சென்னை பள்ளிக்கரணையில் மனைவியின் நடத்தையில் சந்தேகமடைந்த கணவர் உறங்கிக் கொண்டிருக்கும்போது சரமாரியாக கத்தியால் குத்தி கொலை செய்துள்ள அதிர்ச்சி சம்பவம் நடந்துள்ளது.

சென்னை பள்ளிக்கரணை பகுதியை சேர்ந்தாகிவர் கிருஷ்ணமூர்த்தி. இவர் வேளச்சேரியில் உள்ள தனியார் நிறுவனம் ஒன்றில் காவலாளியாக பணியாற்றி வருகிறார். இவருடைய மனைவி மகாலட்சுமி. இந்த தம்பதியினருக்கு இரண்டு மகன்கள் உள்ளனர்.

மதுபோதைக்கு அடிமையாகியிருந்த கிருஷ்ணமூர்த்தி தினமும் வேலைக்கு செல்ல வேண்டாம் என கூறி மகாலட்சுமியிடம் சண்டையிட்டுள்ளார். இதனை ஏற்காத மகாலட்சுமி தொடர்ந்து வேலைக்கு சென்றுள்ளார்.

இதனால் ஆத்திரமடைந்த கிருஷ்ணமூர்த்தி நேற்றும் வழக்கம் போல மது அருந்திவிட்டு வீட்டில் சண்டையிட்டுள்ளார். மகாலட்சுமியும் அவரை திட்டிவிட்டு உறங்க சென்றுவிட்டார்.

ஆனால் ஆத்திரம் குறையாமல் இருந்த கிருஷ்ணமூர்த்தி நள்ளிரவில் மகாலட்சுமியை சாராமரியாக கத்தியால் குத்தியுள்ளார். இதில் ரத்தம் வெளியேறியபடி உதவி கேட்டு மகாலட்சுமி ஓடிவந்துள்ளார். தாயின் அலறல் சத்தம் கேட்டு திடுக்கிட்ட மகன் திரிஷ் அவரை காப்பாற்ற முயன்றுள்ளான். இதில் அவனுடைய கைகளிலும் லேசான காயம் ஏற்பட்டுள்ளது.

வேகமாக விளக்கை போட்ட மற்றொரு மகன் குணால் தாய் ரத்த வெள்ளத்தில் இருப்பதை பார்த்து உடனடியாக உறவினர்களின் உதவியுடன் மீட்டு மருத்துவமனைக்கு அனுப்பி வைத்தார். அங்கு பரிசோதனை மேற்கொண்ட மருத்துவர்கள் மகாலட்சுமி ஏற்கனவே இறந்துவிட்டதாக தெரிவித்துள்ளனர்.

இதற்கிடையில் மனைவியை கொலை செய்த கிருஷ்ணன் கத்தியுடன் பொலிஸ் நிலையத்தில் சரண் அடைந்தார். பின்னர் இதுகுறித்து விசாரணை மேற்கொண்ட பொலிஸார் மகாலட்சுமியின் உடலை கைப்பற்றி பிரேத பரிசோதனைக்காக குரோம்பேட்டை அரசு ஆஸ்பத்திரிக்கு அனுப்பி வைத்தனர்.

மதுரையில் தனக்கு நடக்கவிருந்த திருமணத்தை தனி ஒரு ஆளாக 17 வயது சிறுமி தடுத்தி நிறுத்தியுள்ள சம்பவம் நடந்துள்ளது.மதுரை வடகரை பகுதியை சேர்ந்த 17 வாய்த்து சிறுமி தெப்பக்குளத்தில் உள்ள பள்ளியில் 12-ம் வகுப்பு படித்து வருகிறார்.

இவருக்கும் அப்பகுதியை சேர்ந்த இளைஞர் ஒருவருக்கும் வருகின்ற 21-ம் தேதி திருமணம் நடப்பதற்கான ஏற்பாடுகள் செய்யப்பட்டன.

ஆனால் இந்த திருமணத்தில் விருப்பம் இல்லாத சிறுமி, தான் தொடர்ந்து படிக்க வேண்டும் எனவும் தற்போது திருமணம் வேண்டாம் எனவும் வீட்டில் கூறியுள்ளார். ஆனால் வருடைய வார்த்தைக்கு செவிமடுக்காத உறவினர்கள் தொடர்ந்து திருமணத்திற்கான வேலைகளை கவனித்து வந்துள்ளனர்.

இதனால் ஆத்திரமடைந்த சிறுமி நேற்றைய தினம் மதிச்சியம் காவல் நிலையத்திற்கு சென்று பொலிஸாரிடம் புகார் கொடுத்துள்ளார். உடனே இந்த தகவல் சமூகநலத்துறை அதிகாரிகள் மற்றும் குழந்தைகள் நல வாரியத்திற்கு தெரிவிக்கப்பட்டது.

இதனையடுத்து சம்பவ இடத்திற்கு சென்ற அதிகாரிகள், திருமணம் குறித்து விசாரித்த போது அதற்கான வேலைகள் நடந்து வருவதை உறுதி செய்தனர்.

மேலும் சிறுமிக்கு தற்போது திருமனம் நடந்தால் உறவினர்கள் அனைவரும் கைது செய்யப்படுவார்கள் என எச்சரித்துள்ளனர். இதனையடுத்து திருமணத்தை நிறுத்துவதாக ஒப்புக்கொண்ட உறவினர்கள், சிறுமிக்கு திருமண வயது பூர்த்தியடைந்தவுடனே திருமணம் செய்யப்படும் என எழுதி கொடுத்தனர்.

அதன் பின்னர், தனி ஒரு ஆளாக பொலிஸ் நிலையம் வரை சென்று திருமணத்தை நிறுத்திய சிறுமியையும் பாராட்டி சென்றனர்.

தமிழகத்தில் விசாரணைக்கு வந்த காதல் ஜோடியை 15 பேர் கொண்ட கும்பல் அரிவாளால் வெட்டிய சம்பவம் அதிர்ச்சியை ஏற்படுத்தியுள்ளது.

கன்னியாகுமரி மாவட்டம், ஒசரவிளை பெருமாள்புரத்தைச் சேர்ந்தவர் ஓவியர் ஜெயபால். நாம் தமிழர் கட்சியின் ஒன்றியச் செயலாளராக உள்ளார்.

அதே ஊரைச் சேர்ந்த ஸ்டாவினுக்கும், ஜெயபால் மகள் டிக் ஷோனாவுக்கும் காதல் ஏற்பட்டது. கடந்த 5 ஆண்டுகளாக இருவரும் காதலித்து வந்த நிலையில் இவர்கள் இரண்டு பேரின் வீட்டிலும் எதிர்ப்பு கிளம்பியுள்ளது.

இந்நிலையில் கடந்த 10-ஆம் திகதி ஜெயபால் தனது குடும்பத்துடன் கன்னியாகுமரிக்கு சுற்றுலா சென்றுள்ளார்.

கடற்கரைச் சாலையில் உள்ள கழிவறைக்குச் செல்வதாகக் கூறிவிட்டு சென்ற டிக் ஷோனா, நீண்ட நேரமாகியும் திரும்பி வராததால், அதிர்ச்சியடைந்த குடும்பத்தினர் அவரை பல இடங்களில் தேடிப் பார்த்தனர்.

எங்கும் கிடைக்காத காரணத்தினால் காவல்நிலையத்தில் புகார் அளித்துள்ளனர்.இதைத் தொடர்ந்து ஜெயபாலின் வாட்ஸ் அப்பில் ஸ்டார்லினும், டிக் ஷோனாவும் திருமணக் கோலத்தில் இருப்பது போன்ற புகைப்படம் வந்துள்ளது.

இதனால் அதிர்ச்சியடைந்த ஜெயபால், காதல் ஜோடியைக் கண்டுபிடிக்கும் முயற்சியில் இறங்கினார். அப்போது காவல் துறையில் புகார் இருந்ததால் விசாரணைக்காக காதல் ஜோடி மற்றும் அவரது உறவினர்கள் காரில் வந்து கொண்டிருந்தனர்.

கார் கோவளம் அருகே வந்த போது, பின்பக்கமாக மூன்று காரில் வந்த 15-க்கும் மேற்பட்டவர்கள், காதல் ஜோடி வந்த காரின் முன்னும் பின்னும் இடித்ததால், டிரைவர் உடனடியாக காரை நிறுத்தினார்.

அதன் பின் காரில் இருந்து இறங்கிய 15 பேர் கொண்ட கும்பல், காதல் ஜோடியை அடித்து உதைத்தனர். காரின் பின் இருக்கையில் இருந்த ஸ்டார்லினை டிக் ஷோனா கண்முன்னே அரிவாளால் சரமாரியாக வெட்டினர். மேலும், ஸ்டார்லின் உறவினர்கள் சுரேஷ் (44), அருள் (58) ஆகியோருக்கும் வெட்டு விழுந்தது.

விரைந்து செயல்பட்ட அந்தக் கும்பல், டிக் ஷோனாவை மற்றொரு காரில் கடத்திச் சென்றது. சம்பவ இடத்திற்கு விரைந்து வந்த பொலிசார் படுகாயமடைந்த 3 பேரை மீட்டு மருத்துவமனைக்கு அனுப்பி வைத்தனர்.

இதுகுறித்து விசாரணை நடத்திய காவல் துறையினர், டிக் ஷோனாவின் அப்பா ஜெயபால், உறவினர்கள் செல்வம், ஸ்ரீதேவ், துரைராஜ் உள்ளிட்ட 15 பேர்மீது வழக்கு பதிவு செய்து தொடர்ந்து விசாரணை மேற்கொண்டு வருகின்றனர்.

வேலூர் மாவட்டத்தில் மகளை திருமணம் செய்து வைக்கும்படி இரண்டாவது கணவர் வற்புறுத்தியதால் விரக்தியில் தாய் தற்கொலை செய்துகொண்டு இறந்துள்ள சோக சம்பவம் நடந்துள்ளது.

வேலூர் மாவட்டம் வாலாஜா அடுத்த மேல்புதுப்பேட்டை பஜனை தெருவை சேர்ந்த கல்பனா (வயது 36), காவேரிப்பாக்கம் பெரியகிராமத்தை சேர்ந்த ரமேஷ் என்பவரை திருமணம் செய்துகொண்டு கடந்த 5 வருடங்களுக்கு முன்னதாக அவரிடம் இருந்து விவாகரத்து பெற்று பிரிந்துவிட்டார்.

இந்த தம்பதியினருக்கு 18 வயதில் மஞ்சு மற்றும் 10 வயதில் சுப்புலட்சுமி என்ற இரண்டு மகள்கள் உள்ளனர். தனியார் தோல் தொழிற்சாலையில் பணிபுரிந்து வரும் கல்பனாவிற்கு, அதேபகுதியில் காவல்துறையில் பணியாற்றி வரும் குமரேசன் என்பருடன் பழக்கம் ஏற்பட்டுள்ளது.

தன்னைவிட சிறிய வயது பையனாக இருந்தாலும் குமரேசனை திருமணம் செய்துகொண்டு கல்பனா தன்னுடைய வாழ்க்கையினை நடத்தி வந்துள்ளார். சென்னையில் இருந்து அடிக்கடி கல்பனாவின் வீட்டிற்கு சென்று வந்த குமரேஷ், 18 வயதான மஞ்சு மீது ஆசைப்பட்டுள்ளார்.

உடனே அவரை திருமணம் செய்து வைக்கும்படி வற்புறுத்தியுள்ளார். ஆனால் இதற்கு கல்பனா மறுப்பு தெரிவித்து, இனிமேல் வீட்டிற்கு வர வேண்டாம் என குமரேஷிடம் கூறியுள்ளார். இதனால் கடந்த சில மாதங்களாகவே இருவருக்கும் சண்டை நடந்து வந்துள்ளது.

இந்தநிலையில் வேலைக்கு சென்றுவிட்டு வீடு திரும்பிய மஞ்சு, திறந்த நிலையில் வீடு இருப்பதை பார்த்து வேகமாக உள்ளே சென்று பார்த்துள்ளார். கல்பனா தூக்கில் தொங்குவதை பார்த்து கதறி அழுத மஞ்சு உடனடியாக பொலிஸாருக்கு தகவல் கொடுத்தார்.

இதனையடுத்து சம்பவ இடத்திற்கு வந்த பொலிஸார் உடலை கைப்பற்றி பிரேத பரிசோதனைக்கு அனுப்பி வைத்தனர். இந்த சம்பவம் குறித்து காவல்நிலையத்தில் புகார் கொடுத்துள்ள மஞ்சு தன்னுடைய தாய் தற்கொலை செய்துகொள்ளவில்லை. அவர் கொலை செய்யப்பட்டுள்ளார் என தன்னுடைய புகார் மனுவில் குறிப்பிட்டுள்ளார். ஆனால் அந்த புகார் மனு மீது பொலிஸார் இதுவரை எந்த நடவடிக்கையும் எடுக்கவில்லை என கூறப்படுகிறது

தமிழகத்தில் திருமணம் ஆகாத ஏக்கத்தில் இளைஞர் தூக்கிட்டு தற்கொலை செய்து கொண்டது சோகத்தை ஏற்படுத்தியுள்ளது.

சிவகங்கை மாவட்டத்தின் திருப்புவனம் மன்னர் குடியிருப்பு பகுதியை சேர்ந்தவர் மகேந்திரன் (29). கட்டிடத் தொழிலாளியாக வேலை செய்து வந்தார்.

இந்நிலையில் நேற்று வீட்டில் யாரும் இல்லாத நேரத்தில் மகேந்திரன் தூக்குப் போட்டு தற்கொலை செய்து கொண்டாராம்.

இதுகுறித்து அவரது தந்தை பொலிசில் புகார் செய்தார். புகாரில், திருமணமாகாமல் ஏக்கத்தில் மனமுடைந்து காணப்பட்டு வந்த நிலையில், மகேந்திரன் தூக்கு போட்டு தற்கொலை செய்து கொண்டதாக கூறியிருந்தார்.

சம்பவம் குறித்து பொலிசார் வழக்கு பதிவு செய்து விசாரித்து வருகிறார்கள்.

கணவன், மனைவிக்குத் தெரியாமல் அவர்கள் சம்மதமின்றி குடும்பக்கட்டுப்பாடு செய்யபட்டுள்ளதாக பொலிசில் புகார் கொடுக்கப்பட்டுள்ளது.

தமிழகத்தின் கடலூரை சேர்ந்தவர் ராஜேஷ். இவர் மனைவி அஷ்வினி. தம்பதிக்கு இரண்டு வயதில் ஒரு பெண் குழந்தை உள்ள நிலையில் அஷ்வினி மீண்டும் கர்ப்பமானார்.

இதையடுத்து அவரை பிரசவத்துக்காக ராஜேஷ் அரசு மருத்துவமனையில் சேர்த்தார். அன்று மாலையே அவருக்கு பெண் குழந்தை பிறந்துள்ளது. இந்நிலையில் இரண்டு தினங்கள் கழித்து செவிலியர்கள் அஸ்வினியை வேகமாக நடக்க வேண்டாம் உங்களுக்கு குடும்பக் கட்டுப்பாடு அறுவைசிகிச்சை செய்யப்பட்டு உள்ளது என்று கூறியதால் அஸ்வினி அதிர்ச்சி அடைந்தார்.

இதனைத் தொடர்ந்து எங்கள் அனுமதி இல்லாமல் எப்படி குடும்பக் கட்டுப்பாடு அறுவைசிகிச்சை செய்யலாம் என மருத்துவமனை நிர்வாகத்தை அவர்கள் அணுகிய போது, அனுமதி பெற்று தான் செய்தோம் என நிர்வாகம் தெரிவித்துள்ளது.

இது தொடர்பாக அஸ்வினி, குழந்தை பிறக்க அறுவை சிகிச்சைக்கு மட்டுமே தான் கையெழுத்து வாங்கினார்கள். குடும்ப கட்டுப்பாடு குறித்து அவர்கள் எதுவும் கூறவில்லை. நான் எதற்கும் ஒப்புக் கொள்ளவில்லை என்றார்

இது குறித்து ராஜேஷ் கூறுகையில், இது குறித்து தலைமை மருத்துவரிடம் பேசிய போது அவர் விசாரித்தார். பின்னர் தவறு நடந்துவிட்டது கொஞ்சம் பொறுங்கள் என கூறினார்.

ஆனால் எந்த நடவடிக்கையும் எடுக்கவில்லை. இது குறித்து பொலிசில் புகார் அளித்துள்ளேன். எங்களுக்கு நியாயம் கிடைக்கும் வரை மருத்துவமனையில் இருந்து என் மனைவியை அழைத்துச் செல்லப்போவதில்லை என கூறியுள்ளார்.

சென்னையில் திருமணம் ஆன 4 மாதத்தில் பட்டதாரி பெண் தற்கொலை செய்து கொண்டது அதிர்ச்சியை ஏற்படுத்தியுள்ளது.

வியாசர்பாடி பகுதியை சேர்ந்தவர் கார்த்திக் (30). இவருக்கும் கவாஸ்கி (26) என்ற பெண்ணுக்கும் கடந்த 4 மாதங்களுக்கு முன்னர் திருமணம் நடந்தது.

எம்.பி.ஏ பட்டதாரியான கவாஸ்கி ராமநாதபுரத்தில் ரே‌ஷன் கடை கண்காணிப்பாளராக வேலை பார்த்து வந்தார். 4 மாத விடுமுறையில் இருந்த கவாஸ்கி நாளை ரே‌ஷன் கடை கண்காணிப்பாளர் பணியில் மீண்டும் சேருவதற்காக ராமநாதபுரம் செல்ல வேண்டும்.

இந்நிலையில் கவாஸ்கி நேற்று வியாசர்பாடி வீட்டில் தூக்கிட்டு தற்கொலை செய்து கொண்டார். கவாஸ்கி இறந்த தகவல் அறிந்ததும் அவரது தந்தை கோட்டைசாமி மற்றும் உறவினர்கள் சென்னை வந்தனர்.

அவர், தனது மகள் தற்கொலை செய்து கொள்ள மாட்டாள். சாவில் மர்மம் இருக்கிறது என்று பொலிசில் புகார் அளித்தார். சம்பவம் குறித்து விசாரணை நடத்தப்பட்டு வருகிறது.

இணையம் மூலம் மீன் விற்பனை செய்ய, கல்லூரி படித்துக்கொண்டே மீன் விற்று குடும்பத்தை காப்பாற்றிய மாணவி ஹனன் ஹமீது முடிவு செய்துள்ளதாக தகவல் வெளியாகியுள்ளது.

குடும்ப சூழல் காரணமாக கல்லூரியில் படித்துக்கொண்டே மீன் விற்பனை செய்து வந்த கேரள மாணவி ஹனன், தற்போது ஆன்லைனில் மீன் விற்க முடிவு செய்துள்ளார்.

இதுபற்றி அவர், உடல் நலம் இன்னும் முழுமை யாக குணமாகவில்லை. மீன்களை வாங்கி சுத்தம் செய்து, பிறகு இணையம் மூலம் அதை விற்பனை செய்ய முடிவு செய்துள்ளேன். வியாபார போக்குவரத்துக்காக வாகனம் ஒன்றையும் வாங்க இருக்கிறேன். இந்த பிசினஸூக்காக டெக்னிக்கல் ஆலோசனையையும் கோரியுள்ளேன் என தெரிவித்துள்ளார்.

கேரள மாநிலம் திருச்சூரை சேர்ந்தவர் ஹனன் ஹமீது. இவர், அங்குள்ள கல்லுாரி ஒன்றில் மூன்றாம் ஆண்டு கெமிஸ்ட்ரி படித்து வருகிறார். ஏழ்மையான குடும்பத்தில் பிறந்த ஹனன், குடும்பத்தை காப்பாற்றவும் படிப்பு செலவுகளைச் சமாளிக்கவும் கல்லுாரி முடிந்த பின் மீன் விற்ப னை செய்து வந்தார்.

இவரது இந்த முயற்சிக்கு பாராட்டுகள் குவிந்தாலும் தன்னை பிரபலப்படுத்துவதற்காக, திட்டமிட்டு இதை செய்கிறார் என்ற விமர்சனமும் எழுந்தது.

இந்நிலையில், கோழிக்கோடு மாவட்டத்தில் உள்ள வடகராவில் கடை திறப்பு நிகழ்ச்சியில், கடந்த 3 ஆம் திகதி ஹனன் பங்கேற்றார்.

நிகழ்ச்சி முடிந்து திருச்சூர் நோக்கி சென்றுகொண்டிருந்த போது, கொடுங்கல்லுார் என்ற இடத்தில் அவர் சென்ற கார் விபத்துக்குள்ளானது. இதில், ஹனன் படுகாயம் அடைந்தார். அவர் கொச்சியில் உள்ள தனியார் மருத்துவமனையின் தீவிர சிகிச்சைப் பிரிவில் அனுமதிக்கப்பட்டார்.

அவருக்கு, முதுகு தண்டில் முறிவு ஏற்பட்டது தெரியவந்தது. அறுவை சிகிச்சை செய்யப்பட்டது. உடல் நலம் குணமாகி வரும் அவர், வீல் சேர் மூலம்தான் வீட்டுக்குள் சென்றுவருகிறார்.