ஒரு திருமண விழாவில் தம்பதிக்கு எரிவாயு சிலிண்டரை திருமண பரிசாக நண்பர்கள் அளித்த சம்பவம் கடலூர் மாவட்டத்தில் நடந்துள்ளது. தற்போது பெட்ரோல் ரூ.85 ஐ தாண்டியுள்ளது. விரைவில் ஒரு லிட்டர் பெட்ரோலின் விலை ரூ.100 ஐ தொடும் என வாகன ஓட்டிகள் மத்தியில் அச்சம் ஏற்பட்டுள்ளது.

அதேபோல், மானிய சமையல் கேஸ் சிலிண்டரின் விலையும் தாறுமாறாக உயர்ந்து ரூ.850 ஆக உயர்ந்துள்ளது.கடந்த சில தினங்களுக்கு முன்பு கடலூரில் நடைபெற்ற ஒரு திருமண விழாவில் 5 லிட்டர் பெட்ரோல் கேனை ஒருவர் திருமண பரிசாக வழங்கிய புகைப்படம் சமூக வலைத்தளங்களில் வெளியாகியது.

இந்நிலையில், அதே கடலூர் மாவட்டம் விருதாச்சலத்தில் நடைபெற்ற ஒரு திருமண விழாவில் மணமக்களுக்கு அவர்களின் நண்பர்கள் கேஸ் சிலிண்டரை பரிசாக கொடுத்த புகைப்படம் வெளியாகியுள்ளது.

வித்தியாசமான திருமண பரிசை அளிக்க நினைத்த அந்த நபர், தற்போது கேஸ் சிலிண்டரின் விலை ஏற்றத்தை கருத்தில் கொண்டு, இந்த பரிசை கொடுத்ததாக கூறப்படுகிறது. இந்த புகைப்படம் சமூக வலைத்தளங்களில் வைரலாக பரவி வருகிறது

தமிழகத்தில் அங்கன் வாடி பெண் ஊழியரை கள்ளக்காதலன் கல்லால் அடித்து கொலை செய்திருக்கும் சம்பவம் அதிர்ச்சியை ஏற்படுத்தியுள்ளது.

திருப்பத்தூர் அருகே உள்ள குரிசிலாபட்டு ரெட்டிவலசை கிராமத்தை சேர்ந்தவர் பசுபதி. இவருக்கு சுதா(32) என்ற மனைவியும் 7 வயதில் ஒரு மகளும் உள்ளார்.

இந்நிலையில் கடந்த 4 ஆண்டுகளுக்கு முன்பு பசுபதி இறந்துவிட்டதால், சுதா தன் மகளுடன் வசித்து வந்துள்ளார். இதையடுத்து இன்று சுதா அங்கிருக்கும் பாம்பாறு ஆற்றில் கொடூரமான முறையில் கொலை செய்யப்பட்டு கிடந்தார்.

இதைக் கண்ட அங்கிருந்த மக்கள் உடனடியாக அருகிலிருக்கும் காவல்நிலையத்திற்கு தகவல் தெரிவித்துள்ளனர். விரைந்து வந்த பொலிசார் அவரின் உடலைக் கைப்பற்றி பிரேத பரிசோதனைக்கு அனுப்பி வைத்து விசாரணை மேற்கொண்டுள்ளனர்.

விசாரணையில் கணவர் இறந்த பிறகு சுதா அதே பகுதியைச் சேர்ந்த டெய்லர் சதீஷ் (32) என்பவருடன் பழகி வந்துள்ளார். அதன் பின் இந்த பழக்கம் கள்ளக்காதலாக மாறியுள்ளது. இதனால் பொலிசார் சதீஷை பிடித்து கிடுக்கு பிடி விசாரணை நடத்தியுள்ளனர்.

அப்போது கணவனை இழந்து தனிமையில் இருந்த சுதாவுக்கும் சதீசுக்கும் கடந்த ஒன்றரை ஆண்டுக்கு முன்பு பழக்கம் ஏற்பட்டு கள்ளகாதலாக மாறியது. சதீஷ் சுதாவின் வீட்டுக்கு அடிக்கடி சென்று வந்தார்.

நேற்று முன்தினம் இரவு சுதாவின் வீட்டுக்கு சதீஷ் சென்றுள்ளார். அப்போது அந்த வீட்டில் இருந்து ஆண் ஒருவர் வேகமாக வெளியேறி சென்றுள்ளார். அவர் யார் என்பது குறித்து சதீஷ் கேட்டதால், இருவருக்கும் தகராறு ஏற்பட்டுள்ளது.

சுதாவின் நடத்தையில் சதீசுக்கு சந்தேகம் ஏற்பட்டுள்ளது. இதனால் அவரை தீர்த்து கட்ட முடிவு செய்தார். நேற்று இரவு சுதாவை அவரது மோட்டார் சைக்கிளில் பாம்பாற்றுக்கு அழைத்து சென்றார்.

அங்கு வைத்து இருவரும் மது அருந்திவிட்டு உல்லாசமாக இருந்ததாக கூறப்படுகிறது. பின்னர் சுதாவின் தலையில் கல்லை போட்டு சதீஷ் கொலை செய்துள்ளார்.

அவரது உடலை ஆற்றில் உள்ள பள்ளத்தில் தூக்கிபோட்டு விட்டு சேலையால் உடலை மூடிய சதீஷ் அங்கிருந்து புறப்பட்டார். மோட்டார் சைக்கிளை அருகில் உள்ள கிணற்றுக்குள் தள்ளிவிட்டுவிட்டு சதீஷ் வீட்டுக்கு சென்று எதுவும் தெரியாதது போல் நடந்து கொண்டார்.

இந்த தகவல்களை சேகரித்த பொலிசார் அவரை கைது செய்து தொடர்ந்து விசாரணை நடந்தி வருகின்றனர்

தமிழகத்தில் மனைவியை தீ வைத்து கொளுத்துவிட்டு, குடும்ப பிரச்சனை காரணமாக தற்கொலைக்கு முயன்றதாக கூறும் படி கணவன் சொல்லியிருக்கும் சம்பவம் தற்போது வெளிச்சத்திற்கு வந்துள்ளது.

சேலம் மாவட்டம், ஆத்தூர் அழகாபுரம் காட்டுக்கொட்டாய் பகுதியைச் சேர்ந்தவர் கார்த்திக். இவருக்கு பூமதி(24) என்ற மனைவியும், பூவரசன்(5) என்ற மகனும், நிலாஸ்ரீ என்ற இரண்டரை வயதில் பெண் குழந்தையும் உள்ளனர்.

இந்நிலையில் கடந்த 18-ஆம் திகதி வேலை முடித்து வீட்டுக்குத் திரும்பி வந்த கார்த்திக், தன் மனைவி பூமதி குழந்தைகள் பூவரசன், நிலாஸ்ரீ ஆகியோர் மீது மண்ணெண்ணெயை ஊற்றி தீ வைத்து கொளுத்தினார்.

இதில் தீக்காயமடைந்த மூன்று பேரும் அருகிலிருக்கும் மருத்துவமனையில் அனுமதிக்கப்பட்டனர். அப்போது பூமதியும் அவரின் பெண் குழந்தை நிலாஸ்ரீயும் சிகிச்சைப் பலனின்றி இறந்தனர். பூவரசன் உயிருக்குப் போராடி வருகிறான். கார்த்திக் தற்போது கைது செய்யப்பட்டு சிறையில் அடைக்கப்பட்டுள்ளார்.

இந்நிலையில் இந்த சம்பவம் குறித்து பூமதியின் தம்பி நடராஜன் கூறுகையில், கார்த்திக் ரிக்வண்டிக்கு சென்றுவிட்டு, மூன்று மாதம் கழித்து தான் வீட்டுக்கு வருவான்.

அப்படி வீட்டுக்கு வரும் போது எல்லாம், குடிச்சுட்டு தான் வருவான், அப்போது என் அக்கா, குழந்தைகளை கண்மூடித்தனமாக அடிப்பான்.

இப்படி தொடர்ந்து சண்டை போட்டுக் கொண்டே தான் இருப்பான். கடந்த நான்கு, ஐந்து நாட்களாக எங்க அக்கா மற்றும் குழந்தைகளை அடிச்சு கொடுமை பண்ணிருக்கான்.

நாங்க அக்கவோட போனுக்கு கால் பண்ணிக்கிட்டே இருந்தோம், ஆனால் அவளோட போன் ஸ்விட்ச் ஆப்பில் இருந்தது. அதன் பின் கார்த்திக்கிற்கு போன் பண்ணி கேட்டால், நான் வெளியூரில் இருக்கேன் என்று சொன்னார்.

அவர்களை தீ வைத்து எரித்த பின்னர் தான், எங்களுக்கு போன் பண்ணி அவர் விஷயத்தை கூறினார். அதன் பின் மருத்துவமனையில் நானும் ஏன் அம்மாவும் என் இப்படி பண்ணுனா என்று கேட்ட போது, அடிச்சு கொடுமை படுத்தி அவர் தான் தீ வச்சு கொளுத்தினாரு, மருத்துவமனையில் யாராவது கேட்டால், தற்கொலை செஞ்சுக்க தீ வச்சு கொளுத்திக்கிட்டோம் என்று சொல்லும் படி சொன்னார்.

இந்த ஒரு முறை மட்டும் என்னை காப்பாற்றுங்க, நான் உங்க கூட வந்துவிடுகிறேன். இனி நான் அங்கு போகவில்லை என்று கதறி அழுதாள். அதை வீடியோ எடுத்து வாட்ஸ்அப்பில் போட்ட பின்னர் தான் காவல்துறையினர் அக்காவிடம் விசாரணை நடத்தி அவனை கைது செய்தார்கள்.

அங்கு அருகில் இருப்பவர்கள் யாரேனும் ஒருவர் எங்களுக்கு தகவல் கொடுத்திருந்தால், நாங்கள் எங்க அக்காவையும், குழந்தையும் காப்பாற்றியிருப்போம் என்று கண்ணீர்விட்டார்.

வேலூர் மாவட்டத்தில் தந்தை ஒருவர் விரக்தியால் தனது குழந்தைகளை கொலை செய்துவிட்டு தானும் தற்கொலை செய்துகொண்டது சோகத்தை ஏற்படுத்தியுள்ளது.

மேல்மொனூர் ஈஸ்வரன் கோவிலை சேர்ந்த டைலர் வெங்கடேசனுக்கும் அவரது மனைவிக்கும் இடையே அடிக்கடி தகராறு நடைபெற்று வந்துள்ளது.

இதனால் விரக்தியில் இருந்த வெங்கடேசன், தனது மகள்கள் மேகலா மற்றும் திவ்யா ஆகிய இருவரையும் கழுத்தில் தூக்குமாட்டி கொன்று விட்டு, தானும் தூக்கில் தொங்கியுள்ளார். இதுதொடர்பாக விரிஞசிபுரம் போலீசார் விசாரணை நடத்தி வருகின்றனர்.

தமிழகத்தில் தொழிலாளி ஒருவர் தன்னுடைய 2 குழந்தைகளுக்கு வி‌ஷம் கொடுத்து கொலை செய்துவிட்டு தானும் தற்கொலைக்கு முயன்றது பரபரப்பை ஏற்படுத்தியுள்ளது.

பர்கூர் மலைப்பகுதியில் உள்ள செங்குளம் கிராமத்தை சேர்ந்தவர் சிக்கரசன் (40). கூலித்தொழிலாளி. இவருடைய மனைவி சித்ரா (39). இவர்களுக்கு சுதா (16), மேகலா (10) என 2 மகள்கள் உள்ளனர்.

சிக்கரசனுடன் ஏற்பட்ட கருத்துவேறுபாட்டால் சித்ரா அவரை பிரிந்து சென்றுவிட்ட நிலையில் சுதாவும், மேகலாவும் தந்தையுடன் வசித்து வந்தனர்.

இந்நிலையில் சிக்கரசன் உடல்நிலை பாதிக்கப்பட்டு தீராத நோயால் அவதிப்பட்டு வந்தார். பல்வேறு மருத்துவமனைகளிலும் சிகிச்சை பெற்றும் குணமாகவில்லை.

தான் இறந்துவிட்டால் தன்னுடைய மகள்களை யாரும் கவனிக்க மாட்டார்கள். எனவே தற்கொலை செய்துகொள்வதற்கு முன் 2 மகள்களையும் கொலை செய்ய முடிவெடுத்தார்.

இதையடுத்து சிக்கரசன் தனது மகள்களை கூட்டி கொண்டு கோவிலுக்கு சென்று சாமி தரிசனம் செய்தார்.

அப்போது சிக்கரசனிடம் மகள்கள் 2 பேரும் பசிக்கிறது என்று கூறியுள்ளனர். இதைத்தொடர்ந்து சாப்பாடு வாங்க சென்ற சிக்கரசன் உணவில் வி‌ஷத்தை கலந்து தன்னுடைய குழந்தைகள் சுதா மற்றும் மேகலாவுக்கு கொடுத்தார்.

மேலும் சிக்கரசனும் வி‌ஷம் குடித்தார். உணவு சாப்பிட்ட சிறிது நேரத்தில் 3 பேரும் ஒருவர் பின் ஒருவராக மயங்கி கீழே விழுந்தனர்.

சம்பவம் குறித்து பொலிசாருக்கு தகவல் தரப்பட்ட நிலையில் மூவரையும் மீட்ட அவர்கள் மருத்துவமனையில் சேர்த்தனர். அங்கு சிகிச்சை பலனின்றி சுதாவும், மேகலாவும் உயிரிழந்தனர். சிக்கரசன் தொடர்ந்து சிகிச்சை பெற்று வருகிறார்.

இதுகுறித்து பொலிசார் வழக்குப்பதிவு செய்து விசாரணை நடத்தி வருகிறார்கள்.