கொல்கத்தாவில் உள்ள பிரெஸிடென்சி சிறைச்சாலையில் கைதி ராமசந்திராவுக்கு வயிற்றுவலி ஏற்பட்டுள்ளது.

வருக்கு வலி அதிகரிக்கவே உடனடியாக அங்குள்ள அரசு மருத்துவமனைக்கு அழைத்துச் செல்லப்பட்டார். மருத்துவர்கள் ராமசந்திராவின் வயிற்றில் எக்ஸ்ரே எடுத்துப் பார்த்தபோது அனைவருக்கும் பெரும் அதிர்ச்சி காத்திருத்தது.

அதிகாரிகளின் திடீர் சோதனையின்போது சிக்கிய ராமசந்திரா தன்னிடமிருந்த போனை மறைக்க அதை விழுங்கியுள்ளார். இதனால்தான் அவருக்கு வயிற்று வலி ஏற்பட்டுள்ளது.

கைதி போனை விழுங்கியது எக்ஸ்ரேவில் தெரியவந்துள்ளது. பிறகு அவர் அங்கிருந்து நேற்று எம்.ஆர் பாங்கூர் மருத்துவமனைக்கு மாற்றப்பட்டுள்ளார். அங்கே அவருக்குத் தீவிர சிகிச்சைகள் அளிக்கப்பட்டு வருகிறது.

7 செமீ அளவுள்ள போனை விழுங்கியுள்ளார் என்பது எக்ஸ்ரே சோதனையில் தெரியவந்துள்ளது. மருத்துவர்கள் குடல் இயக்கம் வழியாகப் போனை வெளியில் எடுக்க முயற்சி செய்து வருகின்றனர்.

அது முடியாமல் போனால் கைதிக்கு அறுவை சிகிச்சை செய்யப்படும் என சிறை அதிகாரி தெரிவித்துள்ளார்.

இந்தியாவின் ஆந்திரா மாநிலத்தில் கணவரின் கொடுமை தாங்காமல் திருமணமான மூன்றே மாதத்தில் புதுப்பெண் தூக்கிட்டு தற்கொலை செய்துகொண்டுள்ள சம்பவம் அதிர்ச்சியை ஏற்படுத்தியுள்ளது.

ஆந்திரா மாநிலத்தின் விசாகபட்டினம் மாவட்டத்தில் வியாழனன்று இரவு இந்த கொடூர சம்பவம் அரங்கேறியுள்ளது. கடந்த ஆகஸ்டு மாதம் 25 ஆம் திகதி ரோகினி(25) என்பவருக்கும் பாரவாடா பகுதியை சேர்ந்த மோகன் குமார் என்பவருக்கும் பெற்றோர் சம்மதத்துடன் திருமணம் நடந்துள்ளது.

திருமணத்தை அடுத்து புதுமணதம்பதிகள் குர்மன்னேபாளயம் பகுதியில் உள்ள அடுக்குமாடி குடியிருப்பில் செப்டம்பர் 3-ஆம் திகதியில் தனிக்குடித்தனம் சென்றுள்ளனர்.

இந்த நிலையில் கடந்த 27 ஆம் திகதி இரவு மோகன் அலுவலகம் முடித்து குடியிருப்பு திரும்பியபோது, தமது மனைவி தூக்கிட்டு தற்கொலை செய்து கொண்டுள்ளதை கண்டுள்ளார்.

உடனடியாக அவரது உறவினர்களுக்கு தொலைபேசியில் தகவல் அளித்துள்ளார் மோகன். இதனையடுத்து உடனடியாக சம்பவப்பகுதிக்கு விரைந்துள்ளனர் ரோகினியின் உறவினர்கள்.

மட்டுமின்றி ரோகினியின் தற்கொலை தொடர்பில் தங்களுக்கு சந்தேகம் இருப்பதாக கூறி பொலிசாருக்கும் புகார் அளித்துள்ளனர்.
கணவரின் கொடுமை தாங்காமலே ரோகினி தற்கொலை செய்து கொண்டுள்ளதாகவும் அந்த புகாரில் அவர்கள் குறிப்பிட்டுள்ளனர்.

முன்னதாக மோகன் தொடர்பில் தனது பெற்றோரிடம் புகார் அளித்துள்ளார் ரோகினி. ஆனால் திருமண பந்தத்தில் சகிப்புத் தன்மையே முக்கியம் எனக் கூறி ரோகினிக்கு உபதேசம் செய்துள்ளனர் அவரது பெற்றோர்.

தற்போது ரோகினி தற்கொலை செய்து கொண்டுள்ளதால் மோகன் மீது தகுந்த நடவடிக்கை எடுக்க வேண்டும் என அவர்கள் கோரிக்கை வைத்துள்ளனர்.

திருமணத்துக்கு பிறகு 13 வயது சிறுமியின் வயிற்றில் வளரும் கருவை கலைக்க கோரிய மனுவை விசாரித்த சென்னை உயர் நீதிமன்றம், சிறுமியின் உடல்நிலையை பரிசோதித்து அறிக்கை தாக்கல் செய்யுமாறு பெரம்பலூர் அரசு மருத்துவமனை மருத்துவருக்கு உத்தரவிட்டுள்ளது.

பெரம்பலூர் மாவட்டத்தைச் சேர்ந்த சுந்தரி என்பவரின் 13 வயது மகளுக்கு, ஐந்து மாதங்களுக்கு முன்பு இளைஞர் ஒருவருடன் திருமணம் நடந்தது.

குழந்தை திருமணத்துக்கு அந்த கிராமத்தில் உள்ள பலர் எதிர்ப்பு தெரிவித்த நிலையிலும் திருமணம் நடந்தது.

இந்நிலையில், அந்த சிறுமி கர்ப்பமானார். தற்போது, 12 வார கருவை சுமந்துள்ள அச்சிறுமி உடல்நிலை பாதிக்கப்பட்டதால், பெரம்பலூர் மாவட்ட அரசு தலைமை மருத்துவமனைக்கு அவரது தாய் அழைத்துச் சென்றார்.

சிறுமிக்கு சிகிச்சை அளித்த மருத்துவர், குழந்தை திருமணம் பற்றி குழந்தைகள் பாதுகாப்பு மையத்துக்கு தகவல் தெரிவித்தார்.

அதன் அடிப்படையில், பெரம்பலூர் அனைத்து மகளிர் காவல் நிலையத்தில் குழந்தை திருமண தடைச் சட்டத்தின் கீழ் வழக்கு பதிவு செய்யப்பட்டது. சிறுமியின் கணவர் கைது செய்யப்பட்டார்.

இந்நிலையில், சிறுமியின் உடல் நிலை மிகவும் மோசமடைந்து உயிருக்கு ஆபத்தான சூழ்நிலை உள்ளதால், கருவை கலைக்கக்கோரி, சிறுமியின் தாய் சென்னை உயர் நீதிமன்றத்தில் வழக்கு தொடர்ந்தார்.

இந்த வழக்கு நீதிபதி ஆர்.மகாதேவன் முன்னிலையில் விசாரணைக்கு வந்தது. வழக்கை விசாரித்த நீதிபதி, பாதிக்கப்பட்ட சிறுமியின் உடல்நிலை குறித்து பரிசோதித்து நீதிமன்றத்தில் அறிக்கை தாக்கல் செய்யுமாறு பெரம்பலூர் மாவட்ட அரசு தலைமை மருத்துவமனை மருத்துவருக்கு உத்தரவிட்டுள்ளார்

கர்நாடகாவின் விஜயபுரா மாவட்டத்தைச்சேர்ந்த 17 வயது மாணவி லதா என்பவரின் குடும்பத்தை 5 வருடங்களுக்கு முன்பு சாதிப்பாகுபாடு காரணமாக அக்கிராமத்தைச் சேர்ந்த சிலர் ஊரை விட்டு தள்ளி வைத்துள்ளனர்.

கிராமத்தினர் யாரும் இவர்களுடன் பேசுவதில்லை. இது குறித்து நாங்கள் காவல்துறையிடம் புகார் அளித்தும் எந்த நடவடிக்கையும் எடுக்கப்படவில்லை.

பிரதமர் மோடிக்கும் கடிதங்கள் எழுதப்பட்டும், எந்த நடவடிக்கையும் எடுக்கப்படவில்லை என தெரிவித்த லதா, பின்னர் இனி நான் வாழ்வதற்கான எந்தக் காரணமும் இங்கு இல்லை எனக்கூறி தூக்கமாத்திரைகளை விழுங்கி தற்கொலைக்கு முயன்றுள்ளார்.

இது குறித்து பேசிய லதாவின் தந்தை, தற்கொலைக்கு முயன்ற என் மகள் தற்போது தேறி வருவதாகவும்,24 மணிநேர மருத்துவ கண்காணிப்பில் இருப்பதாகவும் தெரிவித்துள்ளார்.

தொழிலதிபர் பாட்டிலின் பெயரைச்சொல்லிதான் எனது இடம் பிடுங்கப்பட்டது. நாங்கள் அவரிடத்தில் புகார் தெரிவித்தும் பயனில்லை. காவல்துறையிடம் புகார் அளித்தும் அவர்கள் எந்த நடவடிக்கையும் எடுக்கவில்லை என்றும் அவர் குற்றம்சாட்டியுள்ளார்.

லதாவின் உடல் தேறியபிறகு விசாரணை முடுக்கிவிடப்படும். லதாவின் தந்தை அளித்த புகாரின்படி விசாரணை நடைபெற்று வருவதாகவும் விரைவில் உரிய நடவடிக்கை எடுக்கப்படும் என்று பொலிசார் தெரிவித்துள்ளனர்.