ஒடிசாவில் காளி தெய்வத்திற்கு 9 வயது சிறுவனை நரபலி கொடுத்துள்ள சம்பவம் பெரும் அதிர்ச்சியை ஏற்படுத்தியுள்ளது.

ஒடிசா மாநிலம் பாலங்கீரில் பகுதியை சேர்ந்த 9 வயது சிறுவன் கன்ஷ்யாம், கடந்த 13ம் தேதி மயமாகிவிட்டதாக பொலிஸாரிடத்தில் சிறுவனின் பெற்றோர் புகார் அளித்தனர்.

அதன் பேரில் வழக்கு பதிவு செய்து விசாரணை மேற்கொண்ட பொலிஸார், 3 நாட்கள் கழித்து அப்பகுதியிலிருந்து 5 கிமீ தூரத்தில் உள்ள காட்டுப்பகுதியில், தலை துண்டிக்கப்பட்ட நிலையில் சிறுவனின் சடலத்தை கண்டறிந்தனர். மற்றொரு பகுதியில் சிறுவனின் தலையை கண்டுபிடித்தனர்.

இதுகுறித்து தீவிரமான விசாரணை மேற்கொண்டதில் சிறுவனின் மாமா குஞ்ஜா ரானா மற்றும் உறவினர் ஷோபபான் ஆகிய இருவரும் சிறுவனை இருசக்கர வாகனத்தில் ஏற்றி சென்றது தெரியவந்தது.

இதனையடுத்து இருவரையும் கைது செய்த பொலிஸார் அவர்களிடம் மேற்கொண்ட விசாரணையில், நவராத்ரி அன்று காளி தெய்வத்திற்கு நரபலி கொடுத்தால் நல்லது என நினைத்தோம்.

எங்களுடைய இருசக்கர வாகனத்தில் சிறுவனை ஏற்றிக்கொண்டு காட்டுப்பகுதிக்கு சென்று கழுத்தை அறுத்து நரபலி கொடுத்தோம் என கூறியுள்ளனர்.

சேலம் மாவட்டத்தில் 8 ஆம் வகுப்பு படித்து வரும் ராஜலட்சுமி என்ற 14 வயது சிறுமியை திருமணமாகி 2 குழந்தைகள் இருக்கும் கார்த்திக் என்பவர் ஒருதலையாக காதலித்து வந்துள்ளார்.

மாணவியின் தலையை துண்டித்து ரோட்டில் வைத்துவிட்டு தப்பி ஓட முயன்ற அவரை பிடித்து பொது மக்கள் போலீசில் ஒப்படைத்தனர். பின்னர் அவர் கைது செய்யப்பட்டார்.

பொலிசார் விசாரணையில் கார்த்திக் அளித்துள்ள வாக்குமூலத்தில், நான் ராஜலட்சுமியை ஒருதலையாக காதலித்து வந்தேன, அவர் பள்ளிக்கு சென்று வரும்போதெல்லாம் அவரை பின்தொடர்ந்து செல்வேன்.

இதுகுறித்து ராஜலட்சுமி தனது தந்தையிடம் தெரிவித்து விடுவேன் என மிரட்டியதால் அவரை கொலை செய்தேன் என கூறியுள்ளார்.

மேலும், என்னை கொன்று விடுங்கள் என பொலிசாரிடம் கெஞ்சியுள்ளார். மேலும் நான் வெளியில் சென்றால், இதுபோல் வேறு யாரையாவது கொலை செய்து விடுவேன். எனவே என்னை உயிருடன் விட்டு விடாதீர்கள். தயவு செய்து என்னை கொன்று விடுங்கள்.

என்னை ரெயில் தண்டவாளத்தில் படுக்க வையுங்கள் என்று கூறியுள்ளார்.

தினேஷ்குமாருக்கு திருமணமாகி சாரதா என்ற மனைவியும், செல்வதரணிஷ் என்ற மகனும் உள்ளனர்.

சாரதா கூறியதாவது, எனது கணவர் அடிக்கடி சைக்கோ போல நடந்து கொள்வார். திடீரென மரத்தை வெட்டுவார். எப்போதும் ஏதாவது முணு முணுத்துக்கொண்டே இருப்பார்.

தான் சுடுகாட்டில் படுத்து தூங்குவேன் என்று கூறுவார். கோபத்தில் ஆவேசமாக திட்டுவார். உறவினர்களை அடிப்பார். அடிக்கடி சாமியும் ஆடுவார் என கூறியுள்ளார்.

தற்போது, இதுகுறித்து பொலிசார் விசாரணை நடத்தி வருகின்றனர்.

இந்தியாவின் ஆந்திர மாநிலத்தில் பெண் ஒருவர் தனது மூன்று குழந்தைகளுடன் மாயமான சம்பவம் பரபரப்பை ஏற்படுத்தியுள்ளது.

சித்தூரை சேர்ந்தவர் முஸ்தபா. இவர் மனைவி ஷபானா. தம்பதிக்கு மூன்று ஆண் பிள்ளைகள் உள்ளனர். இதில் 12 வயதான மூத்த மகனுக்கு இதய நோய் இருந்தது. மற்ற இரு பிள்ளைகளுக்கும் அடிக்கடி உடல்நலக்குறைவு ஏற்பட்டது.

குடும்ப தலைவரான முஸ்தபா ஹொட்டலில் வேலை செய்து வந்த நிலையில் சமீபகாலமாக சரியாக வேலைக்கு செல்லவில்லை.
இதோடு மனைவி நடத்தையிலும் சந்தேகப்பட்டு அவருடன் சண்டை போட்டு வந்துள்ளார்.

குடும்ப வறுமை மற்றும் கணவரின் கொடுமையால் வாழ்க்கையை வெறுத்த ஷபானா சில தினங்களுக்கு முன்னர் தனது தாய்க்கு வாட்ஸ் அப்பில் ஒரு மெசேஜ் அனுப்பினார். அதில், முஸ்தபா குடும்ப செலவுக்கு பணம் தராததோடு, என்னையும் கொடுமைப்படுத்துகிறார்.

நான் இந்த உலகில் வாழ விரும்பவில்லை, என் குழந்தைகளுடன் சேர்ந்து தற்கொலை செய்ய விரும்புகிறேன் என குறிப்பிட்டார்.
இதன் பின்னர் ஷபானா தனது மகன்களுடன் மாயமாகி உள்ளார்.

இது குறித்து ஷபானாவின் தாய் பொலிஸ் புகார் அளித்த நிலையில் ஷபானா மற்றும் பிள்ளைகளை பொலிசார் தேடி வருகிறார்கள்.

குஜராத்தில் கோடிக்கணக்கான சொத்துக்களை புறந்தள்ளிவிட்டு தொழிலதிபரின் மகளும், மகனும் துறவறம் மேற்கொள்ள உள்ளதாக தெரிவித்துள்ளனர்.

குஜராத் மாநிலம் சூரத்தின் ஆதினா பகுதியில் அமைந்திருக்கும் இஷிதா சொசைட்டி மிகவும் பிரபலமான ஒன்று. அதன் உரிமையாளரான ஜவுளி தொழிலதிபர் பாரத் வோரா (57) ஏராளமான கடைகளை வைத்து நடத்தி வருகிறார்.

இவருக்கு 22 வயதில் ஆயுஷி என்ற மகளும், 20 வயதில் யாஷ் என்ற மகனும் உள்ளனர். இருவரும் எப்பொழுது வெளியில் சென்றாலும் காரில் தான் செல்வார்கள். ஒருமுறை கூட காலனி இல்லமால் வெளியில் சென்றதில்லை.

கோடிக்கணக்கான சொத்துக்களுக்கு வாரிசுகளாக கருதப்பட்டு வந்த நிலையில், அனைவருக்கும் பெரும் அதிர்ச்சி அளிக்கும் விதமாக இருவரும் துறவறம் ஏற்க உள்ளதாக அறிவித்துள்ளனர்.

இந்த தகவல் அனைவருக்கும் அதிர்ச்சி அளித்தாலும் அவர்களின் தந்தை பாரத், தனக்கு மகிழ்ச்சியாக இருக்கிறது என தெரிவித்துள்ளார். இதுகுறித்து பேசிய அவர், எங்களுடைய பூர்வ கிராமத்தில் சொந்த பங்களாவுடன் ஏராளமான சொத்துக்கள் உள்ளன. அங்கு 15 வீடுகள் சொந்தமாக உள்ளன. எங்களுடைய ஊரில் எல்லோருடைய வீட்டிலும் ஒரு துறவி உள்ளார். அந்த வகையில் தற்போது என்னுடைய வீட்டிலிருந்து இரண்டு பேர் துறவறம் ஏற்பது எனக்கு மகிழ்ச்சியே என கூறியுள்ளார்.

ஆயுஷி இதுபற்றி பேசுகையில், என்னுடைய தாயார் என்னை திருமணம் செய்துகொண்ட ஒரு பெண்ணாக பார்க்காமல், துறவியாக பார்க்க விரும்பினார். அவரின் ஆசைப்படி நான் துறவறத்தை பற்றி கற்றுக்கொள்ள ஆர்ம்பித்தேன். வரும் நவம்பர் 9ம் தேதி துறவறம் மேற்கொள்ள உள்ளேன் என கூறியுள்ளார்.

இதுபற்றி பேசிய யாஷ், நான் கல்லூரி படிப்பினை முடித்ததும், என்னுடைய தந்தையுடன் கடைக்கு சென்று ஜவுளி தொடர்பனா வேலைகளை பார்த்து வந்தேன். ஆனால் அது எனக்கு ஒத்து வருவதை போல் தெரியவில்லை. அப்பொழுது தான் என்னுடைய சகோதரி துறவறம் பற்றி பேசினார். அதன் மேல் ஏற்பட்ட ஆர்வத்தினால் தான் நானும் துறவறம் செல்கிறேன் என கூறியுள்ளார்.