புலம்பெயர் நாடுகளில் வாழும் இலங்கையர்களுக்கு இரட்டை பிரஜாவுரிமை வழங்குவதன் மூலம் பல நன்மைகளை பெற்றுக்கொள்ள முடியும் என அமைச்சர் எஸ்.பி.நாவின்ன தெரிவித்துள்ளார்.

நாட்டை விட்டு வெளியேறி வேறு நாடுகளில் வசிப்போர் இலங்கைப் பிரஜாவுரிமை பெற்றுக்கொள்வதன் மூலம் நாட்டின் அபிவிருத்திக்குப் பங்களிப்புச் செய்ய முடியும்.

பிரஜாவுரிமையினை பெற்றுக்கொண்டவர்கள் வெளிநாடுகளிலேயே வசிக்காமல், அனைத்துத் துறைகளிலும் நாட்டின் மேம்பாட்டிற்குப் பங்களிப்புச் செய்ய வேண்டும் என அமைச்சர் கோரிக்கை விடுத்தார்.

இலங்கையை பூர்வீகமாக கொண்ட நிலையில், புலம்பெயர் நாடுகளில் வாழும் ஒருதொகுதியினருக்கு இன்று பிரஜாவுரிமை வழங்கி வைக்கப்பட்டது.

இது தொடர்பான நிகழ்வு இன்று பத்தரமுல்லையில் உள்ள குடிவரவு, குடியகல்வு திணைக்களத்தில் நடைபெற்றது.

இந்த நிகழ்வில் கலந்து கொண்டு உரையாற்றும் போதே அமைச்சர் இந்த கருத்துக்களை வெளியிட்டார்.

பொதுபல சேனாவின் செயலாளர் கலகொட அத்தே ஞானசார தேரர் சிறையிலிருந்து விடுதலையாகும்வரை தாடி வளர்ப்பதற்கு தீர்மானித்துள்ளதாக தெரிவிக்கப்படுகிறது.

அவர் இன்று பிற்பகல் சிறி ஜயவர்த்தனபுர வைத்தியசாலைக்கு மாற்றம் செய்யப்பட்ட போது ஞானசார தேரர் தாடியுடன் உள்ள புகைப்படங்கள் வெளியாகியுள்ளன.

ஞானசார தேரர் வெலிக்கடை சிறைச்சாலை வைத்தியசாலையில் சிகிச்சை பெற்றுவந்த நிலையில், ஜயவர்த்தனபுர வைத்தியசாலைக்கு மேலதிக சிகிச்சைக்காக வைத்தியர்களின் பரிந்துரைக்கேற்ப இன்று மீண்டும் மாற்றப்பட்டுள்ளார்.

நீதிமன்றத்தை அவமதித்த குற்றசாட்டின் பேரில் ஞானசார தேரருக்கு 6 வருட கடூழியச் சிறைத்தண்டனை வழங்கப்பட்டமை குறிப்பிடத்தக்கது.

இலங்கை இளைஞனின் மற்றுமொரு 3D புகைப்படங்கள் இணையத்தில் பிரபல்யம் அடைந்துள்ளன.

போதிய வசதிகள் இல்லாத போதும் தனது திறமையை வெளிப்படுத்தும், ஓவியரும், புகைப்பட கலைஞருமான துஷார சம்பத் 3D புகைப்படங்களை வரைந்துள்ளர்.

துஷாரவினால் வரையப்படும் 3D புகைப்படங்கள் இலங்கையர்களால் மட்டுமன்றி சர்வதேசத்தையும் தன்பக்கம் திரும்ப வைத்துள்ளார்.

3D படங்களை வரைவதற்கு போதுமான வசதிகள் இல்லாத நிலையிலும், தனக்கு கிடைத்தவற்றை கொண்டு படம் வரையும் நடவடிக்கையில் துஷார ஈடுபட்டுள்ளார்.

இந்நிலையில் 3D முறையில் அவர் வரைந்த படம் பார்ப்பதற்கு உண்மையான காட்சி போன்றே காணப்படுகின்றது.

துஷாரவினால் ஏற்கனவே வரையப்பட்ட 3D புகைப்படங்கள் மிகவும் பிரபல்யம் அடைந்திருந்தமை குறிப்பிடத்தக்கது.

களனியில் திருமணமான இரண்டு நாட்களின் கணவனின் மறுபக்கத்தை தெரிந்த கொண்ட மனைவி அதிர்ச்சி அடைந்துள்ளார்.

போதைப்பொருளுக்கு அடிமையான கணவன், திருமணமான இரண்டு நாளில் பொலிஸாரிடம் சிக்கியுள்ளார். கஞ்சாவை தன்வசம் வைத்திருந்த நபர் ஒருவரே இவ்வாறு பொலிஸாரினால் கைது செய்யப்பட்டுள்ளார். குறித்த நபர் போதைப்பொருளுக்கு தீவிரமாக அடிமையானவர் என களனி பொலிஸார் தெரிவித்துள்ளனர்.

திருமணத்திற்கு முன்னர் கஞ்சாவுக்கு அடிமையாகியிருந்த குறித்த நபர் திருமணத்திற்கு பின்னரும் அவரால் அந்த பழக்கத்தை கைவிட முடியாமல் போயுள்ளது.

இந்நிலையில் மனைவிக்கு தெரியாமல் கஞ்சா பயன்படுத்த சென்ற குறித்த நபர் பொலிஸாரிடம் சிக்கியுள்ளார். தான் கஞ்சா வைத்திருந்த விடயத்தை மனைவிக்கு தெரிவிக்க வேண்டாம் என அவர் பொலிஸாரிடம் கெஞ்சியுள்ளார்.

கைது செய்யப்பட்ட சந்தேக நபர் நீதிமன்றத்தில் ஆஜர்படுத்தப்பட்டதன் பின்னர் பிணையில் விடுவிக்கப்பட்டுள்ளார்.

பலத்த நம்பிக்கையுடன் வாழ்க்கை பயணத்தில் இணைந்த புதுமண பெண்ணுக்கு, கணவன் போதைப்பொருளுக்கு அடிமையானவர் என்ற விடயம் தெரிய வந்துள்ளது. இதன் காரணமாக மணப்பெண் உட்பட குடும்பத்தினர் பெரும் அதிர்ச்சியில் உள்ளதாக தெரிவிக்கப்பட்டுள்ளது.

பருத்தித்துறை, வீதி நல்லூரில் உள்ள மந்திரிமனைக்குள் நின்ற காதல் ஜோடியை விரட்டியடித்த வயதான காவலாளி மீது இளைஞர் குழு ஒன்று தாக்குதல் நடத்தியுள்ளது. குறித்த சம்பவம் தொடர்பில் மேலும் தெரியவருவதாவது,

நல்லூர் மந்திரிமனைக்குள் கடந்த வாரம் இளைஞர் ஒருவரும், இளம் பெண் ஒருவரும் இருந்துள்ளனர். இதன்போது குறித்த இளைஞன் இளம் பெண் மீது சரமாரியாக தாக்குதல் நடத்தியுள்ளார். இதனை அவதானித்த காவலாளி இருவரையும் அங்கிருந்து விரட்டியடித்துள்ளார்.

இதன் பின்னர் இன்று மத்தியம் 3 பேர் கொண்ட இளைஞர் குழு கம்பிகள், தடிகள் சகிதம் மோட்டார் சைக்கிளில் வந்திறங்கி மந்திரிமனையின் காவலாளியை அழைத்து சரமாரியாக தாக்கியுள்ளனர். இதில் வயதான காவலாளி பாடுகாயமடைந்துள்ளார்.

இதனையடுத்து அங்கிருந்தவர்களின் உதவியுடன் காவலாளி யாழ்.பொலிஸ் நிலையத்தில் முறைப்பாடு பதிவு செய்துள்ளதுடன் சிகிச்சைக்காக வைத்தியசாலையில் அனுமதிக்கப்பட்டுள்ளார்.

இந்த தாக்குதல் சம்பவம் குறித்து பொலிஸார் விசாரணைகளை ஆரம்பித்துள்ளனர். இதேவேளை மந்திரிமனைக்குள் இவ்வாறான சமூக பிறழ்வு நடத்தைகள் அவ்வப்போது நடப்பதாக தெரிவிக்கப்படுகின்றது.