் ஸ்டேஷன் முன்பு கூடிவிட்டார்கள்.

ஜெயஸ்ரீ மரணத்திற்கு காரணம் வரதட்சணை கொடுமை தான் காரணம் என்று கூறப்படுகின்றது. இதனிடையே, ஜெயஸ்ரீ அப்பாவும், “எனது மகளின் உடம்பில் காயங்கள் உள்ளன எனவும் மாமனார், மாமியார், புருஷன் மூவருமே அடித்து துன்புறுத்தி அவளை கொலையே செய்து விட்டனர் என்றும் தற்கொலை என்று டிராமா செய்வதால், அவர்கள் மீது நடவடிக்கை எடுக்க வேண்டும் என்றும் புகார் அளித்தார். இதுகுறித்து மேலதிக விசாரணைகளை பொலிசார் மேற்கொண்டு வருகின்றனர்.

உத்திரபிரதேசத்தில் 4 வருடமாக கர்பமடையாத மனைவியை மாடியிலிருந்து தள்ளி கொலை செய்ய முயற்சித்த கணவன் கைது செய்யப்பட்டுள்ளார். உத்திரப்பிரதேச மாநிலம் மொரதாபாத் பகுதியை சேர்ந்த நபர் 4 வருடமாக தாய்மை அடையாத தன்னுடைய மனைவியை 2-வது மாடியிலிருந்து தள்ளிவிட்டு கொலை செய்ய முயற்சித்துள்ளார்.

இதனை பார்த்த பக்கத்து வீட்டார் உடனடியாக பொலிஸாருக்கு தகவல் கொடுத்தனர். இதனையடுத்து சம்பவ இடத்திற்கு வந்த பொலிஸார், கை மற்றும் கால் பகுதியில் பலத்த காயமடைந்த பெண்ணை மீட்டு மருத்துவமனைக்கு அனுப்பி வைத்தனர். பின்னர் குற்றவாளியை கைது செய்த பொலிஸார் வீட்டில் சோதனை செய்யும் போது, 4 கைதுப்பாக்கிகள் இருப்பதை பார்த்து அதிர்ச்சியடைந்துள்ளனர்.

அவற்றை கைப்பற்றிய பொலிஸார், சம்பவம் குறித்து விசாரணை மேற்கொண்டதில், பல மாதங்களாக மனைவியிடம் வரதட்சணை கேட்டு கொடுமைப்படுத்தி வந்தது தெரியவந்தது.சம்பவம் நடைபெற்ற அன்று துப்பாக்கியை கொண்டு மிரட்டியுள்ளார். பின்னர் துப்பாக்கியின் பின் பகுதியை வைத்து மனைவியின் தலையில் ஓங்கி அடித்து ஜன்னல் வழியாக வெளியில் தள்ளிவிட்டது தெரியவந்துள்ளது.

பதறவைக்கும் சம்பவம்

புதுச்சேரியில் முகத்தில் பெருக்கல் குறியிட்டும், தலையில் வட்டமிட்டும் தம்பதி கொலை செய்யப்பட்டிருப்பது அதிர்ச்சியை ஏற்படுத்தியுள்ளது. புதுச்சேரி அண்ணா நகரைச் சேர்ந்தவர்கள் பாலகிருஷ்ணன் (72). இவரின் மனைவி ஹேமலதா (65). பிரெஞ்சு குடியுரிமை பெற்றிருக்கும் இவர்களுக்கு இரண்டு மகன்கள் மற்றும் ஒரு மகள் இருக்கின்றனர்.

பிள்ளைகள் அனைவரும் பிரான்ஸ் நாட்டில் இருக்கும் நிலையில் பாலகிருஷ்ணனும் அவரின் மனைவியும் அடுக்குமாடி வீட்டின் தரை தளத்தில் தனியாக வசித்து வந்திருக்கின்றனர். தினமும் காலையில் நண்பர் ஒருவருடன் பாலகிருஷ்ணன் வாக்கிங் செல்வார்.

அப்படி இன்று காலை அவர் வீட்டுக்கு நண்பர் சென்ற நிலையில் காலிங் பெல் அடித்தும் அவர் வெளியில் வரவில்லை. பின்னர் நண்பர் வீட்டுக்குள் சென்று படுக்கையறையில் பார்த்த போது கட்டிலில் பாலகிருஷ்ணனும் அவரின் மனைவியும் கட்டிலின் இருபுறமும் இறந்து கிடந்ததைக் கண்டு அதிர்ச்சியடைந்த அவர், உடனடியாக பொலிசாருக்கு தகவல் கொடுத்தார்.

சம்பவ இடத்துக்கு வந்து பொலிசார் ஆய்வு செய்தனர். வீட்டில் நகைகளும், வெள்ளிப் பாத்திரங்களும் அப்படியே இருப்பதால் அவைகளுக்காக கொலை நடந்ததாகத் தெரியவில்லை. அதேசமயம் வீட்டில் பல்வேறு இடங்களையும் அலசித் தேடிப் பார்த்தற்கான அடையாளங்கள் தெரிவதால் வேறு ஏதேனும் ஆவணங்களுக்காக கொலை நடந்திருக்கலாம் என பொலிசார் சந்தேகின்றனர்.

ஹேமலதாவை அவர்கள் தலையணை வைத்துக் கொலை செய்துள்ளனர். ஆனால், பாலகிருஷ்ணனை அவர்கள் அடித்து கொடுமைப்படுத்தியதற்கான அடையாளங்கள் உள்ளது அதேபோல பாலகிருஷ்ணன், தன் மனைவி மற்றும் மகன்கள், மருமகளுடன் எடுத்த குரூப் போட்டோ ஒன்று லேமினேட் செய்யப்பட்டிருந்தது.

அதை எடுத்து பாலகிருஷ்ணன் மற்றும் அவரின் மனைவி ஹேமலதா முகத்தில் பென்சிலால் பெருக்கல் குறியும், அவர்கள் பின்னால் நின்றிருக்கும் பெண்ணின் தலையில் வட்டமிட்டும், மற்றவர்கள் முகத்தில் டிக்கும் அடிக்கப்பட்டிருக்கிறது. அதனால் பழி வாங்கும் நோக்கத்தில் அரங்கேற்றப்பட்ட கொலையா என்றும் விசாரிக்கப்பட்டு வருகிறது.