தாயை மட்டும் தனியாக விட்டு தந்தையும் மூன்று பிள்ளைகளும் உயிரிழந்த சம்பவம் தெஹியத்த கண்டியில் இடம்பெற்றுள்ளது.

தெஹியத்தகண்டிய பிதேசத்தில் இடம்பெற்ற வாகன விபத்தில் படுகாயமடைந்து சிகிச்சை பெற்று வந்த 5 வயது சிறுவன் இன்று உயிரிழந்துள்ளதாக பொலிஸார் தெரிவித்துள்ளனர்.

35 வயதான தாய் மட்டுமே விபத்தில் இருந்து உயிர் தப்பியுள்ளதாக தெரிவிக்கப்படுகிறது. அவர் பொலன்னறுவை மருத்துவமனையில் தீவிர சிகிச்சை பிரிவில் சிகிச்சை பெற்று வருகிறார்.

நேற்று பிற்பகல் தெஹியத்தகண்டிய பொலிஸ் பிரிவில் சந்துன்புர – லிஹினியாகம வீதியில் உத்தலபுர பிரதேசத்தில் டிப்பர் வாகனத்துடன் மோட்டார் சைக்கிள் நேருக்கு நேர் மோதி விபத்துக்குள்ளாகியுள்ளது.

மோட்டார் சைக்கிளில் தாய், தந்தை அவர்களின் மூன்று மகன்மாரும் பயணித்துள்ளனர். விபத்தில் படு காயமடைந்த 35 வயதான தந்தை, 14 மற்றும் 10 வயது மகன்கள் சம்பவ இடத்திலே உயிரிழந்துள்ளனர்.

ஐந்து வயது மகன் மற்றும் 35 வயதான தாய் சிகிச்சைக்காக மருத்துவமனையில் அனுமதிக்கப்பட்டனர். அவர்களின் தீவிர நிலையைக் கருத்தில் கொண்டு பொலன்னறுவை வைத்தியசாலைக்கு மேலதிக மாற்றப்பட்டனர்.

இந்த நிலையில் இன்று காலை ஐந்து வயதான சிறுவன் உயிரிழந்துவிட்டதாக பொலிஸார் தெரிவித்தனர். இந்த விபத்துக்கான லொறியின் சாரதி கைது செய்யப்பட்டுள்ளதாக தெஹியத்தகண்டிய பொலிஸார் குறிப்பிட்டுள்ளனர்.

அமெரிக்காவில், இலங்கையை சேர்ந்த பெண் வைத்தியர் ஒருவரின் மகத்தான செயற்பாடு தொடர்பில் தொடர்பில் சர்வதேச ஊடகங்கள் தகவல் வெளியிட்டுள்ளன.

இலங்கை வைத்தியரின் கண்கானிப்பில் உள்ள Rock hill Encompass Health சுகாதார மறுவாழ்வு வைத்தியசாலை மீண்டும் முதலிடத்தை பெற்றுள்ளது.

இதற்கு முன்னர் காணப்பட்ட Rock hill health south சுகாதார மறுவாழ்வு வைத்தியசாலையாக காணப்பட்ட இந்த வைத்தியசாலை மேலும் அபிவிருத்தி செய்யப்பட்டு Rock hill Encompass Health சுகாதார மறுவாழ்வு வைத்தியசாலையாக வளர்ச்சியடைந்துள்ளது.

அமெரிக்காவில் உள்ள அனைத்து வைத்தியசாலைகளுடன் போட்டியிட்டு மூன்றாவது முறையாகவும், அனைத்து பிரிவுகளிலும் சிறந்த வைத்தியசாலையாக இந்த வைத்தியசாலை தெரிவாகியுள்ளது.

இதற்கு மேலதிகமாக அதிக நோயாளர்களை குணப்படுத்தி திருப்பி அனுப்பிய வைத்தியசாலையாக இந்த வைத்தியசாலை மாறியுள்ளது.

வைத்தியசாலை நிர்வாகத்தில் உள்ள திறமை, ஊழியர்களின் அர்ப்பணிப்பு மற்றும் வைத்தியசாலையிலுள்ள வசதிகள் காரணமாக இந்த வைத்தியசாலை முதலிடத்தை பிடித்துள்ளது.

இலங்கை வைத்தியரான மாலிக்கா ஜயசூரியவின் செயற்பாடு மற்றும் ஆலோசனையின் கீழ் குறித்த வைத்தியசாலை இந்த அளவிற்கு மாற்றமடைந்துள்ளது.

அத்துடன் நோயாளர்களிடம் சிறந்த வைத்தியராக மாலிக்கா பெயர் பெற்றுள்ளார். அவர் பேராதனை மற்றும் ருகுணு வைத்திய பீடத்தில் கற்கை நெறிகளை அவர் நிறைவு செய்துள்ளார்.

கொழும்பு தேசிய வைத்தியசாலை, காலி வைத்தியசாலை, கண்டி வைத்தியசாலைகளிலும் மாலிக்கா பணியாற்றியுள்ளார்.

இந்நிலையில் அமெரிக்காவிலுள்ள வைத்தியசாலையில் மாலிக்கா பணியாற்றி வருகின்றமை குறிப்பிடத்தக்கது.

மாணவிகள் இருவரை கடுமையாக பாலியல் ரீதியான துன்புறுத்தலுக்கு உட்படுத்திய பாடசாலை அதிபர் ஒருவர் தொடர்பில் முறைப்பாடு செய்யப்பட்டுள்ளது. களுத்துறை – தெபுவன பிரதேசத்தில் இந்த சம்பவம் இடம்பெற்றுள்ளதாக தெரியவருகிறது.

14 வயதான இரண்டு மாணவியரே இவ்வாறு கடுயைமாக பாலியல் ரீதியாக துன்புறுத்தப்பட்டுள்ளனர். அண்மையில் இந்த மாணவியர், மருத்துவ பரிசோதனைக்காக களுத்துறை வைத்தியசாலையில் அனுமதிக்கப்பட்டுள்ளனர்.

பாடசாலைக்கு வழங்கப்படும் பகல் உணவின் ஒரு பகுதியை காரியாலயத்திற்கு தருவித்துக் கொண்டு இந்த இரண்டு மாணவியரையும் காரியாலயத்திற்கு அதிபர் அழைத்துள்ளார்.

உணவு வழங்கும் போர்வையில் முதலில் மாணவியர் இருவரையும் தனது தலையில் உள்ள நரை மயிர்களை பிடுங்கச் செய்துள்ளார்.

அதன் பின்னர் இரண்டு மாணவியரையும் கடுமையாக பாலியல் ரீதியாக வன்கொடுமைக்கு உட்படுத்தியுள்ளார்.

சம்பவத்துடன் தொடர்புடைய பாடசாலை அதிபரை கைது செய்வதற்கான விசாரணைகள் ஆரம்பிக்கப்பட்டுள்ளதாக பொலிஸார் தெரிவிக்கின்றனர்.

மகளை கொன்று உடலை தீயிட்டு கொளுத்திய தந்தையொருவருக்கு மரண தண்டனை விதிக்கப்பட்டுள்ளதாக சிங்கள ஊடகமொன்று இன்று செய்தி வெளியிட்டுள்ளது.

புத்தளம் உயர் நீதிமன்ற நீதிபதி காந்த மத்துமபட்டபெந்தி குறித்த தந்தைக்கு மரண தண்டனை விதித்துள்ளார்.

கடந்த 2010ஆம் ஆண்டு பெப்ரவரி மாதம் ஒட்டுகுளம் பிரதேசத்தில் இந்த சம்பவம் இடம்பெற்றுள்ளதாக அந்த செய்தியில் குறிப்பிடப்பட்டுள்ளது.

7 வயதான சசினி நெத்மா என்ற சிறுமியே படுகொலை செய்யப்பட்டு, அவரது சடலம் எரிக்கப்பட்டுள்ளதாக விசாரணைகளில் இருந்து அம்பலமாகியுள்ளது.

இந்த நிலையில் சந்தன எதிரிசிங்க என்ற 32 வயதான சிறுமியின் தந்தைக்கு மரண தண்டனை விதிக்கப்பட்டுள்ளது. மேலும் கொல்லப்பட்ட சிறுமி விசேட தேவையுடையவர் என்பது குறிப்படத்தக்கது.

இலங்கையர்களுக்கு ஐந்து வருட வீசா வழங்க இஸ்ரேல் அரசாங்கம் முன்வந்துள்ளது. இஸ்ரேலில் விவசாய தொழிலில் ஈடுபடுவதற்காக இலங்கையர்களுக்கு 5 வருட வீசா வழங்குவதற்கு அந்த நாட்டு அதிகாரிகள் இணக்கம் வெளியிட்டுள்ளனர்.

சர்வதேச குடியேற்ற நிறுவனத்தின் தலையீட்டிற்கமைய கைச்சாத்திட்ட ஒப்பந்தத்திற்கு அமைய இந்த இணக்கம் வெளியிடப்பட்டுள்ளது.

தங்கள் நாட்டில் உரிய வீசா காலத்தை கடந்து 500 இலங்கையர்கள் இஸ்ரேலில் தங்கியுள்ளதாக அதிகாரிகள் தெரிவித்துள்ளனர்.

இந்த பிரச்சினை தொடர்பில் வெளிநாட்டு வேலைவாய்ப்பு பிரதி அமைச்சர் மனுஷ நாணயக்கார உட்பட இந்த நாட்டு பிரதிநிதிகள் சிலர் அந்த நாட்டு அதிகாரிகளுடன் கலந்துரையாடல் மேற்கொண்டுள்ளனர்.

அதற்கமைய வீசா காலம் நிறைவடைந்த பின்னர் மீண்டும் இலங்கையர்களுக்கு விவசாய தொழில் துறையில் தொழில் வழங்குவதற்கு இஸ்ரேல் அதிகாரிகள் வாக்குறுதி வழங்கியுள்ளனர்.

யாழ்ப்பாணம் – ஊரெழு மேற்கில் மகனைத் தாக்க வந்த கும்பலை தடுக்கச் சென்ற தாயை கொலை செய்த சம்பவத்தில் மூவர் கைது செய்யப்பட்டுள்ளனர்.

இத்தாக்குதல் சம்பவத்துடன் தொடர்புடைய மூன்று பேரை கோப்பாய் பொலிஸாரின் விசேட அணியினர் இன்று காலை கைது செய்துள்ளனர்.

நேற்று இரவு இடம்பெற்ற இந்த தாக்குதல் சம்பவத்தில் 58 வயதுடைய சந்திரராசா விஜயகுமாரி என்ற தாயே உயிரிழந்திருந்தார்.

இந்தச் சம்பவத்தால் அப்பகுதியில் பதற்றமான நிலை காணப்பட்டதோடு, தாக்குதலில் உயிரிழந்த தாயின் மகனும் படுகாயமடைந்ததாக பொலிஸார் தெரிவித்தனர்.

சம்பவத்தில் உயிரிழந்த குடும்பப் பெண்ணின் சடலம் தெல்லிப்பளை வைத்தியசாலையில் ஒப்படைக்கப்பட்டுள்ளது.

இந்த நிலையில் சம்பவத்துடன் தொடர்புடைய மூவர் கைது செய்யப்பட்டுள்ள நிலையில், ஏனையோர் விரைவில் கைது செய்யப்படுவார்கள் எனவும் பொலிஸார் அறிவித்துள்ளனர்.

கொழும்பில் நேர்மையாக நடந்து கொண்ட முச்சக்கரவண்டி சாரதி ஒருவர் தொடர்பில் சமூக வலைத்தளங்களில் அதிகம் பேசப்பட்டு வருகிறது.

முச்சக்கரவண்டி சாரதி தொடர்பில் நபர் ஒருவர் பேஸ்புக்கில் பதிவு ஒன்றை வெளியிட்டுள்ளார்.

அந்த பதிவில், “அலுவலகத்திற்கு செல்வதற்காக முச்சக்கர வண்டி ஒன்றை வாடகைக்கு பெற்றுக் கொண்டேன். அலுவலகம் செல்வதற்கு முன்னர் வங்கிக்கு செல்ல வேண்டியிருந்தமையினால் முச்சக்கர வண்டியை வங்கிக்கு அருகில் நிறுத்தி விட்டு வங்கிக்கு சென்றேன்.

வங்கிக்குள் சென்ற சற்று நேரத்தில் முச்சக்கர வண்டி சாரதியிடம் இருந்து அழைப்பு ஒன்று வந்தது. “சர் உங்கள் பணத்தை தவறவிட்டு சென்றிருக்கின்றீர்கள் என முச்சக்கர வண்டி சாரதி குறிப்பிட்டார்.

நான் உடனடியாக வண்டிக்கு வெளியே வந்து பார்க்கும் போது சாரதி வண்டியை விட்டு வெளியே வந்துள்ளார்.

நான் பணத்தை அவதானித்தது முதல் வெளியே தான் நின்கின்றேன். பணம் சரியாக உள்ளதா என்பதனை சோதித்து பாருக்கள் என சாரதி குறிப்பிட்டார். பணத்தை திருடுபவராக இருந்தால், எனக்கு அழைப்பேற்படுத்தியிருக்க மாட்டார்.

அதனால் பணத்தை எண்ணி பார்க்காமல் பைக்குள் வைத்து கொண்டு அவரிடம் புகைப்படம் ஒன்றை எடுத்து கொள்ளுவோம் என அவரிடம் கூறினேன். எனினும் அவர் புகைப்படம் எல்லாம் அவசியமில்லை. பணத்தை தொலைத்தவர்கள் படும் வேதனை எனக்கும் தெரியும் என அவர் குறிப்பிட்டார்.

எனினும் ஒரு புகைப்படம் எடுத்துக் கொண்டேன். இப்படியான நேர்மையான மனிதர்களை பார்க்கும் போது ஆச்சரியமாக தான் உள்ளது” என அவர் பதிவில் குறிப்பிட்டுள்ளார்.

குறித்த முச்சக்கர வண்டி சாரதியின் நேர்மையை பாராட்டி சமூக வலைத்தளங்களில் பரும் பாராட்டுத் தெரிவித்து வருகின்றனர்.

திருகோணமலை – வவுனியா பிரதான வீதியில் நேற்று இரவு இடம்பெற்ற விபத்தில் 4 பேர் படுகாயமடைந்துள்ளதாக பொலிஸார் தெரிவித்துள்ளனர்.

காயமடைந்தவர்கள் கொழும்பு, மருதானை பகுதியை சேர்ந்தவர்கள் என தெரியவருகின்றது. நிலாவெளி பகுதிக்கு சுற்றுலா வந்த நபர்களே விபத்தில் சிக்கியுள்ளனர்.

திருகோணமலையில் இருந்து வேகமாக வந்து கொண்டிருந்த பேருந்து வேகக் கட்டுப்பாட்டை இழந்து வீதியை விட்டு விலகியமையாலேயே விபத்து ஏற்பட்டுள்ளது.

குறித்த விபத்தில் காயமடைந்தவர்கள் திருகோணமலை பொது வைத்தியசாலையில் அனுமதிக்கப்பட்டுள்ளனர். இந்த நிலையில் விபத்து தொடர்பில் மொறவெவ பொலிஸார் விசாரணைகளை முன்னெடுத்து வருகின்றனர்.