அண்மையில் இலங்கையில் கைப்பற்றப்பட்ட போலி நாணயத்தாள்கள் குறித்து தீவிர விசாரணைகள் முன்னெடுக்கப்பட்டுள்ளதாக பொலிஸ் அத்தியட்சகர் அம்பாவில தெரிவித்துள்ளார்.

சர்வதேச ஊடகம் ஒன்றுக்கு வழங்கிய செவ்வியிலேயே அவர் இதனை குறிப்பிட்டுள்ளார். அண்மையில் பெருந்தொகையான ஐந்தாயிரம் ரூபா பெறுமதியான போலி நாயணத்தாள்கள் கைப்பற்றப்பட்டன.

ஐந்தாயிரம் ரூபாய் நாணயத்தாள் தோற்றத்தில் ஒரு பூஜ்ஜியம் அதிகரித்து ஐம்பதாயிரம் ரூபாய் நாணயத்தாளாக அச்சிடப்பட்டிருந்தன. இந்த சம்பவம் தொடர்பில் இருவர் கைது செய்யப்பட்டுள்ளனர்.

இது குறித்து கருத்து தெரிவித்துள்ள பொலிஸ் அத்தியட்சகர் அம்பாவில,

கைது செய்யப்பட்டுள்ள சந்தேகநபர்களிடம் வாக்குமூலம் பெற்றுக்கொள்ளப்பட்டுள்ளது. எனினும், விசாரணைகள் இன்னும் நிறைவு செய்யப்படவில்லை. இதன் காரணமாக மேலதிக தகவல்களை வெளியிட முடியாது என அவர் குறிப்பிட்டுள்ளார்.

குறித்த ஐம்பதாயிரம் ரூபாய் போலி நாணயத்தாள்களை அண்மையில் குருநாகல் பகுதியில் இருந்து பொலிஸார் கைப்பற்றியிருந்தனர். இது குறித்து குற்றப்புலனாய்வு பிரிவு பொலிஸார் விசாரணைகளை முன்னெடுத்துள்ளனர்.

இந்த சம்பவம் தொடர்பில் அந்த பகுதியில் உள்ள பிரபல வர்த்தகர் ஒருவரும், பிரத்தியேக வகுப்பு ஆசிரியர் ஒருவருமாக இருவர் கைது செய்யப்பட்டுள்ளமை குறிப்பிடத்தக்கது.

கேகாலையில் வலி காரணமாக வைத்தியசாலைக்கு சென்ற சிறுமியின் வயிற்றில் குழந்தை இருப்பது கண்டறியப்பட்டுள்ளது.

வயிற்று வலிக்கு சிகிச்சை பெறுவதற்காக 14 வயதுடைய சிறுமி வைத்தியசாலைக்கு சென்றுள்ளார். வைத்தியர்கள். சிறுமியை பரிசோதித்த போது வயிற்றில் பிரசவிக்கும் நிலையில் குழந்தை இருப்பதாக தெரியவந்துள்ளது.

அரணநாயக்க பிரதேசத்தில் பிரபல பாடசாலையில் 10 ஆம் வகுப்பில் கல்வி கற்கும் மாணவி ஒருவர் வயிற்று வலி என வீட்டில் கூறியுள்ளார்.

உடனடியாக அரணநாயக்க மாவட்ட வைத்தியசாலைக்கு சிறுமி அழைத்து செல்லப்பட்டுள்ளார்.

சிறுமியை சோதனையிட்ட போது, குழந்தை ஒன்றை பிரசவிக்கும் நிலையில் சிறுமி இருப்பதாக வைத்தியர்கள் தெரிவித்துள்ளனர்.

அத்துடன் அவர் வெளிநபருடன் உறவு வைத்து கொள்ளவில்லை என வைத்தியர்கள் குறிப்பிட்டுள்ளனர்.

அவர் பலமுறை அவரின் தந்தையால் துஷ்பிரயோகத்திற்கு உள்ளாகியுள்ளதாக தெரியவந்துள்ளது.

இந்நிலையில் வைத்தியர்கள் சம்பவம் தொடர்பில் பொலிஸாருக்கு அறிவித்துள்ளனர். அதற்கமைய பொலிஸார் விசாரணை மேற்கொண்டு வருகின்றனர்.

வைத்தியர்களின் தகவலை அறிந்த சிறுமியின் உறவினர்கள் பெரும் அதிர்ச்சி அடைந்துள்ளனர்.

ஒரு கிலோ கிராம் வௌ்ளை சீனிக்கு அதிகபட்ச சில்லரை விலை இன்று நள்ளிரவு முதல் அமுலுக்கு வரும் வகையில் நிர்ணயிக்கப்பட்டுள்ளது.

பொதியிடப்படாத ஒரு கிலோகிராம் வௌ்ளை சீனியின் விலை 100 ரூபாய் என்றும் தெரிவிக்கப்பட்டுள்ளது.

இதேவேளை, பொதியிடப்பட்ட ஒரு கிலோகிராம் வெள்ளை சீனியின் விலை 105 ரூபாய் என்றும் நிர்ணயம் செய்யப்பட்டுள்ளதாக நுகர்வோர் விவகார அதிகார சபை அறிவித்துள்ளது.

மேலும், இறக்குமதியாளர்கள் ஒரு கிலோ கிராம் வௌ்ளை சீனியை 92 ரூபாவை விட அதிக விலையில் விற்பனை செய்யக்கூடாது என்றும் குறிப்பிடப்பட்டுள்ளது.

தம்புள்ளையில் இளைஞன் ஒருவருக்கு சத்திர சிகிச்சை மேற்கொண்ட வைத்தியர்கள் பெரும் அதிர்ச்சி அடைந்துள்ளனர். 31 வயதான இளைஞனின் வயிற்றில் இருந்து பெருந்தொகை கண்ணாடி துண்டுகளை வைத்தியர்கள் அகற்றியுள்ளனர்.

தொழில் ரீதியாக சாகசம் செய்யும் இளைஞன், கண்ணாடி துண்டுகளை விழுங்கி மக்களை மகிழ்வித்து வந்துள்ளார்.

இந்நிலையில் ஆபத்தான கண்ணாடி துண்டுகளை விழுங்கிய குற்றச்சாட்டில் குறித்த இளைஞனை தம்புள்ளை பொலிஸார் கைது செய்துள்ளனர்.

கைது செய்யப்பட்ட நபர் வைத்தியசாலையில் அனுமதிக்கப்பட்டு சத்திர சிகிச்சைக்கு உட்படுத்தப்பட்டுள்ளார். தம்புளை வைத்தியசாலையில் மேற்கொள்ளப்பட்ட சத்திர சிகிச்சையின் போது, அவரின் வயிற்றில் இருந்து பெருமளவு கண்ணாடி துண்டுகள் மீட்கப்பட்டுள்ளன. சத்திர சிகிச்சைக்கு உட்படுத்தப்பட்டுள்ளார்.

குறித்த இளைஞன் நாட்டில் பல்வேறு நகரங்களுக்கு சென்று கண்ணாடி துண்டுகளை விழுங்கி சாகசம் செய்து வந்துள்ளார்.
இதற்கு முன்னர் 6 தடவைகள் அவரது வயிற்றில் சத்திர சிகிச்சை மேற்கொண்டு கண்ணாடி துண்டுகள் மீட்கப்பட்டுள்ளதாக வைத்தியர்கள் தெரிவித்துள்ளனர்.

14 வயதான பாடசாலை மாணவனை கத்தியால் குத்தி கொலை செய்த குற்றச்சாட்டை எதிர்நோக்கிய நபருக்கு 22 ஆண்டுகளின் பின்னர் கம்பஹா மேல் நீதிமன்ற நீதிபதி பிரியந்த பெர்னாண்டோ இன்று மரண தண்டனை விதித்து தீர்ப்பளித்துள்ளார்.

இதனை தவிர குற்றவாளி இரண்டு பேரை கத்தியால் குத்தி படுகாயம் ஏற்படுத்திய குற்றத்திற்கு தலா இரண்டு ஆண்டுகள் கடூழியச் சிறைத்தண்டனையும், ஆயிரம் ரூபாய் அபராதமும் விதித்து நீதிபதி தீர்ப்பளித்துள்ளார்.

கடந்த 1996ஆம் ஆண்டு ஜூலை மாதம் 31ஆம் திகதி நிட்டம்புவை நிக்கஹெட்டிகந்தை பிரதேசத்தில் ஏ.டி.அஜித் ரோஹன என்ற பாடசாலை மாணவனை கத்தியால் குத்தி கொலை செய்து, மேலும் இரண்டு பேருக்கு காயம் ஏற்படுத்திய குற்றச்சாட்டில் 5 பிள்ளைகளின் தந்தையான 59 வயதான ஹெல்ல தேவகே கருணாரத்ன என்பவருக்கே இந்த மரண தண்டனை தீர்ப்பு வழங்கப்பட்டுள்ளது.

இந்த சம்பவம் நடந்த காலத்தில் குற்றவாளிக்கு 37 வயது என தெரிவிக்கப்பட்டுள்ளது.

மட்டக்களப்பு பொலிஸ் பிரிவுக்குட்பட்ட கறுவப்பங்கேணி பகுதியில் ரயிலில் மோதுண்டு முதியவர் ஒருவர் உயிரிழந்துள்ளார். இந்த சம்பவம் நேற்று முன்தினம் இரவு இடம்பெற்றுள்ளது.

கறுவப்பங்கேணி வயிரவர் ஆலயத்திற்கு முன்னால் உள்ள புகையிர தண்டவாளத்தில் நேற்று இரவு அமர்ந்திருந்த முதியவரே இவ்வாறு ரயிலில் மோதுண்டுள்ளதாக மட்டக்களப்பு பொலிஸார் தெரிவித்துள்ளனர்.

குறித்த நபரை படுகாயமடைந்த நிலையில் மட்டக்களப்பு போதனா வைத்தியசாலைக்கு கொண்டுச் சென்ற போதிலும் அவர் உயிரிழந்திருந்ததாக வைத்தியசாலை வட்டாரங்கள் தெரிவித்துள்ளனர்.

இந்த சம்பவத்தில் புன்னைச்சோலையினை சேர்ந்த கந்தையா வடிவேல் என்னும் 71வயதுடைய முதியவரே உயிரிழந்துள்ளதாக பொலிஸார் கூறியுள்ளனர்.

சம்பவம் தொடர்பான மேலதிக விசாரணைகளை மட்டக்களப்பு பொலிஸார் மேற்கொண்டு வருகின்றனர்.

விபத்து சம்பவமொன்றில் மனைவி கணவரை நிர்க்கதியாகவிட்டு தன்னுயிரை மட்டும் காப்பாற்றிக் கொண்டுள்ள சம்பவமென்று இன்று பதிவாகியுள்ளது.

அலுத்கம முதல் காலி வரையில் பயணிக்கும் ரயில் ஒன்றில் கார் ஒன்று மோதுண்டதில் நபர் ஒருவர் படுகாயமடைந்துள்ளார். 57 வயதான கிங்தொட்ட பிரதேசத்தைச் சேர்ந்த நபர் ஒருவரே இவ்வாறு படுகாயமடைந்துள்ளார்.

இந்த சம்பவத்தில் படுகாயமடைந்த நபர் கராபிட்டிய வைத்தியசாலையின் தீவிர சிகிச்சைப் பிரிவில் அனுமதிக்கப்பட்டு தற்பொழுது சாதாரண வார்டிற்கு மாற்றம் செய்யப்பட்டுள்ளார்.

ரயில் தூரத்தில் வருவதனைக் கண்ட மனைவி காரின் கதவை திறந்து தான் மட்டும் விபத்தில் தப்பித்துக் கொண்டுள்ளார் என கொழும்பு ஊடகமொன்று செய்தி வெளியிட்டுள்ளது.

இதேவேளை, புகையிரத கடவையில் தற்காலிக அடிப்படையில் பணிக்கு அமர்த்தப்பட்டிருந்த பெண், புகையிரத கடவை கடக்க வேண்டாம் எனக் கூறிய போதிலும் அதனை பொருட்படுத்தாது இவர்கள் வாகனத்தைச் செலுத்தியுள்ளனர்.

இந்த சம்பவம் தொடர்பில் காலி பொலிஸார் விசாரணைகளை ஆரம்பித்துள்ளனர். மேலும், மனைவி அந்த சந்தர்ப்பத்தில் தப்பிச் சென்றாரா அல்லது காப்பாற்ற முயற்சித்து அந்த முயற்சி தோல்வியில் முடிந்ததா என்பது பற்றிய சரியான விபரங்கள் உறுதிப்படுத்தப்படவில்லை.

இதேவேளை, கணவன் மனைவி உறவு புனிதமானதாக போற்றப்பட்டு வரும் நிலையில் தன்னுரை பணயம் வைத்து கணவனை காப்பாற்றிய பல்வேறு சம்பவங்கள் பற்றி கேள்வியுற்றிருக்கின்றோம், எனினும் இங்கு பதிவிடப்படும் சம்பவம் சற்றே வித்தியாசமானது.