டிடிவி தினகரனின் அம்மா மக்கள் முன்னேற்ற கழகத்தில் இருந்து பிரபல பேச்சாளர் நாஞ்சில் சம்பத் விலகியுள்ளார்.

ஆர்.கே நகர் சட்டமன்ற இடைத்தேர்தலில் சுயேட்சை வேட்பாளராக களம் கண்டு அபார வெற்றி பெற்றவர் டிடிவி.தினகரன்.

அதன்பின் தமிழக அரசியலில் தனிச்சையாக செயல்பட்டு வந்த அவர், நேற்று முன்தினம் அம்மா மக்கள் முன்னேற்ற கழகம் என்ற புதிய கட்சியை தொடங்குவதாக அறிவித்திருந்தார்.

ஆரம்பம் முதலே தினகரனுக்கு ஆதரவாக பல கருத்துகளை வெளியிட்டு வந்த திராவிட இயக்க பேச்சாளர் நாஞ்சில் சம்பத்துக்கு அந்த பெயரில் உடன்பாடு இல்லை என பரவலாக பேசப்பட்டது.

இந்நிலையில் இன்று அவர் வெளியிட்டுள்ள அறிக்கையில், “அண்ணாவையும், திராவிடத்தையும் அலட்சியப்படுத்தி கட்சி நடத்த தினகரன் நம்புகிறார். அவருடைய நம்பிக்கை வெற்றி பெற வாழ்த்துக்கள்.

தினகரனின் இந்த அநியாயத்தை என்னால் தாங்கிக் கொள்ள முடியவில்லை. தலைகளை எண்ணிய தலைவர்களுக்கு மத்தியில் இதயங்களை எண்ணியவர் அண்ணா. அவர் பெயர் இல்லாத இடத்தில் இனி நான் இல்லை என பகிரங்கமாக அறிவித்துள்ளார்.

இந்தியாவில் அம்புலன்ஸ் வாகனத்தில் மருத்துவர் என பொய்யாகி கூறி ஏ.சி மெக்கானிக் வந்ததால் நோயாளி சிறுவன் பரிதாபமாக உயிரிழந்துள்ளது அதிர்ச்சியை ஏற்படுத்தியுள்ளது.

கொல்கத்தாவை சேர்ந்த அரிச்ஜித் தாஸ்(16) என்ற சிறுவனுக்கு திடீர் உடல்நல கோளாறு ஏற்பட்ட நிலையில் அவனை அங்குள்ள சிறிய மருத்துவமனைக்கு பெற்றோர் கூட்டி சென்றனர்.

அங்கு தன்னை மருத்துவர் என கூறிய சர்பராஸ் உடின் (26) என்பவர் சிறுவனுக்கு ஏதோ சிகிச்சையளித்து பின்னர் வேறு பெரிய மருத்துவமனைக்கு கொண்டு செல்ல வேண்டும் என பெற்றோரிடம் கூறி 8000 ஆயிரம் பணம் வாங்கியுள்ளார்.

இதையடுத்து அங்கு அம்புலன்ஸ் வர தாஸும், உடினும் மட்டும் உள்ளே ஏறி கொண்டனர். தாஸின் பெற்றோர் அனுமதிக்கப்படாத நிலையில் தனி காரில் வந்தார்கள்.

ஆனால் போகும் வழியிலேயே தாஸுக்கு உடல் நிலை மோசமாக அம்புலன்ஸியில் இருந்த செயற்கை சுவாச கருவியை கூட அவனுக்கு உடினால் பொருத்த முடியவில்லை.

இதையடுத்து தாஸ் பரிதாபமாக உயிரிழந்தான், அப்போது தான் உடின் மருத்துவரே கிடையாது எனவும், ஏ.சி மெக்கானிக்காக வேலை செய்பவர் எனவும் தெரியவந்தது.

இது குறித்து தாஸின் பெற்றோர் கொடுத்த புகாரின் பேரில் பொலிசார் அம்புலன்ஸ் ஓட்டுனர் மற்றும் சர்பராஸ் உடினை கைது செய்துள்ளனர்.

இந்தியாவில் மனைவிக்கு வேறு ஒருவருடன் தொடர்பு இருப்பதை அறிந்த கணவன் உருக்கமான கடிதம் எழுதிவிட்டு தற்கொலை செய்து கொண்டது அதிர்ச்சியை ஏற்படுத்தியுள்ளது.

தெலுங்கானா மாநிலத்தின் ஹைதராபாத்தை சேர்ந்தவர் ஆச்சாரி (24). இவருக்கு உஷா ராணி என்ற பெண்ணுடன் கடந்த இரண்டாண்டுக்கு முன்னர் திருமணம் நடந்தது.

இந்நிலையில் தனது வீட்டருகில் வசிக்கும் ஸ்ரீகாந்த் என்பவருடன் உஷாவுக்கு தொடர்பு ஏற்பட்டுள்ளது.

இதையறிந்த ஆச்சாரி நேற்று தனது வீட்டில் தூக்கிட்டு தற்கொலை செய்து கொண்டுள்ளார்.

சம்பவ இடத்துக்கு வந்த பொலிசார் ஆச்சாரியின் சடலத்தை கைப்பற்றியதோடு அருகிலிருந்த கடிதத்தையும் கைப்பற்றியுள்ளார்கள்.

அதில், அப்பா, அம்மா என்னை மன்னித்து விடுங்கள். நான் தோல்வியடைந்தவன்.

என் மனைவி உஷா அவள் விருப்பபடி ஸ்ரீகாந்தை திருமணம் செய்து கொள்ளட்டும், இதை என் கடைசி ஆசையாக எடுத்து கொள்ளுங்கள்.

உஷா மீது எந்தவொரு பழியையும் சுமத்தாதீர்கள் என எழுதப்பட்டுள்ளது. சம்பவம் குறித்து பொலிசார் விசாரித்து வருகிறார்கள்.

தமிழகத்தில் தனது 7 வயது மகனை கொன்றுவிட்டு, தந்தை தற்கொலைக்கு முயன்ற சம்பவம் அதிர்ச்சியை ஏற்படுத்தியுள்ளது.

சென்னை தேனாம்பேட்டையைச் சேர்ந்தவர் ஊர்மில் டோலியா, இவர் கே.கே.நகரில் உள்ள செல்போன் சர்வீஸ் கடையில் மேலாளராக பணியாற்றி வந்தார்.

இவரது மனைவி கலைச்செல்வி, மகன் மாதவ் டோலியா(7, ஊர்மில் டோலியா கடந்த 15 நாட்களாக உடல்நிலை சரியில்லாத காரணத்தினால் வேலைக்கு செல்லாமல் இருந்துள்ளார்.

இந்நிலையில் நேற்றிரவு கடையில் வேலை பார்க்கும் ஊழியர்களிடம், விரைவாக கடையை மூடிவிட்டு செல்லுமாறு கூறியுள்ளார்.

அதன் பின்னர் தன் மனைவியிடம் கடைக்கு செல்வதாக கூறி விட்டு, தன் மகன் மாதவ் டோலியாவை அழைத்துச் சென்றுள்ளார். ஆனால், இரவு வெகுநேரமாகியும் ஊர்மில் டோலியா வீடு திரும்பவில்லை.

இதனால் பதற்றமடைந்த அவரது மனைவி கலைச்செல்வி, கடை ஊழியர் ஒருவரை தொலைபேசியில் அழைத்து கடைக்கு சென்று பார்க்குமாறு கூறியுள்ளார்.

குறித்த ஊழியர் கடைக்கு சென்று பார்த்தபோது ஊர்மில், மாதவ் இருவரும் ரத்த வெள்ளத்தில் மயங்கிய நிலையில் கிடந்துள்ளனர், அப்போது சிறுவன் மாதவ்வின் கைகள் வெட்டப்பட்டிருந்தன.

இதன் பின்னர், ஆம்புலன்ஸ் வரவழைக்கப்பட்டு இருவரும் மருத்துவமனையில் அனுமதிக்கப்பட்டனர். அங்கு, சிறுவன் இறந்துவிட்டதாக மருத்துவர்கள் தெரிவித்தனர்.

ஊர்மிலுக்கு தீவிர சிகிச்சை அளிக்கப்பட்டு வருகிறது, இதுகுறித்து வழக்குப்பதிவு செய்த வடபழனி பொலிசார், விசாரணை மேற்கொண்டு வருகின்றனர்.

இந்நிலையில், ICU-வில் அனுமதிக்கப்பட்டுள்ள ஊர்மில் டோலியாவிடம் பொலிசார் வாக்குமூலம் பெற்றனர். அதில் ஊர்மில் டோலியா கூறுகையில்,

‘கடன் தொல்லையால் அதிகமாக சிரமப்பட்டு வந்ததால் தற்கொலை செய்துகொள்ள முடிவு செய்தேன். என்னுடைய இரண்டாவது மகன் மாதவ் டோலியாவை விட்டுப் பிரிய மனமில்லை.

இதனால், அவனையும் என்னோடு அழைத்துச் செல்லத்தான் இந்த முடிவை எடுத்தேன்’ என தெரிவித்துள்ளார்.

மேலும், தனது மகனின் நிலை குறித்து ஊர்மில் கேட்டபோது, அவன் நன்றாக இருக்கிறான் என பொலிசார் தெரிவித்துள்ளனர்.

இந்தியாவில் காதல் விவகாரத்தில் இளைஞர் ஒருவர் கொடூரமாக கொலை செய்யப்பட்டுள்ள நிலையில் இருவர் கைது செய்யப்பட்டுள்ளனர்.

ஆந்திர மாநிலத்தின் கடப்பாவை சேர்ந்தவர் யண்ணம் விஜய் குமார் (18). இவர் அதே பகுதியை சேர்ந்த மனிஷா (15) என்ற பெண்ணை காதலித்து வந்துள்ளார்.

இருவரும் அடிக்கடி தனிமையில் சந்தித்து பேசி வந்த நிலையில் இதை மனிஷாவின் மாமா ரெட்டி பார்த்துள்ளார்.

விஜய் வேறு சமூகத்தை சேர்ந்தவர் என்பதால் இந்த காதல் ரெட்டிக்கு ஆத்திரத்தை ஏற்படுத்தியுள்ளது.

இதையடுத்து மனிஷாவை அடித்துள்ள ரெட்டி, விஜய்யையும் அடித்து இனி மனிஷாவை சந்திக்கக்கூடாது என மிரட்டியுள்ளார். ஆனாலும் காதல் ஜோடிகள் தங்கள் சந்திப்பை நிறுத்தவில்லை.

இந்நிலையில் கடந்த 10-ஆம் திகதி அங்குள்ள ரயில்வே தண்டவாளத்தில் விஜய் படுகாயங்களுடன் சடலமாக கிடந்துள்ளார்.

இது குறித்து விஜய்யின் உறவினர் ஜெயசந்திரா கூறுகையில், 10-ஆம் திகதி மனிஷா, விஜய்க்கு போன் செய்து தனது வீட்டுக்கு வர சொல்லியுள்ளார்.

ஆனால் மனிஷாவின் மாமாவும், மாற்றாந் தந்தையும் மனிஷாவை மிரட்டி போன் செய்ய வைத்துள்ளனர்.

பின்னர் அங்கு விஜய்யை கொடூரமாக இருவரும் தாக்கி கொலை செய்துவிட்டு சடலத்தை தண்டவாளத்தி போட்டுள்ளனர் என கூறியுள்ளார்.

இவ்வழக்கை விசாரித்து வரும் அதிகாரி ஸ்ரீனிவாசலு கூறுகையில், இரும்பு கம்பியால் அடித்து விஜய் கொலை செய்யப்பட்டுள்ளார்.

விஜய்யின் தாய் உள்ளிட்ட குடும்பத்தார் கொடுத்த புகாரின் பேரில் மனிஷாவின் மாமா மற்றும் தந்தையை கைது செய்துள்ளோம்.

சாதிப் பிரச்சனையால் இச்சம்பவம் நடந்ததா என விசாரித்து வருகிறோம் என கூறியுள்ளார்.

இந்தியாவில் ஒரே குடும்பத்தைச் சேர்ந்த நான்கு பேர் தற்கொலை செய்துகொண்ட சம்பவம் பெரும் சோகத்தை ஏற்படுத்தியுள்ளது.

தெலங்கானா மாநிலம், செகந்திராபாத்தில் உள்ள ஜெனரல் பஜார் சாலை அருகே வசித்து வந்தவர் ஸ்வரூப் (37). தங்க வேலை செய்து வந்த இவருக்கு தீபா (30) என்ற மனைவியும், இரண்டு குழந்தைகளும் இருந்துள்ளனர். அதில் ஒரு குழந்தை பிறந்து 5 மாதம்தான் ஆகிறது.

இந்நிலையில், அனைவரும் நேற்று குடும்பத்தோடு வீட்டில் தற்கொலை செய்துகொண்டனர். இதனைத் தொடர்ந்து, சம்பவ இடத்திற்கு விரைந்த மகன்காளி பொலிசார் உடலை கைப்பற்றி மருத்துவமனைக்கு அனுப்பி வைத்தனர்.

இவர்கள் வறுமை காரணமாக தற்கொலை செய்துகொண்டதாகக் கூறப்படுகிறது. எனினும், தற்கொலைக்கான காரணம் உறுதியாகத் தெரியவில்லை.

எனவே, தற்கொலைக்கான காரணம் குறித்து இறந்தவர்களின் உறவினர்களிடம், பொலிசார் விசாரித்து வருகின்றனர்.