பிரித்தானியாவில் முன்னாள் மனைவியை பழிவாங்கும் பொருட்டு 8 வயதேயான சொந்த மகளை தந்தையே கத்தியால் குத்தி கொன்ற சம்பவம் அதிர்வலைகளை ஏற்படுத்தியுள்ளது.

மேற்கு மத்திய இங்கிலாந்தில் உள்ள Walsall நகரிலேயே இந்த ஆண்டு ஜனவரி மாதம் குறித்த கொடூர சம்பவம் அரங்கேறியுள்ளது.

சம்பவத்தன்று பிரிந்து சென்ற மனைவி Tracey Taundry தமது முன்னாள் கணவரின் குடியிருப்பில் தங்கியிருந்த 8 வயது மகளை அழைத்துச் செல்ல வந்திருந்தார்.

டிரேசியுடன் சிறுமியும் கிளம்பிய சில நொடிகளில் திடீரென்று குடியிருப்பின் உள்ளே இருந்து வெளியே வந்த வில்லியம் பில்லிங்காம், தமது மகள் மிலியை வலுக்கட்டாயமாக பிடித்து இழுத்து மீண்டும் குடியிருப்புக்கு உள்ளேயே சென்றுள்ளார்.

பின்னர் சமையலறை கத்தியை எடுத்து சிறுமி மிலியின் மார்பில் குத்தி இறக்கியுள்ளார். சிறுமி மிலி விட்டுவிட கேட்டு கதறியும், கண்டுகொள்ளாத வில்லியம், அந்த சிறுமியை கொடூரமாக கொலை செய்துள்ளார்.

தகவல் அறிந்து பொலிசார் வரும்போது, சிறுமி மிலியின் உடலோடு அணைத்தபடி வில்லியம் படுத்திருந்துள்ளார். அவரது முகத்திலும் உடலிலும் ரத்தம் வழிந்தபடி இருந்துள்ளது.

முதற்கட்ட விசாரணையில் வில்லியத்திடம் இருந்து பிரிந்து சென்ற மனைவி டிரேசி இன்னொரு பெண்ணுடன் ஒருபால் உறவு வைத்துக் கொண்டது இவருக்கு ஆத்திரத்தை தந்துள்ளது என தெரியவந்துள்ளது.

இருப்பினும் அவர்களது உறவில் தமக்கு எவ்வித பிரச்னையும் இல்லை என்றே பொலிஸ் விசாரணையில் அவர் தெரிவித்துள்ளார். இந்த வழக்கின் விசாரணை முடிவடைந்துள்ள நிலையில், இன்று மீண்டும் நீதிமன்றத்தில் அதிகாரிகளால் ஆஜர்படுத்தப்பட்டுள்ளார்.

நாளை கொலை குற்றம் தொடர்பில் நீதிமன்றம் தண்டனை விபரங்களை அறிவிக்கும் என கூறப்படுகிறது.

சான்விச் ஒவ்வாமையால் பறக்கும் விமானத்தில் சுருண்டு விழுந்து மரணமடைந்த பிரித்தானிய இளம்பெண்ணை மரணம் இரண்டாவது முறையாக அழைத்து சென்றுள்ளதாக அவரது தாயார் தெரிவித்துள்ளார்.

பிரித்தானிய தொழிலதிபரின் மகளான 15 வயது Natasha Ednan-Laperouse தமது நெருங்கிய தோழி மற்றும் தந்தையுடன் பிரான்சின் நைஸ் நகருக்கு சுற்றுலா சென்றுள்ளார்.

இந்த நிலையில் விமானத்தில் வைத்து தாம் வாங்கிச் சென்ற எள் விதைகள் சேர்க்கப்பட்ட சான்விச் ஒன்றை சாப்பிட்டுள்ளார். இது அவருக்கு ஒவ்வாமையை ஏற்படுத்த, அவரது குடியிருப்பில் இருந்து சுமார் 800 மைல்கள் தொலைவில் இருக்கும் Cote d’Azur நகரில் வைத்து சிகிச்சை பலனின்றி மரணமடைந்துள்ளார்.

இச்சம்பவம் நடாஷாவின் மொத்த குடும்பத்தையும் கடுமையாக உலுக்கியுள்ள நிலையில், தமது மகளை எவ்வாறு இதுபோன்ற சிக்கலில் இருந்து இதுவரை காத்து வந்தது தொடர்பில் நடாஷாவின் தாயார் மனம் திறந்துள்ளார்.

ஒவ்வாமை அவர்களது குடும்ப வியாதியாக இருந்தாலும் முட்டை உள்ளிட்ட குறிப்பிட்ட பொருட்களின் வாசம் அல்லது பயன்பாடு நடாஷாவுக்கு எக்ஸிமா என்ற நோய் பாதிப்பை அளித்துள்ளது.

நடாஷா 6 மாத குழந்தையாக இருக்கும்போது வாழைப்பழம் ஒன்றை சுவைத்த நிலையில் முதன் முறையாக அவருக்கு ஒவ்வாமை இருப்பது குடும்பத்தாருக்கு தெரியவந்தது.

சம்பவத்தன்று மிகவும் ஆபத்தான நிலையில் மருத்துவமனையில் சேர்ப்பித்த அவரை மருத்துவர்கள் போராடி மீட்டுள்ளதாக தாயார் தெரிவித்துள்ளார். அதன் பின்னர் நடாஷா ஒரு போராளியாகவே இதுவரையான காலகட்டத்தில் வாழ்ந்து வந்ததாகவும், அவர் குறிப்பிட்டுள்ளார்.

9 மாதம் இருக்கும்போது பால் வடிவத்தில் அடுத்த சோதனை நடாஷாவுக்கு ஏற்பட்டுள்ளது. அப்போதும் அந்த முயறிசியில் இருந்து நடாஷா மீண்டு வந்துள்ளார்.

பால் பொருட்களின் துகள்கள் காற்றில் கலந்திருந்தாலே அது நடாஷாவுக்கு ஒவ்வாமையை அளித்தது. மட்டுமின்றி நடாஷா குடும்பத்தினர் வெளியே எங்கு சுற்றுலா சென்றாலும், சொந்தமாக தயாரித்த உணவுகளையே எடுத்துச் சென்றுள்ளனர்.

சம்பவம் நடந்த ஜூலை 17, 2016 ஆம் ஆண்டு காலை 9.50 மணியளவில் நடாஷா சான்விச் ஒன்றை வாங்கி விமானத்தில் வைத்து சாப்பிட்டுள்ளார்.

10.50 மணியளவில் ஒவ்வாமை காரணமாக விமானத்திலேயே நடாஷா சுருண்டு விழுகின்றார். அடுத்த 50 நிமிடங்களில் நடாஷாவுக்கு மாரடைப்பு ஏற்பட்டுள்ளது.

இதனையடுத்து நைஸ் நகர மருத்துவனையில் சேர்ப்பிக்கப்பட்டு தீவிர சிகிச்சை வழங்கப்படுகிறது. ஆனால் சிகிச்சை பலனின்றி இரவு 8 மணியளவில் நடாஷா மரணமடைந்த தகவல் மருத்துவர்களால் தெரிவிக்கப்பட்டுகிறது.

15 ஆண்டு காலம் பல முறை ஒவ்வாமை காரணமாக மரணத்தை எதிர்கொண்டு வெற்றிகண்ட நடாஷா அன்று மரணத்திற்கு தன்னை ஒப்படைத்துள்ளதாக அவர் தாயார் கண்ணீருடன் தெரிவித்துள்ளார்.

வங்கதேசத்தில் பிச்சை எடுத்து வந்த மாற்றுத்திறனாளி பெண் தனது தன்னம்பிக்கையால் தற்போது சைக்கிள் ரிக்‌ஷா ஓட்டி பிழைப்பு நடத்தி வருகிறார்.

டாக்காவை சேர்ந்தவர் ரோஜினா பேகம். கால்கள் சரியாக நடக்கமுடியாத மாற்றுத்திறனாளியான இவர் மூன்று ஆண்டுகளுக்கு முன்னர் வரை பிச்சை எடுத்து தனது குழந்தைகளை காப்பாற்றி வந்தார்.

இது குறித்து என் குழந்தைகளின் நண்பர்கள் அவர்களை கிண்டல் செய்தார்கள். என்னால் என் குழந்தைகளுக்கு அவமானம் ஏற்படக்கூடாது என முடிவெடுத்தேன்.

இதையடுத்து சகோதரர் ஒருவர் மோட்டரில் இயங்கும் ரிக்‌ஷாவை கற்றுத்தர வேண்டினேன். அவரும் எனக்கு ஆறு மாதத்தில் கற்றுக்கொடுத்தார்.

தொடக்கத்தில் நான் பெண் என்பதால் என் ரிக்‌ஷாவில் ஏற மக்கள் தயங்கினார்கள். அவர்கள் மறுக்கும்போது நான் மாற்றுத்திறனாளி எனக்கு வாழ உதவுங்கள் என்பேன். இதன்பின்னர் மக்கள் என் ரிக்‌ஷாவில் ஏற தொடங்கினார்கள்.

தினமும் 200லிருந்து 250 ரூபாய் வரை சம்பாதிக்கிறேன். இதன்மூலம் குழந்தைகளின் உணவு மற்றும் பிற தேவைகளை பூர்த்தி செய்ய முடிகிறது.

எனக்கு பிச்சை போட்டவர்கள் தற்போது என்னை வேலைக்கு போகும் பெண்ணாக பார்க்கிறார்கள். என் ரிக்‌ஷாவிலும் அவர்கள் பயணிக்கிறார்கள் என கூறியுள்ளார்.