புத்தல பிரதேசத்தில் சித்திரவதை செய்த கணவனை கடுமையாக தாக்கிய மனைவி கைது செய்யப்பட்டுள்ளார்.

தனது மனைவியின் தாக்குதலுக்குள்ளான கணவர் பொலிஸ் விசாரணையின் போது உண்மை தகவலை மறைத்துள்ளார். சைக்கிளில் இருந்து விழுந்ததாக பொலிஸாரிடம் கூறியுள்ளார். எனினும் இதன் உண்மை தகவலை அறிந்து கொண்ட பொலிஸார் மனைவியை கைது செய்துள்ளனர்.

தாக்குதலுக்குள்ளான நபர் குடிபோதைக்கு அடிமையாகிய ஒருவராகும். குடிபோதையில் வீட்டிற்கு செல்லும் நபர், மனைவியை கொடுமைப்படுத்துவதாக தெரியவந்துள்ளது.

தொடர்ந்து சித்திரவதைகளை அனுபவித்து வந்த மனைவி, பொறுமையை இழந்த நிலையில் கணவனை கடுமையாக தாக்கியுள்ளார்.

வழக்கம் போன்று குடிபோதையில் வந்த குறித்த நபர் மனைவியை சித்திரவதை செய்துள்ளார். இதன் போது ஆத்திரமடைந்த மனைவி கணவனின் பாதங்களுக்கு கடுமைான தாக்குதல்களை மேற்கொண்டுள்ளார். காயமடைந்த கணவர் மொனராகலை வைத்தியசாலையில் அனுமதிக்கப்பட்டு்ளார்.

பொலிஸ் விசாரணையின் போது சைக்கிளில் இருந்து விழுந்து காயமடைந்ததாக அவர் குறிப்பிட்டுள்ளார். எனினும் பொலிஸாருக்கு கிடைத்த தகவலுக்கு அமைய மனைவி கைது செய்யப்பட்டுள்ளார்.

திருகோணமலை – பாலையூற்று பகுதியில் ஒரு பிள்ளையின் தாய் ஒருவர் ரயில் முன் பாய்ந்து உயிரிழந்துள்ளார்.

இவ்வாறு உயிரிழந்தவர் திருகோணமலை பாலையூற்று புகையிரத நிலைய விடுதியில் வசித்து வந்த 22 வயதுடைய பாத்திமா நப்ரா எனவும் தெரியவருகிறது.

குடும்பத் தகராறு காரணமாக இவர் திருகோணமலையில் இருந்து கொழும்பு நோக்கி பயணித்த ரயிலில் பாய்ந்து உள்ளதாகவும் ஆரம்ப கட்ட விசாரணைகளின் மூலம் தெரியவருகிறது.

குறித்த பெண்ணின் சடலம் திருகோணமலை பொது வைத்தியசாலையில் பிரேத அறையில் வைக்கப்பட்டுள்ளது. இந்த சம்பவம் தொடர்பிலான மேலதிக விசாரனைகளை பொலிஸார் முன்னெடுத்து வருகின்றனர்.

உச்சநீதிமன்றத்தின் பிரதான அலுவலக உதவியாளர் பதவிக்கு சுமார் 12 ஆயிரத்துக்கும் மேற்பட்டவர்கள் தங்கள் விண்ணப்பங்களை அனுப்பியுள்ளனர்.

உச்சநீதிமன்றத்தின் பிரதான அலுவலக உதவியாளராக பதவி வகித்தவர் ஓய்வு பெற்றுச் சென்றுள்ளதால் அப்பதவிக்கு அண்மையில் விண்ணப்பம் கோரப்பட்டிருந்தது.

குறித்த பதவிக்கு சுமார் 12 ஆயிரத்துக்கும் மேற்பட்டவர்கள் விண்ணப்பித்துள்ளனர். இவர்களில் 2000 தொடக்கம் 2500 பேர் வரையானோர் நாளாந்தம் நேர்முகத் தேர்வுக்கு அழைக்கப்பட்டுள்ளனர்.

இதன் காரணமாக கடந்த சில நாட்களாக உச்சநீதிமன்ற வாசலில் நீண்ட வரிசையில் இளைஞர்கள் பட்டாளமொன்று நேர்முகத்தேர்வுக்காக காத்திருப்பதை காணக்கூடியதாக உள்ளதாக தெரிவிக்கப்படுகின்றது.

லண்டன் மொடலிங் நிறுவனம் ஒன்று வித்தியாசமான மற்றும் அசிங்கமான தோற்றம் கொண்ட மொடலிங் போட்டி ஒன்றை வருடாந்தம் நடத்தி வருகிறது.

நீண்ட கழுத்து, பெரிய கன்னங்கள், மடிந்த காதுகள், வளைந்த மூக்குகள் கொண்ட அசிங்கமான மொடல்களை லண்டன் மொடலிங் நிறுவனம் ஒன்று வரவேற்கிறது. ஒரு வித்தியாசமான வடிவம் மற்றும் குறைபாடுகளை அந்த நிறுவனம் கொண்டாடுகின்றது.

லண்டனில் பேஷன் வாரம் தற்போது நடைபெற்று வருகிறது. அதில் பல்வேறு அசிங்மாக மொடல்கள் கலந்து கொண்டனர். இந்த போட்டியில் இலங்கையை சேர்ந்த பெண் ஒருவரும் கலந்து கொண்டுள்ளார்.

22 வயதுடைய இலங்கைப் பெண் கலந்து கொண்டுள்ளார். அவர் 1.61 மீற்றர் உயரத்தை மாத்திரமே கொண்டுள்ளார். இலங்கையில் இருந்து சென்ற அவர் தன்னை ஒரு “போர்க்குணம் கொண்ட புலம்பெயர் மொடலாக பிரகடனம் செய்துள்ளார்.

ஒரு அசிங்கமான தொப்பையை கொண்டவர், ஜீன்ஸ் மற்றும் கறுப்பு மேல் ஆடை ஒன்றை அணிந்து அந்த போட்டியில் கலந்து கொண்டிருந்தார். அவரிடம் நேர்மறை அணுகுமுறைகள் நிறைய காணப்பட்டுள்ளன.

“நான் ஒரு பெண்மணியாக இருக்கிறேன், வளர்ச்சியடைந்த, ஊடகத்தில் என்னைப் போல் தோன்றும் மக்களை நான் பார்த்ததில்லை.” என அவர் குறிப்பிட்டுள்ளார்.

தான் என்ன செய்ய வேண்டும் என்பதனை தனது இயலாமை தடுக்கவில்லை என அவர் பெருமையுடன் வெளிப்படுத்தியுள்ளார் என பிரித்தானிய ஊடகம் ஒன்று தகவல் வெளியிட்டுள்ளது.

இன்று அதிகாலை பயணிகள் பஸ்ஸில் ஏற்பட்ட வெடிப்பு சம்பவத்திற்கு காரணம் குண்டொன்று வெடித்ததே என்று இராணுவத் தளபதி தனக்கு அறிவித்ததாக பிரதமர் ரணில் விக்ரமசிங்க பாராளுமன்றத்தில் கூறியுள்ளார்.

கஹகொல்ல பிரதேசத்தில் தனியார் பஸ் ஒன்றில் இன்று அதிகாலை 5.30 மணியளவில் ஏற்பட்ட இந்த வெடிப்பு சம்பவத்தில் பெண்கள் உட்பட 19 பேர் காயமடைந்துள்ளனர்.

காயமடைந்தவர்களில் 07 இராணுவ வீரர்கள், 05 விமானப்படை வீரர்கள் மற்றும் 07 பொது மக்களும் அடங்குவதாக இராணுவ ஊடகப் பேச்சாளர் கூறியுள்ளார்.

காயமடைந்தவர்களில் இருவருடைய நிலமை கவலைக்கிடமாக இருப்பதாக வைத்தியசாலைத் தகவல்கள் தெரிவிக்கின்றன.

இந்த வெடிப்பு சம்பவம் காரணமாக பஸ் முழுமையாக தீப்பற்றி எரிந்துள்ளது.

எவ்வாறாயினும் இந்த வெடிப்பு சம்பவம் பயங்கரவாதத் தாக்குதல் அல்ல என்று இராணுவத் தளபதி மகேஷ் சேனாநாயக்க கூறியுள்ளார்.

யாழ்ப்பாணத்தில் இருந்து தியத்தலாவ நோக்கிச் சென்ற பஸ் நேற்று இரவு பண்டாரவளை வரையில் வந்து, பின்னர் அதில் இருந்த பயணிகள் மற்றொரு பஸ்ஸிற்கு மாற்றப்பட்டுள்ளனர்.

இவ்வாறு பயணிகள் மாற்றப்பட்ட பின்னர் பஸ் கஹகொல்ல நோக்கி புறப்படும் போது இன்று அதிகாலை 5.30 மணியளவில் இந்த வெடிப்பு சம்பவம் இடம்பெற்றுள்ளது.

சம்பவம் தொடர்பான மேலதிக விசாரணைகளை பொலிஸார் ஆரம்பித்துள்ளனர்.

-அத தெரண-

இன்று சர்வதேச தாய்மொழி தினம் கொண்டாடப்படுகிறது. மொழியியல் பல்வகைமையும் நிலைபேறுடைய வளர்ச்சிக்கான பன்மொழிச் சூழலும் என்பதே இவ்வாண்டிற்கான தொனிப்பொருளாக அமைந்துள்ளது.

பின்னணி

வங்கதேச தலைநகர் டாக்காவில் 1952 ஆம் ஆண்டு மொழிக்காக நடந்த போராட்டத்தில் கொல்லப்பட்டவர்களின் நினைவாக ஆண்டுதோறும் பெப்ரவரி 21 ஆம் திகதியை உலக தாய்மொழிகள் தினமாகக் கடைப்பிடிக்க வேண்டும் என்ற கோரிக்கையை ரஃபீக்குல் இஸ்லாம் எனும் வங்கதேச அறிஞர் ஜனவரி 1998 இல் முன்மொழிந்தார்.

அவரது கோரிக்கையை பரிசீலித்த UNESCO அமைப்பு 1999 ஆம் ஆண்டு நவம்பரில் இந்த தீர்மானத்தை அங்கீகரித்தது. இதையடுத்து, 2000 ஆம் ஆண்டிலிருந்து இத்தினம் கடைப்பிடிக்கப்பட்டு வருகிறது.

மொழியெனும் அடையாளம்

சிந்தனை எனும் சிற்பத்தைச் செதுக்க தாய்மொழி எனும் உளியால் மட்டுமே முடியும். மொழியின்றி சிந்தனை கிடையாது. சிந்தனையற்ற மனித குலம் நாகரிகம் கண்டிருக்காது.

ஒருவர் மற்றவருடனான தொடர்பை ஏற்படுத்தவென உருவான மொழிகள் பின்னாளில் இனத்தின் அடையாளமாகின.
உலகில் 6500 மொழிகள் இருப்பதாகப் பலர் நம்பினாலும், உண்மையில் 7106 மொழிகள் புழக்கத்தில் இருப்பதாக தரவுகள் கூறுகின்றன.

எவ்வாறாயினும், மொழிகளின் எண்ணிக்கையைத் திட்டவட்டமாகக் கூறுவது அரிது. ஒரிரு தலைமுறைகளில் அழிவைச் சந்திக்கவுள்ள மொழிகளும் உள்ளன. ஏற்கனவே வழக்கொழிந்த மொழிகளும் உள்ளன. பேச்சு வழக்கில் மாத்திரமுள்ள மொழிகளும் உள்ளன.

தலைமுறை தாண்டி வாழும் மொழிகள்

மக்களின் வாழ்வியலோடு கலந்து, அனுபவங்களினூடே வார்தைகளை உருவாக்கி, இலக்கணங்களால் நேர்த்தி கண்டு, இலக்கியங்களால் செழுமையுற்ற மொழிகள் தலைமுறைகளால் கடத்தப்பட்டு, காலத்தால் நிலைத்து நிற்கின்றன.

இங்கே தாய்மொழியைப் போற்றி வீழ்ந்த நாடுகளும் இல்லை, புறக்கணித்து வளர்ந்த நாடுகளும் இல்லை.
கண்டுபிடிப்பாளர்கள் பலரும் தமது தாய்மொழியில் கற்றவர்கள் தான். சிந்தனையோட்டம் செழுமையுற தாய்மொழிக் கல்வியே சிறந்ததென ஆய்வுகள் பலவும் எடுத்தியம்புகின்றன.

காலத்தால் மாற்றங்களுக்குள்ளாகி, புதியனவற்றோடு தன்னைப் புதுப்பித்துக்கொள்ளும் மொழியே யுகங்கள் கடந்தும் வாழும்.

தமிழெனும் வளர்மொழி

தாய் மொழி வெறும் தாய் சொல்லித்தந்த மொழி மட்டுமில்லை; தாய்மை உணர்வோடு பயன்படுத்தப்பட வேண்டிய மொழியென்றான் எம் முப்பாட்டன் பாரதி.
நண்பர்களுக்காவும் புரிதலுக்காகவும் வணிகத்திற்காகவும் நாம் எத்தனை மொழிகளைக் கற்றாலும், நமது அடையாளத்தையும் பாரம்பரியத்தையும் தொலைக்காமல் இருக்க, தமிழில் கற்று, அடுத்த சந்ததிக்கு கடத்தி, அதனைக் காலத்தால் அழியாமல் காப்பது எம் தலையாய கடமையாகும்.

செறிவான கலாசாரக் கூறுகளைக் கொண்ட உலகின் ஆறு மொழிகளில் எம் தாய்மொழி தமிழுக்கும் இடமுண்டு. கல்தோன்றி மண்தோன்றாக் காலத்தே முன்தோன்றிய மூத்த மொழி, இன்று காலத்திற்கேற்ப தன்னை தகவமைத்துக்கொண்டு இளமையுடன் திகழ்கிறது.

தமிழ் வாழப் பணியாற்று; தமிழல்லவா உனை இயக்கும் உயிர்க்காற்று!