இந்தியாவில் கள்ளக்காதலுக்காக கணவரை கொலை செய்துவிட்டு, பெற்ற குழந்தையை தவிக்கவிட்டு சென்ற பெண்ணின் செயல் அதிர்ச்சியை ஏற்படுத்தியுள்ளது.

தேனி மாவட்டம் பெரியகுளம் அருகே கடந்த வாரம் மலைப்பாதையோரத்தில் நபர் ஒருவர் சடலமாக கண்டெடுக்கப்பட்டார்.

இது குறித்து பொலிசார் விசாரித்த நிலையில் இறந்தவர் பெயர் முகமது சமீர் என்பதும், கர்நாடக மாநிலத்தை சேர்ந்த அவர் சவுதியில் வேலை செய்து வந்த நிலையில் சமீபத்தில் தான் சொந்த ஊருக்கு திரும்பியதும் தெரியவந்துள்ளது.

சமீரை அவர் மனைவி பர்தோஷ், தனது கள்ளக்காதலன் ஆசிப் என்பவனுடன் சேர்ந்து கொன்று வீசியதும் தெரியவந்துள்ளது.
முகம்மது சமீர் – பர்தோஷ் தம்பதியருக்கு மூன்று மாத குழந்தை உள்ள நிலையில், பர்தோஷுக்கு ஆசிப் என்ற கார் ஓட்டுநருடன் தவறான தொடர்பு ஏற்பட்டதாகக் கூறப்படுகிறது.

தங்களது காதலுக்கு கணவர் தடையாக இருப்பதாக எண்ணி அவரை தீர்த்துக்கட்ட முடிவு செய்த பர்தோஷ், கடந்த 14ஆம் திகதி சுற்றுலா செல்லலாம் எனக் கூறி முகம்மது சமீரை ஆசிப்பின் காரிலேயே கொடைக்கானல் அழைத்து வந்துள்ளார். கொடைக்கானலிலேயே வைத்து சமீரை கொலை செய்த இருவரும் டம்டம் பாறை அருகே சடலத்தை வீசிச் சென்றுள்ளனர்.

பின்னர் மங்களூர் வந்த பர்தோஷ், மூன்று மாத குழந்தையை வீட்டில் விட்டுவிட்டு 60 சவரன் நகை மற்றும் பணத்துடன் தலைமறைவாகி விட்டதாக சமீரின் உறவினர் கூறியுள்ளார். இதையடுத்து பொலிசார் பர்தோஷ் – ஆசிப் ஜோடியை தேடி வருகின்றனர்.

தமிழ்நாட்டில் ஐந்து மாதங்களுக்கு முன், ரயில் விபத்தில் கால்களைப் பறிகொடுத்த விஜய் என்பவர் செயற்கைக் கால்களுடன் நடக்க ஆரம்பித்துள்ளதாக அவர் மனைவி ஷில்பா கூறியுள்ளார்.

வேலூர் மாவட்டத்தை சேர்ந்த விஜய்யும், ஷில்பாவும் காதலித்து வந்த நிலையில் ரயில் விபத்தில் கால்களை விஜய் பறிகொடுத்தார்.
கால்கள் இல்லாத விஜய்யை ஷில்பா திருமணம் செய்ய அவர் வீட்டில் எதிர்ப்பு எழுந்த நிலையில் அதையும் மீறி அவரை திருமணம் செய்தார் ஷில்பா.

இந்நிலையில் மருத்துவமனையில் சிகிச்சை பெற்று வரும் விஜய்யின் உடல்நிலையில் நல்ல முன்னேற்றம் ஏற்பட்டுள்ளது என மகிழ்ச்சியாக தெரிவித்துள்ளார் ஷில்பா. அவர் கூறுகையில், போன வாரமே விஜய் மருத்துவமனையில் இருந்து டிஸ்சார்ஜ் ஆகியிருக்கணும். அது கொஞ்சம் தள்ளிப் போய்விட்டது.

இப்போது அவர் நன்றாக நடக்க ஆரம்பிச்சிட்டாரு, நாளைக்கு டிஸ்சார்ஜ் பண்ணப் போறதா மருத்துவர்கள் கூறியுள்ளனர் என மகிழ்ச்சி தெரிவித்துள்ளார்.

விஜய் கூறுகையில், வீட்டுக்குப் போகணும், நான் படித்த கம்ப்யூட்டர் சயின்ஸ் படிப்புக்கு ஏத்த வேலை தேடணும். அம்மா, ஷில்பா, என் தம்பி, தங்கச்சி எல்லாரையும் நன்றாக வைத்து கொள்ள வேண்டும் என்பதே என் எண்ணம் என கூறியுள்ளார்.

நாட்டுக்காக உயிர் தியாகம் செய்த கணவரின் ஆசையை நிறைவேற்றுவதற்காக அவருடைய மனைவி ராணுவத்தில் சேர்ந்துள்ள நெகிழ்ச்சி சம்பவம் நிகழ்ந்துள்ளது.

ஜம்மு காஷ்மீரின் சம்பா பகுதியை சேர்ந்த Ravinder Sambyal, இந்திய ராணுவத்தில் பணிபுரிந்து வந்தார். இவர் கடந்த ஏப்ரல் 2013-ம் ஆண்டு Niru என்ற பெண்ணை திருமணம் செய்துகொண்டார். இந்த தம்பதியினருக்கு 2 வயதில் பெண் குழந்தை ஒன்று உள்ளது. கடந்த 2015-ம் ஆண்டு எல்லையில் பணியாற்றிய Ravinder, அங்கு நடத்தப்பட்ட தாக்குதலில் எதிரிகளால் வீரமரணம் அடைந்தார்.

இதனால் பெரும் துயரத்திற்கு ஆளான Niru, ஒரு தாயாக தன்னுடைய மகளை பொறுப்பாக வளர்த்ததோடு, கணவரின் ஆசையை நிறைவேற்றும் விதமாக ராணுவத்தில் சேர்வதற்கான முயற்சிகளையும் மேற்கொள்ள ஆரம்பித்தார்.

49 வார ராணுவ பயிற்சிக்கு பின்னர் Niru தற்போது இந்திய ராணுவத்தில் லெப்டினெண்ட்டாக பணி நியமனம் செய்யப்பட்டுள்ளார். இது குறித்து மகிழ்ச்சி தெரிவித்துள்ள Niru, தன்னுடைய கணவரின் ஆசையை தான் நிறைவேற்றி விட்டதாகவும் பெருமை தெரிவித்துள்ளார்.

இந்தியாவின் அசாம் மாநிலத்தில் போலி மது விற்பனை மேற்கொண்டதாக கூறி இளம் பெண்ணை கொடூரமாக தாக்கி கிராம மக்கள் நிர்வாண ஊர்வலம் நடத்திய சம்பவம் பரபரப்பை ஏற்படுத்தியுள்ளது.

அசாம் மாநிலத்தின் கரிம்கஞ்ச் பகுதியில் இந்த கொடூர சம்பவம் அரங்கேறியுள்ளது. குறித்த சம்பவத்தில் ஈடுபட்டவர்களில் 19 பேரை பொலிசார் கைது செய்துள்ளனர்.

சம்பவத்தன்று குடியிருப்பு ஒன்றில் புகுந்த ஆண்கள், பெண்கள் உள்ளிட்ட கும்பல் ஒன்று அங்கிருந்த இளம் பெண்ணை நிர்வாணப்படுத்தி தாக்கியுள்ளது.

பின்னர் மர்ம உறுப்பில் மிளகாய் பொடி தூவியுள்ளனர். சட்டவிரோதமாக மது விற்பனை செய்வதற்கான தண்டனை இது எனவும் அவர்கள் கூறியுள்ளனர்.

குறித்த விவகாரம் தொடர்பான வீடியோ காட்சிகள் சமூகவலைதளத்தில் கவனம் பெற்றதுடன் பொலிசார் நடவடிக்கை மேற்கொண்டுள்ளனர்.

மட்டுமின்றி தம்மை ஒரு கும்பல் வீடு புகுந்து தாக்கியதாகவும், சித்திரவதைக்கு உட்படுத்தியதாகவும் கூறி அப்பெண் பொலிசாரிடம் புகார் அளித்துள்ளார்.

இதனிடையே சம்பவம் தொடர்பாக 19 பேரை கைது செய்துள்ளதாகவும், முக்கிய குற்றவாளிகளை உடனடியாக கைது செய்வோம் எனவும் பொலிசார் தெரிவித்துள்ளனர்.

பஞ்சாப் மாநிலத்தில் நிறைமாத கர்ப்பிணி மனைவியுடன் கணவனும், ரத்த வெள்ளத்தில் சடலமாக கிடந்துள்ள அதிர்ச்சி சம்பவம் நடந்துள்ளது.

பஞ்சாப் மாநிலம் Zira பகுதியை சேர்ந்தவர் ராஜ்ப்ரீத் சிங் (42). இவருடைய மனைவி மஞ்சித் கவுர் (45) மோகா பாலியல் ஊழல் வழக்கில் கைதாகி கடந்த 2013-ம் ஆண்டு ஜாமீனில் வெளிவந்தார்.

மாநிலம் முழுவதும் பலத்த அதிர்வலைகளை ஏற்படுத்திய இந்த மோகா பாலியல் ஊழல் வழக்கில் பொலிஸ் உயர் அதிகாரிகள் மற்றும் முக்கியமான அரசியல்வாதிகள் இருப்பதாக தெரியவந்தது. இதனையடுத்து வழக்கின் விசாரணை தீவிரப்படுத்தப்பட்டது.

இந்த நிலையில் ராஜ்ப்ரீத் சிங் மற்றும் 8 மாத கர்ப்பிணியான அவருடைய மனைவி மஞ்சித் கவுர் வீட்டில் இறந்த நிலையில் சடலமாக கிடந்துள்ளனர்.

இந்த சம்பவம் தொடர்பாக விசாரணை மேற்கொண்ட பொலிஸார் அங்கிருந்த சிசிடிவி காட்சிகளையும் கைப்பற்றியுள்ளனர். குற்றவாளிகள் முகமூடி அணிந்திருந்ததால், தற்போது அப்பகுதியில் உள்ள அனைத்து சிசிடிவி பதிவுகளையும் ஆய்வு செய்து வருகின்றனர்.

இந்த சம்பவத்தில் ஆயுதப்படையினர் உபயோகப்படுத்தும் துப்பாக்கியின் தோட்டாக்கள், இருவரின் தலைப்பகுதியிலும் ஊடுருவியிருப்பதாக தெரிவித்துள்ளனர்.

இந்தியாவின் கேரள மாநிலத்தில் பாடசாலை மாணவிகளை ஏமாற்றி பாலியல் துஸ்பிரயோகம் செய்து ஏமாற்றி வந்த இளைஞரை பொலிசார் கைது செய்துள்ளனர்.

கேரளா மாநிலத்தின் கொச்சி பகுதியைச் சேர்ந்தவர் பயாஸ் முபீன்(19). வேலை ஏதும் இன்றி சுற்றித்திரிந்த இவர் பேஸ்புக்கில் போலியாக ஒரு கணக்கை தொடங்கி தனது முகத்தை மாற்றி மார்பிங் செய்து அதில் பதிவிட்டுள்ளார்.

மட்டுமின்றி தான் மாடலாக பணிபுரிந்து வருவதாகவும், ஐந்து நட்சத்திர ஹொட்டல்களில் இசை நிகழ்ச்சி நடத்தும் ‘டிஜே’ வாக பணிபுரிவதாகவும் குறிப்பிட்டுள்ளார்.

இவரது மார்பிங் புகைப்படங்களை பார்த்து மயங்கிய பள்ளி, கல்லூரி மாணவிகள், இளம்பெண்கள் உள்பட ஏராளமானோர் நண்பர்களாயினர்.

பேஸ்புக்கில் இவருக்கு 3 ஆயிரத்துக்கும் மேற்பட்ட பெண் நண்பர்கள் உள்ளனர். இந்தநிலையில் கோழிக்கோட்டை சேர்ந்த ஒரு பள்ளி மாணவியை பயாஸ் முபீன் கடத்தி சென்று பலாத்காரம் செய்ததாக கோழிக்கோடு பொலிசாரிடம் புகார் செய்யப்பட்டது.

பொலிசார் வழக்குப்பதிவு செய்து பயாஸ்முபீனை கைது செய்தனர். விசாரணையில், இவர் பல பள்ளி, கல்லூரி மாணவிகள் மற்றும் இளம்பெண்களை பலாத்காரம் செய்தது தெரியவந்தது.

மட்டுமின்றி தாம் பெற்றோர் இழந்தவன் எனக் கூறி வசதி படைத்த பெண்களிடம் இதுந்து பண மோசடியும் செய்துள்ளது விசாரணையில் தெரியவந்துள்ளது.

இந்தியாவின் கேரள மாநிலத்தில் ரயில் விபத்தில் இரு கால்களும் துண்டான சிறுவனுக்கு நீண்ட போராட்டத்திற்கு பின்னர் கால்களை இணைத்து நடக்க வைத்துள்ளனர்.

கேரளாவின் பய்யனூர் பகுதியில் கடந்த ஆறு மாதங்களுக்கு முன்னர் ரயில் விபத்து ஒன்றில் இரு கால்களும் துண்டான நிலையில் வாய்விட்டு கதறிய சாஹில் என்ற சிறுவனை அப்பகுதி மக்கள் மீட்டு மருத்துவமனையில் சேர்ப்பித்துள்ளனர்.

சிறுவன் சாஹிலுடன் அவனது துண்டான கால்களையும் அள்ளிக்கொண்டு சென்ற அந்த பெயர் தெரியாத முகங்களுக்கு நம்பிக்கையே இருந்ததில்லை என கூறப்படுகிறது.

பின்னர் மங்களூருவில் உள்ள மருத்துவமனையில் நீண்ட 8 மணி நேரம் கடுமையாக போராடிய மருத்துவர்கள் இரண்டரை வயதேயான சாஹிலின் துண்டான காலகளை வெற்றிகரமாக இணைத்துள்ளனர். தற்போது சிறுவன் சாஹில் எழுந்து நடக்கும் நிலையில் அவனது கால்கள் குணமாகியுள்ளது.

கடந்த ஏப்ரல் மாதம் 29 ஆம் திகதி பய்யனூர் ரயில் நிலையத்தில் தாயாருடன் சென்ற நிலையில் விபத்தில் சிக்கி சாஹிலின் கால்கள் இரண்டும் துண்டானது.

அந்த ரயில் விபத்தில் சாஹிலின் தாயார் சம்பவயிடத்திலேயே கொல்லப்பட்டார். இதனிடையே பொலிஸ் விசாரணையில் விபத்தில் சிக்கிய தாயாரும் மகனும் தொடர்பில் தகவல் கிட்டியது.

ஆனால் பொலிசாரின் முயற்சியால் மருத்துவமனையில் சிறுவன் சாஹிலுக்கான அறுவைசிகிச்சை துவங்கியிருந்தது. தற்போது நான்கு முக்கிய அறுவைசிகிச்சைக்கு பின்னர் சாஹில் எழுந்து நடக்கத்துவங்கியுள்ளதாக அவரது தந்தை சமீர் தெரிவித்துள்ளார்