கேரள மாநிலத்தில் தனது தோழியுடன் மீது கொண்ட காதலால் அவருடன் இணைந்து வாழப்போவதாக இளம்பெண் தெரிவித்ததையடுத்து நீதிமன்றம் அப்பெண்ணை தோழியுடன் செல்ல அனுமதி வழங்கியுள்ளது.

உயர்நீதிமன்றத்தில் ஸ்ரீஜா என்பவர் தொடர்ந்த ஆட்கொணர்வு மனுவில், என்னுடன் சேர்ந்து வாழ்ந்து வந்த அருணா என்பவரை அவரது பெற்றோர் பிரித்து சென்று வீட்டில் வலுக்கட்டாயமாக அடைத்து வைத்துள்ளதாக குற்றம்சாட்டியிருந்தார்.

ஓரினச்சேர்க்கை குற்றமாகாது என்று உச்சநீதிமன்றம் அண்மையில் தீர்ப்பளித்து இருப்பதையும் மனுதாரர் சுட்டிக்காட்டியிருந்தார். இதையடுத்து நீதிமன்ற உத்தரவை அடுத்து அருணாவை காவல்துறையினர் நீதிமன்றத்தில் ஆஜர்படுத்தினர்.

அப்போது ஸ்ரீஜாவுடன் சேர்ந்து வாழவே தாம் விரும்புவதாக அருணா ஐகோர்ட்டில் தெரித்ததையடுத்து. அவர்கள் இருவரும் சேர்ந்து வாழ அனுமதி அளித்து நீதிபதி உத்தரவிட்டனர்.

சிவகங்கை மாவட்டம் காரைக்குடி அடுத்த கணேசபுரம் பகுதியை சேர்ந்த பிச்சை என்பவர், சுமை தூக்கும் தொழில் செய்து வந்தார். இவரது மகள் கற்பகவள்ளி கணவனை பிரிந்து தாய் தந்தையருடன் வசித்து வந்துள்ளார்.

நேற்றிரவு குடிபோதையில் தனது மகளுடன், பிச்சை தகராறில் ஈடுபட்டுள்ளார். அப்போது தகாத வர்த்தைகளால் மகள் கற்பகவள்ளியை தந்தை பிச்சை திட்டியுள்ளார்.

இதனால் ஆத்திரமடைந்த கற்பகவள்ளி, இரவு தூங்கிக்கொண்டிருந்த பிச்சையின் தலையில் கிரைண்டர் கல்லைத் தூக்கிப் போட்டுள்ளார்.

இதில் படுகாயமடைந்த பிச்சை சம்பவ இடத்திலேயே உயிரிழந்தார். தகவலறிந்து வந்த பொலிசார் கற்பகவள்ளியை கைது செய்து விசாரணை நடத்தி வருகின்றனர்

சென்னையில் சொத்து தகராறு காரணமாக பெற்ற தாயை, மகனே கொடூரமாக கொலை செய்துள்ள சம்பவம் பரபரப்பை ஏற்படுத்தியுள்ளது.

பாலவாக்கம் மணியம்மாள் தெருவை சேர்ந்தவர் 62 வயதாகும் ராணியம்மாள். இவருடைய 5 குழந்தைகளுக்கும் தற்போது திருமணம் முடிந்துவிட்டது.

ராணியம்மாளுக்கு அப்பகுதியில் சொந்தமாக இருக்கும் 4 வீடுகளில் ஒன்றில் தான் அவருடைய கடைசி மகன் பர்னபாஸ், மனைவி பரிமளாவுடன் வசித்தது வருகிறார்.

கடந்த சில நாட்களாகவே பர்னபாஸ், சொத்தை பிரித்து தருமாறு ராணியம்மாளுடன் சண்டையிட்டுள்ளார். இதனால் பர்னபாஸை வீட்டை விட்டு வெளியேறுமாறு ராணியம்மாள் கூறியுள்ளார்.

இந்த சம்பவத்தால் ஆத்திரமடைந்த பர்னபாஸ் நேற்று அளவிற்கு அதிகமாக மது அருந்திவிட்டு வீட்டிற்கு வந்துள்ளார். இரவில் நன்றாக உறங்கிய பர்னபாஸ், அதிகாலை வேகமாக எழுந்து ராணியம்மாளை அரிவாளால் சரமாரியாக வெட்டியுள்ளார். இதில் ராணியம்மாளின் முகம் முழுவதும் சேதமடைந்துள்ளது.

அப்பொழுதும் ராணியம்மாள் உயிருடன் இருந்ததால், கொசுவிற்கு புகை மூட்டிய தீயை கொண்டு ராணியம்மாளின் முகத்தை எரித்துள்ளார். இந்த கொடூர சம்பவத்தில் ராணியம்மாள் உயிரிழந்ததும், அவனுடைய உடலில் அணிந்திருந்த நகைகளை வேகமாக கழற்றியுள்ளார்.

அவற்றை வேகமாக எடுத்துக்கொண்டு, இனிமேல் நமக்கு சொத்துப்பிரச்சனை வராது என மனைவியிடம் கூறிவிட்டு அங்கிருந்து கிளம்பிவிட்டார். ஆனால் நகைகள் முழுவதும் ரத்தக்கறை படிந்திருந்ததால், சந்தேகமடைந்த பரிமளா பொலிஸாருக்கு தகவல் கொடுத்துள்ளார்.

இதனையடுத்து சம்பவ இடத்திற்கு வந்த பொலிஸார் சோதனை நடத்திய பொழுது வீட்டின் பின்புறம் ராணியம்மாள் சடலமாக கிடப்பதை கண்டறிந்துள்ளனர். அதேசமயம் பெங்களூருவிற்கு தப்பி செல்வதற்காக பேருந்து நிலையத்தில் காத்திருந்த பர்னபாஸையும் பொலிஸார் கைது செய்தனர்.

பின்னர் அவரிடம் மேற்கொள்ளப்பட்ட விசாரணையில், சொத்துக்காக தான் ராணியம்மாளை கொலை செய்தேன். நகைக்காக யாரோ கொலை செய்துவிட்டார்கள் என்பதை நம்ப வைக்க தான் பெங்களூருக்கு தப்பி செல்ல முயற்சி செய்தேன் என கூறியுள்ளார்.

திருப்பூரில் மனைவியுடன் சேர்ந்து போலி ஆவணங்கள் மூலம் தொழிலதிபர்களை ஏமாற்றிய தம்பதியினர் கைது செய்யப்பட்டுள்ளனர்.

திருப்பூர் வேலம்பாளையத்தைச் சேர்ந்த ராமசாமி(59) என்பவர் அப்பகுதியில் பனியன் ஏற்றுமதி கம்பெனியினை நடத்தி வருகிறார். இவர் கடந்த சில நாட்களுக்கு முன்பு மங்கலம் ரோட்டில் உள்ள தனியார் வங்கிக்கிளையில் தன்னுடைய கணக்கினை சரிபார்த்துள்ளார்.

அப்போது 3 கோடியே, 92 லட்சத்து, 78 ஆயிரத்து, 768 ரூபாய் கடனாக பெற்றிருப்பதாக தன்னுடைய கணக்கில் குறிப்பிடப்பட்டிருந்தது. இதனை பார்த்து அதிர்ச்சியடைந்த ராமசாமி, உடனடியாக திருப்பூர் கமிஷனரிடம் புகார் அளித்தார்.

அதன் பேரில் வழக்கு பதிவு செய்து விசாரணை மேற்கொண்ட பொலிஸார், முதலிபாளையத்தை சேர்ந்த செந்தில்குமார் (35) மற்றும் அவருடைய மனைவி பிரியா (31) என்பவரையும் கைது செய்தனர்.

பின்னர் அவர்களிடம் மேற்கொள்ளபட்ட விசாரணையில், செந்தில் குமார், அவரது மனைவி ப்ரியா மற்றும் நண்பர் ராஜேஷ்கண்ணா ஆகியோர், பணத்தேவை அதிகம் உள்ளவர்கள் மற்றும் வங்கியால் கடன் அளிக்க முடியாது என தவிர்க்கப்பட்ட பின்னலாடை அதிபர்களை சந்தித்து பணம் வாங்கி தருவதாக உறுதியளித்துள்ளனர்.

அதனை நம்பிய தொழிலபர்கள் ஹாரூன் ரஷித், சிவப்பிரகாசம், ராமசாமி ஆகியோர் தம்பதியினரிடம் தங்களுடைய ஆவணங்களை ஒப்படைத்துள்ளனர். அதனை சாதகமாக பயன்படுத்திக்கொண்ட தம்பதியினர் போலி ஆவணங்கள் தயாரித்து வங்கியில் ரூ.18 கோடி கடன் பெற்றுள்ளனர் என்பது தெரியவந்தது.

இந்த சம்பவம் பெரும் பரபரப்பை ஏற்படுத்தியிருக்கும் நிலையில், சம்பவத்தில் தொடர்புடையவர்கள் மற்றும் தலைமறைவாகியுள்ள செந்தில் குமாரின் நண்பர் ராஜேஷ் கண்ணாவையும் விரைவில் கைது செய்வோம் என தெரிவித்துள்ளனர்.

சென்னையில் காவல் சிறப்பு உதவி ஆய்வாளர் ஒருவர் தன் மகளை தனது மாமனார் ஆள் வைத்துக் கொலை செய்துவிட்டதாக புகார் அளித்துள்ளார்.

வடக்கு கடற்கரை காவல் நிலையத்தில் பணிபுரிந்து வருபவர் துளசிங்கம். நுங்கம்பாக்கம் அழகுநிலையம் ஒன்றில் பணிபுரிந்து வந்த இவரது மகள் ரம்யா நேற்று இருசக்கர வாகனத்தில் வீடு திரும்பியபோது மினி வேன் மோதி படுகாயமடைந்தார். சிகிச்சை பலனின்றி அவர் ராஜீவ்காந்தி அரசு மருத்துவமனையில் உயிரிழந்தத நிலையில் வேன் ஓட்டுநர் பழனி மீது வழக்குப்பதிவு செய்து பொலிசார் கைது செய்துள்ளனர்.

இந்நிலையில் துளசிங்கம் தனது மாமனாரான திரைப்பட ஸ்டண்ட் கலைஞர் ரத்தினமும், அவரது மகன் எத்திராஜூம் சேர்ந்து தன் மகளை ஆள் வைத்து வாகனத்தை ஏற்றிக் கொலை செய்துவிட்டதாக பொலிசாரிடம் புகார் அளித்துள்ளார்.

புகாரில், ரம்யா, தாத்தா வீட்டிலேயே வசித்து வந்த நிலையில் அவர்கள் சொத்து விவகாரத்தில் தனது மகளை அங்கிருந்த விரட்ட முயற்சி செய்ததால் தகராறு ஏற்பட்டதாக குறிப்பிட்டுள்ளார். இதனால் ரம்யா கொலை செய்யப்பட்டிருக்கக் கூடும் என சந்தேகம் எழுந்துள்ளதாக துளசிங்கம் தெரிவித்துள்ளார்.

கள்ளக்காதலுக்காக பெற்ற குழந்தைகளை கொலை செய்த அபிராமி தன்னை ஜாமீனில் எடுக்குமாறு சொந்த பந்தங்களிடம் கதறி வருகிறார். குன்றத்தூரை சேர்ந்த விஜய் என்பவரின் மனைவி அபிராமிக்கு அதே பகுதியை சேர்ந்த பிரியாணி கடை ஊழியர் சுந்தரத்துடன் கள்ளக்காதல் ஏற்பட்டது.

இதையடுத்து சுந்தரத்துடன் ஓடி போவதற்காக தனது இரண்டு குழந்தைகளை அபிராமி கொலை செய்தார். இதன்பின்னர் பொலிசார் அபிராமியை கைது செய்து புழல் சிறையில் அடைத்துள்ளனர்.

இந்நிலையில் புழல் சிறையில் அடைக்கப்பட்டுள்ள அபிராமி தியானம், யோகா என பொழுதைக் கழித்து வருகிறார். பெரும்பாலான் நேரங்களில் அழுது கொண்டே இருக்கும் அவர் யாருடனும் பேசுவதில்லை என கூறப்படுகிறது.

அதே நேரத்தில் அபிராமியை அவரது உறவினர்கள் இதுவரை யாரும் பார்க்க வரவில்லை. இதனால் கடும் மன உளைச்சலில் உள்ள அவர் சிறை அதிகாரிகளிடம், தனது உறவினர்களிடம் கூறி தன்னை ஜாமீனில் எடுக்க வேண்டும் என கதறி அழுது வருவதாக கூறப்படுகிறது.