தெலுங்கானா மாநிலத்தில் உயர்ந்த சாதி பெண்ணை காதலித்து ஓடிப்போக முடிவு செய்த நபரை அப்பெண்ணின் கொடூரமாக அடித்துள்ளனர்.

தாழ்ந்த சாதியை சேர்ந்த சாய்கிரண் என்பவர் தனது வீட்டுக்கு அருகாமையில் உள்ள உயர்ந்த சாதி பெண் ஹரிதாவை காதலித்து வந்துள்ளார்.

இவர்கள் இருவருக்கும் பள்ளியில் இருந்தே ஒருவருக்கொருவர் தெரியும். இந்நிலையில், ஹரிதாவை தனது வீட்டுக்கு அழைத்து சென்று, நான் இப்பெண்ணை திருமணம் செய்துகொள்ளப்போகிறேன் என தனது அம்மாவின் கூறியுள்ளார் சாய்கிரண்.

இதனைகேட்டு அதிர்ச்சியடைந்த சாய்கிரணின் தாய், அவள் உயர்ந்தசாதியை சேர்ந்தவள், இது நமது குடும்பத்துக்கு சரிப்பட்டு வராது, அப்பெண்ணை கொண்டுபோய் அவளது வீட்டில் விட்டுவிடு என கூறியுள்ளார்.

இதற்கு சாய்கிரண் மறுக்கவே, ஹரிதாவை அழைத்துக்கொண்டு அவளது வீட்டில் கொண்டுபோய்விட்டு, நடந்தவை குறித்து விளக்கம் அளித்து, இப்படியொரு சம்பவம் நடந்ததை மறந்துவிடுங்கள் என அப்பெண்ணின் வீட்டாரிடம் தெரிவித்துவிட்டு வந்துள்ளார் சாய்கிரணின் தாய்.

இப்படி ஒரு சம்பவத்தை அடுத்து ஹரிதாவை வீட்டுக்குள் அடைத்துவைத்த பெற்றோர், அவருக்கு மாப்பிள்ளை பார்த்து வந்துள்ளனர். இந்த தகவலை ஹரிதா, காதலன் சாய்கிரணிடம் தெரிவித்துள்ளார்.

இதனால், ஓடிப்போக முடிவு செய்துள்ளனர். இதற்கிடையில் ஹரிதா குடும்பத்தினர் ஒரு வாரமாக சாய்கிரணை நோட்டம் விட்டுள்ளனர். இவர்கள் ஓடிப்போக இருப்பதை அறிந்துகொண்ட ஹரிதாவின் பெற்றோர், ஆட்களை ஏற்பாடு செய்து சாய்கிரணை அடித்து உதைத்துள்ளனர்.

கண் மற்றும் கால்களை உடைத்தும், செருப்பால் அடித்தும், தாழ்ந்த சாதி நபருக்கு எங்கள் உயர்ந்த சாதி பெண் வேண்டுமா என கேட்டு அடித்ததில், சாய்கிரண் சம்பவ இடத்தில் சுயநினைவை இழந்தார்.

இதனைத்தொடர்ந்து மருத்துவமனையில் அனுமதிக்கப்பட்டுள்ள அவருக்கு சிகிச்சை அளிக்கப்பட்டு வருகிறது. மேலும், ஹரிதாவின் பெற்றோர் மீதும் புகார் அளித்துள்ளதையடுத்து, ஹரிதாவின் தந்தையிடம் இதுகுறித்து பொலிசார் விசாரணை நடத்தி வருகின்றனர்.

கோயம்புத்தூர் மாவட்டத்தில் மனைவி இறந்த செய்தி கேட்டு அதிர்ச்சியடைந்து கணவர் உயிரிழந்துள்ளது சோகத்தை ஏற்படுத்தியுள்ளது,

சண்முகம் (56) என்பவரது மனைவி பாலாமணி(55). இன்று பாலாமணி தனது தாய் மாராத்தாளுடன் இருசக்கர வாகனத்தில் சென்றுள்ளார். அப்போது, எதிரே வந்த கார் மீது இவர்களது வாகனம் மோதி விபத்துக்குள்ளானதில் சம்பவ இடத்திலேயே பாலாமணி உயிரிழந்தார்.

இந்த தகவலறிந்த பாலாமணியின் கணவர் சண்முகம், தனது மனைவியின் உடலை பார்த்து கதறி அழுதுள்ளார். அப்போது திடீரென மயங்கி விழுந்த அவர் அப்படியே உயிரிழந்துள்ளார்.

இவர்கள் இருவரும் ஒன்றாக அடக்கம் செய்யப்பட்டுள்ளனர். குடும்பத்தில் மகிழ்ச்சியாக வாழ்ந்த தம்பதியினர் இறப்பிலும் ஒன்று சேர்ந்துள்ளனர்.

மும்பை மின்சார ரயிலில் பயணித்த யுவதி ஒருவர் ரயிலிலிருந்து தவறி விழுந்து உயிர் தப்பிய சம்பவம் ஒன்று இடம்பெற்றுள்ளது.

ரயில் கதவருகே நின்றுக் கொண்டு பயணித்த யுவதியொருவர், கையை வெளியே நீட்டியவாறு பயணம் செய்துள்ளார்.

இதன்போது எதிர்பக்கத்திலிருந்து மற்றுமொரு ரயில் வேகமாக அருகே பயணித்த நிலையில், வீசிய பலத்த காற்றின் காரணமாக நிலை தடுமாறிய யுவதி ரயிலிலிருந்து தவறி விழுந்துள்ளார்.

தவறி விழுந்து மிதிப்பலகையை பிடித்து தொங்கிக் கொண்டிருந்த யுவதியை அருகிலிருந்த சக பயணிகள் போராடி காப்பாற்றியுள்ளனர்.

இந்த காட்சி சக பயணியொருவரின் இதனை படம்பிடித்து வெளியிட்டுள்ளார்.

இந்தியாவின் ஆந்திரா மாநிலத்தில் 11 ஆண்டுகளாக குழந்தை பாக்கியம் இன்றி தவித்த பெண் ஒருவர் தூக்கிட்டு தற்கொலை செய்து கொண்ட சம்பவம் குடும்பத்தாரை சோகத்தில் ஆழ்த்தியுள்ளது.

ஆந்திரா மாநிலத்தின் பலாசா பகுதியில் குடியிருந்து வருபவர்கள் கனகதுர்கா(33) மற்றும் அவரது கணவர் வெங்கட சத்யநாராயணா ஆகியோர்.

திருமணமாகி இருவருக்கும் 11 ஆண்டுகள் கடந்த நிலையிலும் குழந்தைகள் இல்லை என்ற கவலை கனகதுர்காவை கவலையில் ஆழ்த்தி வந்துள்ளது.

இதே காரணத்தால் கணவன் மனைவி இருவருக்கும் இடையே அடிக்கடி வாக்குவாதம் ஏற்பட்டும் வந்துள்ளது.

இந்த நிலையில் புதனன்று காலை கண்விழித்து பார்த்த கணவருக்கு அதிர்ச்சி காத்திருந்தது. கனகதுர்கா மின்விசிரியில் தூக்கிட்டு தற்கொலை செய்து கொண்டுள்ளார்.

இதனையடுத்து உடனடியாக பொலிசாருக்கு தகவல் தெரிவிக்கவும், சம்பவயிடத்திற்கு விரைந்து வந்த பொலிசார் மேற்கொண்ட சோதனையில் கடிதம் ஒன்றை கைப்பற்றியுள்ளனர்.

அதில் திருமணமாகி 11 ஆண்டுகள் கடந்த பின்னரும் குழந்தை இல்லை என்ற கவலை தம்மை வாட்டி வந்ததாகவும், அதனாலையே தூக்கிட்டு தற்கொலை செய்துகொள்ளும் முடிவுக்கு வந்ததாகவும் அவர் குறிப்பிட்டிருந்தார்.

ஆனால் கடிதம் மற்றும் கணவரின் மொழியில் சந்தேகம் இருப்பதாக கருதிய பொலிசார், வழக்கை தீவிரமாக விசாரிக்க முடிவு செய்துள்ளதாகவும், கொலையாக இருக்கலாம் என்ற சந்தேகத்தையும் எழுப்பியுள்ளனர்.

திருமணமான ஒரு மாதத்தில் வெளிநாட்டவர் ஒருவர், மர்மமான முறையில் வீட்டில் தூக்கிட்டு தற்கொலை செய்துகொண்ட சம்பவம் பரபரப்பை ஏற்படுத்தியுள்ளது.

அவுஸ்திரேலியா நாட்டை சேர்ந்தவர் 40 வயதான ஆதாம் கிராஸ்வார்ட். சென்னையில் உள்ள தனியார் இசை பயிற்சி நிறுவனத்தில் வேலை செய்து வந்தார்.

அந்த நிறுவனத்தில் இசை பயிற்சிக்கு வந்த சென்னை, கொட்டிவாக்கம் பகுதி இளம்பெண் ரஷி (24) என்பவருடன் இவருக்கு பழக்கம் ஏற்பட்டது. இந்த பழக்கம் நாளடைவில் காதலாக மாறியது. மகளின் காதல் விவகாரம் குறித்து பெற்றோருக்கு தெரியவந்தது.

உடனே ரஷியின் பெற்றோர் ஆதாம் கிராஸ்வார்டை வீட்டிற்கு அழைத்து விசாரித்தனர். பின்னர், ஆதாம் கிராஸ்வார்டை அவரது பெற்றோரை அழைத்து வந்து முறைப்படி பெண் கேட்க ரஷியின் பெற்றோர் கூறியுள்ளனர்.

இந்த நிலையில் ஆதாம் ஏற்கெனவே திருமணமானவர் என்ற தகவல் ரஷியின் பெற்றோருக்கு தெரியவந்தது. இதனால் தங்கள் பெண்ணை திருமணம் செய்து கொடுக்க ரஷியின் பெற்றோர் மறுத்ததாக கூறப்படுகிறது.

இதனையடுத்து ஆதாம் தமது முன்னாள் மனைவியை முறைப்படி விவாகரத்து செய்துள்ளார். தொடர்ந்து கடந்த செப்டம்பர் முதல் வாரத்தில் இரு வீட்டார் சம்மதத்துடன் தனது காதலி ரஷியை திருமணம் செய்துள்ளார் ஆதாம்.

திருமணத்தை அடுத்து தனியாக ஒரு வீட்டை வாடகைக்கு எடுத்து இருவரும் குடும்பம் நடத்தி வந்துள்ளனர்.

சம்பவத்தன்று இரவு கணவரை திடீரென்று தேடிய ரஷி, அறை ஒன்றில் சந்தேகத்திற்கு இடமான வகையில் தூக்கில் தொங்குவதை பார்த்து அதிர்ச்சியடைந்தார்.

உடனே, இதுகுறித்து கானத்தூர் காவல் நிலையத்தில் ரஷி புகார் அளித்தார். பொலிசார் சம்பவ இடத்திற்கு சென்று ஆதாம் கிராஸ்வார்ட் உடலை மீட்டு பிரேத பரிசோதனைக்காக அனுப்பிவைத்துள்ளனர்.

தற்கொலை தொடர்பாக அவரது மனைவி ரஷி மற்றும் அவரது பெற்றோரிடம் பொலிசார் தொடர் விசாரணை நடத்தி வருகின்றனர்.

வலிப்பு நோய் மற்றும் மூளை பாதிப்புக்கு உள்ளான தனது 10 வயது மகனை , கருணைக் கொலை செய்ய அனுமதிக்க கோரி கடலூரை சேர்ந்த திருமேனி என்பவர் சென்னை உயர் நீதிமன்றத்தில் மனுத்தாக்கல் செய்திருந்தார்.

மகன் வலிப்பு நோயால் துடிப்பதை பார்ப்பது வேதனையாக உள்ளது, எனவே மகனை கருணைக் கொலை செய்துவிடுங்கள் என அனுமதி கோரியுள்ளனர்.

பெற்றோர் அளித்த மனுவை விசாரித்த நீதிபதிகள் மருத்துவ அறிக்கையை சமர்பிக்க உத்தரவிட்டனர். சென்னை அரசு பல்நோக்கு சிறப்பு மருத்துவமனையில் மருத்துவ பரிசோதனை செய்யப்பட்டது.

அதன்படி இன்று மருத்துவ அறிக்கை வந்தது. மருத்துவ அறிக்கையில் சிறுவனை குணப்படுத்தமுடியாது எனக்குறிப்பிடப்பட்டுள்ளது. இந்த அறிக்கையை படித்த நீதிபதி கிருபாகரன் கண்ணீர் சிந்தினார்.

சிறுவனை பராமரித்துக் கொள்ள தொண்டு நிறுவனம் தயாராக இருப்பதாக மத்திய அரசு தரப்பில் தெரிவிக்கப்பட்டது. ஆனால் அதை ஏற்க, அச்சிறுவனின் தந்தை மறுத்து விட்டார்.

சிறுவனின் பெற்றோருக்கு மாதாந்திர நிதியுதவி வழங்க முடியுமா , மருத்துவ உதவி வழங்க முடியுமா என்பது குறித்து பதிலளிக்க மத்திய மாநில அரசுகளுக்கு நீதிபதிகள் உத்தரவிட்டனர்.

திருப்பூர் மாவட்டத்தில் பல ஆண்களுடன் தாய் சுற்றித்திரிந்த காரணத்தால் கோபம் கொண்ட மகன் தாயை கொலை செய்த குற்றத்திற்காக கைது செய்யப்பட்டுள்ளார்.

லட்சுமி என்பவரது கணவன் கடந்த ஒரு ஆண்டுகளுக்கு முன்னர் பிரிந்துசென்றுவிட்டதால் இவர் தனது இரண்டு மகன்களையும் தையல் வேலை செய்து காப்பாற்றி வந்துள்ளார்.

மூத்தமகன் அந்த பகுதியில் உள்ள பனியன் நிறுவனத்தில் வேலை செய்து வருகிறார். 17 வயது உடைய இளைய மகன் திருப்பூரில் உள்ள கல்லூரியில் பி.பி.ஏ. முதலாமாண்டு படித்து வருகிறார்.

இந்நிலையில் கடந்த 2 ஆம் திகதி லட்சுமி கழுத்து இறுக்கப்பட்டு கொலை செய்யப்பட்டு கிடந்தார். இதனை பார்த்து மூத்த மகன் அதிர்ச்சியடைந்தார்.

விசாரணையில், கல்லூரியில் முதலாம் ஆண்டு படித்து வந்த இரண்டாவது மகன், பி.எஸ்சி. 3-ம் ஆண்டு படிக்கும் மாணவி ஒருவரை காதலித்து வந்துள்ளார்.

இந்த விவரத்தை அந்த மாணவர் தனது தாயாரிடம் தெரிவித்து, அந்த மாணவியை திருமணம் செய்து கொள்ள ஒப்புதல் கேட்டுள்ளார். அப்போது மாணவனின் தாயார், அந்த மாணவிக்கு வயது அதிகம் இருப்பதால் வயது வித்தியாசம் உள்ளது.

எனவே திருமணம் செய்ய எதிர்ப்பு தெரிவித்துள்ளார். அப்போது மாணவனுக்கும், அவருடைய தாயாருக்கும் இடையே வாக்குவாதம் ஏற்பட்டுள்ளது. இதனால் கோபம் அடைந்த மாணவன் தனது தாயாரை பார்த்து “நீ என்ன யோக்கியமா, கண்ட கண்ட ஆண்கள் கூட சுற்றித்திரிகிறாய்” என்று கூறியுள்ளான்.

இதனால் அவர்களுக்குள் வாக்குவாதம் முற்றவே ஆத்திரம் அடைந்த மாணவன், வீட்டில் இருந்த கயிற்றால் தயாரின் கழுத்தை இறுக்கி கொலை செய்து விட்டு, அங்கிருந்து தப்பி ஓடி அந்த பகுதியில் உள்ள கோவிலில் இரவு தங்கி உள்ளான்.

இதற்கிடையில் ஊர் பொதுமக்களுக்கு நடந்த விவரம் தெரிந்து விட்டதால் பயந்துபோய் கிராம நிர்வாக அதிகாரியிடம் சரண் அடைந்துள்ளான்.

நடந்த சம்பவங்கள் அனைத்தையும் வாக்குமூலமாக பொலிசிடம் அளித்துள்ளான். இது குறித்து பொலிசார் கொலை வழக்குப்பதிவு செய்து அந்த மாணவனை கைது செய்து கோவையில் உள்ள சிறுவர் சீர்திருத்த பள்ளியில் அடைத்தனர்