இலங்கைக்கு மேலாக காணப்படுகின்ற தாழமுக்கமானது தற்போது மேற்குத் திசையில் நகர்ந்து கொண்டிருப்பதால் மழையுடனான காலநிலையில் நாளை முதல் மாற்றம் ஏற்படலாம் என எதிர்வு கூறப்படுகின்றது.

தாழமுக்கமானது எதிர்வரும் 9 ஆம் திகதி தென்கிழக்கு வங்காளவிரிகுடா கடல் பிராந்தியத்தில் அந்தமான் தீவிற்கு அண்மையில் உருவாகும் சாத்தியமுள்ளதாக வானிலை அவதான நிலையத்தின் மட்டக்களப்பு மாவட்ட நிலையப் பொறுப்பத்திகாரி கே.சூரியகுமாரன் தெரிவித்துள்ளார்.

இந்நிலையில் மட்டக்களப்பு மாவட்டத்தில் பரவலாக தொடர்ந்த மழை பெய்து வருகின்றது.

இதனால் பல கிராமங்களிலுள்ள உள்வீதிகள் மழை நீரில் மூழ்கியுள்ளதோடு, உள்ளுர் போக்குவரத்துக்களிலும் பாதிப்பு ஏற்பட்டுள்ளன.

இவற்றைவிட அண்மைக்காலமாக மழையின்றி காய்ந்து வரண்டுபோய் கிடந்த சிறிய குழங்கள் மழை நீரில் நிரம்பியுள்ளதுடன், வாய்க்கால்கள், குட்டைகள், ஏரிகளும், நிரம்பிக்காணப்படுகின்றன.

இதேவேளை, இவ்வாறான சூழலில் பொது மக்கள் மற்றும் வாகன சாரதிகள் மிக அவதானத்துடன் இருக்குமாறும் எச்சரிக்கை விடுக்கப்பட்டுள்ளது.

முல்லைத்தீவில் அமெரிக்கா உள்ளிட்ட வெளிநாட்டு பயணிகளின் வருகை அண்மைய நாட்களாக அதிகரித்து காணப்படுவதாக தெரிவிக்கப்பட்டுள்ளது.

தற்போது ஏற்பட்டுள்ள அரசியல் குழப்பநிலைகளுக்கு மத்தியில் இலங்கையின் இயற்கையை ரசிக்க பல்வேறு பகுதிகளில் இருந்தும் சுற்றுலாப்பயணிகள் வருகைத்தருகின்றனர்.

மேலும், இலங்கையில் ஏற்பட்டுள்ள அரசியல் மாற்றத்தினால் கொழும்பு உள்ளிட்ட பல பகுதிகளில் போராட்டம் நடைபெற்று வருகின்றது.

இந்நிலையில், அமெரிக்கா மற்றும் பிரித்தானியா உள்ளிட்ட நாடுகள் தனது நாட்டு பயணிகளுக்கு பயண எச்சரிக்கை விடுத்திருந்தது.

எனினும், முல்லைத்தீவுக்கு வழமையான நாட்களை விட தற்போது அதிகளவான வெளிநாட்டு சுற்றுலா பயணிகள் வருகைத் தருகின்றமை குறிப்பிடத்தக்கது.

காலி கிரிக்கெட் மைதானத்தில் இடம்பெற்று வரும் போட்டியில் நிர்வாணமாக நுழைந்த நபரினால் பதற்ற நிலை ஏற்பட்டுள்ளது.

இலங்கை – இங்கிலாந்து அணிகளுக்கு இடையிலான முதலாவது டெஸ்ட் கிரிக்கெட் போட்டி நடைபெற்று வருகிறது.

போட்டியின் இரண்டாவது நாளான நேற்று, ஓய்வு நேரத்தில் வெளிநாட்டு கிரிக்கெட் ரசிகர்கள் திடீரென மைதானத்திற்குள் நுழைந்துள்ளார்.

இதன்போது நிர்வாணமாக மைதானத்திற்குள் நுழைந்த நபர் அட்டகாசத்தில் ஈடுபட்டுள்ளார். குறித்த நபரை பிடிப்பதற்கு பலர் தீவிர முயற்சிகளில் ஈடுபட்டுள்ளனர்.

எனினும் அவர் மைதானத்திற்குள் குழப்பம் விளைவித்துள்ளார். பலத்த முயற்சியின் பின்னர் பொலிஸார் அவரை கைது செய்துள்ளனர்.

என்னால் மகிந்தவிற்காக சேலை கட்டிக் கொண்டு நாடாளுமன்றில் அமர முடியாது என நாடாளுமன்ற உறுப்பினர் குமார வெல்கம தெரிவித்துள்ளார். கொழும்பில் நேற்று இடம்பெற்ற ஊடக சந்திப்பில் கருத்து வெளியிடும் போதே அவர் இவ்வாறு கூறியுள்ளார்.

மகிந்த மூன்றில் இரண்டு பெரும்பான்மை பெற ஆதரவு கொடுப்பேன். ஆனாலும் என்னால் சேலையைக் கட்டிக்கொண்டு நாடாளுமன்றில் அமர முடியாது.

அந்த அணியுடனும் அமர மாட்டேன். நாடாளுமன்றில் சுயாதீனமாக செயற்படுவேன். பெரும்பான்மையினை நிரூபித்தாலும் நான் அவரது அமைச்சில் அமைச்சர் பதவியினை ஏற்கமாட்டேன்.

இந்த நாட்டில் இப்போது இரண்டு பிரதமர்கள். ஒருவர் பிரதமர் அலுவலகத்தில் இருக்கிறார். ஒருவர் பிரதமரின் வாசஸ்த்தலமான அலரி மாளிகையில் இருக்கிறார். இதனால் மக்கள் குழப்பமடைந்துள்ளனர்.

யார் இவர்களில் சரியான பிரதமர். எமது தலைவர் மகிந்த பிரதமராகியதற்காக நான் மகிழ்ச்சியடைகிறேன். ஆனாலும் இந்த பிரச்சினையை இதனைவிடவும் சிறப்பான வழியில் தீர்த்திருக்க முடியும்.

நான் ஒருபோதும், கட்சித் தாவமாட்டேன். மகிந்தவிற்கு 113 உறுப்பினர்களின் ஆதரவு இருக்கிறது. அதனைக் காண்பித்தால் பிரச்சினைத் தீர்ந்து விடும் என்றும் நாடாளுமன்ற உறுப்பினர் குமார வெல்கம குறிப்பிட்டுள்ளார்.

பதவி கவிழ்க்கப்பட்ட முன்னாள் பிரதமர் தங்கியுள்ள அலரி மாளிகையின் தற்போதைய நிலைமை குறித்து மஹிந்த தரப்பினர் பெரும் அதிர்ச்சி அடைந்துள்ளதாக தெரிவிக்கப்படுகிறது.

ஐக்கிய தேசிய கட்சியின் தலைவர், பிரதமர் பதவியில் இருந்து நீக்கப்பட்டதன் பின்னர் அலரி மாளிகையில் கட்சி உறுப்பினர்கள் மற்றும் ஆதரவாளர்கள் தங்கியுள்ளனர்.

புதிய பிரதமரை ஜனாதிபதி நியமித்தாலும், தானே இன்றும் உத்தியோகபூர்வ பிரதமர் என அறிவித்துள்ள ரணில் விக்ரமசிங்க, தொடந்தும் அலரி மாளிகையில் தங்கியுள்ளார்.

அலரி மாளிகைக்குள் இருப்பவர்கள் இரவில் பாடல் பாடி, நடனமாடி நேரத்தை செலவழித்து வருவதாக தகவல் வெளியாகியுள்ளது.

ஐக்கிய தேசிய கட்சியின் மக்கள் ஆர்ப்பாட்டம் இடம்பெற்ற தினத்தன்று, ஐக்கிய தேசிய கட்சியின் ஆதரவாளர்கள் மகிழ்ச்சியாக நேரத்தை கழித்த காணொளி இணையத்தில் வெளியாகியுள்ளது.

அங்கு முன்னாள் பிரதி அமைச்சர் அஜித் பீ பெரேரா தங்கள் கட்சிக்காரர்களுடன் பாடல் பாடி நடனமாடுவதனை காண முடிந்துள்ளது.

பெரும்பான்மை பலத்தை இழந்துள்ள ரணில் தோல்வியை நெருக்கி விட்டார் என புதிய பிரதமரான மஹிந்த ராஜபக்ஷவின் தரப்பினர் தெரிவித்து வருகின்றனர்.

எனினும் அலரி மாளிகையில் மிகவும் சந்தோஷமான முறையில் ஐக்கிய தேசிய கட்சியின் நாடாளுமன்ற உறுப்பினர்கள் மிகவும் மகிழ்ச்சியாக இருப்பது குறித்து மஹிந்த தரப்பினர்அச்சம் அடைந்துள்ளதாக கொழும்புத் தகவல்கள் தெரிவிக்கின்றன.

நாடாளுமன்றத்தை கூட்டும் தினத்தில் நிலையான அரசாங்கம் ஒன்றை உருவாக்குவது தொடர்பில் பெரும்பான்மையான உறுப்பினர்களின் கருத்தை வெளிப்படுத்த வேண்டும் என சபாநாயகர் கரு ஜயசூரிய தெரிவித்துள்ளார்.

எதிர்வரும் 14ஆம் திகதி நாடாளுமன்றம் கூடிய பின்னர் முரண்பாடுகளை கைவிட்டு நிலையான அரசாங்கத்தை உருவாக்குவதற்கு உள்ள வாய்ப்பு தொடர்பில் உறுப்பினர்களின் கருத்தை அறிவிக்க சந்தர்ப்பம் வழங்க வேண்டும் என சபாநாயகர் குறிப்பிட்டுள்ளார்.

இன்று நாடாளுமன்றத்தில் இடம்பெற்ற பிரதிநிதிகளின் உத்தியோகபூர்வமற்ற கலந்துரையாடல் தொடர்பில் சபாநாயகரின் ஊடக பிரிவு வெளியிட்ட அறிக்கையில் இந்த விடயம் குறிப்பிடப்பட்டுள்ளது.

நாடாளுமன்றத்தின் செயலாளரினால் ஜனாதிபதியின் அழைப்பு உத்தரவு சபையில் வாசித்த பின்னர் அந்த நாளின் வேலை நடவடிக்கைகளை நிறைவு செய்து அன்றைய நாளுக்கு சபையை ஒத்தி வைப்பதே அரசாங்கத்தின் நிகழ்ச்சி நிரலில் உள்ள நிலைப்பாடாகும்.

ஏனைய கட்சிகளின் பிரதிநிதிகள் அந்த கருத்திற்கு எதிர்கருத்து வெளியிட்டுள்ளனர். இந்நிலையில், அன்றைய தினத்திற்கான வேலைத்திட்டத்திற்கு மேலதிகமாக நிலையான அரசாங்கத்தின் பெரும்பான்மை கருத்தை நாடாளுமன்றத்தில் வினவ வேண்டும் என ஏனைய கட்சியினர் தெரிவித்துள்ளனர்.

இரண்டு தரப்பின் கருத்திற்கும் அவதானம் செலுத்திய சபாநாயகர், எதிர்வரும் 14ஆம் திகதி நாடாளுமன்றம் கூடிய பின்னர் நிலையான உத்தரவை கைவிட்டு நிலையான அரசாங்கத்தை உருவாக்குவதற்கு உள்ள வாய்ப்பு தொடர்பில் பெரும்பான்மையான நாடாளுமன்ற உறுப்பினர்களின் கருத்தை அறிவிக்க சந்தர்ப்பம் வழங்க வேண்டும் என சபாநாயகர் குறிப்பிட்டுள்ளார்

எதிர்வரும் 14 ஆம் திகதிக்கு முன்னர் நாடாளுமன்றம் கூட்டப்படாது எனவும் 14ஆம் திகதி நாடாளுமன்றம் கூடிய பின்னர் அன்றைய தினமே நாடாளுமன்றம் ஒத்திவைக்கப்படும் எனவும் ஐக்கிய மக்கள் சுதந்திர முன்னணியின் நாடாளுமன்ற உறுப்பினர் லக்ஷ்மன் யாப்பா அபேவர்தன தெரிவித்துள்ளார்.

பிரதமர் செயலகத்தில் இன்று நடைபெற்ற ஊடகவியலாளர் சந்திப்பில் அவர் இதனை கூறியுள்ளார்.

எதிர்வரும் 14ஆம் திகதி ஜனாதிபதி மைத்திரிபால சிறிசேனவின் கொள்கை விளக்க உரை மாத்திரமே நாடாளுமன்றத்தில் நடக்கும்.

நாடாளுமன்றம் கூடிய பின்னர் நடைபெறும் கட்சித் தலைவர்களின் கூட்டத்தில் அடுத்த கட்ட நடவடிக்கைகள் குறித்து தீர்மானிக்கப்படும்.

எதிர்வரும் 14ஆம் திகதியின் பின்னர் இரண்டு வாரங்களில் இந்த அரசியல் நெருக்கடி முடிவுக்கு வரும் எனவும் லக்ஷ்மன் யாப்பா அபேவர்தன குறிப்பிட்டுள்ளார்.

இதேவேளை வெளிநாடு சென்றுள்ள நாடாளுமன்ற உறுப்பினர்கள் நாடு திரும்பி வருவதாகவும் லசந்த அழகியவண்ண மற்றும் வீரகுமார திஸாநாயக்க ஆகியோருக்கு அமைச்சு பதவிகள் வழங்கப்படும் எனவும் அபேவர்தன கூறியுள்ளார்.

நண்பனின் பிறந்த நாள் விழாவிற்குச் சென்று நீரில் மூழ்கி பாடசலை மணவன் ஒருவர் நேற்று மலை உயிரிழந்துள்ளார்.

குளியாப்பிட்டி, பன்னல- அலபடகம பிரதேசத்தைச் சேர்ந்த 18 வயதான சானுக ஜயசிங்க என்ற பாடசலை மாணவனே இவ்வாறு உயிரிழந்துள்ளார்.

குறித்த மாணவன் தனது பாடசாலை நண்பனின் பிறந்தநாள் விழாவில் கலந்து கொள்தவற்காக குளியாப்பிட்டிய வல்பிடிகாம பிரதேசத்தில் அமைந்துள்ள ஹொட்டலுக்கு சென்றதாக தெரிவிக்கப்படுகிறது.

அங்கிருந்த நீச்சல் குளத்தில் குறித்த மாணவன் ஏனைய மாணவர்களுடன் குளித்துக் கொண்டிருந்துள்ளார்.

பின்னர் அவர்கள் அதே இடத்தில் உள்ள சேற்று ஏரியில் குளிக்க போயிருந்ததாக தெரியவந்துள்ளது. அங்கு குறித்த மாணவன் சேற்றில் விழுந்து மூழ்கியுள்ளார்.

பின்னர் நண்பர்கள் ஹொட்டல் நிர்வாகத்திற்கு அறிவித்ததையடுத்து, பிரதேசவாசிகள் ஒன்றிணைந்து நீரில் மூழ்கிய மாணவனை தேடி கண்டு பிடித்ததாக தெரிவிக்கப்படுகிறது.

இறந்த மாணவரின் உடல் குளியாப்பிட்டிய ஆதார வைத்தியசலை பிரேத அறையில் வைக்கப்பட்டுள்ளதுடன், மரண பரிசோதனையின் பின்னர் சடலம் உறவினர்களுக்கு ஒப்படைக்கப்படும் என பொலிஸார் குறிப்பிட்டனர்.